Ka Nupepa Kuokoa, Volume XXXII, Number 32, 12 August 1893 — UA HALA O J. KAUAI. [ARTICLE]

UA HALA O J. KAUAI.

Ma ka po Poalua, Augate. 1, ua kipa ae ka anela o ka mako ma ka pa ma'i o Kalihi a kaili ia aku la ka hanu ola o J. Kauai. Ua hanau ia oia ma Niumalu, Hana, Maui Hikina. Ua komo mai i ke kula nui 0 Lahaiualuna a puka pono. noho kumu kula ma Kawaia hao a haalele. holo aku i Kaleponi oia na makahiki eli gula oia aina 7 a hoi mai noho ne kumu kula no Manoa, a o IJ. Paniani kekahi o kana mau Ihaumaua. Ua mare wahine me Mi*s. Kaenaku, a mahope iho ua hoi akn no Waimea, Kauai. he nui na oihana ana i lawelawe ai, he luna kanawai luna helu. a ohi auhau, a lie mau makahiki lelmlehu i hele ai i ka ahaoleio kau kanawai o ke aupuni. Oia ka pouhana o ka pono iloko o ka ekalesia o Waimea, 1 ka wa i ulu ai ka haunaele kuloko me Rowela a lanakila oJ. Kauai ma. He mau makahiki kona ioaa ana i ka ma % i lepera, ua hoi aku oia i Kalalau e uoho ai, a i keia lawe ia ana mai nei o na ma'i lepera mai Kalalau mai o J. Kauai kekahi t a malaila oia a hala wale aku la. i Me ka wahine a me na keiki ko makou aloha nui, ana ke Akua e hoomama mai i na luuiuu, aloka wale ia keiki hanau o ke one oiwi.