Ka Nupepa Kuokoa, Volume XXXII, Number 33, 19 August 1893 — Moreno ke Kaula o ka Poe Anee Alii. [ARTICLE]

Moreno ke Kaula o ka Poe Anee Alii.

I ua malama i hala, ua maopopo aia ma Wasinetona kekahi mea nana i hoolana mau mai i ka nmnao o ka poe lopa anee alii. e hoihoi aua o Kalivalana i ka Moiwahine. Ua hoole mau mai ka poe naauao, he mea hiki ole loa kela i kekahi Peresidena o Amenka e hana ai, ka hoihoi aku ikekahi alii i kapae ia no kona hana hewa ana. He hana kue loa kela i na manao a pau o na kanaka Amenka, he lahui kipaku moi kela, aole he lahui kokua alii. Ua mau mai 110 nae ka paakiki o ka poe anee alii i ka olelo e hoihoi ae ana o Kalivalana,

I ka huli ana a me ka nieniele ana, owai la ko lakou mea ma Wasinetona nana e hoolana mau mai nei i ko lakou manao, ua loaa aku. eia ka o ua alapahi lapauwale la o C. C. iMoieno. ka mea a lakou e hilinai nei! Nana noe palapala mau mai nei īa lakou mai pauaho e lioolana i ka manao, aohe e liuliu a e ko ana ka makemake.

He mea akaaka keia o ua Moreno la. he Italia i hoowahawaha ia e na kanaka naauao a pau, aohe mea hookahi i hilinai aku iaia no na makahiki he umi i hala ae nei. Ua puka kona kololie a me kona wahahee ma ke akea, oNoadofa kekahi i kapae ia Moreno a kipaku aku iaia mai kona keena hana aku ma Wasinetona, aohe e loaa ana ia Moreuo kekahi kanaka hanohano hookahi ma Amerika nana e mahalo mai iaia.

0 ua Moreno nei nae ke kaula wahahee e wanana nei a ke manaoio nei na lopa anee alii i kana olelo.