Ka Nupepa Kuokoa, Volume XXXII, Number 34, 26 August 1893 — No ke Kumuhana o Hawaii ma Wasinetona. [ARTICLE]

No ke Kumuhana o Hawaii ma Wasinetona.

Ma na mea hou o ka Poakahi nei, ke waiho la na mea pili ia Hawaii me ka maopopo ole. Ua kokoke nae ka manawa e hoomaka ai kakou ika lohe aku i na manao o Kalivalana ma e hoopukaia ana, no ka mea, ua hiki aku na palapala hoike a pau a Blount, a ua launa kino aku la no hoi o Blount me Kalivalana ma, a e hoolala manao aua lakou ne ke kuikahi e pono ai. Nolaila, aole no paha e liuliu ana a lohe kakou i kekahi mau ano o ko lakou manao.

Eia nae, e paa loa aua lakou a pau i ka paio ikaika ana o ka Ahaolelo ma na kumuhana kuloko, oia no keia mau kumu hana elua, no ka hoopau ana i na dute hoomalu, a me ka hoo loli ana i ke kanawai no ka hana Dala Keokeo. Ua nui ka paio mau ana; a hui ka Ahaolelo, e hele aua ua mau paio la a enaena loa. Nolaila. e hakalia paha auanei ka liapai ana i ke kumuhana no Hawaii a mahope aku. Ika Poaha la 24, e loaa ana ia kakou na haua o ka hebedoma mua o ka Ahaolelo.