Ka Nupepa Kuokoa, Volume XXXII, Number 37, 16 September 1893 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

@@ @@HAO ME AINA O OAHU

MANAWA HOLO.

@@ @ Mahope aku o Iune, 1, 1893.

NA KAA AHI

NO HONOULIULI

                                                B         B         A         D

                                                A.M.    P.M.    P.M.    P.M.

@@@@@@ HONOLULU…8:45   1:45     4:35     5:1@

@@@@@@ MANAKA…..            9:30    2:30     5:10     5:5@

@@@ HONOULIULI……..            9:57     2:57     5:35     6:22

 

NO HONOLULU

                                                C         B         B         A

                                                A.M.    A.M.    P.M.    P.M.

@@@@@ HONOULIULI  6:21     10:43   8:42     5:4@

@@@@@ MANANA…      6:55     11:15   4:15     6:@@

@@@@@ HONOLULU….            7:30     11:55   4:55     6:4@

            @@@@ Poaono wale no.

            @@@@ ame keia la.

            @@@@ Sabati.

            @@@@ Poaono.

 

NU HOU HAWAII.

            Ma keia Poakahi iho, e kaha mai @@ ka lala ka mokuahi "China" a @@@@@ i Honolulu nei mai Kapala@@@@@ mai.

            E@@ehu ka loio hou o ka Ualani. @@@@@ M. H. Reuter, o ke Aupuni K@kawa. Na ua loio hou wale la e lawelaweia na hihia a ke aupuni mua o ka Aha.

            Ke lohe ia la ma Kohala Akau, e kukulu ia aku ana mawaena o ia apana he hale okioki a humuhumu @@, i ʻ mea e hoolawa ai ia hune o ua @@@ haaheo la.

            I ke ahiahi Poalua nei ua hoohikihiki aku ka mokuahi Hawaii i na ma ʻ i lepera he 25 ka nui mai ka pa ma ʻ i aku o Kalihi, no ke panalaau o Kalaupapa.

            Ua lohe ia mai i ka Poakolu o ka pule i hala, ua pepehi iho kekahi Iapana o Kapaa Kauai i kana wahine iho a make loa, alaila, oki iho @ @ @ kane la i kona puana i a make.

            He hakaka kuikui puupuu lima maloko o ka hale auau ma Kakaako @e nei i ka po Poaono, mawaena o Cunningham a me Marks no ka makana he $75, a na ka haole mua ka lanakila.

            E halawai ana ka Ahahui Ekalesia o ka Mokupuni o Kauai ma ka luakini o Koloa, ke hiki aku i ka Poakolu elua o Oct. 11, 1893. E makaala ae na Kahu a me na Elele.

                        G. L. KOPA, Kakauolelo.

            Ua hoi mai o Mr. W. A. Kinney mai Kauai mai ma ka Iwalani o ka la Sabati nei, a ua kuikuiee pu mai oia i kona kokoolua o ka awaiulu ia ana mai nei me ko Wahiawa kaikamahiue papa.

            Ma ka hookuku kinipopo ma ke kahua o Makiki ma ka auina la Poaono i hala, mawaena o Healani a me Matala, ua kaa ka lanakila i ka inoa mua, oia hoi he 11 puni a Healani a he 7 a Matala.

            Ua huli hoi aku nei ka haumana Kula Hawaii S. E. Damon ma ka Australia o ke awakea Poakolu, e hoomau aku i kona huli naauao ana ma ke Kulanui o Iale, ke kula ana i komo mua ai a hoi mai ianei i ka wa hooanaina o ke kula e hoohala ai i kona wa kula ole.

            E halawai ana ka Ahahui Imi Pono Karistiano o ka Mokupuni o Kauai ma ka Luakini o Koloa ma @ la 12 o Oct., 1893. E hoouna ai na Ahahui i ko lakou mau Lu@ Nui a me na Elele, a mai hoopa@leha i keia hana maikai.

                        G. L. KOPA, Peresidena.

            O ka nui o na kopaa i loaa i ko ka ipana o Hilo mau mahiko, i ka wa i hooki ia ai ka wili ana o keia makahiki, he 81,500 mau tona, oia no na mahiko mai Waiakea a hiki i ookala, a ke upu hou aku la na poo o na poe mahiko la, e oi aku ana ka nui o na tona loaa i keia wili ana ʻ ku.

            Ua pau na hihia hewa o ka aoao o ke Aupuni o ke kau kiure kaapuni o Kauai, a ua hoi mai ka Hope Lolo Kuhina G. K. Wilder ma ka Iwalani o ka la Sabati nei. Ua pau mai a ka hoi na lolo N@umann, Ahsford, Magoon a me Kaulukou. Oiai aohe i pau na hihia o ke kau, nolaila ua hookaulua aku no ka Lunakanawai Whiting a pau na hihia hoi mai.

            Ke kauoha ia aku nei na Elele Ekalesia mai na kihapai mai o ka mokupuni o Oahu e lawe mai imua o ka Ahahui Euanelio o ka mokupuni o Oahu, e noho ana ma Waianae. i ka lakou mau hoike kihapai ma kahi o na hoike o na Kahu Ekalesia, elike ma ka hooholoia ana e ka Ahahui Euanelio o ka malama o Aperila.                                    J. M. EZERA.

            He hookelakela kipu pololei ke malama ia ana ma ke kahua kikipu o Kalia i kela Poaono. no elua haneri kapuai ka mamao o kahi e kiai, mawaena o elima mau kipu pololei pakahi o na puali A a me E, ma ka umi ki ana o ka mea hookahi. O ka aoao e haule ana, alaila na lakou e uku na lilo o ka paina ahiahi o ka poe ua lakou ka eo.

            He palapala kai loaa mai ia mak@a ma ka la Sabati aku nei, mai a J.W. Kawaiaea mai e hoike ana penei: "Ma ka la 6 o Augate, ua haule aku la kekahi keiki Pukiki nona na makahiki he 16 a oi aku i kekahi pali kiekie nona na kapuai he @@ a oi." [Eia ka mea kupanaha, aole i hoike ia mai ka aina kahi i haule ai a make keia kela Pukiki, aole hoi aina kahi o ka mea nana i haii mai i kela mea hou. L. H.

            Ua hoihoi ia ae nei ka mahiko o Waimanalo malalo o ka noho agena ana o W.G. Irwin & Co.

            Ua hoouna aku ka Oihana Leta i ko na aina e ma ka mokuahi o ka Poakolu nei, ia 6,457 mau leta a me 2,939 mau nupepa.

            A ka hora 12 awakea o keia la e huli hoi aku ai ka Australia no kona iwa kamaaina, ma kela kapa o ka moana akea, oia o Kapalakiko.

            Ua loaa aku kekahi Iapana ma ke kahawai o Ookala, Hilo, i ka Poalua o ka hebedoma i hala, na make. Aohe i nana ia e kekahi kauka ke kino make, aka ua hooholo iho la paha ke koronelo he make uiia.

            Mahope iho o ka hora 12 awakea Poakolu nei, ua niau aku ka moku@hi "Australia" no Kapalakiko, @ne ka halihali pu aku ia 49 mau ohua o na ano a pau a me na waiwai Hawaii i koho ia ko lakou kumukuai ma ke $47,904.35.

            Ua hoopau aku o Mr. H. P. Baldwin i kona noho luna nui ana no ka manawa no ka mahiko holomua o Makaweli, mamuli o ka huli hoi ana mai nei o ka luna nui Mr. Morrison. Nolaila ma ka la Sabati aku nei i hoi loa mai ai o Mr. Baldwin me ka ohana mai Kauai mai, a ma ka Poalua nei i kikihi loa aku ai lakou no ka home ma Haiku, Maui.

            Ua lohe wale ia ae, ua hoouna ia aku nei na kauoha e na lala o ka poe kiai i ka Moiwahine i pau, ma o kekahi hale kalepa la o keia kulanakauhale, i mau aahu makalike. Ua lono pu ia mai, i lawelaweia keia keehina ma o na lohe la i loaa hope mai nei mai Amerika Huipuia mai, e namu ana no ka hoihoi hou ia ae o ka Moiwahine i pau. He oiaio anei keia?

            Eia ke hoomaamaa mau nei na keiki hoe waapa o na hui waapa Matala a me Healani maloko o ke awa o Honolulu nei i na ahiahi a me na kakahiaka o kela a me keia la, no ka hoouahoa ana o lakou ma ka heihei nui e malama ia aku ana e lakou ma ka la 10 o Okatoba aenei, ma ke awa o Puuloa, no ke alualu ana i ka puu dala makana a me ka inoa hooloi he "moho mokomoko no na hui heihei waapa o ko Hawaii Pae Aina.

            Ke makemake hou mai nei na keiki puhi ohe o ke Panalaau ma ʻ i lepera, e kokua hou aku ka lehulehu ia lakou ma ka hoolako ana e loaa ona mau papale kapu makalike no lakou he umikumamalima ka nui, a no ka lilo a pau he $25. No keia noi i hele aenei ma o ka nupepa mana la ka "P.C. Advertiser," ua eleu ae ia poe, a ua wehe i ke kakahiaka Poakolu i papa lulu dala e kakau ia ai na inoa o ka poe manawalea i keia noi aloha, mai Kalaupapa mai.

            I ke kakahiaka Poalima o ka hebedoma i hala, ua loaa ia Mr. W. Hosler, haole hookele kaa halihali hau o ka Hui Hana Hau o keia kulanakauhale, kekahi ulia mau wale  mamuli o ka hookui ia ana me kekahi mea paahana o kana hana e lawelawe ana a me kekahi mea e ae. Ua hoihoi koke ia oia i ka halemai Moiwahine e lapaau ia ai, aka, ma ka hora 9 a m@hope iho o ka po Poalua nei, ua kaili ia aku kona hanu mahope o na hooikaika ia ana e hoopalekana mai iaia.

            Ua ku mai ma ke awa o Honolulu i ka hora 5 ahiahi o ka la 13 Sepatemaba nei, ka mokukaua hao kila Amerika, "Piladelapia," he 18 na la holo mai K@lio, Peru mai, nona ka mamao he 5,200 mau mile o ka holo ana mai. O ka nui o na tona o keia mokukaua, he 5,200; a o kona lilo no ke kapili wale ana no a paa, he $1,350,000, aole i hui pu ia mai ko ka hoolako ana a me na mea kaua. O ka nui o na aliimoku a me na luina, he 380 pau loa. O ka hohonu o kona iwikaele iloko o ke kai i ka wa i hookomo mai ai ma ka nuku o ke awa, he 19@ mau kapuai. Ua nui ae oia mamua o ka Bosetona, a e lilo aku ana i moku adimarala no ka Pakipika.

            Ma ka eke leta o ka Poakolu aku nei a ka mokuahi Australia i hale hali aku ai no Kapalakiko a me na aina mamao e ae, i hoouna pu ia aku ai he kono ia Prof. Albert Koebele o Alameda, Kaleponi, kela kauka lapaau kaulana o na eleao, kakani ai me ponalo o na laau ulu, e ke Komisina Jos. Marsden o ka Oihaka Mahiai a me Ululaau o Hawaii nei, e hoolimalima ana no ke Aupuni Kukawa no kona lapaau ana i na mai o na ululaau a me na mea ulu, a e haawi aku ana iaia i $5,000 o ka makahiki ka loihi, o ka hapalua nae o keia uku na ke aupuni e hookaa, a o kekahi hapa na ka Hui Mahiko a me Hoolako Paahana o Hawaii nei, a e hoomaka ka ohi i ka uku mai Okatoba 1 aku.

            Ke kalahea mau mai nei na leo o na lopa anee alii o Honolulu nei a lewalewa na alelo iwaho puu na maka a hanapilo maoli e hookanaahao aku ai i ke aluka o na poe puni wale, e hoihoi hou ia mai ana ka Moiwahine i hookuke ia, a ua make loa ka hoohuiaina. O ka oukou wale no ia e kole ai na waha, aka eia no nae na papu i ke Aupuni Kuikawa e pua nei awalu malama ka loihi. Nui ka lili o na lopa anee alii e hookokoe ai na maka a oioi o lalo. Ua hoka loa na anee alii i ka haule ana o ko lakou manaolana a me ka hoopunipuni mau ana i ka lehulehu e hoihoi ia ana ka Moiwahine ma kona wahi i kipaku ia aku ae e ka mana o ke Aupuni Kuikawa; aloha oukou e ka lehulehu i ka puni wale i na manao huhewa i ka puni wale i na manao huhewa a na nupepa anee alii. Mai hoolohe oukou e na makamaka.

            Ua kipa ae o Kapena A.S. B@rker. o ka mokuka@a @ao kila Amerika "Piladelapia," i ukaliia e Kanikela Amerika H.W. Severance, e ike i na luna aupuni poo o ke Aupuni Kuikawa maloko o ka Hale Mana Hooko, a ua hoihoi aku na luna aupuni poo ia ike ia ana mai e ka malihini, ma o ko lakou holo kino ana aku e ike ia aliimoku i ke awakea Poalima aku nei maluna o ka moku.

            I ke awakea Poakolu aku nei i hala o keia pule i hoolewa ia mai ai na wahi opeope o ka Holoua a mua iho o Kuapapanui i kanu ia ai, a ua olapa ae ka hamare a ka luna kudala Mogana i na wahi paipu a me na wahi hulilua i hele a kuakea i ka la, na koko popopo a me na wahi opeope welu o ka halepa ʻ u i make kanu o ka Holomua, no lakou na wahi poe lawe kakaikahi e olo mai nei ka pihe i ke poho, mamuli o ka hooko hoomalu waiwai i haewi ia ka pono e ka aha apana no kekahi hoonohohua kep@u i uku pakeekee ia, i houluulu i kona luhi a piha ke $58.50. a hoihoi ia na ka Ilamaku e kuai kudala aku i ka mea e koho mai ana. Eia nae, ua lilo aku no ka $128 ia Hoke. Ia manawa i lohe ia ai ka huina dala, ua waiho koke ae kekahi mau keiki hoonohohua e ae i ka laua hoopili koi aie i ka aha, na laua na huina aie he $51.40 a me $48.50. Eia ke aumeume ia nei na wahi hunahuna liilii helelei iho, a heaha aku ana la ka hopena.

            Ke makemake nei o Mr. Albert Favorite o Arkansas City, Kan, e haawi aku i ka pomaikai i ko makou poe makamaka heluhelu i kona ike i na mea e pili ana i na ma ʻ i anu, Penei kana olelo: "Ma ke kau kupulau i hala iho nei, ua loaa iho la au i ka ma ʻ i ma kuu ake mama; a aohe hoi i ano ola pono ae, ua loaa hou iho la au ia ano ma ʻ i hookahi me ka hoonawaliwali ana ia ʻ u a hala wale ke kau makalii, a i ka haalele ana mai o ke anu, he kunu paakiki ka mea nana e hoomailo ana ia ʻ u a ʻ u hoi i manao iho ai aole loa la au e ola iki ana. He umikumamaha makahiki i hala ae nei, ua hoao no au i ka laau kunu a Chamberlain me ka holopono, nolaila, ua manao iho la au e hoao hou. Aole i pau he hookahi omole, ua haalele koke mai la ke kunu ia ʻ u, a aole loa hoi au i hoopilikia hou ia mai e ke kunu me ke anu. Ua hooia aku au i kahi poe, a ke mahalo nui nei lakou." He 50 keneta o ka omole e kuai ia ma kahi a BENSON SMITH &CO,. Agena ma @o Pae Aina Hawaii.        2435-4t.

 

Kipu hou ma Ewa a Make Loa

            I ka hora 5 o ke kakahiaka nui onehinei, Sepatemaba 15, ma Waiawa, Ewa, ua kipu iho la o Kaikulani ma ʻ i lepera i kana wahine a make loa me ka manaonao. Ua olelo ia, no ka lili mai ke kumu o keia kipu ana o kela kane ma ʻ i lepera i kana wahine. O keia ma ʻ i lepera, oia no ka ma ʻ i nana i kipu i ka haole agena o ka Papa Ola mamua ia Mr. Kingsley a ku lihilihi ai ma ka wawae, aka pakele no nae ke ola. ua mahuka a pee keia ma ʻ i lepera mai na lima aku o ke kanawai me ka loaa ole a hiki loa mai i keia wa. A o ka hopena o keia hunakele ana o ka ohana me ke kokua ole i ke aupuni i ka hopu ana i keia ma ʻ i lepera, oia no ke kipi ana iho i kana wahine ponoi a lawe aku la i kona ola makamae.

 

Ua Hoole ka Bana Aole e Holo i Kikako.

            I ke ahiahi Sabati nei. ua halawai pu na lala o ka Bana Lahui Hawaii me Mr. George C. Beckley, ma ka hale o Mr. R.W. Aylett ma Koleaka. ma ia kuka ana, ua hooholo lakou e hoole i ka poloai ana mai a ka Hui Cyclorama ia lakou e hele e puhi ohe ma Kikako.

            Ua mahalo makou i kela poe puhi ohe i ko lakou hoole ana, aohe o makou hoapono i na kumu apau i hoopuka ia no ka hoole ana; aka, ma ko makou kaupaona ana, e aho no lakou e noho malie ma Hawaii nei me na wahine a me na keiki. He mamao loa kela wahi e hele malihini aku ai, he poe ilihune lakou, aole hoi i maopopo lea ka loaa ana o na dala e hoolako pono ia ai me da kapa mehana a me na mea kupono e ae no na la anu loa e kokoke nei malaila. I ko lakou hoi hou ana mai ma ke alahao ma Mauna Pohaku, e paa paha auanei i ka hau me ka pilikia loa i ke anu. Aole pono i kekahi mea e hele ma ka huakai kaahele ma na aina anu i ke kau hooilo, ke ole e hoolako ia me na mea apau e pono ai.

            He maikai no ka manao o Kakina ma i ke kono ana mai ka poe puhi ohe e hele ma Kikako e ike i na mea nani loa o kela wahi. He lehulehu kakou ka poe i ake nui e hele ilaila e ike, aole nae e hiki ke haalele i na ohana me ko lakou nele. Aole hoi i maopopo ko lakou lako no kela noho malihini ana. E noho pu kakou ma Hawaii nei ma kahi pumehana, a na ka poe puhi ohe e hoolioli mai me ka lakou mau leo ohe hoonanea maanei.-Kuokoa Puka La.

 

NA LETA

            Aole o makou makemake e lawe i ke k@@k@@ a na @aia no na manao i hoopuka ia malalo o keia poo e ko makou poe mea kakau!

 

Haalele Koa Waa i Koa Kanaka

            Ke ike mai ia no oukou e na anee alii ua haalele o Ailuene ia oukou, ke hoolaha mai nei, aia o Blount ke kali la i na Komisina Hawaii no ke kuka ana i na mea pili ia Hawaii. Ha! ha! ha! oili mai hoi ke alelo ma ka likini o ke kia mua o ka mokuahi, i hoi mai ai, ua make loa ke kuikahi hoohui aina, a ke pelu hou mai nei ua alelo hookahi nei, aia no ka hoi ke ola ala ua kuikahi nei ke kamau ala no ke aho ia Kakina, oia ko Blount hoa kukaku. ka no ua kumuhana hanohano nei a makou e lia nei.

            Oia ka hoohuli ia Hawaii me Amerika hanohano, o ka hui ana o Blount me Kakina, hui ka naauao me ka naauao, ke olu nei makou he wai ko lalo, no ka mea, o ka laua olelo hooholo hookahi ua hui o Hawaii me Amerika. Aole no makou e kala i ike ai mamua iho o ko Blount kau ana i ka moku, ua moe mua ke kauoha i ka Adimarala, kona pani oia keia. O ka hae Amerika kai kuu ia i lalo, o ke kuahaua hoomalu a Kivini ke Kuhina o Amerika no Hawaii nei aole ia i pau, eia no ia mana o Amerika iluna o ke Aupuni o Hawaii i ole e komo mai na Aupuni e ae e hokai, pela hoi na haunaele kuloko o ka aina, e hoomalu oe i ke ole a me ka waiwai o na kupa Amerika, a me na kamaaina o keia hoolaha ana mai nei a Ailuene, aia o Blount ke kali ala ia Kakina ma.

            Ke ike like mai la no kakou he puupuu ikaika launa ole keia a Ailuene i kui ae nei no i ka ihu ona a paki liilii ke koko, ua maopopo loa ia kakou ma keia hui ana o Blount me Kakina, aohe hana i koe ina he oiaio ka Ailuene e hoolaha mai nei ma Ka Leo, alaila ua holo laelae ke kuikahi hoohuiaina, he wahi paha e hookuihe mai ai i ka noonoo, ina me nei ka olelo hoolaha a Ailuene, ke kali la o Blount ia Ailuene a me kakina na Komisina o na aoao alua hoohuiaina, aloha aina no ke kuka ana i na mea e pili ia Hawaii nei, aole nae pela o keia hoolaha a Ailuene, na hoohanohano loa ia aku nei na komisina hoohuiaina e Ailuene a noho haku iho maluna o Ailuene a he kanaka hana o Ailuene na Kakina, ma ko lakou kenakena mai e hoolaha aku oe oia ka kakou e ike mai la, ua kuapuu ke kua o Ailuene i ka hali makehewa i ko ka enemi hanohano, ma ka manao paha ma keia hoolaha ana one e lilo ana iaia ka hanohano, eia ka o oe ka pipi kuapuu hali ukana he hanohano o na komisina hoohuiaina.

            Aloha wale, he lohe wale ko kakou i ka moolelo o na aina e, o satana hoowalewale oia i na kanaka o ke ao nei a kaumaha i na hewa kii mai no nae ka mea nana i hana ke kanaka kala ia mau hewa a pau, hoouka ke Akua i ua mau hewa nei a iluna no o ke kua o satana, kena aku iaia e eia ko hewa halihali oe i kau ukana ino, o kekahi mea kupanaha loa ma keia hoolaha a kakou e ike nei, o Kakina ua like me he wahi keiki kao la i ka waha o ka ilio hae, a ma keia hoolaha ua hooko ia ka wanana oia keia, e hiki mai ana ka manawa e moe pu ai ke keiki hipa me ka ilio hae, a ua noho alii o Kakina maluna o na ilio hae, ua lewalewa ke alelo o ua poe anee alii nei.

                                                            MAKAI KIU.

Ko Lahaina Malu i ka Ulu mau Anoi.

MR. LUNAHOOPONOPONO:

                                                Aloha oe;

            He mau hunahuna liilii ka ʻ u e hoouna aku nei no ka Nupepa KUOKOA a me KO HAWAII PAE AINA i HUI ia.

            Ua hoopau ia aku mai ka oihana makai ae o John Saffrey o Olowalu, o Hoopili o Lahaina a me Mr. Poepoe wiliki o ka halepaahao, no na kumu i maopopo i ko lakou haku.

            No na inoa hope elua, o ka ohana he aloha aina, o laua hoi he hoohui aina, o ka inoa mua, no ka ike mau ia i ka pulu i ka ua Paupili o Lele, a me kona hoike oiaio he aloha aina no oia, ua paa na wahi i hoohaka haka ia i ka poe hou.

            Poaono, Sept. 2-Ahaaina luau nui a na wahine o ka Hui Aloha Aina o ka Malu ulu o Lele, maloko o ka Hale halawai  o Halealoha, no ka hoomanao pu ana i ka la hanau o Liluokalani ke Alii Aimoku wahine o Hawaii i opa pu ia i ka paia.

            Ma ka hora 2 P.M. oi iki, kono ia mai la ka lehulehu e na makuahine, Mrs. K Makalua, Mrs Tabita, mr. A. White, oiai ka leo o ka pahu a me na ohe a na keiki puhi ohe o ua lai Ulu la, e nukupeu ana i ke aheahe makani Maaa, a i ke kuu ana iho, ua piha aku la na papa aina, elua i ke komo ekahi ana. Ua haawi ia ae na kahoahoa ana i ka makua lani e ke kahu o Olowalu, i ka pau ana o kana, ua hoonohonoho iho la o Waineki i na ono hoolako ia.

            Na poi ulu e memele ana na poi kalo e aleale mai ana, na poi palau, u wala paa, na io puaa e nakanaka ana, na moa, na hinu o kela a me kela, na opihi moe ala o na pali o Honokohau, me na oopu moe wai o na kahawai, na mea ono pu no hoi, eha komo ana a ka lehulehu i kono ia aole i laua aku na mea ai i hoomakaukau ia e ka Hui Aloha Aina o na wahine.

            He maluhia ka ike ana a kou kiu mea hou i ke anaina, a he maikai hoi na mea a pau i hoolako ia, aohe mea hoohalahala, ua nani a ua maikai, haalele aku no kou kiu e paapaahana ana no na waha o ka poe hiki hope loa mai.

            Sabati, Set.3.-I waiho aku ai ke kahu Ekalesia o Olowalu i kana hana no ia kihapai, iloko o na luna Ekalesia, a huli hoi ae oia no kona mau kihapai hou elua, o Kalawao a me Kalaupapa i ka moku o Hina i ka aina hoi o ka ehaeha i keia malama.

            A ua lawe ia ae kekahi mau kaumaha ona i ehaeha ai kona naau @ Mrs. Kelupaina kaikuahine hoi o Rev. O Nawahine, ua lawe aku oia a me kana alii kane i na keiki a pau iloko o ko laua poli aloha, mai na keiki nunui a i ka mea omo waiu hou, a no laua hoi kana e ai@ nui ana i na wa a pau, no keia puuwai aloha.

                                    NAHONOAPIILANI.

Lahaiana, Sepatemaba, 4, 1893.

 

He Leta mai na Ale Halilua Mai o Pailolo

 

MR. LUNAHOOPONOPONO:

                                                Aloha oe:

            Ia makou i haalele aku ai. oiai oe e okuu mai ana i ka uapo, a helu mai la na epaepa o ka Mikahala, hora 10:15 A.M. loaa iho la makou i ka Waikiki he imo ana na ka maka pili ana i Kalaeokalaau. hoomanao ae la au i ke kaikamahine kaeaea o Kona, oiai ilaila i pau ai ka pono a Kakina, i hoopahu ae ka hana i ka manawa o ka hora 2:30 P.M. ia. a malaila i kokolo aku ai ka Mikahala ma kahi o 10 a i ole 15 paha anana ke kaawale mai ka aina mai, he keu no hoi ka hauoli, ua hiki no ke ike ia aku ka honu e nee ana i ke one oia no oe o ke daimana ka hinuhinu o ke kua, ina iuka au me nei, ua hoouna aku au ia oe i kahi oia mau honu. ina ua ola ko makapehu ia. Hele aku, eia ka o ke kaha ia o Iloli malaila ka ia ka wawae o Hilina, ua hiki no oe ke ike aku i ka hiu o ka ia e onini ana i ke one, a ma ka oluolu o Marshal Hitchcock, ua kuhikuhi pono mai la kela ia ʻ u ia Kalawaula, ke kula o Kalae, a pela aku, a hoomanao ai la ia,

"Ula Kalaeloa i ka lepo a ka makani,

Hoonuanua ia Apuakalamaula, Ike a kuu manao ia ʻ u kula elua. E hea mai kaiolohia e u hoi maua, Uwe aku o ʻ u hoa i kaana. He ana aloha ia ʻ u ke kula o Niniwai, O ʻ u hoa i ka lai a ka manu-a, Manu-a wale i ke hoa lau kena, I ke kelau-a-ua ia e ka moe, E kuhi ana paha ia ʻ u he kanaka e, Owau okoa no ia mailuna alalo a."

            Hora 4 P.M. ku ma Kaunakakai a haawi ia aku la na hookani oeoe ana i ka poe o uka a holo mai la he waapa me Deputy Sherff L. Hitchcok o Molokai, a ma ia waapa i kau aku ai ka Ilamuku mahope o na goodbey ana, hora 4:10 P.M. haalele aku la ia Kaunakakai, ma ka hora 4;30 P.M. mawaho pono ae o Kawela, he anuu ana na ka Mikahala kani ae la ke oeoe a kani ke ae la ka bele eia ka ua kau ka Mikahala iluna o kekahi mea, i ka holo ana aku a kiei, eia ka he mano nui, ua nahu ia ke epaepa o ka huila e kona mau niho wakawaka i oi aku ke oolea i ko ke kila, no 3 minute keia paa ana, e ole e kii ia ke alii Kauhane o Kau, pela i hemo ai a lana ae la i ka ilikai, eia ka o Kailipulepule kona inoa, ka ke koho aku o ka mea kakau he aneane he 30 anana ka loa, he 20 a i ole he 25 paha anana ka laula o keia kaeaea o ka moana. he ku i ka weliweli kona mau maka, he kohu elepani ka ihu, he kohu ihu no ka piula, auwe nani na hana mana a Iehova ke Akua ola!

            Eia ka makani ke lawe nei a lawe no hoi o ke aumiki me ke auka pela i nalo aku ai ua mano nui huluhulu la o ka moana, hoomanao ae la au ia.

"Hoea mai kaniuhi.

Ka mano nui huluhulu.

A pakele au mai moku.

I ka hana a ke aloha ole."

            Kaa pono ae la ka Mikahala mawaho o Maunalei, hauoli ae la ka manao o ka hiki koke aku no Lahaina, eia ka hoi e lohi loa ana. hora 7:30 P.M. keia kau ma ka waapa no uka o Lahaina, ninau na nuhou, o ke ku kela, o ka holo keia. mau kawa kapala ke kea no ka ele ka ai.

            K.N. Oneki o Mikahala, Sept. 8 1893.

 

Kokua ia Kaoakalani he Ma ʻ i lele ka Lepera.

            Ke hoole mau mai nei o Kamanu aole he ma ʻ i lele ka lepera ma ka nana ana i kana mau kuhikuhi, a me na hoakaaka ana a hoole pu iho, aole he ma ʻ i lele ka lepera oia wehewehe ana ua kau aku la i ka pua ka auwaa panana ole. Ua nahu iho o Kamanu i ka welelau o kona alelo, penei e maopopo ai. Ma kana hoike imua o ke akea, he mau makahiki loihi ka laha ana o keia ma ʻ i.

            Ina hoi ha pela, aole anei o keia ma ʻ i lepera he ma ʻ i lele ia?

            Ina aole he lele o keia ma ʻ i, heaha ka mea i nui loa ai o ka ulu nui ana o keia ma ʻ i iloko o keia lahui? O ka lawe mau ia o na ma ʻ i i Kalaupapa a me Kalawao. he koike maopopo loa ia he ma ʻ i lele ka lepera.

            A ina aole he lele o ka lepera, alaila, ua pau kahiko loa keia ma ʻ i i na makahiki mua loa o ka laha ana.

            Kokoke e kanakolu makahiki o ka laha ana o keia ma ʻ i, ke pii mau nei no nae iloko o keia lahui.

            Ua kuhihewa o Kamanu o ka noho pu ana o kekahi poe me ka poe ma ʻ i lepera, a loaa ole kekahi i ka ma ʻ i, manao iho la oe aole he lele o ka ma ʻ i lepera, aole pela ka mea oiaio, he mau makahiki loihi e noh ai keia ma ʻ i iloko o ke kanaka a mahope e puka mai no e like me ka mu iloko o ke ko, he maikai ka nana ana mawaho, aka, aia iloko ka mu kahi i noho ai, o ka laha ana o ka mu i kela a me keia ko, he hoike maopopo loa ia he mea lele ka mu.

            Ke manao nei au o na wehewehe naauao ana a Kaoaokalani aole e hiki ia Kamanu ke kulai. Ua manao anei o Kamanu, he mau eheu ko keia ma ʻ i e like me na manu e ho ole nei, aole he lele o ka ma ʻ i lepera?

            O ka makou ike, o ka loaa ana o keia ma ʻ i i kekahi kanaka, a loaa aku i kekahi a laha aku i kekahi, he hoike ana mai ia he ma ʻ i lele ka lepera.

                        MAKAI KIU.

 

Hoolaha Hou.

            Aha Kaapuni o ka Apana Hookolokolo Akahi o ko Hawaii Paeaina. JAMES SUTHERLAND kue ia MARY SUTHERLAND. Hoopii Oki mare.

            Ma ka Inoa o ke Aupuni Kuikawa o ko Hawaii Paeaina-I ke Ilamuku o ke Aupuni, a ole i Kona Hope, me ka mahalo.

            Ke kauohaia aku nei oe, e kii aku ia Mary Sutherland, ka mea i hoopiiia ina e waiho mai ana oia i kana pane i kakauia iloko o na la he iwakalua, mahope iho o ka hooko ia ana o keia, e hele mai imua o ka Aha Kaapuni, o ka Apana Hookolokolo Akahi, ma ke Kau o Augate, o ua Aha ia, e malamaia ana ma ke Keena Hookolokolo, ma Honolulu, Mokupuni o Oahu, ma ka POAKAHI, la 7 o AUGATE e hiki mai ana, ma ka hora 10 o ke kakahiaka. e hoike mai, no ke aha la e ae ole ia ai ke noi a James Sutherland ka mea hoopii, e like me ka mea i hoakakaia, iloko o kana palapala hoopii i pakuiia.

            A e hoihoi mai oe i ka Palapala Kii, me ka hoike piha o kau mau hana n@ ia mea.

            Ikea ka Mea Hanohano W.A. Whiting,

(Sila)    Lunakanawai Mau o ka Aha Hookolokolo Kaapuni Akahi, ma Honolulu, i keia la 19 o Iune, 1893.

                                                            F. WUNDENBERG,

                                                            Hope Kakauolelo.

            Ke hooia nei au, o ka mea maluna ae, h@ kope oiaio no ia o ka Palapala Kii ma ia hihia, a ua kauoha ua Aha la e hoolaha ia ia mea, a e hoopanee ia ka hihia a ke Kau ae o Novemaba e hiki mai ana.

HENRY SMITH

Kakauolelo.

Honolulu, Augate 10, 1893.                                       2434

 

            AHA Hookolokolo Kaapuni Apana Ekolu o ko Hawaii Pae Aina. Ma ka hooponopono Waiwai Ma Ka Oihana Kahu o ka Waiwai o KEKAILIKO (w) he keiki ua oo ole no Kohala Akau. Imua o ka Lunakanawai Kaapuni.

            Ma ka heluhelu a me ka waiho ana mai o ka Palapala noi a D. Kapali (k) Kahu o ke keiki oo ole, e hoike mai ana ua kohu ia ia i kahu no ua keiki oo ole ia ma ka la 5 o Maraki M.H. 1884, a e noi ana e nana a e hooponopono ia kona mau hoike e pili ana i kona oihana kahu.

            Ua kauoha ia o ka POALUA ka la 10 o OKATOBA, H M 1893, oia ka manawa i koho ia no ka hoolohe ana i ua noi la, imua o ua Lunakanawai ia, ma ka Hale Hookolokolo o keia Aha ma Kohala Akau, hora 10 kakahiaka, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia o elo kauoha e hoolaha ia ma ka olelo Hawaii i ekolu pule ma ke KUOKOA, nupepa ma Honolulu.

            Kakau ia ma Hilo, ko Hawaii Pae Aina, Augate 25, M.H. 1898.

S.L. AUSTIN

Lunakanawai o ka Aha Kaapuni.

Ikea:

DANIEL PORTER

2437-3                                     Kakauolelo.

 

Hoolaha Hooko Moraki.

            MAMULI o kekahi mana kuai i hoike ia maloko o kekahi palapala moraki i hana ia mawaena o WILLIAM B. SMITH, o ka aoao mua, a me Henry Smith, malama waiwai o ka aoao elua, ma ka la 4 o Augate, 1892, i kakau kope ia ma ka buke 139 aoao 210, a mamuli o ka uhaiia ana o na kumu aelike o kela moraki, oia hoi ka hookaa ole ana o ka ukupanee nolaila, ke hoolaha ia aku nei e ka mea nona ka aoao elua oua moraki n i, e hooko ana oia la mana kuai.

            A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana ma ke keena kudala o James F Moreau. ma Honolulu, ma ka la 1@ o SEPATEMABA 1893 hora 12 o ia la.

            Aia ma kahi o W. P. Kakela na olelo hoakaka no keia mea

            Hana ia i kela la 22 o Augate, 1893.

HENRY SMITH, Malama Waiwai.

Mea moraki Mai.

            Penei na aina i moraki la:

            1-Hookahi hapalimai mahele ole ia iloko o kela apana aina, 47@ eka ma Papalele, Hamakua, Hawaii Sila nui 17@9 ia Naihehau, i hoolimalima ia i ka Hui Mahiko o Paauhau

            2-Hookahi hapaha i mahele ole ia iloko o keia anana aina 12@@ eka, ma Kalopa Hamakua, Hawaii, Sila nui 6469 kuleana 7842B ia Naihehau.

            3-Hookahi hapalua i mahele ole ia ma keia apana pahale me na hale oluna ma Kikihale, Honolulu, Oahu, i hoike piha ia ma ka palapala kuai a Parke ia kihikii i hoike ia ma ka Buke 36 aoao 23).                               243@-4

 

SING WO CO.

 

HELU 43        :           : ALANUI NUUANU

            Aia ma keia Halekuai, e loaa ai na lole maikai o na lede a me na keonimana, a pela no ko na kamalii a me ko na wahine mau mea hoohiehie.

            Ke kono aku nei makou ia oukou e kipa mai, a e kilohi i ka nani o Aipo.

 

SING WO CO.

2456 3m@.    

 

Hoolaha Hou.

 

Ua Nalowale,

            UA NALOWALE aku kekahi lio eleele hele loihi mai ka hale noho aku o Dr. Hyde ʻ s ma ke alanui Beritania, i ka la 2 o Augate nei. Ina o ka mea a mau mea paha e hoihoi ae ana ma ka lima o ka mea loaa ka inoa malalo iho nei, e loaa no iaia ka uku makana.

2431-@@       WALTER C. WEEDON.

Ua Nalowale a Aihue ia

            KA PALAPALA HELU 574,930 I HOOPUKA ia e ka Hui Panihakahaka Ota Equitable Assurance Society ia Samuel Makaiia. O kela Palapala ma ke ano o na olelo maloko aole ia he mea waiwai no kekahi mea okoa aku o ka mea wale no i hoopuka ia ai. E haawi ia no ka uku kupono i ka mea e loaa ai a hoihoi mai ia

SAMUEL MAKAILA

Waimea, Kauai.          2@5@-@

 

HOOLAHA

I ka Poe Hele i ke Kiowai o Waiakeakua, Manoa.

            O NA POE a pau e makemake ana e hele i ke Kiowai o Waiakeakua ma Manoa, ke hoolahaia aku nei e pono e loaa m a ia lakou ka ae ia mai ka mea nona ka inoa malalo iho nei, a o na mea a pau e komo hewa ana ma ia wahi me ka ae ole ia e hoopiiia no ma ke @anawai.

JAMES H BOYD

Ma ke Keena Aina, Hale Aha Hookolokolo

Honolulu, Iune 17, 1893.                    2447-@@

 

Hoolaha a ka Lunahooponopono Waiwai.

            O NA POE A PAU HE MAU KOINA KA LA kou i ka waiwai o KEKAHA i make o Waiehu, Wailuku, Maui, Ko Hawaii Pae Aina, e hoouna koke mai me na houla kupono i hoohiki ia imua o ka Notari o ka Lehulehu, i ka mea nona ka inoa malalo iho ka mea i hookohu ia i Lunahooponopono Waiwai no ka waiwai o ka mea i make, maloko mai o na malama eono, a i ole ia e hooie mau loa ia aku no. O ka poe a pau i ale i ka waiwai o ka mea i make, e hookaa koke mai ma ka manawa a mamua ae o ka pau ana o ka eono malama.

W. H. DANIELS

Lunahooponopono Waiwai o Kekaha i make.

Wailuku, Maui. Oct. 25 1892             2414-6m

 

Hale Hana Kopa o Honolulu.

 

            Ua paa aenei ka Hale hana Sopa Mahu Hon o ka poe no lakou na inoa malalo iho a ua makaukau lakou e hoolawa aku i ka poe piepiele i na

Kopa Maikai Loa Maoli

I hookomo ia iloko o ua Pahu 160 pa@na mai ke 42 a 56 auka Kopa pakahi.

Ke hooia nei makou i ka oi o la MAIKAI o ka makou KOPA mamua o na Kopa o waho mai.

            Ua kuai ia mawaho o ko makou mau Pahu me ka hoailona "HONOLULU SOAP CO,." a e

Kuai ia e na Halekaui Liilii a Pau.

HUI HANA KOPA O HONOLULU

M. W. McChes@ey & Sons,

Na Egena.

PAPA! PAPA

AIA MA KAHI O

Lewers & Cooke

(LUI MA)

Ma ke kahua hema o Alanui Papu me Moi

E LOAA NO NA

PAPA NOUAIKI

O keia a me keia ano:

Na Panu Puka, na Puka Aniani,

na Olepelepe, na Pou, na O ʻ a,

na Papa Hele, Na Papu Ku,

me na Papa moe he nui loa

NV PILI HALE O NA ANO A PAU

A me na

WAI HOOHINUHINU NANI

O na ano a pau loa

Na Balaki o na Ano he Nui Wale

            Ke hai ia aku nei oukou e na makamaka a pau, ua makaukau keia mau makamaka o oukou @ hoolawa aku ma na mea a pau e pili ana ma ka laua oihana no ka

Uku Haahaa Loa,

E like me ka mea e holo ana mawaena o Laua a me ka Mea K@@@.

Hele Mai e Wae no Oukou iho.

2396-q

 

EGAN ME GUNN.

ALANUI PAPU,                   HONOLULU

E HOOMAKA ANA KE KUAI NUI HOOPAKIKA MAI KA POAKHI AKU IUNE 26, 1893.

Na KALAKOA maikai loa no ka 29 iwilei $1.00. Na KEOKEO nahenahe he 50 a 75 keneta o ka apa. KUKAENALO, 15 iwilei no ka $1.00. HULUHULU nahenahe ma ka 10 a 12 1/2 keneta o ka iwilei.

Na LIHILIHI Pale Puka Aniani he $1.25, $1.50 a $2.00 o ka paa hookahi.

Na KAKINI wahine eleele paa ma ka 25 keneta o ka paa hookahi.

Na KAKINI kamalii eleele paa ma ka 25 keneta o ka paa.

Na PALEMAI kane ma ka 25 keneta pakahi.

Na KAMAA paa maikai ma ka 42.50 a $3.00 o ka paa.

Na PALULE KEOKEO maikai ma ka 75 a 100 keneta pakahi.

                                                            @@@@-@@