Ka Nupepa Kuokoa, Volume XXXII, Number 39, 30 September 1893 — Ka Heihei Waapa Nui. [ARTICLE]

Ka Heihei Waapa Nui.

I keia Poaono aku, Okatoba 7, e malamaia ana ma ke kai kuono o Puuloa he heihei waapa uui mawaena o na hui waapa Healani a me o Honolulu nei, no ke alualu ana i ka inoa Moho Mokomoko o Hawaii nei a 1110 ke kiaha nona ke kumukuai he $150, Ua hoomaamaa mau iho nei uei na keiki hoe o keia mau hui i ka hoehoe ma Honoiulu a ma Ewa no hoi, me ka malama ia o kela a me keia mau keiki. Ua lilo keia mau heihei e hiki mai ana i mea kamailio uui na ka poe puni heihei waapa, a mo he mea la e piha io ia ana ka puali o Palea i ke anaina nui o ka poe makaikai e pau ana i ke kakahe ilaila e ike kumaka ai.