Ka Nupepa Kuokoa, Volume XXXII, Number 42, 21 October 1893 — Na Lono Nupepa no ka Hoohui Aina. [ARTICLE]

Na Lono Nupepa no ka Hoohui Aina.

I Ke haawi aku nei makou i ko makou poe heluhelu 1 na olelo a pau o na nupepa e hai ana i ka lakou mau mea i lohe wale ai no na manao hoolala o ka Peresidena ma ke kumuhanao Hawaii nei. Aohe kumu e hilinai aku ai kakou i kela mau lono lauahea a na nupepa. Aole he oiaio. Aole lakou i olelo ua hai lea mai kekahi o na luna aupuni nui, a o kekahi mea paha i kamaaina i ko lakou manao. Nolaila, mai moni iho ko makou poe heluhelu i keia mau lono kaunoa hihi wale a makou e lawe mai nei i keia la malalo o na mea hou o na aina e o luai hou ia aku auanei i ka wa e maopopo ai ko lakou wahahee maoli. E hoao no, a kuha aku iwaho.