Ka Nupepa Kuokoa, Volume XXXII, Number 43, 28 October 1893 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

 

MA KE KAUOHA.

 

        Ua hookohuia aku o W. @@a Gravemeyer, Eso., I keia la,  i lala no ka Papa Alalanai o ka Apana Auhau o Hana, Maui, no ka manawa pau ole i hoohakahakaia ma ka waihoana mai o D. Center.

 

J. A. KING.

Kuhina Kalaiaina

Keena Kalaiaina, Okatoba 23, 1893

2465-3

        Ua hookohaia o F.A.L. WILLS, E@@. i keia la, i Aoena Hooiaio Palapala Aelike Paahana no ka Apana o Kau, Mokupuni o Hawaii.

J. S. KING,

Kuhina Kalaiaina.

        Keena Kalalaina@ Okaloha 18, 18@@

2464-3@

Ua hookohuia aku i keia ia o C. H. DICKEY, Keo. i koa no ka Papa Alanui o ka Apana Auhau o Makawao, Maui, no ka manawa i koe i hoohakahakaia mamuli o ka waiho ana mai o L. A. Andrews.

J. A. KING.

Kuhina Kalaiana

Keena Kalaiaina, Oct. 6, 1893.

2463 3

 

Kuai o ka Hoolimalima o na Koena Aina Aupuni o Puuepa 2 a me Kokoiki, Kohala, Hawaii.

        Ma ka Poakolu, Novemaba 29, ho@a 12 awakea, ma ke alo iho o ka puka o ka Hale Mana Hooko, e kuai ia aku ai ma ke kudala akea.  ka hoolimalima o na Ko@na Aina Aupuni o P@uepa 2 a me @okoiki, Kohala, Hawaii, nona ka ili he 399 mau eka oi iki aku a emi iki mai paha.

        Hanawa:  He 10 makahiki hoolimalima.

        Oka kiekie e hoomaka aku ai e koho, he $75 o ka makahiki, e hookaa mua ia ma ka hapaina makahiki.

J. A. KING,

Kuhina Kalaiaina.

        Keena Kalaiaina, Oct. 24, 1893.    2465-3

        Kuai o ka Aina Aupuni ma Kuaia, Hilo, Hawaii.

 

        I ka POAKOLU, Novemaba 15, 1893, ma ka born 12 awakea, ma ke alo iho o ka puka komo o ka Hale Mana Hook@, e kuai ia aku ai ma ke ku@ala kekahi hapa o ka Aina Aupuni o Kuaia, Hilo, Hawaii, nona ka ili he @0 mau eka, oi iki aku a emi iki paha.

        Kumukuai e hoomaka aku ai e koho, he $160.

        Eia ko ano, ua ka mea e lilo ai ka aina moluna @e e uku i na lilo o ke aua ia ana o ka aina a me ke kahakaha ana i ke kii.

        Eloaa no na wehewehe piha a@a no keia ina@ mea ko noi aku i ke Keona Aina, Oihana Kalaiaina.

J. A. KING,

Kuhina Kalaiaina

Keena Kalaiaina, Okatoba 16, 1893.

2464-3t

 

Kuai o ka Apana Aina Aupuni ma ka Ihona Hema o ka Puu o Puowaina, Honolulu, Oahu.

 

        I ka POAKOLU, Novemaba 15, 1893, ma ka ho@a 12 awakea, ma ke alo iho o ka puka komo o ka Hale Mana Hooko, e kuai ia aku ai ma ke ku@ala kela apana aina Aupuni mahope aku o ka pa i lilo hope iho nei i ke kuai ia Mrs. A. M. D. Smith, nona ka ili he 1715 kapuai keea, oi iki aku a emi iki mai paha.

        Koho kiekie e hoomaka aku ai, he $50.

J. A. KING,

Kuhina Kalaiaina.

Keena Kalaiaina, Okatoba 16, 1893.

2464-3t

 

Kuai o ka Aina Aupuni ma Laepoo.  Puna.  Hawaii.

 

        I ka POAKOLU, Novemaba 15, 1893, ma ka ho@a 12 awakea, ma ke alo iho o ka puka komo o ka Hale Mana Hooko, o kuai ia aku ai @a ke ku@ala kela apaua aina Aupuni o Laepoo, Puna, Hawaii, nona ka ili ho 4 mau eka. oi iki aku a emi iki mai paha.

        Koho kiekie e hoomaka aku ai, he $80.

J. A. KING.

Kuhina Kalaiaina.

Keena Kalaiaina, Okatoba 16, 1893.

2464-3t

 

Kuai o ka Aina Aupuni o Waawaa, Puna, Hawaii.

 

        I ka POAKOLU.  Novemaba 15, 1893, ma ka ho@a 12 awakea, ma ke alo iho o ka puka komo o ka Hale Mana Hooko, e kuai ia aku ai ma ke kuadala kela aina Aupuni o Waawaa, Puna, Hawaii, nona ka ili he 100 mau eka, oi iki aku a emi iki mai paba.

        Koho kiekie e hoomaka aku ai, he $250.

J. A. KING.

Kuhina Kalaiaina.

Keena Kalaiaina, Okatoba 16, 1893.

2464-3t

 

        Aha Hookoloko Apana Elima o ko Hawaii Pae Aina.  Ma ka hooponopono waiwai.  Ma ka waiwai o MAKAIKAI (k) o Wainiha, Kaui, i make kauoha ole.  Imua o ka Lunakauawai Kaapuni ma ke keeua.

        Ma ka heluhelu a me ka waiho ana mai o ka palapala noi a J. W. Loia, e hoike mai ana o Makaikai (k) no Wainiha.  Kauai.  na make kauoha ole ma Wainiha. ka la--o--------- M. @. @@. a e noi aua e haawi @a ka palapala hookohu Luuahooponopono Waiwai ia J. W. Lo@ @ olelo ia.

        Ua kauoha ia o ka POAHA, ka 7 o Dekemaba, M. H. 1893.  I ka @o@a 10 a. m., ola ka manawa i koho ia no ka hoolohe ana i au noi la imua o ua Luna kanawai ia ma ke Keena Hookolokolo o keia Aha ma Koloa, a ma ia manawa a ma ia wahi no a hele mai ai na mea a pau i @@i hoike mai i ke kumu ina he kumu olalo ko lakou e ae ole la ai au noi la.  A o keia olelo kauoha e hoolaha ia ma ka olelo Hawaii i ekolu pule ma ke Kuokoa nupepa Honolulu.

        Kakau ia ma Lihue, ko Hawaii Pae Aina.  Oct @@. M. H. 1893.

JACOB HARDY

Lunakanawai Kaapuni Apana Elima.

2464-3t

 

        AHA Hookolokolo Kaapuni Apana K@@ma o ko Hawaii Pae Aina.  Na ka hooponopono waiwai.  Ma ka hana o ko waiwai o MRS. ELIZABETH SINCLAIR o Makaweli, Kauia.  i make.  Imua o ka Lunakanawai Kuupuni

        Ma ka heluhelu a me ka waiho la ana mai o ka palapala noi a me ka papa hoike helu a Francis Gay.  Luna Hooko Kauoha o ka palapala kauoha a Mrs. Elizabeth Sinclair. o Makaweli.  Kaui i make. e  noi ana e apono ia na hoalilo he $5,000, a e hoike ana o na mea i loaa @aia he $@,000, a e noi ana e nana a e apono ia kela mau mea. e kanoha ia a e hookuu ia ola a me kona mau hope mai ka noho hou ana ma ia mea.

        Ke kauoha ia nei, o ka POAHA, @a 7 o Dekemaba.  A. D. 1893.  ma ka ho@a 10 kakahiaka. imua o ia Lunakanawai make Keena, ma kaHale Hookolokolo ma Koloa. ola kahi a me ka manawa i koho ia no ka hoolohe ana i na noi ia a me na papa hoike helu i olelo ia, a o ka poe a pau i pili malaila e hele mai a e hoike ina he kumu lo ko lakou e ae ole ia ai ua noi la.

        A o keia kauoha. e hoopuka ia ma na olelo E@elani a me  Hawaii iloko o na nupepa Hawaiian @a@eu a me Kuokoa. he mau nupepa i pai ia a hoolaha ia ma Honolulu, no ekolu he@e@oma, a o ka hoolaha hope ana, aole emi malalo o elua mau hobedoma mamaoa ae o ka hoolohe ia a@a.

        Kakau ia ma Koloa. ko Hawaii @e Aina, i kela ia 14 o Okatoba.  A. D. 189@

JACOB HARDY

Lunakanawai Kaapuni Apana Elima.

2464-3t

 

KA NUPEPA KUOKOA

 

Ko Hawaii Paeaina i Huiia

 

No ka Makahiki…$2.00

No Eono Mahina… 100

 

Kuiko ka Kula

        PUKA      1      2      3      4      5      6

        AKA        Pule Pule Pule Pule Pule Pule

       Iniha                $1.50 $2.00 $2.50 $3.00 $3.50 $4.00

2      Iniha                $2.00 $2.75 $3.50 $4.00 $4.50 $5.00

3      Iniha                $2.50 $3.50 $4.50 $5.00 $5.50 $6.00

4      Iniha                $3.00 $4.00 $5.00 $6.00 $6.75 $7.50

5      Iniha                $3.50 $4.75 $6.00 $7.00 $8.00 $9.00

6      Iniha                $4.00 $5.50 $7.00 $8.00 $9.00 $10.00

 

        O na Olelo Hoolaha a pau e hopuna ia mai ana no ka Hoolaha maloko o keia nupepa, e hoo@na pu mai me ka auhau, a ina aole, aohe @ookomo la.

 

KOOPULA E KA

 

HAWAIIAN GAZETTE CO.

H. M. WHITNEY, Luna Nui.

J. U. KAWAINUI, Luna Hooponopono.

No Honolulu, Oahu, Lakou a pau.

 

PAONO, - - - OKATOBA 28, 1893.

 

Na Hana Kolohe a ka Moiwahine i pau.

 

        Aole pono i ka lehulehu e hoopoina a uhi wale i na hewa nui elua a Liliuokalani i hana ai ma Ianuari, na kumu hoi nana i hoopau ae i kona nohoalii.  Ke olelo mau nei ka poe anee alii, o Amerika Huipuia ka lunakanawai nana e hookolokolo a hoahewa, Ina pela, e noonoo lakou i ka hewa alina a ka lakou alii i hana ai, a mai hoopoina.

        He nui no kana mau hewa i hana ai ma ka oihana aupuni. aka, o ka hewa nui loa e kala ole ai ai, oia kona kokua ikaika ana ame ke kakauinoa ana i ka Bila Lotari, kela kanawai hoolilo ia Hawaii nei i punana no ka poe powa, e pakaha ai ia Amerika Huipuia.  Ua luai aku o Amerika i kela Loteri o Louisiana, he hana powa a haukae loa, a ua moni iho la o Liliuokalani i ka Amerika mea i luai aku ai.  Nolaila, au hoowahawaha loa ia keia Moiwahine, aole hiki i kona hewa ke hoomaemaeia.  Aole e kala ana ke aupuni o Amerika iaia no kela manao ona e pakaha wale aku ia lakou, ma kela hana lotari.

        Eia no hoi ka lua o kana hana hewa loa, a o ka oi kelakela ia o na hewa a pau.  Oia no kona hoao ana e hoopau i ke Kumukanawai.  O ke Kumukanawai o 1887.  oia no ka olelo kuikahi i hanaia mawaena o na haole a me na kanaka Hawaii me ia e hiki ai ia lakou e lawelawe pu iloko o ke aupuni hookahi.  I kela makahiki 1887, ua hana kolohe loa o Kalakaua me ke kapulu ma na hana aupuni.  Nolaila, ua ala mai na haole a kaohi iaia.  He nui na haole ia wa i makemake e kipaku loa aku i ka Moi.  Aka, ua uwao na keiki misionari i kela poe, a ae mai lakou e hoomauawanui hou aku i ka Moi, ke ae mai kela i kumukanawai hou.  Oia ke kuika@@ mawaena o na aoao a pau e lawelawe pono ae nahaole iloko o ke aupuni, a keakea ia na hana lapuwale a ka Moi naaupo.

        Oia ke kuikahi koikoi a Liliuokalani i hoopau wale aku ai a kiola aku.  Ua hoohiki mua nae e malama, alaila, hookae wale iho.  Ma ia mea, ua lilo i mea maopopo loa, o keia lehulehu haole ma Hawaii nei, aia ia lakou ka nui o ka waiwai a me na hana kalepa, ua pau ko lakou noho maluhia ana me keia Moiwahine hehi kumukanawai.  He hewa nui kala ole ia keia.  Nolaila, hookahi wale no hana i koe i na haole, e hoopau i ka nohoalii, a e imi i aoao hou e maluhia ai.  Ua pau ka hilinai i ka nohoalii o Hawaii.

        He kolohe kela mau hana elua a Liliuokalani, he naaupo a me ka paakiki lua ole.  Ua ao nui ia a me ka paipai ia, aole nae i hoolohe mai.  Ua hahai wale ma@uli o ka aoao hupo o ka Hale Naua, a kapae aku i ka malamalama.

        Nolaila, he pono i kanaka Hawaii e hoomanao i kona hewa, a e hoopau i ka pili ana i kela alii naaupo, o poino pu lakou me ia.  E hahai mai kanaka i ka aoao o ka pono a me ka malamalama.

 

Ka Manaolana Poho o na Anee Alii.

 

        Ke akena naaupo wale nei ka poe anee alii ma kekahi ano okoa i keia wa.  Ua kukulu ia keia manao hou mamuli o kekahi olelo lalau wale i hoopuka ia e T. H. Davies, ke kahu o Kaiulani, penei kana olelo: Aia a hoouna aku o Peresidena Kalivalana i ka Ahaolelo Lahui i kana elele palapala no ka ninau o Hawaii.  aole e hoohui, alaila. o ka lilo iho la no ia o ke Aupuni Kuikawa i mea ole loa. a e akea ana ke ala e pii hou aku ai o Liliuokalani i kona noho alii.  Ma ka lohe ana o ka poe anee alii i kela olelo a Mr. Davies. ua nui ko lakou hauoli, no ka mea, aohe e liuliu aku ana, a e hoopuka ana o Kalivalana i kona hoole i ka hoohuiaina, me he Akua la: alaila, e helelei wale iho ana keia aupuni e hoomalu nei ia Hawaii, aohe mea e koe iho.  E like me ka hiolo ana o na pa o Ieriko i ke puhi ia ana o na pu a Iosua ma, pela like no e heielei Ioa ai na ha@a a pau o ka poe hoohuiaina a make kanu loa ia!  A e like me ka pii ana o Iosua ma e luku i na kanaka o Ieriko, pela no e pii keakea ole ia ai o Liliuokalani ma a lanakila hou maloko o na Hale Aupuni.

        Penei paha ko lakou kalai manao ana mamuli o ko lakou noonoo kamalii iho: O ke Aupuni Kuikawa, au kukulu ia i mea e loaa ai ka hoohuiaina.  Nolaila.  i ka hoole ana o Kalivalana. aole e hoohui, alaila, au pau ke kuleana e hoomau ia ai kela Aupuni Kuikawa, aohe ona kumu e ala hou aku ai.  o ka make wale no koe.  Nolaila, make wale iho ana oia, no ka mea, ua hoka loa kona manao i hookumu ia ai.

        Ina pela. alaila, e pomaikai ana ka poe anee alii i ko lakou lanakila wale ana me ka luhi ole e like me Iosua ma ma Ieriko.  Ua hemahema loa ko lakou kalai manao ana. penei e akaka ai:  O ke Aupuni Kuikawa.  ua kukulu ia i mea e loaa ai ka hoohuiaina.  Noalaila ina e loaa ka hoohuiaina, a komo o Hawaii malalo o ke aupuni Amerika.  alaila.  o ka pau wale @ho la no ia o ke Aupuni Kuikawa a lilo i mea ole, a e pani ia kona hakahaka e ke aupuni territori i hoolala ia e ka Ahaolelo Lahui o Amerika.

        Aka, in a e hoole mai o Amerika, aole e hoohui, alaila aole e make ke Aupuni Kuikawa: e mau ana no kona ola, a nana no e kakoo iaia iho a ikaika loa, me ka hoolala pono i na hana aupuni a pau e onipaa ai a e maluhia loa ai o Hawaii nei.

        Hookahi wale no mana malalo iho o ka Mea Mana Loa e hiki ke hoohiolo wale i keia aupuni e noho nei, oia no ke aupuni o Amerika Huipuia.  Aka, aohe o Amerika manao e komo mai e hokai ma na hana kuloko o Hawaii nei.  Na na kamaaina o Hawaii e hookele i ko lakou aupuni @ho.  Aole o Amerika manao e hapai i kela ano hooponopono ana.

        Eia no hoi kekahi, aole loa o Amerika manao e hookahuli i ke aupuni maikai, maemoe a hoopololei i malama ia e na kanaka Amerika ma Hawaii nei.  Aole ia e kukulu ho@ ana i kela aupuni kapulu kahiko o Kalakaua ma.  E nana noeau ana o Amerika i na mea e mau ai ka pomaikai a me ka holomua o keia pa@alaau Amerika e noho kuonoono nei ma Hawaii.  Aole ia e pepehi ana a e hookae mai paha i kona koko ponoi.  E imi ana kela aupuni maikai i ka pono kaulike o na kanaka a pau ma Hawaii nei. me ka hokai ole mai nae i na hana kuloko, ke ole lakou e hoohaunaele i mea e poino ai na pono o kona poe kanaka maanei.

        He noonoo kamalii loa keia o ka poe anee alii e akena wale nei e kokua ana o Amerika i ko lakou aoao.  Aia a pae mai ke Kuhina hou o Hon. A. S. Willis, alaila e ikeia no ko lakou hoka loa.  Ahea la e pau ai keia mau olelo palaualelo no ka hoihoi ae i ka Moiwahine?  He paiakuli makou i ka lohe i kela mau olelo kamalii loa.

 

Holomua Pai i na Hapa haole a Hookae i na Hawaii Maole.

 

        I kekahi la aku nei i hala, au hoike hookae loa mai o "Holomua" i na Hawaii maoli me ka olelo haakei, o na hapahaole ka poe nona ke aupuni ma keia mua aku.  O na kanaka maole.  na hele a nawaliwali loa, e pau loa ana i ka make, a na aneane e pau ko lakou kuleana ma ka aina.  Aka.  o na hapahaole he poe ikaika.  ke mahuah@a nei lakou, he akamai.  he eleu.  O ka hapahaole ke kanaka e ola lanakila ana ma Hawaii nei, a iaia ke aupuni ma keia mua aku.

        Aohe o makou mahalo i keia hookae wale ana mai o ka Holomua i ka lahui Hawaii maoli, a hookiekie ae i na hapahaole.  Aole loa he wahi kohu i ka naauao a me ka pololei  @@a he hemahema ke koko Hawaii.  he nawaliwali, alaila.  ua ili like ka hapalua o ia hemahema i na hapahaole no ka mea, he hapa Hawaii no lakou.  Nolaila.  aohe kumu o na hapahaole e akena a hookiekie wale ae ai malu@a o ko lakou pilikoko Hawaii.  aka me ia nae o Holomua e hana nei.

        Me he la ke hoomakaukau nei o Holomua no ka pae mai o T. H. Davies.  me ka manao e huki ae iluna i ka hae o Kaiulani he hapahaole ia, oia ka mea kupono i Moiwahine.  a e hoopili aku na hapahaole a pau ia Kaiulani.  Ke manao nei no o Holomua e hookae ia Liliuokalani, he Hawaii ponoi kela, a e hookae pu i kanaka Hawaii a pau.  O na hapahao le ka poe mana ma Hawaii nei poe mana ma Hawaii nei---e haawi ia lakou ke aupuni.  E noho na Hawaii maoli i muliwaa loa.

        Hookahi wale no aoao pono o ka hookele aupuni ana, oia no ka noho like o na kanaka.  E haawi i kela kanaka keia kanaka i ka hana hiki iaia---i hana kupono i kona akamai, kona ikaika, kona homanawanui.  kona miki a me ka eleu.  Aole e pono ke nana i kona ano koko, a me ke ano o kona ili.  Pela e pomaikai ai ka lehulehu, a e holo maikai ai na hana aupuni.

 

Na Pono o ka Poe Hoopukapuka Dala ma Hawaii nei.

 

        Ma ka papahelu malalo iho i hoolala ia no loko mai o na papa auhau o ke aupuni, ua hoike ia mai ka nui o na dala i hoolilo ia e na kanaka o kela aina keia aina maloko o na hui mahiko ma Hawaii nei, a me na hana kalepa nui e ae.  Penei @a papahelu la:

 

@@@@

$21,709,689

$4,408,474

$6,737,788

$429,206

$2,048,458

$68,004

$90,611

$@67,132

$304,340

$49,920

$392,115

 

$26,841,690

 

Na hui mawaho ae o na mahiko.

 

$2,690,994

$948,197

$1,289,520

$283,000

$299,523

$28,839

$51,620

$277,076

$44,640

$420

$13,565

 

$5,877,400

 

Na mahiko i heohui ole ia

 

$415,000

$500,000

$1,195,000

……………..

$515,000

…………….

………………..

…………………

………………….

$75,000

$300,000

 

$3,000,000

 

Na hui mahiko,

 

$18,594,690

$2,690,280

$4,303,218

$190,250

$1,238,935

$39,165

$38,991

$285,056

$259,700

$49,500

$3,550

 

$27,9@4,290

 

Na lahui laea dala

 

American…………………

Hawaiian born American………………

British…………………..

Hawaiian born British……………………

German………………….

Hawaiian born German…………………

Native Hawaiians…………………….

Half-caste Hawaiians……………….

Chinese………………..

Portuguese……………………

All other Nationalities…………….

 

Hul@a

 

        He $36,841,690 ka nui o na dala a pau i hooliloia no kela mau hana nui a pau ma Hawaii nei.  Aole i heluia malaila na aina, na hale a me na waiwai e ae i komo ole iloko o ia mau hana, e lawa a@ paha ka waiwai a pau ma Hawaii nei ma ke koho aku i na dala he 50 miliona.  O na waiwai ma ka papahelu he ekolu hapaha ia o na waiwai a pau o kanaka ma Hawaii, koe na waiwai aupuni a me na aina leialii.

        Eia ka mea maopopo ma keia papahelu, o ke kuleana o na kanaka maoli a me na hapahaole mai keia huina waiwai he 37 miliona.  he kupihipihi loa, oia he $657,743 wale no aole hiki i ka elua hapa haneri.  O ke kuleana o na haole Amerika, he $26,109,163, he 70 hapahaneri ia.  A o na haole Europa e ae, he 25 hapahaneri ia o ka puu waiwai okoa.  Hui, he 95 hapahaneri ke kuleana okoa o na haole Europa maloko o na waiwai kalepa a me ka mahiko a pau ma Hawaii nei.

        Ke hoike mai nei ka "Hawaian Star" nana i haawi mai i keia papahelu, penei:  "Aole loa he mea pono ke haawi i ka mana hooholo kanawai no Hawaii a me ka mana hoomalu.  i ka poe kanaka nona ka hapa uuku loa o ka waiwai a me ka hana kalepa e hoomalu ia ana.  O ka poe haole nona ia mau waiwai a me na hana nui, na lakou no e kau kanawai, a na lakou no e hoomalu maluna o lakou iho.  Aole loa he mea hiki ia lakou ke ae na kanaka Hawaii maoli e kau kanawai no lakou.  Aole lawa o ko lakou akamai a me ko lakou ikaika e lawelawe ma na oihana hooulu waiwai aina.  nolaila, aole hiki ia lakou ke hookele i ke aupuni.  E noho malie na Hawaii, a na na haole e hookele.  O ka hooponopono ana i ke aupuni e maluhia ai a e kuonoono ai ka huli ana i ka waiwai, a me ka hoolala ana i na hana a pau, he mea ano nui loa ia i keia poe haole.  Aole loa e hiki ana ia lakou ke hookuu wale aku i kela hana iloko o na lima o kanaka Hawaii, he poe ike ole i kela mau hana nui.  O na oihana hooulu waiwai.  oia no ka mea e noho lanakila ana maluna o na aupuni nui a pau o ke ao nei i keia wa.  Pela no ma Hawaii nei.  O na haole Amerika, ia lakou na hapaumi ehiku o na hana a pau ma Hawaii.  nolaila ia lakou ka malama i ke aupuni.

        O na manao keia o ke "Star" e kukulu mai nei.  He pono i kanaka Hawaii e lawe i kela mau manao a e noonoo pono me ke akahele.  Me he la i ka nana aku, ua lilo mua na hana huli waiwai a pau maloko o na lima o na haole.  nolaila, e lilo a@@ no hoi ke aupuni ia lakou.

        Ina he oiaio keia, alaila hookahi wale no mea kupono i kanaka Hawaii.  e ae oluolu aku i keia mea, a e hui pu me na haole, e nonoi aku ia Amerika Huipuia e hoopalahalaha mai i kona malu kaulike maluna o kakou a pau.  i maluhia like na aoao a pau.

 

Ka Paikau o na Pualikoa Mokukaua.

 

        I ke kakahiaka o ka Poalua nei, ua lele mai iuka nei na luina a me na koa o na mokukaua elua.  ka Piledelepia a me Adamu.  me 300 ka huina o lakou a pau.  Ua pii paikau ae lakou ma na alanui o ke kulanakauhale, a hoi aku no i na moku.  O ka lakou mau alanui i hele paikau ae ʻ i, ma na alanui Papu.  Hotele, Rikeke a hiki i Beritania, malaila aku i Alakea, a hoi aku i kai ma na alanui i pii mai ai.  Nolaila i ka ike ana o na kanaka i ko na koa hookokoke ana aku i kahi o Liliuokalani ma Wasinetona Hale, au nui ka poe i manao e hoihoi ana lakou iaia maluna o ka nohoalii, a he nui ka pihohoi.  Ua hoka hou no lakou, e like no me ko lakou hoka mau ana i na wa a pau.

 

Ko Pailaka Makinikaea Hoahewa ia Kapena Stott.

 

        O Kapena McIntyre (Makinikaea) kekahi pailakka kahiko i manao nui ia a i kamaaina loa i ke awa o Honolulu nei, oia no kekahi iwaena o na poe he lehulehu e hoahewa loa nei i kela olelo hooholo a ka aha hookolokolo moana ia Kapena Stott no ka hookuu wale ana iaia me ka olelo ua maemae a aohe ona hewa no ka ili ana o Miowera.

        Wahi a Makinikaea :  "Ina he ike ole o Stott i kona wahi i holo ai, alaila, nona wale no ia hewa, aole no hai.  Ma ko ʻ u nana ana, au hoao ka aha e hooili aku i ka hewa o ke kapena no ka ili ana o ka Miowera maluna o ko hai mau hokua, maluna paha o pailaka Lorenzen.  Aka, ua ike ka poe kamaaina a pau ua maikai wale no ka Lorenzen hana.  O Kapena Stott wale no ka mea i hewa.  Pela ka manao o ka poe holo moku kamaaina a pau.

 

Hoolana ana ia Miowera.

 

        Ua hapai o kapena McDowell me ka hoihoi loa i kana hana e hoolana hou ai i ka mokuahi Miowera.  Ke hoomakaukau nei oia i eono pou nunui i kapa ia he pou Samesona, a me elua mau laau nunui e ae.  O kela mau pou Samesona, penei ka hookui ana:  Eha laau he 12 iniha kuea, he 50 kapuai ka loa, ua hui ia me na apo hao ikaika, a lilo i pou hookahi he 24 iniha kuea.  E kukuluia na pou Samesona ma kela aoao keia aoao o ka moku mahope, me ka @@-o iki o na pou ihope.

        E hoopaaia ana na kaulahao nunui malalo ae o ka moku a hiki iluna o na pou.  Alaila, e huki ia ana na pou imua e na enegini huki o ka moku.  A i ke ala ana mai iluna o na pou, me ka hapai pu no i ka moku iluna, alaila na na mokuahi e ae e huki ma ka ihu o ka moku a kano wale aku iaia i kahi hohonu.

        Ua hoao ia ka Miowera e hoolana i ka hora 5:20 kakahiakanui onehinei, no ka mea.  oia ka wa kai pii nui, eia nae, aole i hiki.  I keia la, e pau ai ka manawa aelike i hanaia ai.  Ua ku mai ma Honolulu nei i ka Poalima iho la, na haole hoolana a me ka lakou ma lako e hoolana ai.

 

        He mau la ae nei ka hooki ana o ka pauma wai hou ma Makiki i kana hana.  O ke kumu, au pauma ia kekahi apana pohaku mai lalo loa mai, a komo iloko o ka ohe nui o kekahi o na pauma ekolu, a poino ke au maloko a me na pani e ka pauma.  Ma ka hoohaalulu ino ia ana hoi o ka pauma e ia mea, ua he@e@e@e a poino kekahi o na uinihepa maiaio loa o ka lua.  Ua kapili hou ia ka pauma, a au paa hou na mea a pau.  E hoopanee iki ana nae ka Luna nui i ka pauma ana, i hele ai ka puna a maloo paakiki loa.

 

He Leta Makamaka mai Amerika Hui mai.

 

NA J. K.  WAIAMAU

 

NA HOOKIPA WAIPAHE!

 

KA WAILELE O NIAGARA.

 

OSWEGO, N. Y. , Sept. 27.

 

        Dear Walter:--- Eia wau i Oswego nei i keia manawa, iloko o ka mokuaina o Nu Ioka.  Hui mo Sam Keliinoi a me Charlie King.  I ka Poalua o kela pule i hala ko ʻ u hoea ana mai.  Ike au i ka wailele o Niagara, he kamahao maoli no keia wai.

        Hiki au i Detroit i ka po, a ao ae ike ia Buffalo.  He mau kulanakauhale nunui wale no a elua.

        I ka ho@a 7 kakahiaka hoea au i Syracuse.  Mai laila aku, kau hou ma kekahi kaka ahi a holo loa mai i Oswego nei.

        He wahi kulanakauhale maikai keia, ua like no me Honolulu koe wale no ua uuku iho ke@a ia Honolulu.  Aka he uaui nae ke nana aku.

        Ua hele au me na wahi keiki i kahi o Pea@e, he mea pili ia Rev. S. E. Bishop, he 4 mau mile ka loihi mai ko makou wahi aku o noho nei.  A ilaila au i uhai mua ai i ka hua apala mai ke kumu mai.  Oluolu oia ia makou.  Koi mai e noho makou ilaila a kahi la ae alaila hoi.  Aohe hoi e hiki, no ka mea ua kono ia mai au e ke kumu poe o ke kulanui o Oswego e holo aku i kona wahi i ka auina la.  Aohe no he kiekie o ke kumu apala, aka ua hele a lul@@ i ka hua o na ano waihooluu a pau@.  He mea ono a pala wale no a hiki i ke kumu, aohe e hiki ke ai no ka mea he nui loa.  He nana wale aku no a o ke kena iho la no ia.  Nui ka huaai o keia wahi.  Ma na wahi a pau loa a makou e hele ai, he loaa wale mai no ka huaai o kela a me keia ano, ka apala, pea, piku, piki, waina pala, a pela wale aku.  Nui na hoaloha.  Oluolu maoli no koonei poe la ʻ u na haumana a me na kumu.

        O ka nui o na haumana o keia kula he 400; a mailoko mai o keia heluna he 26 wale no keikikane.  He hauoli loa keia poe in a e lohe e hoea mai ana kekahi mea mai Honolulu mai.  I ko ʻ u manawa i hoea mai ai lanei, nui ka poe i hele mai e ike ia ʻ u.  Na hoaloha o na kumu o uka o Kamehameha kekahi a me na hoaloha o Samuel ma me ka ike ole mamua.  Oluolu lakou ma na mea a pau, e kono mau ia mai ana au i na manawa a pau, aka no ke anuanu o keia wahi i ke ahiahi aele e hiki ke hele i na wahi a pau e manao ai e hele.  He wahi anuanu keia mamua o Kikako, ao ka mea ke hele aku nei i ka manawa anu.

        I na ahiahi a pau loa mahope iho o ka aina ahiahi, hoi nui mai nei makou a pau iloke o ke keena hookipa imua o kekahi ahi nui e hoomehana ai a hiki i ka hora 10 o ka po, oia ka manawa moe.

        Oluolu ka haku wahine nona keia hale ia ʻ u.  Makemake oia ia ʻ u e noho maanei no elua makahiki.

        E koi mau ana no hoi keia kamalii wahine ia makou e himeni i na ahiahi a pau.  E piha mau ana no hoi ko makou hale i na hoaloha kula i kono ia.  Oia himeni aku aku a pono ole, ha mai la ka leo, hooikaika aku la a oki @oa, oi loa aku nae o Sam.  A hiki ole ia makou ke himeni, alaila hoomaka aku @a makou e koi ia lakou e himeni.  Ka himeni iho la no ia a ike makou ua ano ha ka leo, alaila hooki ka himeni ana.  Iloko no hoi o ia himeni mau, aohe no e luhi iki ana.  Oili mai la no i kekahi ahiahi mai, ke noi aku ia lakou e himeni, o ka himeni mai @a no ia.  E hauoli mau ana makou i na manawa a pau.

        I ka Poaono i hala aku la, au kono ia mai na haumana a pau loa o ke kula e ke kumu poo e hele aku i kona hale i ka auina la no ka hoonanea a hooluana ana me na mea ai mama i hoomakaukau ia e ia.

        I ke kakahiaka, hoea mai ana ke kumu poo e ke la ʻ u ianei, no ka mea o kona hale, me he la he hookahi mile ka mamao mai a makou aku.  Koi mai kela e hele aku au ilaila a ua ae uku au.

        Ia makou i hele ai, iho like no makou a pau loa, na kamalii wahine me na kamalii kane, ke nana aku oe i ke alanui me he la he la ano nui oe i ke alanui me he la he la ano nui ia no Oswego, ka hele o na alanui a piha i kamalii.  He himeni wale iho no a me ka walaau ka hana nui a hiki wale i kahi o ke kumu.

        Hui me ke kumu poo a me kaua wahine, hauoli loa kaua wahine i ka ike ana mai la ʻ u.  Ua lohe oia e hoea aku ana au lanei mamua o kuu haalele ana ia Hawaii.  He keu ka oluolu o keia wahine @a ʻ u, hookipa @a ʻ u me he keiki la nana.  Olelo mai o Sam Keliinoi ma, he makemake loa oia e ike i na keiki Hawaii.

        Iho aku nei au, o Charles a me Sam a me ekolu mau kumukula kane i ka lokowai o Ontario.  He nui keia lokowai, aohe o ʻ u ike aku i ka aina ma kekahi aoao.  Hiki aku makou he elua mau waapa e waiho mai ana i kahaone no kamalii wahine mai ke@a aoao mai o ka muliwai.  Kii aku nei makou i na waapa, owau, o Charlie a me kekahi kumu, ke keiki a Dr. Sheldon kumu poo, ma ko makou waapa.  O Sam me kakahi mau kumu ma ko lakou waapa.  Hoomaka aku nei makou e heihei a make makou ia Sam ma.  I ka hoi ana mai a kahaone, hoomaka aku nei o Sam e lele, ia lele ana aku no, o ka pakika aku la no i@ haole ana iloko o ka wai.  Nui k@ akaka ia o na mea a pau, a@ Charlie kekahi i akaka me ka h@ henehene aku ia Sam.  Iaia na@ lele aku ai iluna o ka pahoehoe, p@ kika aku la ua wahi keiki nei, ho@ maka mai nei hoi o Sam e akaak@.  Oki loa ia o hope o kona lole  H@@ mai makou a hiki i ka hale o @@ kumu, noho ma ka papaaina i ho@ makaukau ia.

        Ua hele wawae ia e a ʻ u he ewa@ mau mile e ike i kekahi hoaloha noho ilaila no hookahi po.  Ke noho ianei.  @ohe e hiki ke noho wale @@ e anuanu mau ana i ka, po a me k@ ao.

        Poaono, Sepatemaba 30.  K@@@@ mai au i ke ahiahi nei e hele u ke anaina hooluana i ka No@@@ Hale.  Piha ka hale i na haumana.  Nui ka poe i hoolauna ia mai, aka aohe e hiki ke hoomaopopo @wa@@ keia, owai la kela.  Oluolu maoli au keia kamalii, aohe hookae.  Ka mea akaaka nui o lakou, o ka @@@ puka pono ana i ko ʻ u inoa. E @@@ paanaau mau ana i ko ʻ u inoa me @@ Keliinoi.  O Waimaiu kahi inoa o ʻ u, o Waiaumu kahi, Mauwai kahi.  Mr. Maukahi, a he nai wale aku @@ E noke aku no hoi oe i ka akaaka @@ mamae ka iwiaoao.  Huli oe ma@ a maanei e hoolohe ai e noke mau mai ana no hoi i ka hoopaanaau Ekolu wale no poe hiki ke hoopuka pono.  Hoomaka ke anaina e akoa @ akoa mai ka hora 5 a ka hora @@@ ke ahiahi, he mea maa mau @a ianei.

        Pau ka paina ana i ka Adelphi Hale, hoi nui aku nei makou iloke o Hale Nui a hale halawai no ka ike ana i na mea lealea.  Ma ka Papa hoonoho@oho hana o na mea lealea owau kekahi i komo pu.  Owau ke solo me ko Sam a me Charlie kokua pu mai.  Nui ka paipai ia, o Eleile ka himeni.  Puka hou aku makou, o "Alohe oe" ka himeni.  Oi nanea aku a hiki wale i ka hora 12 o ka po.  A ma ke ano rula keonimana, ua hoihoi kela a me keia kane i kona hoa hooluana.  Ia hoi ana mai, hoomaka mai la na wawae a me na lima ke anuanu a hoe i ka hale i ka hora i wanaao, a e akoakoa mai ana no hoi ko makou poe a pau.  Mahope o ka hoomehana ana i ke ahi, hoi e moe i ka hora 2 kakahiaka.

        He nui na mea o hai aku ai, aohe nae manawa.

        Hauoli loa au i ka ike ana ia Samuel Keliinoi a me Charles King i ka hooikaika i ka naauao.  Kahaha ka poe oonei i ka ike i na keiki Hawaii e hele ana imua loa o na haumana a pau loa o keia kula.  Oluolu no makou a pau loa, aohe mai koe wale no ke anuanu.

        Hui au me Mr. C. R. Bishop i Kapalakiko.

        Nui ka poe o Hawaii i Kikako.  He kulanakauhale kamahao maoli no o Kikako.  Me ke aloha,

JOHN K. WAIAMAU.

 

Ke ku ana mai o Miike Maru me na limahana Iapana.

 

        I ka hora 5 kakahiaka Poakahi aku nei, ua hoea mai ka mokuahi Miike Maru, a ma ka hora 7 ua kuu kona heleuma maloko nei o ke awa.  He 14 la o kona holo ana mai nei mai lapana mai.

        He maikai ke ola o na ohua a pau. a i ka Poalima ae nei e hoopiliia ai ka moku i ka uapo, no ka mea oia ka pau ana o na la hoomalu.  O kona poe eemoku he 4 ohua kapena, he 22 ohua oneki a me 1642 mau limahana, oia he 1311 kane a me 331 wahine, he poe kino maikai hoi i wae akahele ia e ka poe i hoolimalima.

        Ua loaa kekahi hemahema nui ma ka hoopii ana ae i ka uku o ka poe nana i hoolimalima ia lakou ma Iapana, he mau dala pakahi ka oi maluna o ka palena i ae ia maanei e ka hui mahiko.  Ua halawai pu ka poe mahiko me ka Aha Hooko, a ua hooponopono ia kela hihia.  I ka hora 7 kakahiaka Poalua nei i hoopaeia ae ai na Iapana ma kahi hoomalu o Koholaloa.

 

Ko ka Holomua Hoina ia Adimarala Skerrett.

 

        Ma ka Poakahi aku nei, ua hoopuka ka "Holomua" i na olelo no ko Adimarala Skerett kahea ia ana mai e hoi i Kapalakiko, a o ke kumu o kona hoihoi ia no ka hoahewa o Kalivalana iaia no kona hoohanohano ana i ka Peresidena Dole me na kipu hoomaikai.  Ua hewa no hoi, no kona hookuu i na aliimoku e hele i kela ahaaina ma ka Hale Mana Hooko.

        I ka Poalua nei, ua ao aku ka nupepa Bulletin i kona hoa anee alii, a nuku ikaika iaia no kona hewa i ka hoino aku i ka Elele Kiekie o Amerika Huipuia oiai aole i hiki mai ka Elele Kuhina Willis.

        Ua pololei no ka wehewehe ana o ka nupepa "Hoku," o ke kumu o ko Adimarala Skerett hoihoi ia i Kapalakiko, oia no ke kiko waena o kana hana aole hoi he pilikia nui ma Honolulu i koe e pono ai iaia ke noho loihi wale ma kahi kaawale loa mai kona kahua hana mai.

 

        Aole i loaa iki ka pake pepehi kanaka o Hoaeae a hiki i keia wa.  E ia i hea ko Ewa, Waianae a me Waialua mau kaiko e moe mai nei.