Ka Nupepa Kuokoa, Volume XXXII, Number 48, 2 December 1893 — Mai Hamakua mai. [ARTICLE]

Mai Hamakua mai.

Honokaa, Nov. 15. - He nui ka la maanei, maloo maopopo loa ke ko, a ua hele no hoi ke ko helu ekahi a koe o ka muo, aohe lau. Me he la ua puhi ia ke ko i ke ahi o na mahiko a pau o Hamakua nei. Ke auwana nei na kamaaina i ka huli i ka wai e inu a me ka hoohainu holoholona ma ka ululaau. He mea i ike ole ia, wahi a ka poe kahiko mai ko na wa i halae aku. I ka la 12 aku ne, ma ka wiliko o Paauhau, ua moku ka wawae o kekahi Iapana kumukahi i ke kaa-ahi. Ua hai ia mai au, ua oki ia kela lala o ke kino i poino. I ka wanao hra 2 o ka la 15 nei, ua pau i ke ahi kekahi hapa o ka hale wiliko o Kukuihaele. Ua hoomake ke ahi ma ka laina ko o kapuahi, oiai ke kiai po iloko no oia hale. Ua poino kekahi mau mea paahana, me he la he $3,000 a $5,000 ana paha na poho, a e hala ana paha he malama hookahi. Ua manao ka luna nui, aole he ahi puhi kolohe ia. Inehinei a me keia la, ua hookuu ia ka papa hana o Honokaa. O ke kumu, aohe hana e lawelawe aku ai, oiai, ua pau no na apana aina ko i ka waele ia e na kukuna wela o ka la. He kulana emi ka noho ana o na kamaaina o keia wahi. Aole he nui o na kanaka, o ka Iapana ka nui. MALIHINI. A keia Poaono ae, Dekemaba 2, e ku mai ai ka mokuahi Arawa, pani o ka Miowera, mai Kikane pololei mai, no ka holo loa i Victoria