Ka Nupepa Kuokoa, Volume XXXII, Number 52, 30 December 1893 — Ka Kakou Nupepa. [ARTICLE]

Ka Kakou Nupepa.

Ma keia helu o ka kakou pepa e puka aku nei, e piha ai ke Kanakolu Kumamalua o na makahiki o ke ku ana o keia nupepa mai kona hookumu ia ana mai i kinohi mai. Ua ku oia mai kona wa opiopio loa mai a hiki i kona wa i kanaka makua ai. He nui na nupepa i kakele pu mai ma keia kahua palahalaha, aka, aohe 0 lakou hookahi i hookanaka makua iho a pau e no i ka ako e ia aku e ka mai-kau 0 ia oihana, a ke kanalua ole nei makou i ke kahoahoa ae, aole hookahi nupepa Hawaii i ka wa i hala, aole hoi i ka wa ano a aole loa i ka wa e hiki mai ana e aluaiu mai e ku e like ka loihi o ke ola ana me ko keia nupepa. 0 ka makahiki e pau nei, he makahiki kamahao ia ma ka moolelo 0 ko kakou aina, a no ia ano e, nolaila, ua mahae ka noonoo oka lahui. Aka, o ke Kuokoa, ke alakai nei oia ma ke alahele e loaa ai he onipaa a he pomaikai no na mea a pau e noho ana maluna o ka lepo o Hawaii, o like me kona lilo ana i pukaua no ke Kuikahi Panailike a hiki i ko ka lahui ike ana i na pomaikai o ia kumuhana. Aka, aole makou i hookae aku i ka poe i like ole ko lakou noonoo me ko mako\i.

Oiai ke hoea aku nei kakou i ka paliu hopu o ka 1593 ? nolaila ke manao nei makou, e hoopoina ae kakou i na opu keemoa o ka wa i hala, a e nana aku no ka wa pomaikai nui e haale mai nei i keia mua koke iho 110.

E hoomau aku ana keia pepa i ke kakele ana imua 0 ka lahui i keia makahiki ae. me ka hooi ae a hoomau aku i ka hoonuanua i kona mau kolamu ine na manao alakai naauao. ua manao haku loea, na manao unuhi kuliu, na mea hou kuioko a me kuwaho, na palapala kakau ia mai, na moolelo kahiko 0 Hawaii nei, na 11100ielo hooniua puuwai a me keia a me keia mea e anoi ia ai ka pepa, e like no me ka mea e olelo ia nei, o ka nupepa Kuokoa ke alakai o na nupepa Hawaii ma na auo a pau. A mamua 0 ka lele ioa ana 0 keia makahiki a me ka puka hou ana aku o ka pepa mua i keia hebedoma ae e hanau mai ana he makahiki hou, nolaiia, ke pahola aku nei makou 1 ko makou mau hoomaikai ia oukou a pau e na iuna, na poe lawe pepa, na poe hoouua mea liou mai a me ka poe no a pau i haawi mai i na kokua ia makou i keia huaoielo e puana ia ai he hookahi wale no manawa iloko 0 ka makahiki, Aioha Hape Nuia oukou a pau!