Ka Nupepa Kuokoa, Volume XXXIII, Number 1, 6 January 1894 — NA HOOLOLILOLI KULANA OIHANA. [ARTICLE]

NA HOOLOLILOLI KULANA OIHANA.

Ma ka Poaha iho nei, ua waiho mai o Mr. F. M. Hatch 1 kona kulana Hope Peresidina o ke Aupuni Kuikawa o Hawaii, mamuli o e holo ana ia a kaawale mawaho aku o na palena o keia aina. Nolaila, ua hoopiha koke īa keia hakahaka e na Aha Hooko a me Kuka ma ke koho ia ana ma ka ba!ota o Mr. W. C, Wilder.

A ina hoi e hooholo ia ana ka bila kanawai e hookaawale ai i na oihana Pei-esidena a me Kuhina o ko na Aina e, alaila o ka imi aku i kanaka no ka oihana kuhina ka mea nui i koe. 0 Mr. Hafc€h ka inoa i manao nui loa ia he kupono, aka aohe akaka o kona ae i keia oihana. Malia nae hoi paha ma keia holo ana ona i Kapalakiko hoi mai eae ai oia.