Ka Nupepa Kuokoa, Volume XXXIII, Number 2, 13 January 1894 — Na Anoai o Kawaianiani o Mokae. [ARTICLE]

Na Anoai o Kawaianiani o Mokae.

Mr. Lunahooponopono: Aloha oe: Ma ke ahiahi Sabati hora 9:15 minute p.m., Dekemaba 31, 1893, ua malama ia e ka Ahahui Imipono Karistiano o Mokae, Hana Maui, he anaina haipule maloko o ko lakou luakini (Kapiolani I) no ka hoomaikai aku i ke Akua no kona malama ana i ko lakou ola i ka makahiki i hala, a loaa hou ka makahiki hou. Ua hoonani ia ka luakini me na lau uliuli o ka uka, na pua, a me na pi'o ohe i wili ia me ka pali, a me na pua i okomokomo ia a pani'o, a he ku maoli no i ka nani ke nana aku.

Ua hoomaka ia na hana me ka pule a E. M. Hanuna a me ka himeni. Ua kono ia aku ka oluolu o Mr. Kawahamae, haiolelo o Kawaikeu o Keaanae, i haiolelo no ia po, o ka kou mea kakau i hoomanao, oia keia, "He aloha ke Akua," ua ua hooakaaka mai oia no mea e pili ana i ke aloha o ke Akua a pela aku, a he nui aku kekahi mau olelo waiwai e hiki ai i na opio Hawaii o keia au hou, ke lilo lakou i poe kakoo i ka pono a me ka maluhia o ko lakou aina hanau, no ka mea o ka pono ke hana ia a haule mai na lani, aole o na hana lapuwale e kauoloko ana i ke kino iloko o ka poino a me na popilikia o keia ola ana, a o ka uhane hoi iloko o ka luahi o ka hoomainoino mau loa ia. Ua kono ia na mea a pau i akoakoa mai e ku e kamailio e like me ka mea hiki iaia; iwaena o na poe i haiolelo, hookahi loio hapauea oia o J. K. Hanuna, a hookahi loio opiopio oia o Paul K. Kauimakaole, he maikai no ka laua mau hooakaaka ana no na mea e pili ana i ka M. H. i hala a me ka M. H. hou e hiki mai ana a pela aku, a pau ka laua na poe e iho, A. J. Kauhaihao, Joseph Kalama Jr, Bet. K. Hanuna Kalawa, P. Kemohe, P. Kalohelani, K. Kahookele, Ku, Kaleimanuhia, J. K. Kamana, o ka hope loa o na haiolelo oia po o E. M. Hanuna haiolelo o ka Ekalesia o ka Apana o Hana, he ku i ka nani a me ka mahalo i kona mau manao paipai, a me na olelo hoolana manao, ku i ka naauao maoli no, a me kekahi mau olelo waiwai nui e a'e e hiki ai i kou mea kakau ke olelo a'e, "O Kokae no ka oi," hiu no a wela, lawe no a lilo, "Happy New Year," hora 11:30 hookuu ia na hana me ka himeni a me ka pule a E. M. Hanuna. Ua pahola ia mai o ka oluolu o na lala, a me na hoa o ka A. O. I K. o Mokai he papaaina i hele a luluu i na kohi kelekele a ka puukolu e laa na i'o puaa momona, na i'o moa, na i'o pelehu a me ka poi uouo i hana maiau la na keiki hawaii, hele kela a Mikololohua.

I ka hiki ana o ka manawa i ka hora 12, ua hoike mai ia ka bele haimanawa, ua hala! ua hala!! ua hala!!! ka 1893, a he mau minute ia o ka eehia, a i ka hala ana a'e oia mau minute, ua hoomaka i hola e haupa i na mea ai i hoomakaukau ia a piha ka lua o ka inaina pau ia, lawe ia mai na meaonohua a me ke kope i hanaia e na wahine haole o ka papa ekahi, oia o Mrs Mary E. M. Hauna, Mr. Ester H. Reuter, no ka halekula hakai o Maunaolu, a me Mrs. Phibe L. K. Kakani, no ke kula hanai o Kawaiahao, ua ai na po'e a pau i hiki ae a lawa ka makemake, a koe no ka meaono a me na mea ai e a'e i hoomakaukau ia, a ma o kela mau lady wahine opio ko'u mahalopiha no ke akamai i ka hana ana i kela mea ai ono loa, e hiki ai i kou mea kakau ke puana a'e, oia ka hua o ka hoomanawanui i ka naauao, mai hoopalelehu e na makua mea keiki i ka hoouna i ka oukou mau pulapula i kahi e mahuahua ai ko lakou ike a me ka naauao. O ka nui o ka po'e i akoakoa a e ke hui ia na kane na wahine a me na kamalii ua piha ke kanalima a oi, hora 3 a. m. hookuuia ke anaina me ka maluhia, aole ona rama a'u i ike ai ma keia po, aole peia na makahiki i hala, nui ka ona. Ma keia la, nui ka nalu o ke awa o Hamoa, a hiki ole ia Claudine ke hoolele mai i kona ukana i uka nei o ka aina, a nui pu kau. Ke hooki nei au maanei me ke aloha makahiki hou ia Mr. Lunahooponopono a me na keiki oniu hua kepau o kou papapai. Happy New Year kakou a pau. Huro! Huro!! L. R. Kawaianiani Mokae Jan. 4, 1884