Ka Nupepa Kuokoa, Volume XXXIII, Number 3, 20 January 1894 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU MANAWA HOLO.

Mai a Mahope aku o Iune 1, 1893.

NA KAA AHI

NO HONOULIULI

                                                                                                B         B         A         D

                                                                                        A. M.       P. M.     P. M.     P. M.

HAALELE IA HONOLULU                                           8:45         1:45       4:35       5:10

HAALELE IA MANANA                                               9:30         2:30       5:10       5:56

HIKI I HONOULIULI                                                     9:57         2:57       5:36       6:22

NO HONOLULU

                                                                                                C         B           B          A

                                                                                         A.M.        A.M.     P.M.      P.M.

HAALELE IA HONOULIULI                                       6:21         10:43     3:43      5:42

HAALELE IA MANANA                                              6:55         11:15     4:15      6:10

HIKI I HONOLULU                                                       7:30        11:55      4:55      6:45

            No na Poaono wale no.

            No kela ame keia la.

            Koe na la Sabati.

            Koe na Poaono.

NU HOU HAWAII

            Ke kapa ia nei ka inoa Uniona Kuaea ma kahi o kela inoa Halealii Kuea i hoonalo loa ia.

            Ua hoihoi ia  aku nei ke Keena Oihana o na Pailata o ke awa o Honolulu nei a aia i kai ma ka uapo loihi o ka Hui Mokuahi Pakipika.

            Ma keia Poaono, e haalele aku ai ka mokuahi “Australia” ia Kapalakiko a holo pololei mai a ku i Honolulu i keia kakahiaka nui Poaono aku.

            Hora no ka la 17 o Ianuari, ka makamua loa o na la kulaia i oi loa aku ka hookelakela ia ana ma ka hoomanao ana o na kanaka Hawaii a pau e ola nei.

            I keia po Poaono aku, Ianuari 27, e haawi ana na kahuli leo lea Albu, i po lea hope loa maloko o ka Hale Mele hou, mamua o ko laua huli hoi ana aku no Amerika a me Enelani.

            Aia e waiho ana ma ka waihona o ka lehulehu ma ka la 17 iho nei o Ianuari, he $375,433.64, a mailoko mai o keia heluna, he $288,304.46 ua hiki ke hoohanaia e ke Aupuni.

            Malalo o ka papa kuhikuhi manawa holo o na mokuahi kuwaho e kipa nei ma Honolulu, i ike iho ai, e ku mai ana ka mokuahi “Warrimoo” maanei i keia Poalua iho mai Victoria mai a e

niau loa aku ana no ia la no Kikane.

            O kela wahine paele, nona ka inoa Vina King, i hahau ai i kana ipo paele me ke kipikua a puka ke poo i ka la Hape Nuia, ua ninaninau ia a waiho ia aku la no ke kau kiure a Feberuari aenei, a ua ae ia e puka iwaho no ka $500 bela.

            Ua lohe mai makou ua kohu kapena moku maoli no ka hoi o Sylvester Kalama i ka po Poakolu iho nei, i ka wili i na huila o ka Hale Kukui Uwila o ke Aupuni iuka o Nuuanu, e like me ko ke kapena kuhoe wili i ka huila o ka hoeuli.

            Ua lohe mai makou, aole i poina na makamaka o ke Aupuni Kuikawa i ka hoomanao ana i na poe ma Kalihi i ka la 17 o Ianuari nei, a he papaaina makana ia aku ka lakou ma ia la, no ka hoomanao pu ana i ka puni ana o ka makahiki mua o ke Aupuni Kuikawa.

            Eia ke kamailio ia nei e kukulu ia aku ana i mahu hoioi lole hou no Honolulu nei.  Oiai he akea ke kahua, nolaila, aole he mea hewa ka hoonuanua mai o na hana hou e like pela, a malia hoi he mea ia e pomaikai ai o ka poe lole holoi ke emi mai hoi ka uku o ka holoi ana.

            Hana, Ian. 12. Ma ka po Poalua iho nei, Ianuari 9, ma Nuu Kaupo, Hana, ua make o Mahuna (k) i ku i ka pu nana iho no.  Ilaila aku la au i ka po Poakolu nei, a ma ka Poaha nei i noho ai ka Aha Koronelo, a ua hooholo lakou ua make o Mahuna no kona lawelawe hemahema ana i ka pu.

            Ua hoopii ia he elua mau keiki Hawaii imua o ka lunakanawai i ka Poakahi iho nei, no ke kii ana i na lio elua a me na noho o Piipiilani i ka Poaono i hala a holoholo a piula na lio, he 5 ia hoopaahao o Mano a me $8.50 koina, a he 3 la hoopaahao o Oopa a me $3.00 koina.  O ka laua kumu pale, no ka ona mai i ka rama.

            Mawaena o ka hora 3 a me 4 o ka la 18 o Ianuari nei, ua kii ia mai la a kaili ia aku la e ka make, ma Ko@, Honolulu nei, o Mrs. Debora @aunakilika Mahoe, i ke 51 makahiki a me 5 mau malama o ke ola ana, oiai ua hanauia oia ma Honolulu nei i ka la 17 o Augate, 1842, a o ka Hon. P. Kanoa i hala e i ke aupuni uhane kaikamahine hookahi wale iho no keia.

            Kawaihae, Ian. 11. “He nui ka maloo loa ma Waimea nei, aohe ua.  Aohe wai ma na kahawai.  Ke ahu mokaki mai nei na pipi a Hon. Samuela Paka ame na lio i ka wiwi a me ka ai ole.  Aohe no he mauu o ke kula he lepo wale no.  He nui ka ua ma na Kona a me Hilo, aka maanei, ma Hamakua a me Kohala aohe wai.  Ua hewa paha keia mau aina ua hoopailua ke Akua i na kanaka.”

            Ua loaa aku ka wai aniani o ka luawai eli o Paauilo, Hamakua, ma kahi he 228 kapuai ka hohonu.  Ua hookomo ia he paipu wai 2 iniha ke anawaena no ka pauma ana ae i ka wai, a ua manao ia e loaa ana he 170,000 mau galani wai o ka la ma ka pauma ana.  He paipu 6 iniha ke anawaeena ka mea i makemake ia i uui  ka wai, a ina e loaa mai ana, alaila wehe ia keia wahi paipu wai uuku.

            O na lunakanawai  G. W. A. Hapai a me S. B. Kaalawamaka, na luna aupuni i pau o na hookohu i keia malama, a oiai aohe poe hoohalahala i ko laua lawelawe oihana ana i hiki mai na hoopii, nolaila aohe mea e kanalua ai ko laua hookohu hou ia aku ma na oihana.  A me he mea la mamua o ka ike ana o ko makou poe heluhelu i keia hanahuna, malia e loaa ana ia laua ko laua mau hookohu oihana.

            Ua haawi ae o Mr. a me Mrs. Samuela Macy i ka po o ka la 13 o Ianuari nei ma ko laua home noho mauka o ka Palama, he papaaina luuluu i na ono a pau a ka Hawaii, no ka hoomanao i ka puni ana o na makahiki he 12 o ka laua keikikane hiapo punahele Toma.  Ua hoohanohano ae na hoaloha o na makua ma ko lakou hiki pu ana e pahola i na hoomaikai i ke kama nona ka la, a e luakaha pu ma ka papaaina palala.

            O kekahi o na hihia kivila imua o ke kau kiure kaapuni o Hilo, oia ka hoopii a ka Luna Ohi Auhau o Hilo ia E. Kekoa, no ka hoole aole e uku i ka auhau $3.00 paha dala.  Eia nae, i ka hoopii loa ana, ua hiki aku i ka $10 a oi na lilo a nolaila ua unuhi hou ia mamuli o ka hoopono-

pono wale ana mawaho.  O ke kumu a Kekoa i kue ai, ua ano maopopo loa no ka olelo hooholo a ka Aha Kiekie, a he mea akaka o Kekoa no ke pa-u ana i na auhau a me na koina.

            Mahope iho o ka hora 8 o ka po Poakolu iho nei, ua ki iho o Mrs. W. B Ash iaia iho me ka pu panapana ma ko laua wahi e noho nei ma alanui Hotele, a ua komo ka poka ma ka aoao akau o ka waha a paa ma kahi kokoke i ka pepeiao hema.  Ua hoihoi ia i ka Halemai, a aia malaila e malama loa ia nei e na kauka.  He eneenemi no mawaena o ko ka hale iho ka hoomaka liilii ana mai, no ka mea ua hele keia wahine i Waikiki a poeleele hoi mai ana, ua ano luhe i ka wai hoomalule kino.  No ko ke kane hoahewa aku paha ia hana, e ki ae ana ka wahine iaia iho i ka pu.  Aole i make.

Papakuhikuhi Hana o ka la 17 o Ianuari

            Hora 6:30 kakahiaka – He kai huakai o na mea hoomakeaka ma na alanui o ke kulana-

kauhale nei.

            Hora 8 – He huki ana o ka hae Amerika hou loa he 60 kapuai loa me 80 kapuai laula, iluna o ka pahu hae he 118 kapuai ke kiekie o ka Ahahui Amerika e ku nei ma ke kihi o na huina, alanui Alii a me Nuuanu.  Me ka hoohanohano pu o ka Puali Puhi Ohe Aupuni.

            Hora 9:30 – He paikau hookahakaha o ka bataliona o na koa o ke Aupuni Kuikawa o ko Hawaii Pae Aina.

            Hora 11 – He anaina ike na Peresidena Dole a me Mrs. Dole maloko o ke Keena Ahaolelo (Keena Kalaunu mamua) maloko o ka Hale Mana Hooko.  Mawaho ae o na wahine a na Kuhina, he mau wahine e ae no hoi kekahi he kaau paha ka nui ma ke kokua pu ana i ka wahine a ka Peresidena.  Na poe kane hookipa, o Mekia G. C. Potter, C. P. Iaukea, J. A. Hassin-ger a me C. L. Carter.

            Hora 12 awakea – He huikala ana ia 2 paahao, a he hoemi i ka hoopai o kekahi pake oia ke kolu.

            Hora 3 auwina la – He aha mele puhi ohe manawalea na ka Puali Puhi Ohe Hawaii ma Tamaki Kuea.

            Hora 7:30 – He halawai makaainana nui ma Uniona Kuea (Kuea Halealii mamua) malalo o ke alakai ana a Mr. Joseph B. Atherton, ka lunahoomalu, a i haawiia mai na haiolelo e Hon. William O. Smith, Generala A. S. Hartwell, Prof. F. A. Hosmer, W. G. Smith, Lunakanawai A. G. M. Robertson, James B. Castle.

            Mahope koke iho o ka pau ana o na haiolelo, he hoolele ahikao.

NA LETA

            (Aole o makou makemake e lawe i ke koikoi o na hala no na manao i hoopuka ia malalo o keia poo e ko makou poe mea kakau.)

He Moiwahine Hoopunipuni o Liliuokalani.

Mr. Lunahooponopono o ka Nupepa P. C. Avalakaika,

            Aloha oe:

            Ua ike au ma kau nupepa, no ka hoike a ka Moiwahine i ke kumu o kona ae ana e hoolaha i kumukanawai hou, a na hoolaha ae Oia (Liliuokalani) i ko’u inoa owau kekahi i a’o aku Iaia e hoolaha a e kukala aku i kumukanawai hou.  A maluna o kela hoike hoopunipuni a ka Moiwahine hoopunipuni, ke pane nei au i ka mea oiaio.  Aole loa e hiki i na tausani legeona o ka lua po o Satana ke ku mai a hooiaio ma ka aoao o ka Moiwahine ua hele aku o J K Iosepa luna-

makaainana o ka Apana o Hana a a’o aku i ua Moiwahine hoopunipuni nei, e kukala mai Oia (Moiwahine) i kumukanawai hou.

            Aole loa no hoi e hiki i na pahukani o na pepeiao elua o ua Moiwahine la ke hooiaio mai, he olelo kekahi a J K Iosepa i hawanawana aku ma kona mau kumu pepeiao.  A pehea la oia e hoike hoopunipuni nei?  I hoike maopopo loa no ko’u kue i ke kumukanawai a ka Moiwahine

i hoolaha malu ai me koua poai, a’u i lohe ole ai mai ka Moiwahine mai he kumukanawai hou kana i manao ai, oia keia:  Iloko o ka ahaolelo, ua haiolelo au me ka ikaika ma ka aoao e pepehi i ka bila kanawai kahea elele hana kumukanawai hou, a ua paa ka’u haiolelo iloko e ka buke moolelo o ka ahaolelo o ke kau o ka  M. H. 1892, ua laha ma na nupepa a pau.  Ke hou hewa nei ka Moiwahine me he pinao la ma na puka aniani, e imi ana i wahi e manao ia aku ai he oiaio, a e loaa ai he pono ma kona aoao.  Nolaila, ke hoike nei au ma ke akea i ike mai ai ka lehulehu i keia hana a ua Moiwahine hoopunipuni nei.

                        J. K. IOSEPA

            Lunamakaainana o ka Apana O Hana, o ke kau Ahaolelo o ka M. H. 1892.

            Hana, Maui, Jan. 12, 1894.

He nui ka poe i Kaheaia, he uuku nae ka poe i Waeia.

            I ko’u wae pono ana i ka io a me ka iwi o na manao kalaiaina o kekahi poe kanaka Hawaii i hoopuka ia ma ka nupepa Hawaii Holomua a me Ka Oiai, ua kii au i ka mea kanana kulina, a i ko’u lulu ana aole he helelei iho o ka hua kulina o ka iwi wale no ko luna o ke kanana aole he io i loaa.

            Iwi 1. – Ina e hoihoi ia o Liliuokalani a noho hou i ka noho moi, alaila pomaikai na kanaka Hawaii, a na Hawaii ponoi e hookele i ke aupuni mai ka Lunakanawai Kiekie a hiki i no oihana aupuni haahaa loa.  He kalaiaina naaupo loa kela, e nana i na huaolelo ma ke po’o o keia kukulu manao ana, he uuku wale no ka poe e wae ia mai no ua oihana aupuni, o ka hapanui aole.  He palu keia manao kalaiaina e puhi ana imua o na kanaka Hawaii e loaa ana na oihana aupuni i kela a me keia kanaka aloha aina, he hoopunipuni nui keia i mea e puni ai kanaka a manao aku o ka oihana aupuni ka mea e pono ai ka noho ana.

            Iwi 2 – Ina e hoi hou ana o Liliuokalani i ka noho moi, e hoemi la na uku makahiki, e hoomaka ana mai ka moi mai a hala aku ilalo loa, a e koe ana ma ka waihona o ke aupuni he puu dala nui i mea kuai moku manawa, pu, poka a pelu aku.  O keia ka elua o na kalaiaina naaupo loa, pehea la e koe ai he dala ma ka waihona, ua pau loa na kanaka Hawaii i ka noho i na oihana aupuni aole kanaka Hawaii i koe me ka oihana aupuni ole, koe wale no na haole, Pukiki, Iapana,

Pake, a mai ko lakou mau auhau mai paha e uku ia ai ka uku makahiki o ka poe e paa ana i na oihana aupuni.

            Iwi 3 – Ua kuahaua hou mai nei na kalaiaina o ka nupepa Holumua a me Ka Oiaio, ala ka moku manuwa i ka lani, na pono kaua a pau mai ka lani e ki iho ai a lilo na mea kaua o ke Aupuni Kuikawa i mea ole e like me na mea kaua a Parao i piholo ai iloko o ke Kaiula, alaila, ina aia na mea kaua i ka lani i mea aha hoi ia e hoolako ai i mau mea kaua ma ka honua nei, ua makaukau mua no aole he hemahema i koe, o ke kauoha wale ae no e ki iho o ke kani mai la no ia.  Nolaila aole he hoemi ana i ka uku makahiki o ka moi a me na kanaka Hawaii e paa ana i na oihana aupuni, mai ke kanaka Hawaii e noho ana i ka lunakanawai kiekie a hiki i na oihana aupuni malalo loa.  O keia ke kolu o na kalaiaina naaupo loa.  Nolaila, e o’u mau hoa o ka ili hookahi (ulaula) ua maopopo loa ka iwi, aole io, aole uhane, he kino aka wale no e maaloalo

ana, ua hiki loa nae ke koho ia ka mea kino ole i mea kino, a i ka manawa e hopu aku ai na lima aole i loaa no ka mea aole kino he aka wale no.  Nolaila, ke hoole nei na keiki o Kula aole i lawa i ke kalaiaina ana, no ka mea, ina e hoakoakoa ia na kanaka Hawaii a pau, alaila he uuku wale no ka poe e loaa na oihana aupuni.

            I mea e pomaikai ai ka Lahui kanaka a me ke Aupuni, oia ka ke kalaiaina naauao, e imi aku me ka huli ana a loaa ka puka ke alanui hoi e loaa ai i ka Lahui ka pomaikai.  Ina e hemo ka puka o ka Hoohuiaina i keia Paeaina me Amerika Huipuia, alaila ua hemo laelae ka puka e loaa ai ka pomaikai i keia Lahui kanaka a e pii ae ana ke kumukuai o na mea ulu, a e loaa ana i kela a me keia kanaka ka uku kupono o ka luhi ana.

            Penei:  Mamua aku o ka noho ana o Liliuokalani i ka noho Moi, kumukai o ke kulina 100 paono $1.50; uala haole $2; 100 paono uala Hawaii, $2; 1 eke akaakai, $2.50; 1 eke pahu poi,$2; i pahu bipi, $25 a 20, 1 poo lio, $50 a 100, 1 poo puaa 50 paona, $5; moa, 50 keneta.  Mai ka noho ana o Liliuokalani i ka noho moi a hiki mai i keia wa, ua emi loa penei:  100 paona kulina,

45 keneta; 100 paona uala haole, 20 keneta; 100 paona uala Hawaa, 75 keneta; 1 eke akaakai,

75 keneta, 1 eke pahu poi, $1.25; 1 pahu pipi, $4; 1 poo lio, $15; 1 poo puaa 50 paona, $2; moa,

20 a me 30 keneta o ka moa hookahi.  O keia na hooiaio e hiki ai ke hoohui ia keia pae aina me Amerika, a e loaa no ia’u ka pomaikai mai na mea ulu mai aole mai na oihana aupuni mai e like me ka manao o kekahi poe makau wale o lepo ka lima.

            Kula, Maui.                 D H AUKAI.

           

            I ka wa e nakulu ai oloko o ka opu me ka eha, a hele moku ka lepo, alaila, e hoao i ka

CHAMBERLAIN’S COLIC, CHOLERA a me DIAIROEA REMEDY laau lapaau a e oi aku ana kou mahalo ke ike oe i kona hope@na.  He oluolu, palekana a puhili ole.  He oluolu, palekana a puhili ole,  He 25 a me 50 keneta o ka omole, a e kuai ia no ma na halekuai lapaau a pau.  BENSON SMITH & Co., na Agena ma ko Hawaii Pae Aina.  tf.

 

            “O ka oi ma ke ao holookoa.”  Oia ka W. D. WOODRING O BORDLY KENETUKE, e hookaulana nei no ka Chamberlain’s Cough Remedy (Laau Kunu).  Ke kamailio nei oia ma kona ike ponoi iho i ka inu ana, oiai o kona a me ko kona ohana ola ana mai nei no ia mai ka loaa ana i ke kunu koikoi loa a me ke anu, a ua hooholo oia o keia laau lapaau ka oi ma ka honua nei.  E kuai ia no ma na Halekuai Laau Lapaau a pau. O BENSON, SMITH & Co., na Agena ma ko Hawaii Pae Aina.                                              tf

 

1 8 9 4

HE  MAKANA  HOU!

 

(picture)

HE WATI KOLUMEBIA !!

 

            E makana ia i ka mea e hoouna mai ana i Umi Dala ($10) no ka Nupepa Kuokoa o ka M.H. 1894.

 

            E heluhelu i ka hoola ha hou ma ka Pepa Manawalea.

 

            E ninau i ka

HAWAIIAN GAZETTE CO.,

HONOLULU.

 

Hoolaha Hou.

ILOKO o ka Aha Kaapuni, Apana Hookolokolo Ekahi o ko Hawaii Paeaina.  Ma ka hana o ka waiwai o ka Moi KALAKAUA, i make.

            Ma ka waiho ia ana mai o ka palapala noi a me ka papa hoike a G. Trousseau, Luna Hooponopono o ka waiwai i olelo ia, e noi ana e apono ia na hoolilo he $9892.43, a e hoike ana i na dala i loaa mai iaia he $10,491.26. a e noi ana e nana a e apono ia kela mau mea, a e kauoha ia e mahele ia ka waiwai e waiho ana ma kona lima i ka poe i kuleana, a e hookuu ia oia mai kona noho ana ma ia ano.

            Nolaila ua kauoha ia, o ka POAKAHI la 19 o FEBERUARI, 1894, hora 10 kakahiaka, ma ka rumi hookolokolo o keia Aha ma Honolulu, Oahu, oia kahi a me ka manawa i koho ia no ka hoolohe ana i ua noi la, a me ka papa hoike i olelo ia.  O ka poe a pau i pili a kuleana malaila e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o ka mea i kuleana i ua waiwai ia i olelo ia.

            Kakau ia ma Honolulu, Ianuari 13, 1894.

                        Na ka Aha:

                                                            HENRY SMITH,

3.                                                                                                                                           2477-3 Kakauolelo.

 

AHA Hookolokolo Kaapuni Apana Ekahi o ko Hawaii Pae Aina.  Ma ka Hooponopono

Waiwai.  Ma ka hana o ka waiwai o ONO IUKO i make o Honolulu, Oahu.

            O kekahi palapala i olelo ia oia no ka Palapala Kauoha hope loa a Ono Iuko i make, ua waiho ia mai ma ka la 12 o Ianuari, A.D. 1894, me ka palapala e noi ana e hooponopono ia a e

hoopuka ia ka palapala hookohu lunahooponopono waiwai ia Kealoha Iuko, i waiho ia mai e ia.

            Ke kauoha ia nei, o ka POAKAHI, la 19 o Feberuari, A.D. 1894, ma ka hora 10 a.m. o ia la ma ke Keena Hookolokolo o keia Aha, ma ka Hale Hookolokolo ma Honolulu, o ia kahi a me ka manawa i koho ia no ka hooiaio ana i ua palapala kauoha la a me ka hoolohe ana i ke noi, a malaila a ma ia manawa e hele mai ai ka poe a pau i kuleana a e kue i ua palapala kauoha la, a me ka hoopuka ana i ka palapala lunahooponopono waiwai.

            Hanaia ma Honolulu, K.H.P.A. Ianuari 12, 1894.      Na ka Aha:

                                                                                                            GEO. LUCAS,

3.                                                                                                                                                                                                                                           2477-3 Kakauolelo.

Kuai a ka Ilamuku.

MAMULI o ka mana i loaa ia’u malalo o kekahi Palapala Ohi Waiwai i hoopuka ia e ka Aha Kaapuni Ekahi o ko Hawaii Pae Aina, ma ka la 2 o Ianuari, 1894, e kue ana ia Theresa Owana Cartwright a me R W Wilcox, na mea hoopii ia, no ka pomaikai o R W Holt a me W H Cummings, na mea hoopii, no ka huina o $296.35, ua hoomalu ia e a’u, a e kuai aku ana hoi ma ke kudala mamua iho o Kalakaua Hale, ma ka Apana o Honolulu, Oahu, ma ka hora 12 awakea o ka POAONO, la 17 o Feberuari, 1894, i ka mea koho kiekie, i na pono a pau, na kuleana a me na mahele a pau o Theresa Owana Cartwright a me R W Wilcox, na mea hoopii ia, maloko o kela aina e waiho ala ma Waikiki, Oahu, i hoakaka ia maloko oka palapala kuai a John Kamakaia ia

Theresa Owana Cartwright, i hana ia ma ka la 24 o Sepatemaba, 1890, a i kakau ia ma ka Buke Helu 127, aoao 77, koe nae ka apana i hoolilo ia e ua Theresa Owana Cartwright nei ia F S Lyman, Jr., ma ka palapala kuai i hana ia ma ka la 24 o Sepatemaba, 1890, i kakau ia ma ka Buke Helu 127, aoao 76, he apana hoi ia no ka aina i hoakaka ia maloko o ka Palapala Sila Nui Helu 3219, nona ka ili hookahi eka oi a emi mai paha, e paa nei nae malalo o kekahi palapala moraki i hana ia ma ka la 17 o Novemaba, 1891, e Theresa Owana Cartwright ia C Afong, no

$1800,00-100, Buke Helu 132, aoao 388, ke ole e uku e ia mai ka Olelo Hooholo i hai ia ae la,

ka ukupanee, na koina a me na lilo.

            Dala Kuike:                             E G HITCHCOCK,

                                                                                    Ilamuku.

            Honolulu, Ianuari 19, 1894.                                 2477-4

Hoolaha Hooko o ka Moraki a me ke Kuai.

KE HOOLAHAIA aku nei ka lohe i na mea a pau, mamuli o ka mana o ke kuai i hookomo ia iloko o kekahi moraki i hana ia i ka la 1 o Okatoba, A.D. 1887, e HENRY WILLIAMS o Honolulu, Mokupuni o Oahu, ko Hawaii Pae Aina, ia Mary S Parker, W C Parke a me W O Smith, na Kahu o ka waiwai o W C Lunalilo, hoopaa ia iloko o ke Keena Kakau Kope o ke Aupuni ma Honolulu, Buke 106 a ma na aoao 205, 206 a me 207, ke makemake nei ka poe no lakou na inoa malalo iho na Kahu o ua waiwai la e hooko aku i ua moraki la no ka uhaki ia o ka aelike, oia ka hookaa ole ia o ke kumupaa a me ka ukupanee.

            Ke hoolaha hou ia aku nei ka lohe, mahope aku o ka pau ana o na hebedoma ekolu mai ka la aku o keia hoolaha ana, alaila e hoolaha ia aku no ka waiwai i paa maloko o ua moraki la no ke kuai ma ke kudala akea ma ka hale kudala o Jas. F Morgan, ma Honolulu, ma ke POAONO, Feberuari 10 A.D. 1894, hora 12 awakea.

            Kuike ke dala.  Ka uku haua palapala i ka mea e lilo ai.

            No na mea i koe, e loaa no ia W O Smith, ka Loio no na poe e paa nei i ka moraki.

            Kakauia ma Honolulu, Ianuari 12, 1894.

                                                MARY S PARKER

                                                WILLIAM O SMITH

                                                HENRY WATERHOUSE

                        Na Kahu o ka waiwai o W C Lunalilo,

            O ka waiwai i paa maloko o ua moraki la e kuai ia aku ana, oia kela mau apana aina lehulehu i kuhikuhi ia malalo iho:

            1- Kela pahale e waiho nei ma ka aoao akau o alanui Young ma Honolulu, a oia hoi ka pahale helu 230 ma ka palapala aina aupuni o ka apana o Kulaokahua, nona ke alo he 100 mau kapuai a me 116.7 mau kapuai ka hohonu, a i hoolilo ia i ua Henry Williams la e L Ahlo.

            2- O kela apana aina nona ka ili he iwakalua paha mau eka e waiho la ma Kaaawa a me Makaua, Koolauloa, Oahu,i hoolilo ia i ua Henry Williams la ma ke kuai e Kapua, kope ia ma ke Keena Kakau Kope o ke Aupuni Buke 78 aoao 487.

            3- Kela mau apana aina elua, nona ka ili he 17-100 mau eka a me @59-100 mau eka i kuhikuhi ia iloko o ka Palapala Sila Nui Helu 278 a me 1324, oia na aina i hoolilo ia aku i ua Henry Williams la ma ka palapala i kakau ia i @ 18, kope ia ma ke Keena Kakau Kope Buke @

ma na aoao @                                                                         2477-4

 

He Mau Pahale Kuai!

                        E ia ia Mr. H.M. Dow, he 7 mau pa aina kupono maikai no ka noho ana home, e waiho nei ma ka ihona hema o ka puu o Puowina, Honolulu nei, ua pau i ka mahelehele ia, i ka pa ia, hoopihapiha ia na awaawaa a papu like, ua hookomo ia ka wai iloko o na pa a pau.

            E ia keia poe pa mai ka 100 mau kapuai loa a oi aku pakahi, a ma na laula like ole ma ke 30, 45, 50 a me 70 mau kapuai pakahi.

            Ua hailona ia na kumukuai maluna o kela a me keia pa, a ma ia mau kumukuai e noi mai ai ka poe makemake.  E ia nae, e kuai kudala ia ana keia mau pa i ka mea koho kiekie, a ina aole e haawi hou ia iho maluna o ke kumukuai i noi ia mai ai, alaila i ka mea noi mua e lilo ai.

            O na hookaa ana, he hapalua ma ke dala kuike a he hapalua ma ka aie no hookahi makahiki a no ka ukupanee he 10 keneta o ka makahiki.

            O ka makaikai kino no i na pa aina ka mea pono loa, a ua hiki loa ke ike ia ma na wa kaawale e like me na la kapu a kulaia.

            E ike ia no ke kii o ka aina me Mr. M.H. DOW                     2476-2

            O na mea no laua na inoa malalo iho, ua hoohui ae nei ia laua malalo o ka hui no ka lawelawe ana i ka hana aelike, kukulu hale a me hale hana wili.

                                                                                                            P HIGH

                                                                                                JOHN S B PRATT

                                                                                                            247@2

Hoolaha Hoopau Hui a me Kukulu Hui Hou

            KE HOOLAHAIA aku nei ka lohe, o ka hui mua i ku iho nei mawaena o Henry W. Hyman, Joseph Hyman, Morris Hyman a me Michael Hyman e lawelawe hana ana ma Honolulu, Mokupuni o Oahu, malalo o ka inoa hui o Hyman Bros., ua hoopau ia mamuli o ka aelike ana.  A ke hoolaha hou ia aku nei ka lohe, ua hoohui hou ae nei o Henry W. Hyman, Joseph Hyman a me Morris Hyman o Kapalakiko Mokuaina o Kaleponi, Michael Hyman o ke kulanakauhale o Nu Ioka, Mokuaina o Nu Ioka a me Isidor Rubinstein o Honolulu, Mokupuni o Oahu, no ka lawelawe hana ma ke kuai mai a me ka hoolilo aku i na waiwai lole, na waiwai kuai a me kalepa ma ko Hawaii Pae Aina malalo o ka inoa hui o Hyman Bros. a o kahi e lawelawe hana ai ua hui la ma Honolulu Mokupuni o Oahu.

            Kakauia ma Honolulu, Ianuari 1, 1894.

3.                                                                                                                                                                   2475-3 HYMAN BROS.

Hoolaha Hou

 

Hoolaha Hooko o ka Moraki a me ke Kuai

KE HOOLAHA ia aku nei ka lohe i na mea a pan, mamuli o ka mana o ke kuai i hookomo ia iloko o kekahi moraki i hana ia i ka la 28 o Feberuari A.D. 1890, e

MANUEL ENOS o Honolulu, Oahu, ko Hawaii Pae Aina, ia William O Smith, Mary S Parker a me Henry Waterhouse, na Kahu Waiwai malalo o ka Palapala Kauoha a WC Lunalilo i make,  hoopaa ia maloko o ke Keena Kakau Kope o ke Aupuni ma Honolulu,

Buke 123 a ma na aoao 151, 152 a me 153, ke makemake nei ka poe e paa nei i ka moraki e hooko aku uo ka uhaki ia o ka aelike, oia ka hookaa ole ia o ke kumupaa a me ka ukupanee.

            Ke hoolaha hou ia aku nei ka lohe, mahope aku o ka pau ana o na hebedoma ekolu mai ka la aku o keia hoolaha ana, alaila o ka waiwai i paa maloko o ua moraki ia e hoolaha ia aku no ia no ke kuai ma ke kudala akea ma ka hale kudala o Jas F Morgan, ma Honolulu, ma ka POAONO, Feberuari 10, AD 1894, ma ka hora 12 awakea.

            Kuike ke dala.  Na uku hana palapala i ka mea e lilo ai.

            No na mea ia koe, e loaa no ia W O Smith, ma alanui Papa.

            Kakauia ma Honolulu, Ianuari 12, 1894.

                        WILLIAM O SMITH,

                        MARY S PARKER,

                        HENRY WATERHOUSE,

            Na Kahu o ka Waiwai  o W C Lunalilo i make.  O ka waiwai paa maloko o ua moraki la, a e kuai ia aku ana, oia keia pahale me na hale a me na mea e pili ana e waiho la ma ka aoao hikina o alanui Makiki, e kokoke aku la i alanui Waila, nona ke akea o ke alo he 120 mau kapuai a me ka hohonu he 370 mau kapuai oia kekahi hapa o ka Palapala Sila Nui Helu 6305 a me ka hapa o ka aina i lilo i ua Manuel enos ia mai a Walter R Seal mai a i kakau ia ma Iune 27, 1881, kope ia ma ke Keena Kakau Koke, Buke 71 aoao 59.

                                                                                                            2477-4

Hoolaha Hooko o ka Moraki a me ke Kuai.

            KE HOOLAHA ia aku nei ka lohe i na mea a pau, i kulike ai me ka maua kuai iloko o kekahi moraki i hana ia i Sepatemaba 30, AD 1885, e S. KEKAHUNA NAHUAAI o Halawa, Mokupuni o Molokai, ia James M. Monsarrat o Honolulu, Mokupuni o Oahu, i kope ia ma ke Keena Kakau Kope Buke 96, a ma na aoao 356, 357, a me 358, ke makemake nei ua James M. Monsarrat la e hooko aku i ua moraki la no ka uhaki ia o na olelo oloko, oia ka hookaa ole ia o ke kumupaa a me ka ukupanee i ka wa e hookaa ai.

            Ke hoolaha hou ia aku nei ka lohe, o kela mau apana aina a pau, na pono hoaaina a me na pilikana iloko o ua moraki la i kuhikuhi ia, e kuai ia aku no ma ke kudala akea ma ka hale kudala o James F. Morgan, ma alanui, Moiwahine Honolulu, ke hiki aku i ka POAKAHI, la 5 o Feberuari, M H 1894, ma ka hora 12 awakea o ia la.

            Penei ke kuhikuhi ana o ka aina i paa maloko o ua moraki la:

a.        1-   O kela apana aina e waiho ia ma Halawa, i olelo ia nona ka ili he 1 eka, 2

ruka, a me 24 pereke, a o ia ka aina i kuhikuhi ia maloko o ka Palapala Sila Nui Helu 4286 a Kuleana Hoona Aina Helu 6344, a i hooliloia mai i ua S. Kekahuna Nahuaai e Piikoi (k) ma ka palapala kuai i hanaia ma ka la 2 o Mei, 1864, a i kopeia ma ka Buke 40, aoao 186.

a.        2-   O ka hapalua i mahele ole ia o ua S. Kekahuna Nahuaai ia iloko o na apana 

aina malalo iho e waiho la ma Halawa i olelo ia. Oia keia apana aina nona ka ili he 3 ruda, a me 24 pereke, a i kuhikuhi pono ia maloko o ka Palapala Sila Nui Helu 4283 a Kuleana Hoona Aina Helu 4769 ia Nahuaai, ka makuakane o S. Kekahuna Nahuaai.

O kela apana aina a pau nona ka ili he 1 eka a me 13-100 eka, a i kuhikuhi pono ia ma ka

Palapala Sila Nui Helu 4300 a Kuleana Hoona Aina Helu 6757 ia Opuloa ka makuakane hanauna o ua S. Kekahuna Nahaai la.

            O kela apana aina a pau nona ka ili he 2 ruda a me 3 pereke, a i kuhikuhi ia ma ka Palapala Sila Nui Helu 4288 a Kuleana Hoona Aina Helu 6631 ia Nawailau, ka makuakane hanauna o ua Kekahuna Nahuaai la.

            Kuike ke dala.  Na uku hana palapala i ka mea e lilo ai.

            No na mea i koe, e ninau ia

                                    J. M. MONSARRAT,

                                       Mea e paa nei i ka moraki.

            Hanaia ma Honolulu, Ianuari 6, 1894.

                                                2475-4

Hoolaha Hooko o ka Moraki a me ke Kuai.

            KE HOOLAHAIA aku nei ka lohe i na mea a pau, i kulike ai me ka mana o ke kuai i hookomo ia iloko o kekahi moraki i hana ia i ka la 31 o Augate, A D 1889, e A.K. KAUANUI a me KELA KAUANUI kana wahine o Honolulu, Mokupuni o Oahu, ia Alexander J. Cartwright i make i keia wa, kope ia iloko o ke Keena Kakau Kope o ke Aupuni, Buke 116 a ma na aoao 363, 364, 365 a me 366, ke makemake nei o Bruce Cartwright a me A. J. Cartwright o Honolulu na hooilina malalo oka palapala kauoha a ua Alexander J. Cartwright la i make, e hooko aku i ua moraki la, no ka uhakiia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.

            Ke hoolaha hou ia aku nei ka lohe, o keia mau aina a pau, na pono hoaaina a me na pilikana iloko o ua moraki la a i kuhikuhi ia, e kuai ia aku no ma ke kudala akea ma ka hale kudala o James F. Morgan, alanui Moiwahine, Honolulu, ma ka POAKOLU, la 24 o Ianuari, AD 1894, hora 12 awakea o ia la.

            E ia ka waiwai i kuhikuhi ia maloko o ua moraki la penei:

            O keia apana aina a pau e waiho la ma alanui Liliha, Honolulu, a i kuhikuhi ia na palena penei:

            E hoomaka ana ma ke kihi komohana a e holo ana akau 39 ¾ deg hik 50 pauku oia he 33 kap me Papaa, hem 53 deg hik 116 pauk oia he 76 ½ kp me Puhi a me Lapakaihee, akau 53 deg hik 189 pauk oia he 124 7-3 kap me Puhi a me Lapakaihee, hem 45 deg hik 170 pauk oia he 112 2-12 kap me Puhi a me Lapakaihee, hem 51 ¾ kom 192 pauk oia he 126 8-12 kap me W.L. Lee, hem 36 deg kom 8 pauk oia he 5 3-12 kap me W.L. Lee, akau 50 ¼ deg kom 163 pauk oia he 107 7-12 kap me Ant. Sam, hem 52 deg kom 37 pauk oia he 24 5-12 kap me Ant. Sam, akau

49 ¾ deg kom 106 pauk oia he 69 11-12 kap Ant. Sam a hiki i ka hoomaka ana, ka ili 46-100 eka, a oia ka hapa mauka o ka Palapala Sila Nui Helu 4525 Kuleana Helu 101 ia Antonio Sam, a oia aina hookahi no kai hoolilo ia aku i ua A. K. Kauanui la e James Keliiopunui a me Nakaikuaana ma ka palapala kuai i kakau ia ma ka la – o Maraki, 1877, a kope ia iloko o ke Keena Kakau Kope, Buke 48 a ma na aoao 379 a me 880 a i ua Kela Kauanui la mai a Napoi a me Pono ma ka palapala i kakau ia i ka la 8 o Dekemaba, 1885, kope ia ma ke Keena Kakau Kope 98 a ma na aoao 12 a me 13.

            A me kela apana a pau e waiho la ma ua alanui Liliha la, a i kuhikuhi ia na palena e like me keia malalo iho nei:  E hoomaka ana ma kahi kiko ma ka aoao kom a ko ke alanui Liliha he 10 kapuai makai iho o ke kihi hik o ka aina i kuai ia e C.E. Williams mai ka Papa Hoonaauao mai ma kekahi palapala i kope ia ma ka Buke Aupuni Helu 84 aoao 423, a e holo ana i hope ma na huina kupono i ke alanui i olelo ia he 45 kapuai a oi aku a emi mai paha a i ko Kauanui,  alaila ak hik 10 ¼ kapuai ma ko Kauanui, alaila e holo ana ma ka laina kaulike me ka aoao mua a hiki i ke alanui, alaila hema kom he 10 kap e pili ana i ke alanui, a i kahi i hoomaka ai, he 450 kap ili a oi aku a emi mai paha.  A oia no ka aina i hoolilo ia ai i ua Kauanui ia e Charles E. Williams ma ka palapala i hana ia i Feberuari 20, 1884, a i kope ia ma ke Keena Kakau Kope o ke Aupuni, Buke 85 a ma ka aoao 361.

                                                            BRUCE CARTWRIGHT,

                                                            A J CARTWRIGHT

            Kuike ke dala.  Na uku hana palapala i ka mea e lilo ai.

            No na mea i koe e ninau ia J M MONSARRAT, Loio no Bruce Cartwright a me A. J. Cartwright.

            Honolulu, Dec. 30, 1893.                                2474-4

Hoolaha Hooko o ka Moraki a me ke Kuai.

            KE HOOLAHALA aku nei ka lohe i na mea a pau, i kulike ai me ka mana o ke kuai i hookomo ia iloko o kekahi moraki i hana ia i ka la 5 o Feberuari, AD 1892. e LUKA (w) a me PAOO kaua kane o Honolulu, Mokupuni o Oahu, ia Robert McKibbin o Honolulu no, kope ia maloko o ke Keena Kakau Kope, Buke 131 a ma na aoao 435, 436 a me 437, ke makemake nei o Robert McKibbin ka mea e paa nei i ka moraki, e hooko aku i ua moraki la no ka uhakiia o ka aelike, oia ka hookaa ole ia o ka ukupanee i ka wa e hookaa ai.

            Nolaila, ke hoolaha hou ia aku nei ka lohe, o kela mau aina a pau, na pono hoaaina a me pilikana iloko o ua moraki la, e kuai ia aku ana ma ke kukala akea ma ka hale kudala o James F. Morgan, alanui Moiwahine, Honolulu, ma ka POAKOLU, ia 24 o Ianuari, AD 1894, ma ka hora 12 awakea o ia la.

            Penei ke kuhikuhi ia ana o ka aina i paa ma ua moraki la:

            O kela apana aina a pau e waiho la ma Kahawale, Honolulu, nona na loi kalo elua a me ka apana kula, a oia kekahi hapa o ka Apana 1 o ka Palapala Sila Nui Helu 5553 a Kuleana Helu 1405 ia Pihiliilii, a penei na palena:

            E hoomaka ma ke kihi hema makai pili i ka Apana o Puuheana a me ke ala ololi Koiuiu a holo ak 44 deg hik 187 pauk ala ololi Koiuiu me Keonekapu, alaila ak 40 deg kom 172 pauk me Kahina, hem 56 deg kom 37 pauk ak 40 deg kom 162 pauk me Konohiki a hiki iwaenakonu o ka auwai, alaila hem 47 deg 30 min kom 249 pauk ma ka auwai pili i Keoneula, alaila hem 31 deg

30 min hik 114 pauk ak 52 deg 30 min hik 112 pauk hem 45 deg 30 min hik 228 pauk e hookaa-

wale ana i ka palena o ko ka hooilina apana a hiki i kahi i hoomaka ai, malaila 7-10 eka  A oia no ka aina i ili mai i ua Luka (w) nei mai a Kaeha opio mai kona kaikuana, oiai iaia i hoolilo ia aku ai ua aina la e Kaeha nui (w) ma ka palapala i kakau ia ma Maraki 30, 1874, kope ia ma ke Keena Kakau Kope, Buke 39 a ma na aoao 175-6.

                                                                                    ROBERT MCKIBBIN

                                                                        Mea e paa nei i ka moraki.

            Kuike ke dala.  Na uku hana palapala i ka mea e lilo ai.

            No na mea i koe e ninau ia J M MONSARRAT, Loio no ka mea e paa nei i ka moraki.

            Honolulu, Dec. 30, 1893.                                            2474-4

Hoolaha hou.

 

Hoolaha Hooko o ka Moraki a me ke Kuai.

            KE HOOLAHALA aku nei ka lohe i na mea a pau, i kulike ai me ka mana kuai i hookomo ia iloko o kekahi moraki i hana ia i ka la 14 o Okatoba AD 1889 e WILLIAM DAVIS o Honolulu, Oahu, ko Hawaii Pae Aina, ia William H. Cornwell o Waikapu, Mokupuni o Maui kekahi o ko Hawaii Pae Aina, kope ia ma ke Keena Kakau Kope o ke Aupuni ma Honolulu, Buke 119 a ma na aoao 149, 150 a me 151, ke makemake nei o Frances E. Hobron, ke Kahu Waiwai, ka hope o ka mea e paa nei i ka moraki e hooko aku, no ke kumu ka uhaki ia o ka aelike, oia ka hookaa ole la o ke kumupaa a me ka ukupanee.

            Ke hoolaha hou ia aku nei, mahope iho o ka pau ana o na hebedoma ekolu mai ka la aku o keia hoolaha ana, alaila o ka waiwai i paa maloko o keia moraki, e hoolaha ia aku no e kuai ma ke kudala akea ma ka hale kudala o Jas. F. Morgan ma Honolulu, ma ka POAONO, la 10 o

Feberuari AD 1894, hora 12 awakea o ia la.

            Kuike ke dala.  Na uku hana palapala i ka mea e lilo ai.

            No na mea i koe, e ninau ia T.W. Hobron, kihi o na huina alanui Papu a me Kalepa, a i ole ia William O. Smith.  Loio no ka moraki.

            Hana ia ma Honolulu, Ianuari – 1894

                        FRANCES E. HOBRON, Kahu.

                   Hope o ka mea e paa nei i ka moraki.

            O ka waiwai i paa maloko o keia moraki,  oia kela mau pahale waiwai loa ma alanui Binamu e kokoke aku la i Punahou, ma ua Honolulu la, i kuhikuhi ia e like penei malalo iho:

            1- O kela pahale ma ke kihi o na alanui Binaum a me Metcalf nona ka ili he 76-100 o ka eka, a i hoolilo ia la Samuel F. Graham e John H. Paty a me Julia A. Paty ma ka palapala hoolilo i kakauia ma Okatoba 11, 1882, kope ia ma ke Keena Kakau Kope Buke 76 a ma na aoao 394 a me 395.

            2- O kela pahale, he 153 kapuai ma ke alo oi aku a emi mai paha ma alanui Binamu a nona ka hohonu he 200 kapuai, i hoolilo ia la Samuel F. Graham e B. F. Dillingham ma ka palapala kuai i kakau ia i Maraki 29, 1884, kope ia ma ke Keena Kakau Kope, Buke 85 a ma na aoao 426 a me 427.

            Aia maluna o kela pahale mua, he hale noho maikai 8 mau keena, me na hale kaa, hale lio a me na hale liilii e ae.  He kahua hiehie maikai, a ma ka uanaina he wahi noho oluolu.

            Eia keia mau aina i keia wa malalo o ka G. J. Waller malama ana a ma ka uku hoolimalima he $30 o ka malama.

            Ua panihakahaka ia na hale no ka $3,000.

                                                2476-4

Kuai a ka Hope Makai Nui

            MAMULI o ka mana i loaa ia’u malalo o kekahi palapala Ohi Waiwai i hoopuka ia e ka Aha Apana o Koolauloa, Mokupuni o Oahu, ma ka la 22 o Dekemaba, AD 1893, e kue ana ia Ah Koni i (mea hoopii ia) no ka pono o Ah Lai ( @a mea hoopii) no ka huina o $300, ua hoomalu ia e a’u a e kuai aku ana hoi ma ke kudala mamua iho o ka Hale Hookolokolo ma ka Apana o

Koolauloa i olelo la, ma ka hora 12 awakea o ka POALUA, Feberuari 6, AD 1894.  I ka mea koho kiekie, i na pono a me na kuleana a pau o Ah Koni I@ i olelo ia, ma keia mau waiwai malalo iho, ke ole e uku e ia mai ka olelo hooholo i olelo ia, ka ukupanee, na koina a me ko’u

mau lilo.

            Eia na waiwai e kuai ia aku ana 3 lio (k) 2 lio keiki a me 1 kaa me ka ili kaa.

                                                                                                            J. PAHIA

                                                                                    Hope Makai Nui o na Koolau.

            Ianuari 5, M. H. 1894.                                                                        2475-@

Hale Hana Kopa o Honolulu

            Ua paa @ ka Hale Hana @opa Ma@ Hon o ka poe no lakou na @ maialo @ a na makanakau lakou e hoolawa aku i @ poe piepiele i ua

Kopa Maikai Loa Maoli

I hookomo ia iloko o na Pahn 100 paoa mai ke 42 a 56 auka Kopa pakahi.

Ke hooia nei makou i ka oi o la MAIKAI ka makou KOPA mamua o na Kopa o waho mai.

            Ua kuni ia mawaho o ko mako mau Pahn meka hoailona “HONOLULU SOAP CO. @

Kuai ia e na Halekuai Liilii a Pau.

HUI HANA KOPA O HONOLULU

@ M. W. McChesney & Sons

Na E@ena

232@

PAPA !  PAPA

AIA MA KAH@O

Lewers & Cooke

(LUI MA).

Ma ke kahua hema o Alanui Pap@ me Moi.

 E LOAA NO NA

PAPA NOUAI@

O kela a me keia ano.

Na Pani Puka, na Puka Aniani, na Olepelepe, na Pou, na O’a, na Papa Hele, na Papa Ku, me na Papa Moe he nui loa

N@ PILI HALE O NA ANO A P@

A me ne

WAI HOOHINUHINU NANI

O na ano a pau loa.

Na Balaki o na Ano he Nui Wa

            Ke hai ia aku nei oukou e na makamaka a pau, ua makaukai keia mau makamaka o oukou hoolawa aku ma na mea a pau pili ana ma ka laua oihana no ka

Uku Haahaa Loa.

E like me ka mea e holo ana me@ o Laua a me ka Mea Kuai.

Hele Mai e Wae no Oukou iho

2396-@