Ka Nupepa Kuokoa, Volume XXXIII, Number 6, 10 February 1894 — Ke Alii Hope Loa i Olepeia. [ARTICLE]

Ke Alii Hope Loa i Olepeia.

Ma ka la 10 o Novemaba, 1893 aku nei i kapaeia aku ai ka Khan o Klat, ke alii kiaaina mua o Beloochistan, he mokuaina ma ke komohana o Inia ma Asia, a i noho manaia e ke aupiini nui o Berifcania f e like me ke aupuni o Inia e lioomaluia nei e ka moiwahineVictoria. He kanaka ponoi ka mea i hoopauia no Beloochistan, o j Quietta ke kulanakauhale alii. Ua kipakuia aku oia e ke kiaaina kenerala o Inia mamuli o na hana hoomainoino weliweli a keia kanaka, Ua oleloia ua ano opulepnle oia. 0 ke alii kiaaina hou o Khan o Klat, lie kanaka opio oia i mahaloia no kona hoopono a me ka naauao a lie keiki kuonoono no hoi no kona aina. 0 kona la i hoolilo ia ai i kiaaina,, he la kulaia nui ia ma kona aupuni, a he mau tausani o na koa Pelekane a me na koa ponoi o ke kiaaina i puka e liookahakaha ma ia la hanohano o ia aina liikina. He hapalua miliona ka heluna o keia lahui.