Ka Nupepa Kuokoa, Volume XXXIII, Number 8, 24 February 1894 — He mau Pa Aina Kumukuai Nui. [ARTICLE]

He mau Pa Aina Kumukuai Nui.

He ekolu mau kuai pa aina nui ma Honolulu nei i puapuai ae na lono i keia mau la aku nei, oia keia: O kela pa akea nui ma Nuuanu, mawaena o ka pa noho o Mr. F. A. Sehaofer a me Portland Hotel, he mile a me hapalua ka mamao mai ke kiko waena aku 0 Honoiuiu, a mo ka hale nui iluna a i lalo e ku la maluna o ka aina, i ona ia e Mr. J. H. Paty, ua lilo mai nel ia Mr. Laura Wight o Mahukono, no ke kumukuai he $15,000. O ka pa nui a me ka hale noho nani o Col. C. P. laukea ma alanui Beritania, i ke maikai ia ke kahua, hoomoe ia na alahele, okioki ia na mala pua a hooulu la na laau hua a me malumalu, ua lilo mai nei ia Mrs. Anna S. Park, no ka $10,000. O ka pa a me ka hale noho o Mr. H. Berger e ku nei mauka iho o ke kahua kinipopo kahiko o Makiki, a ma ke kihi o na alanui Lunalilo a me Keeaumoku, ua iilo mai nel ia Mr. C. A. Peaeoek no kekahi puu dala e hiki ana paha i ka $10,000 ke hui pu me na hana a me na hoololiloli hou i hoolala ia no ka hoolilo aku i hale nani.

O keia mau kumukuai a pau I haawi :a no keia mau pa aina maluna ae, ke hoomau mai nei no ia i ka mau o ka wuiwai o na alna ma Honolulu nei.