Ka Nupepa Kuokoa, Volume XXXIII, Number 13, 31 March 1894 — Page 2
| This text was transcribed by: | Leilani I-Lovell |
| This work is dedicated to: | Henry I aka Henry Enoka Lovell |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
KUKALA KOHO BALOTA.
OIHANA KALAIAINA,
Honolulu. Maraki 19, 1894
I kalike ai me na hooko ana o ka Pauku 2 o ke Kanawai 69 o ke Aupuni Kuikawa o ko Hawaii Pae Aina, oia ke Kanawai i kapaia, “He Kanawai e Hoomaopopo ai no kekahi Aha Hana Kumukanawai,” nolaila, ke hoolaha ia aku nei, e malama ia ana he Koho Balota no na Elele i ka Aha hana Kumukanawai a puni ka Pae Aina, mawaena o na hora 8 A.M. a me 5 P.M., o ka Poakolu, la 2 o Mei, 1894.
O na Apana Koho, na Mahele, na Wahi Koho a me na Luna Nana Koho Balota, eia lakou malalo iho:
NO KA MOKUPUNI O HAWAII.
APANA EKAHI – HILO HEMA.
Oia o Puna a me kela wahi o Hilo a pau ma ka hema a waenakonu o ke Awawa o Pukihae.
Mahele Ekahi – O kela hapa o Puna e moe ana mai Kau a hiki a komo pu me Kehena. Wahi koho: Halekula ma Kalapana.
Na Luna Nana – J. M. Kauwila, lunahoomalu:
J. Kahoomana,
Rufus A. Lyman, Jr.
Mahele elua – O kela hapa o Puna e moe ana mai Kehena a hiki i ka palena o Hilo, koe o Keaau a me Olaa. Wahi koho: Hale Hookolokolo ma Pohoiki.
Na Luna Nana – J. E. Eldart, lunahoomalu:
Robt. Rycroft,
J. W. Mason
Mahele ekolu – O na aina o Keaau a me Olaa ma Puna, a me kela hapa o Hilo e @@@ ana mai ka palena o Puna a hiki iwaenakonu o ke awawa o Pukihae. Wahi koho: Hale Hookolokolo ma Hilo.
Na Luna Nana – F. S. Lyman, lunahoomalu:
A. W. Richardson,
Chas. Notley, Jr.
APANA ELUA – HILO WAENA.
Oia kela hapa o Hilo e moe ana mai ke Awawa o Pukihae ahiki i waenakonu o ke Awawa o Hakalau.
Mahele ekahi. – Oia kela wahi e moe aua mai ke Awawa o Pukihae ahiki i waenakonu o ke Awawa o Honolii. Wahi koho: Halekula ma Haaheo.
Na Luna Nana. – J. A. Scott, lunahoomalu:
J. R. Wilson
F. L. Winter.
Mahele elua. – Oia kela wahi e moe ana mai ke Awawa o Honolii ahiki a me ke komo pu o Kawainui. Wahi koho: Halekula ma Papaikou.
Na Luna Nana. – Geo. Weight, lunahoomalu;
J. Maikaaloa,
J. T. Moir.
Mahele ekolu. – Oia mai Kawainui aku ahiki a komo pu o Hakalau. Wahi koho: Halekula ma Honomu.
Na Luna Nana. – Henry Deacon, lunahoomalu;
W. D. Schmidt.
J. K. Dillon.
APANA EKOLU – HILO AKUA.
Oia kela hapa o Hilo a me Hamakua, mai ke awawa o Hakalau a hiki iwaenakonu o ke awawa o Kalapahapuu ma Hamakua (mawaena o Kukaiau a me Kainehe) e komo pu ana o Kukaiau a pau.
Mahele Ekahi – Mai ke awawa o Hakalau a hiki ma ka aoao Hamakua o ke awawa o Laupahoehoe. Wahi koho: Hale hookolokolo mae Laupahoehoe.
Na Luna Nana – E W Barnard, lunahoomalu;
L. S. Thompson
G.W.Kaihenui.
Mahele Elua – Mai ke awawa o Laupahoehoe a hiki i ke awawa o Kalapahapuu Wahi koho: Halepule ma Kaala.
Na Luna Nana – W. G. Walker, lunahoomalu;
Robt Ivers,
R. Horner.
APANA EHA – HAMAKUA.
Oia kela hapa i koe Hamakua a me Kohala-hema.
Mahele Ekahi – Mai ke awawa o Kalapahapuu a hiki i ke awawa o Kuaikahia. Wahi koho: Hale Hookolokolo ma Honokaa.
Na Luna Nana – James Renton, lunahoomalu;
R. W. Podimore,
M. V. Holmes.
Mahele Elua – Mai ke awawa o Kuaikahia a hiki i ka palena o Kohala. Wahi koho: Halekula ma Kukuihaele.
Na Luna Nana – Wm. Horner, lunahoomalu:
Chas. Williams,
Rev. S. Kaili.
Mahele Ekolu – Ka apana o Kohalahema. Wahi koho: Hale Hookolokolo ma Waimea.
Na Luna Nana – W. S. Vredenberg, lunahoomalu;
S. H. Mahuka.
Lanakila.
APANA ELIMA – KOHALA.
Oia o Kohala Akau. Wahi koho: Hale Hookolokolo ma Kohala.
Na Luna Nana – W P McDongall, lunahoomalu:
Geo. F. Renton,
D. S. Kahookano.
APANA EONO – KONA.
Oia o Kona Akau a me Hema.
Mahele Ekahi – Mai ka palena o Kohala Hema ahiki a me ke komo pu me ka aina o Kealakehe. Wahi koho: Halekula ma Kalaoa.
Na Luna Nana – W. E. Scott, lunahoomalu;
Sam Haanio.
J. K. Nahale.
Mahele Elua – Mai Kealakehe ahiki a me ke komo pu me Kapalaalaea. Wahi koho: Halepule ma Holualoa.
Na Luna Nana – W. J. Wright, lunahoomalu;
Thos. Aiu,
Thos. N. Haae.
Mahele Ekolu – Mai Kapalaalaea ma Kona Akau ahiki a me ke komo pu o Keei ma Kona Hema. Wahi koho: Halekula Aupuni ma Popopiia, Kona waena.
Na Luna Nana – Thos. H Wright, lunahoomalu;
H. Haili,
D. Namanuu.
Mahele Eha – Mai Keei ahiki a me ke komo pu o Hookena. Wahi koho: Hale Hookolokolo ma Hookena.
Na Luna Nana – T. K. R. Amalu, lunahoomalu;
S. M. Kekoa,
Rev. G. W. Waiau.
Mahele Elima – Mai Honokua ahiki i ka palena o Kau. Wahi koho: Halepule ma Papa.
Na Luna Nana – J. W. Kuaimoku, lunahoomalu;
J. W. Maele,
K. M. Moses Hu.
APANA EHIKU – KAU.
Oia o Kau a pau.
Mahele Ekahi – Oia mai ka palena mai o Puna ahiki a me ke komo pu ka aina o Ninole. Wahi koho: Halekula ma Pahala.
Na Luna Nana – W. P. Fennell, lunahoomalu;
W. D. Thompson,
J. N. Kapahu.
Mahele Elua – Oia ke koena aku o ka Apana o Kau. Wahi koho: Hale Hookolokolo ma Waiohinu.
Na Luna Nana – J. H. Waipuilani, lunahoomalu;
W. J. Yates,
Rev. J. Kauhane.
NA MOKUPUNI O MAUI, MOLOKAI, LANAI A ME KAHOOLAWE.
APANA EKAHI – MOLOKAI.
Oia ka Mokupunui o Molokai.
Mahele ekahi – O kela hapa o Molokai oia o Kalawao a me Kalaupapa. Wahi koho: Halekuai ma Kalaupapa.
Na Luna Nana – Wm. Notley lunahoomalu;
Thos. K. Nathaniel,
Jno. H. Babcock.
Mahele elua – O ke koena aku o ka Mokupuni o Molokai. Wahi koho: Hale Hookolokolo ma Pukoo.
Na Luna Nana – H. R. Hitchcock, lunahoomalu;
W. A. Kukamana,
Henry Peelua.
APANA ELUA – LAHAINA.
Mahele ekahi – Ka Apana o Lahaina. Wahi koho: Hale Hookolokolo ma Lahaina.
Na Luna Nana – Henry Dickinson, lunahoomalu;
D. Kahaulelio,
L. M. Baldwin.
Mahele elua – Ka Apana o Kaanapali. Wahi koho: Halekula ‘ma Honokohau.
Na Luna Nana – R. C. Searle, lunahoomalu;
Hoewaa,
D. H. Kaialiilii.
Mahele ekolu – Mokupuni o Lanai. Wahi koho: Hale ma Maunalei.
Na Luna Nana – S. Kahoohalahala, lunahoomalu;
Palanina,
Kahikiwawe.
APANA EKOLU – WAILUKU AKAU.
Oia kela hapa o Wailuku e waiho ana ma ka akau o ke alanui mai ke awawa mai o Iao ( ma ka aoao hema o ke kahawai) a hiki i na puu one; alaila, ma ke kualapa ae o na puu one a hiki i ka nuku o ka muliwai o Wailuku. Wahi koho: Hale Holohau.
Na Luna Nana – Jno. W. Kalua, lunahoomalu;
Geo. Hons,
S. E. Kaleikau.
APANA EHA – WAILUKU HEMA.
Oia kela hapa o ka Apana o Wailuku e waiho ana ma ka hema o ka Apana o Wailuku Akau, a e hookomo pu ana i ka Mokupuni o Kahoolawe a me Honuaula.
Mahele ekahi – O kela hapa o na Apana la e moe ana mawaena o na Puu One a me ka mauna a me ka mokupuni pu o Kahoolawe. Wahi koho: Hale Hookolokolo ma Wailuku.
Na luna Nana - J. S. Dumas, lunahoomalu;
M. P. Waiwaiole,
D. L. Meyer.
Mahele elua – Ka hapa i koe o Wailuku Hema. Wahi koho: Hale Dute ma Kahului.
Na Luna Nana – E. H. Bailey, lunahoomalu.
F. L. Stoltz,
Samuel Maikai.
Mahele ekolu – Ka Apana o Honuaula. Wahi koho: Hale Hookolokolo ma Honuaula.
Na Luna Nana – L. W. Zumwalt, lunahoomalu.
M. Kealoha,
Aukai.
Apana elima – Makawao.
O kela hapa e waiho ana ma ke komohana a me ka hema o ke Awawa o Oopuola a me Huelo a me ke komo pu o ka Apana o Kula.
Mahele ekahi – O kela hapa o ka Apana i oleloia a i ikeia o Kula, a me kela hapa o ka aina o Hamakuapoko e moe la ma ka hema a me ke komohana o ke Awawa o Maliko a mauka o ka laina e holo ana mawaena o ke alanui e moe ana mai Kaluanui a i ka Halepaahao o Makawao, alaila ma ka laina e holo ana mailaila aku. Wahi koho: Hale Hookolokolo ma Makawao.
Na Luna Nana – F. W. Hardy, lunahoomalu.
Geo Forsyth,
Chas. Copp.
Mahele elua – O ke koena aku o ka Apana o Makawao a hiki i ke awawa o Oopuloa. Wahi koho: Halekula ma Hamakuapoko.
Na Luna Nana – C. H. Dickey, lunahoomalu.
H. Laws,
E. Helekunihi.
APANA EONO – HANA.
Oia ke koena aku o ka Mokupuni o Maui.
Mahele ekahi – Kahikinui, Kaupoa me Kipahulu. Wahi koho: Halekula ma Kipahulu.
Na Luna Nana – Patrick Mclean, lunahoomalu;
Chas.Lake,
J. K. Piimanu.
Mahele elua – Mai Kipahulu a hiki a me ke komo pu o Makapuu. Wahi koho: Hale Hookolokolo ma Hana.
Na Luna Nana – J. K. Iosepa, lunahoomalu;
J. P. Sylva,
A. W. Heydtmann.
Mahele ekolu – Apana o Koolau a hiki i ke awawa o Oopuloa. Wahi koho: Halekula ma Keanae.
Na Luna Nana – James P.Saunders lunahoomalu;
D. W. Napihaa,
J W K Halemano.
MOKUPUNI O OAHU.
APANA EKAHI – HONOLULU.
Oia kela wahi o ka apana hookolokolo a me auhau o Honolulu, a i ole o Kona, e waiho nei ma ka hema hikina o ka laina e moe ana mai ka piko a oioina o ka lalani mauna o Konahuanui maluna o ka lapa e hookaawale ana i na awawa o Nuuanu a me Pauoa, a mawaena aku o ka lua a kipoho paha o ka puu i kapaia o Puowina ahiki i ka pahu hae ma kahi kahiko o na pu ki-aloha, mailaila pololei aku a ka huina o na Alanui Kinau a me Alapai, mawaena aku o Alanui Alapai ahiki i Alanui Moi, mawaena aku o Alanui Moi ahiki i Alanui Hema, mawaena aku o Alanui Hema ahiki i ke kai.
Mahele Ekahi – O kela wahi o ua Apana la e waiho ana ma ka hikina o Alanui Punahou, a ma ka laina e holo ana mauka a makai mailaila aku. Wahi koho: Hale Hooulu Laau o ke Aupuni, huina o na Alanui Moi a me Waikiki.
Na Luna Nana – C. A. Brown, lunahoomalu;
A C Pestano
John M. Kea.
Mahele Elua – O kela wahi a pau i koe o kela Apana ae la e waiho ana ma ke komohana o Alanui Punahou a ma ka laina e moe ana mailaila mai. Wahi koho: Halekula ma Alanui Beritania.
Na Luna Nana – W. C. Wilder, Jr., lunahoomalu;
C. H. Luther,
M. J. Sylva, Jr.
APANA ELUA – HONOLULU.
O kela awhi a pau o Honolulu, a o Kona i oleloia, ma ka akau o ka Apana Ekahi a maloko o kekahi laina mai ka pahu hae ma kahi kipu aloha ma Puowina ahiki i ka huina o na huina alanui Ema me Kula, mawaena o alanui Kula ahiki i alanui Papu ahiki i alanui Beritania, mawaena o alanui Beritania ahiki i ke kahawai o Nuuanu ma ka uwapo o Kamika, alaila mauka mawaena o ke kahawai ahiki i alanui Kula, mawaena o alanui Kula ahiki i ke alanui Liliha, mawaena o ke alanui Liliha ahiki i alanui Kauka, mawaena o alanui Kauka ahiki iluna o ka lapa ma ka aoao akau komohana o ke awawa o Nuuanu, a ma ia lapa ahiki iluna o ka piko i kapaia oLanihuli ma ke kuahiwi o Konahuanui.
Mahele Ekahi – O kela wahi a pau o ua Apana la i oleloia e waiho ana mauka o na alanui Kula a me Kauka a ma ka hikina o alanui Nuuanu. Wahi koho: Ma ka Hale i ke komo ana aku i ke kahua o ka luawai i kai nei, ma alanui Nuuanu.
Na Luna Nana – Chas. L. Carter, lunahoomalu;
J. D. Holt,
T. P. Severin.
Mahele elua – O kela wahi a pau o ka Apana i olelo ia e moe ana makai o na alanui Kauka a me Kula a me ke komohana o na alanui Nuuanu a me Kula. Wahi koho: Halekula ma Kauluwela, ma ka aoao ma Ewa o ka uwapo ma alanui Kula ma ke kahawai o Nuuanu.
Na Luna Nana – J. S. Martin, lunahoomalu;
Antone Peryy,
Peter Souza.
APANA EKOLU – HONOLULU.
O kela wahi a pau o Honolulu, a o Kona i olelo ia, e pili ana me na apana ekahi me elua, malalo mai hoi a kekahi laina mai ke kihi o na alanui Papu a me Beritania a hiki i alanui Likeke, mawaena o alanui Likeke a hiki i ke kai a i kau pale ia makai e ka lihi kai.
Mahele ekahi – Oia kela wahi o ka apana i olelo ia e waiho ana mauka o alanui Beritania. Wahiu koho: Halekula o Kahehuna.
Na Luna Nana – Dr. N. B. Emerson, lunahoomalu;
James Nott, Jr.
A. V. Peters.
Mahele elua – O kela wahi a pau o ka apana i olelo ia e waiho ana makai o ke alanui Beritania. Wahi koho: Kapuaiwa Hale.
Na Luna Nana – Alex. Lyle, lunahoomalu:
J. U. Kawainui,
C. S. Bradford.
APANA EHA – HONOLULU.
O kela wahi a pau o ka apana o Honolulu, a o Kona i olelo ia, e waiho ana ma ke komohana o na Apana Elua a me Ekolu, a maloko o ka laina mai ke kihi o na alanui Kula me Liliha, mawaena o alanui Liliha a hiki i alanui Moi, mawaena o alanui Moi a hiki i ka uwapo ma ke kahawai o nuuanu, a kaupale ia makai e ka lihi kai.
Mahele ekahi – O kela wahi a pau o ka apana i olelo ia e waiho ana ma ke komohana o alanui Nuuanu. Wahi koho: Hale Kaawai Pake.
Na Luna Nana – C. E. Williams, lunahoomalu;
A. K. Akau,
J. Effinger.
Mahele elua – Oia kela wahi a pau o ka apana i olelo ia e waiho ana ma ka hikina o alanui Nuuanu. Wahi koho: Hale Bele Oihana Kinai Ahi o Honolulu.
Na Luna Nana – Henry Smith, luna hoomalu;
M. McCann,
J. S. Ramos.
Apana elima – honolulu.
O kahi i koe a pau o Honolulu a o Kona, e waiho ana ma ka akau a me ke komohana o na Apana elua a me eha.
Mahele ekahi – Oia kela wahi a pau o ka Apana i oleloia e waiho ana ma ka hikina o ke alanui nui e pii ai i ke Awawa o Kalihi a mauka o ke alanui Moi. Wahi koho: Hale o ka Hui Hawaii Kaa Hapaumi.
Na Luna Nana – Levi Lyman, lunahoomalu;
J. V. Simonson,
George Markham.
Mahele elua – Oia kela wahi a pau o ka Apana i oleloia e waiho ana ma ke komohana o ke alanui e pii ai iuka o ke Awawa o Kalihi a makai o ke alanui Moi. Wahi koho: Halekula Hoopololei.
Na Luna Nana – W. L. Wilcox, lunahoomalu;
J. L. Carter,
S. Paaluhi.
Apana eono – Koolau.
O ka Apana hookolokolo a me auhau o Koolaupoko. Wahi koho: Hale Hookolokolo ma Kaneohe.
Na Luna Nana – Wm. Henry, lunahoomalu;
E. P. Aikue,
Frank Pahia.
Apana ekahi – Waialua.
O na Apana hookolokolo a me auhau o Koolauloa a me Waialua.
Mahele ekahi – Waialua. Wahi Koho: Hale Hookolokolo ma Waialua.
Na Luna Nana – Edward Hore, lunahoomalu;
Frank Halstead,
E. S. Timoteo.
Mahele elua – Koolauloa. Wahi koho: Hale Hookolokolo ma Koolauloa.
Na Luna Nana – C. H. Judd, lunahoomalu;
J. F. Clay,
Jas. Aylett.
Apana ewalu – Ewa.
O na apana hookolohalo a me auhau o Ewa a me Waianae.
Mahele ekahi – Ewa. Wahi koho: Hale Hookolokolo ma Ewa.
Na Luna Nana – Jas. L. Torbert, lunahoomalu;
Frank Archer,
Lincoln McCandless.
Mahele elua – Waianae. Wahi koho: Hale Hookolokolo ma Waianae.
Na Luna Nana – J. F. Scott, lunahoomalu;
Samuel Andrews,
J. K. Kupau.
NA MOKUPUNI O KAUAI A ME
NIIAAU.
APANA EKAHI – WAIMEA.
Mai ka lae o Puanaaiea a hiki aku a e hookomo ana ia Kalaheo, a me ka Mokupuni o Niihau.
Mahele Ekahi – Mai a e hookomo pu ano ia Kalaheo, a hiki a e hookomo pu ano ia Hanapepe. Wahi koho: Halekula ma Hanapepe.
Na Luna Nana – H C Perry, lunahoomalu;
C D Pringle,
J B Kahaleole.
Mahele Elua – O kela wahi o ka apana i oleloia e waiho ana mai Hanapepe a hiki i ka laina e holo ana mai ke kai a i na mauna ma kahi he 200 mau iwilei ma ke komohana o ka Hale Wiliko o Waimea, a e hookomo pu ana i ke awawa o ka muliwai o Waimea a me kona mau mana. Wahi koho: Hale Hookolokolo ma Waimea.
Na Luna Nana – T. H. Gibson, lunahoomalu;
C. B. Hofgard,
James Kamalenui.
Mahele ekolu – O kela wahi o ka Apana i oleloia e waiho ana mai ka Mahele elua ahiki i ka lae o Puanaaiea. Wahi koho: Halekula ma Kekaha.
Na Luna Nana – Augustus Knudsen, lunahoomalu;
A. Lindsay,
David Kua.
Mahele eha – O ka mokupuni o Niihau. Wahi koho: Halekula ma Niihau.
Na Luna Nana – E. K. Bull, lunahoomalu;
J. B. Kaomea,
A. W. Kawaiula.
APANA ELUA – LIHUE.
Oia kela wahi a pau o Kauai mai a e hookomo pu ana ia Kalaheo ahiki a e hookomo pu ana ia Hanamaulu.
Mahele ekahi – Ka Apana o Lihue. Wahi koho: Hale Hookolokolo ma Lihue.
Na Luna Nana – R. W. T. Purvis, lunahoomalu;
C. H. Bishop,
S. R. Hapuku.
Mahele elua – Ka Apana o Koloa, mai ka palena me Lihue ahiki a me ka hookomo pu i ka aina o Lawai. Wahi koho: Hale Hookolokolo ma Koloa.
Na Luna Nana – J. K. Burkett, lunahoomalu;
A. K. Mika,
D. Strehz.
Apana ekolu – Hanalei.
Oia kela wahi o Kauai mai a me ka hookomo pu ia Wailua a hiki i ka lae o Puanaaiea.
Mahele ekahi – O kela wahi o ka Apana i oleloia e waiho ana mawaena o Waimea a me ka muliwai o Kalihiwai. Wahi koho: Hale Hookolokolo ma Waioli.
Na Luna Nana – J. K. Kakina, lunahoomalu;
C. H. Willis,
S. P. Kalaikini.
Mahele elua – O kela wahi o ka Apana i olelo ia e waiho ana mai ka muliwai o Kalihiwai ahiki a me ka hookomo pu i ka aina o Papaa. Wahi koho: Halekula Aupuni ma Kilauea,
Na Luna Nana – E. J. G. Bryant, lunahoomalu:
G. W. Mahikoa,
W. E. H. Deverill.
Mahele ekolu – O kela wahi o ka Apana i oleloia e waiho ana mai ka aina o Papaa ahiki a me ka hookomo pu i ka aina o Wailua. Wahi koho: Hale Hookolakolo ma Kapaa.
Na Luna Nana – S. N. Hundley, lunahoomalu;
S. Kaiu,
R. C. Spaulding.
J. A. KING,
Kuhina Kalaiaina:
2486-6ts.
Ua hookohuia aku o W. E. SCOTT, Esq. i keia la, i Notari no ka Lehulehu no ka Apana Hookolokolo Kaapuni Ekolu o ko Hawaii Pae Aina.
J. A. KING
Kuhina Kalaiaina.
Keena Kalaiaina, Maraki 15, 1894.
2486-3
I kulike ai me na hooko ana o ka Pauku 7 o ke Kanawai 69 o ke Aupuni Ku kawa o ko Hawaii Pae Aina, ua hookohu aku au i keia la i ka poe keonimana malalo ihu i Papa Komisina Hoopaa Inoa no ka Poe Kupono i ke Koho Balota no na Apana Elima o Honolulu:
CHAS. T. RODGERS, Lunahoomalu;
WRAY TAYLOR,
JOSEPH U. KAWAINUI.
J. A. KING
Kuhina Kalaiaina.
Keena Kalaiaina, Maraki 24, 1894.
2487 3
Hoolaha i ka Poe Koho Balota.
E noho ana ka Papa Komisina Hoopaa Inoa no na Apana K@ho Lunamakaainana Elima o Honolulu, nia ke Keena Ahaolelo iloko o ka Hale Hookolokolo i na la a pau, koe na la Sabati, mai ka hora 10 A. M. ahiki i ka hora 2 P. M., a ma na ahiahi Poalua a me Poaono mai ka hora @ ahiki i ka hora 8 P. M., no ka apo ana aku i na noi hoopaa inoa a me ka hoohiki ana aku i ka hoohiki i hoakaka ia e ke kanawai. O ka poe a pau e noi maiana e hoopaa ia na inoa e koi ia aku ana lakou e hoike mai i ko lakou mau palapala hookaa no na auhau pilikino o 189@, a i ole ua hookuu i a paha mai ia mau auhau aku, ma o na palapala la o ia hookuu ia ana.
CHAS. T RODGERS, M.D.,
Lunahoomalu.
Aponoia e J. A. King
Kahina Kalaiaina.
Keena Kalaiaina, Maraki 24, 1894.
2487-3
E Pili ana i ka Maui Electric
Light and Power Company,
i Kaupalenaia.
Oiai, o ka Maui Electric Light and Power Company, i Kaupalenaia, he hui i kukuluia malalo o na kanawai o ko HawaiI Pae Aina, ua hooko pono i na kuhikuhi ana a ke kanawai no ia mau mea, a ua hookomo mai ma ke Keena o ke Kuhina Kalaiaina he noi e hoopau ana i ua hui nei , me kekahi palapala hoike e like me ke kauoha a ke kanawai.
A no ia mea, ke hoike ia aku nei i na poe a pau he kuleana ko lakou i keia hui i oleloia i ka wa i hala a i keia wa paha, e hookomo mai lakou i ka lakou mau keakea no ka ae ia ana aku o keia noi hoopau mamua o ka POALUA, Maraki 20, 1894, a o kekahi a mau mea paha i makemake e lohe p@noi ia ko lakou mau keakea, e hele kino mai lakou ma ko’a keena ma ka Hale o ka Mana Hooko ma Honolulu, ma ka hora 10 kakahlaka o ia la, a e hoike mai i ke kumu i manaoia’i aole kupono ke ae ia ke noi.
J. A. KING
Kuhina Kalaiaina.
KeenaKalaiaina, Ianuari 15, 1894,
2487-9
KA
NUPEPA KUOKOA
ME
Ko Hawaii Paeaina i Huiia
No ka Makahiki, $2 00
Na Eono Mahina. 1 00
Kuike ka Rula
| Puka Ana | 1 Pule | 2 Pule | 3 Pule | 4 Pule | 5 Pule | 6 Pule |
| Iniha.. | $ 1.50 | $ 2.00 | $ 2.50 | $ 3.00 | $ 3.50 | $ 4.00 |
| 2 Iniha.. | 2.00 | 2.75 | 3.50 | 4.00 | 4.50 | 5.00 |
| 3 Iniha.. | 2.50 | 3.50 | 4.50 | 5.00 | 5.50 | 6.00 |
| 4 Iniha.. | 3.00 | 4.00 | 5.00 | 6.00 | 6.75 | 7.50 |
| 5 Iniha.. | 3.50 | 4.75 | 6.00 | 7.00 | 8.00 | 9.00 |
| 6 Iniha.. | 4.00 | 5.50 | 7.00 | 8.00 | 9.00 | 10.00 |
O na Olelo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo ia.
HOOPUKAIA E KA
HAWAIIAN GAZETTE CO.
H. M. WHITNEY, Luna Nui.
J. U. KAWAINUI, Luna Hooponooono.
N@ Honolulu, Oahu, Lakou a pau.
POAONO,- - - - MARAKI 31, 1894.
E Eu e Hoopaa i na Inoa.
Ua hooholola e ke Aupuni e noho mana nei maluna o Hawaii, he kanawai e kahea ana i ka lahui e koho mai ma ka la 2 aenei o Mei, i mau Elele hana kumukanawai no ka lahui a me ka aina. Nolaila, ke hoonaauao ia aku nei ka lahui, e hele ae lakou e hoopaa i ko lakou mau inoa imua o ke Komisina Hoopaa Inoa ina ma Honolulu nei, a imua hoi o na Luna Nana Koho Balota,
ina ma na apana e aku.
E eleu ae oukou i keia manawa i loaa ai ka pono koho i na moho holo elele hana kumukanawai, ka puni hoi a kekahi hapa o na kanaka i hoonaueue ai mamua aku nei, a eia ua manawa la a oukou i upu ai ua hiki mai. Mai hoohemahema i keia wa maikai i loaaa i keia hanauna. E kakahe pu mai kakou iloko o keia koho ana, a e loaa no auanei ia kakou na pomaikai i oi aku mamua o ka wa e noho ana malalo o na au alii.
A i hookuli oukou i ke ao ana a ke KUOKOA, alaila no oukou ia hewa, no ka mea, ua haalele oukou i ka pono hanau a ua haawi aku ia hai. Nolaila, e ao kanaka, a e hele ma kahi e noho ai ko oukou mau luna nana koho balota no ka hoopaa ana i na inoa i loaa ai ka mana e koho. E wiki o i hala ole ka wa pono.
Aole Hookae ia Hookahi.
Eia ke Aupuni Kuikawa ke hoonaauao aku nei i ka lahui kanaka Hawaii ponoi, mahope o ko lakou maopopo loa ana aohe aupuni alii hou aku i koe ma Hawaii nei i keia mua aku, nolaila ke pahola mai nei i keia leo uwalo e koho lahui kahou i mau elele na kakou e hoouna ai i ka Ahaelele hana Kumukanawai e noonoo ai i aupuni no kakou a e hoolaha i kumukanawai e hana aelike ai kakou. Aole i huna ia keia hana, aole hoi he manao hookae i ka lahui kumu. Ke kuu akea ia nei keia hana imua o ka malamalama o ka la no kela a me keia mea pakahi e ike iho ai, kuka a hooholo.
O ke ake o kekahi poe o kakou mamua aku nei, e koho ia ma ka balota na oihana aupuni a pau a koe aku ka moi. Eia hoi keia noonoo ke hele mai nei e koho balota na oihana aupuni a pau a hiki loa i kahi o ka moi.
Eia wale no ka ninau. He manaoio anei ko na Hawaii ia wa e hooikaika ana e koho balota ia na oihana aupuni, a i ole he lealea kamailio wale iho no paha?
Ina he manaio ko lakou mai ka punawai mai o ka noonoo i hoakoakoa ia ai, eia iho ua au la i upu ia ai, a ua holo papa ia mai ke poo kiekie mai iluna o ke aupuni a i ka luna pa aupuni. Nolaila, e noonoo, hoonaauao a mai hoohalike me na kanaka karaima i huikala ole ia.
Na Aina Lei Alii.
Eia ke Komisina o na Aina Lei Alii ke hoomakaukau nei, malalo o ke kauoha a ke Aupuni Kuikawa o ko Hawaii Pae Aina, i hoike piha o na Aina Lei Alii a pau, oia hoi ka nui o na aina, na wahi i waiho ai, na aina i hoolimalima ia, na loaa a pau, na aina e anehe aku nei e pau ana na hoolimalima. O na aina waiwai nui hookahi keia o Hawaii e akoakoa nei, a ke kaana akahele ia nei ka noonoo e haawi aku i kekahi mau aina i na kupa Hawaii hune ma ke ano hookuleana. Oiai nae e noonoo e ana no ka hooi ae i ka pomaikai o Hawaii, eia hoi ka ka hapanui o lakou o ke keke mai, aia auanei keia la a hala ka puulena, alaila mihi iho la, aka o ka hoopai wale no e loaa ia lakou, oia ka hoopai a I@da i kaawae ai. Aloha no!
Ke Awa o Puuloa
Ma ka lono hope loa mai Wasinetona mai o ka la 16 o Maraki, e olelo ana ia penei: “Ma keia la, ua ninaninau ia o Senator Edmunds i pau o Veremonta, oia hoi ka mea nana i haku ka pakui i ke Kuikahi Panailike i loaa mai ai ia Amerika ke kuleana ia Puuloa i awa hoolulu mokukaua.
Ua olelo oia he kahaha kona i ka lohe ana ke hoopaakiki nei o Peresidena Dole ua haawi ia wale no o Puuloa no ehiku makahiki. O ka pauku o ke Kuikahi e pili ana no keia ninau oia keia ma kana olelo ponoi. “Ua haawi ke alii ka Moi o Hawaii i ke Aupuni o Amerika i ka mana e komo iloko o ke awa o Puuloa ma ka mokupuni o Oahu, a e kukulu a e hoomau malaila i wahi hoahu lanahu a hoomaemae i na moku poino o na aumokukaua o Amerika, a mamuli oia kumu, e eli a e hoakea o Amerika i ka nuku o Puuloa, a e hoohana hoi i na mea kupono e ae no ua wahi la.
“He oialo,” wahi hou a Edmunds, “ua lilo loa ia Amerika ke kuleana holookoa e noho mana ma ke awa o Puuloa, e like me ia i hoike ia ma ka pauku a’u i hoike ae la maluna.”
Ma ka huli ia ana aku nei i na moolelo e waiho mai nei ma ke keena o ko na aina E, ua loaa aku nei ka palapala a T. F. Baynard, Kuhina nui o Amerika, i kakauia ma ka la 28 o Sepatemaba 1887. O ke ano nui o kela leta oia keia: “Aole au i ike i ka huikau a powehiweh paha o kela pakui i ke Kuikahi, a aole no hoi au i ike iloko olaila i kekahi manao e kaihi ae ana i ke kuleana mana aupuni o Hawaii i ke awa o Puuloa, a aole no hoi he mau olelo e hoike mai ana ua hiki ia Amerika ke noho mana a oi aku mamua o ka wa i hokaka ia ma ke Kuikahi.”
Na Laka o ke Komite Kuwaena o na Apana o Honolulu
Ma ka po Poaloa iho nei, Maraki 27, i koho ai na Hui Apana pakahi elima o ka Hui Amerika i Hoolokahiia o Honolulu nei ma kela a me keia wahi halawai iho o ia mau apana, a o ka hua i loaa mai, oia ka puka ana mai o keia poe inoa malalo iho i mau lala i ke Komite Kuwaena, ma ka elua elele o ka apana hookahi, penei:
Apana 1. F. B. McStocker
T. F. Lasing
Apana 2. C. L. Carter
A. V. Peters
Apana 3. A. Fernandez
Jas. Vierra
Apana 4. T. B. Murray
Edward Towse
Apana 5. J. A. Low
L. D. Keliipio
Apana 6. Frank Pahia
H. Wiliams.
He elua mau apana koho i koe mawaho aku o Honolulu aole i lohe ia mai ka lakou mau elele i ke Komite Kuwaena i koho ai.
O ka hana a keia Komite Kuwaena, o ka malama i halawai ma kahi hookahi, koho i ko lakou mau luna a hoomaka aku e wae i na inoa o na moho holo elele hana kumukanawai eono no Oahu nei a waiho mai oai no moho a ka Hui Amerika i Hoolokahiia e koho aku ai. Aka, aole i papa ia ka poe e ae e makemake ana e holo moho, ke noi ia mai i e kekahi poe ke pono i ke koho he 25 e holo i moho, a ke lawa hoi iaia no hooko ana a ke kanawai no ka holo moho elele ana.
NU HOU KU WAHO
Ma ke ku ana mai o ka mokuahi “Australia” mai Kapalakiko mai i ke kakahiaka o ka la 24 o Maraki nei, ua loaa mai ia makou na mea hou malalo iho:
Ua la we mai ka Australia no Honolulu nei ia 45 mau ohua kapena, 31 mau ohua oneki, 34 mau eke leta a me na ukana.
Mawaena o na ohua i hoi mai oia no o Hon. W. D. Alexander, ko Hawaii Komisina i Wasinetona, Geo. H. Fairchild, ke Kapena J. J. Brice o ka mokukaua America Adams, J. J. Williams, J. D. Tregloan a me kekahi poe e ae a lehulehu.
O ke kumukuai o ke kopaa ma ka lono hope loa mai ka makeke mai o Nu Ioka, he 3 1/8 mau keneta o ka paona.
KA NINAU O HAWAII.
Aole i hapai ia e ka Aha Senate ka noonoo o ka hoike a ke komite o ko na aina e aia Ahaolelo i huli ai, nieniele ai no ka ninau o Hawaii a haku noiau ia ai e Lunahoomalu Morgan, e apono, kokua a e kakoo ikaika ana i ke Aupuni Kuikawa o ko Hawaii Pae Aina ma ka hookahuli aupuni o ka la 17 o Ianuari, 1893, no ka mea na ka Moiwahine ponoi iho no i hookumu i ka hookahuli aupuni ma kona haalele ana i kana hoohiki malalo o ke kumukanawai, ulupa iho la a hoao me ka ikaika e onou mai i ona kumukanawai hou a hiki ole, lawe ia aku la ke aupuni mai iaia aku. O ka manao laulaha ma ke kulanakauhale poo aupuni ma Wasinetona, he kue makawelawela loa i ka hoihoi alii a he kokua nui i ke Aupuni Kuikawa. Ua kanu ia ke aupuni alii o Hawaii ma ko lakou noonoo, a o ka lakou i ninau mai nei heaha ko Hawaii mea kukulu koko ole ae i Aupuni Ripubalika no lakou.
PAU KE KAU KIPI MA BERAZILA.
Ua pio a pau loa ke kaua kipi ma Berazila i keia manawa mamuli o ka haawi pio ia ana mai o ke aumoku kipi malalo o Adimarala kipi Da Gaina a mahuka aku la iluna o ka manuwa Potugala e imi ai i kona pakele pilikino iho mai ka hopu pio ia aku, a ua lanakila o Peresidena peikoko, ka Peresidena e pau aku ana ka manawa i Novemaba aenei, mamuli o ke koho ia ana e ka lahui he Peresidena hou. (Ua hoopiha aenei makou i kekahi mau kolamu ma ka aoao ekahi o ka pepa o keia la no ke ia kaua i piomai l@).
HOOUEUE ENELANI.
Ma ka la 9 o Maraki, ua leaa aku kekahi lono ma ka waeaolelo ua hoolele aku ka mokukaua Beritania Cleopatra he 50 poe koa iuka o Nicaragua, he Ripubalika ma Amerika Waena, kahi hoi a Amerika Huiia e hoohana mai nei i ke alawai eli e like me ko Sueza. I ka lohe ana o ke Kuhina nui Gresham, ua telegarapa aku oia i ke Kunina noho o Amerika malaila, a ua hooia ia mai kela lono. Mahope koke iho, ua hui ke Kuhina nui me ka Peresidena a ua kuka pu me ka Aha Kuhina.
O ka mea i hoomaopopo ia, mahope koke iho no o ka haalele ana o ka Peresidena ia Wasintona e hele hoomaha no umi la, ua telegarapa koke ia mai la mai Ladana e hoolele no koa iuka o Nicaragua. O ka aina e pili pu ana me keia oia no o Honduras, ua noho hoomalu ia e Beritania Nui.
Ua koho iho o Gresham o keia hana hoeueu a Enelani oia no kona iini e kukulu i papu kaua ma ka nuku o ke alawai eli o Nicaragua, oiai ua makemake o Enelani e lilo iaia kela alawai.
Ina oia ko Enelani manao, alaila e kuhikuhi aku ana o Amerika Huipuia iaia i ka “monroe doctrine,” oia hoi ka olelo kauoha i na mamo a Amerika aole e ae i kekahi o na mana nui o Europa e lawe pakaha a lima nui paha i kekahi aina e pili kokoke ana ma na kapakai o Amerika Huipuia. Ma ia olelo kauoha hookahi no o Amerika e kukala nei i na aupuni e aole e lawe wale ia Hawaii nei.
O ka hopena maopapa o kela e kauoha aku ana o Amerika ia Enelani e unuhi aku i kona mau koa mai Nicaragua aku.
O kela moku o Cleopatra, ua like kona nui a ikaika hakaka me ka mokukaua Champion e hekau mai nei ma ke awa o Kou.
A Adimarala Benham ke holo kino ae ana i Nicaragua maluna o ka mokukaua San Francisco. O ke keiki keia i oehuehe mai nei i Berazila, a heaha@aku ana la ka hope.
KAPEKEPEKE O ROSEBERRY.
He hookahi wale no pule aenei o ka noho Kuhina nui ana o Haku Roseberry ma kahi o Pohakuhauoli i waiho mai, a ua h@okui koke ia kona Aha Kuhina me na akeakea a haulehia ai lakou, a o keia mai kekahi mai no o ko lakou poai, aole hoi mai ka aoao kue aupuni mai o Labouchere, ka Lunahooponopono o ka nupepa “Oiaio” o Ladana, he kanaka naauao, he kue loa oia i ka papa o na alii, a ua hoao mai nei oia e kulai i ka aoao aupuni mamuli o ka lilo ana o Haku Roseberry i Kuhina Nui.
Ma ka la 13 o Maraki, ua waiho ae o Labouchere i kekahi olelo hooholo i ka Hale o na Makaainana he pakui i ka haiolelo a ka Moiwahine e hoopau loa ia ka Hale o na Alii oia hoi ka Hale Ahaolelo Kiekie e like me ka Senate ma Amerika. O kekahi poe i hue ia Labouchere mamua ua lokahi lakou i keia olelo hooholo, a ua pakui ia. Ina e holo loa ana ka pakui, alaila, e waiho ana ka Aha Kuhina i ko lakou mau oho. Ma ka la 14 ae, ue kue ia ke olelo hooholo, a ua kokua ia ka Harwart.