Ka Nupepa Kuokoa, Volume XXXIII, Number 14, 7 April 1894 — Page 2
| This text was transcribed by: | Mary Ching |
| This work is dedicated to: | Ken Wai Ching |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
KUKALA KOHO BALOTA.
OIHANA KALAIAINA,
Honolulu, Maraki 19, 1894.
I kulike ai me na hooko ana o ka Pauku 2 o ke Kanawai 69 o ke Aupuni Kuikawa o ko Hawaii Pae Aina, oia ke Kanawai i kapaia, “He Kanawai e Hoomaopopo ai no kekahi Aha Hana Kumukanawai,” nolaila, ke hoolaha ia aku nei, e malama ia ana he Koho Balota no na Elele i ka Aha Hana Kumukanawai a puni ka Pae Aina, mawaena o na hora 8 A.M. a me 5 P.M., o ka Poakolu, la 2 o Mei 1894.
O na Apana Koho, na Mahele, na Wahi Koho a me na Luna Nana Koho Balota, eia lakou malalo iho:
NO KA MOKUPUNI O HAWAII.
APANA EKAHI—HILO HEMA.
Oia o Puna a me kela wahi o Hilo a pau ma ka hema a waenakonu o ke Awawa o Pukihae.
Mahele Ekahi—O kela hapa o Puna e moe ana mai Kau a hiki a komo pu me Kehena. Wahi koho: Halekula ma Kalapana.
Na Luna Nana—J. M. Kauwila, lunahoomalu;
J. Kahoomana.
Mahele elua—O kela hapa o Puna e moe ana mai Kehena a hiki i ka palena o Hilo, koe o Keaau a me Olaa. Wahi koho: Hale Hookolokolo ma Pohoiki.
Na Luna Nana—J. E. Eldart, lunahoomalu;
Robt. Rycroft.
-----------
Mahele ekolu—O na aina o Keaau a me Olaa ma Puna, a me kela hapa o Hilo e moe ana mai ka palena o Puna a hiki iwaenakonu o ke awawa o Pukihae. Wahi koho: Hale Hookolokolo ma Hilo.
Na Luna Nana—F. S. Lyman, lunahoomalu;
A. W. Richardson.
Chas. Notley, Jr.
APANA ELUA.—HILO WAENA.
Oia kela hapa o Hilo e moe ana mai ke Awawa o Pukihae ahiki i waenakonu o ke Awawa o Hakalau
Mahele ekahi.—Oia kela wahi e moe ana mai ke Awawa o Pukihae a hiki i waenakonu o ke Awawa o Honolii. Wahi koho: Halekula ma Haaheo.
Na Luna Nana. J. A. Scott, lunahoomalu;
J. R. Wilson,
F. L. Winter.
Mahele elua.—Oia kela wahi e moe ana mai ke Awawa o Honolii ahiki a me ke komo pu o Kawainui. Wahi koho: Halekula ma Papaikou.
Na Luna Naua.—Geo. Weight, lunahoomalu;
J. Maikaaloa,
J. T. Moir.
Mahele ekolu.—Oia mai Kawainui aku ahiki a komo pu o Hakalau. Wahi koho: Halekula ma Honomu.
Na Luna Nana.—Henry Deacon, lunahoomalu;
W. D. Schmidt,
J. K. Dillon.
APANA EKOLU—HILO AKAU.
Oia kela hapa o Hilo a me Hamakua, mai ke awawa o Hakalau a hiki iwaenakonu o ke awawa o Kalapahapuu ma Hamakua (mawaena o Kukaiau a me Kainehe) e komo pu ana o Kukaiau a pau.
Mahele Ekahi—Mai ke awawa o Hakalau a hiki ma ka aoao Hamakua o ke awawa o Laupahoehoe. Wahi koho: Hale hookolokolo ma Laupahoehoe.
Na Luna Nana—E. W. Barnard, lunahoomalu;
L. S. Thompson,
G. W. Kaihenui.
Mahele Elua—Mai ke awawa o Laupahoehoe a hiki i ke awawa o Kalapahapuu Wahi koho: Halepule ma kaala.
Na Luna Nana—W. G. Walker, lunahoomalu;
Robt Ivers,
R. Horner.
APANA EHA—HAMAKUA.
Oia kela hapa i koe Hamakua a me Kohala-hema.
Mahele Ekahi—Mai ke awawa o Kalapahapuu a hiki i ke awawa o Kuaikahia. Wahi koho: Hale Hookolokolo ma Honokaa.
Na Luna Nana—Chas. Williams lunahoomalu;
R. W. Podmore,
M. V. Holmes.
Mahele Elua—Mai ke awawa o Kuaikahia a hiki i ka palena o Kohala. Wahi koho: Halekula ma Kukuihaele.
Na Luna Nana—Wm. Horner, lunahoomalu;
--------
Rev. S. Kaili.
Mahele Ekolu—Ka apana o Kohalahema. Wahi koho: Hale Hookolokolo ma Waimea.
Na Luna Nana—W. S. Vredenberg, lunahoomalu;
S. H. Mahuka,
Lanakila.
APANA ELIMA—KOHALA.
Oia o Kohala Akau. Wahi koho: Hale Hookolokolo ma Kohala.
Na Luna Nana—W P McDongall, lunahoomalu;
--------
D. S. Kahookano.
APANA EONO—KONA.
Oia o Kona Akau a me Hema.
Mahele Ekahi—Mai ka palena o Kohala Hema ahiki a me ke komo pu me ka aina o Kealakehe. Wahi koho: Halekula ma Kalaoa.
Na Luna Nana—W. E. Scott, lunahoomalu;
Sam Haanio,
J. K. Nahale.
Mahele Elua—Mai Kealakehe ahiki a me ke komo pu me Kapalaalaea. Wahi koho: Halepule ma Holualoa.
Na Luna Nana—W. J. Wright, lunahoomalu;
Thos. Aiu,
Thos. N. Haae.
Mahele Ekolu—Mai Kapalaalaea ma Kona Akau ahiki a me ke komo pu o Keei ma Kona Hema. Wahi koho: Halekula Aupuni ma Popopiia, konawaena.
Na Luna Nana—Thos. H. Wright, lunahoomalu;
H. Haili,
D. Namanuu.
Mahele Eha—Mai Keei ahiki a me ke komo pu o Hookena. Wahi koho: Hale Hookolokolo ma Hookena.
Na Luna Nana—T. K. R. Amalu, lunahoomalu;
S. M. Kekoa,
Rev. G. W. Waiau.
Mahele Elima—Mai Honokua ahiki i ka palena o Kau. Wahi koho: Halepule ma Papa.
Na Luna Nana—J. W. Kuaimoku, lunahoomalu;
J. W. Maele,
K. M. Moses Hu.
APA EHIKU—KAU.
Oia o Kau a pau.
Mahele Ekahi—Oia mai ka palena mai o Puna ahiki a me ke komo pu ka aina o Ninole. Wahi koho: Halekula ma Pahala.
Na Luna Nana—W. P. Fennell, lunahoomalu;
W. D. Thompson,
J. N. Kapahu.
Mahele Elua—Oia ke koena aku o ka Apana o Kau. Wahi koho: Hale Hookolokolo ma Waiohinu.
Na Luna Nana—J. H. Waipuilani, lunahoomalu;
W. J. Yates,
Rev. J. Kauhane.
NA MOKUPUNI O MAUI, MOLOKAI, LANAI A ME KAHOOLAWE.
APANA EKAHI—MOLOKAI.
Oia ka Mokupuni o Molokai.
Mahele ekahi—O kela hapa o Molokai oia o Kalawao a me Kalaupapa. Wahi koho: Halekuai ma Kalaupapa.
Na Luna Nana—Wm. Notley, lunahoomalu;
Thos. K. Nathaniel,
Jno. H. Babcock.
Mahele elua—O ke koena aku o ka Mokupuni o Molokai. Wahi koho: Hale Hookolokolo ma Pukoo.
Na Luna Nana—H. R. Hitchcock, lunahoomalu;
W. A. Kukamana,
Henry Peelua.
APANA ELUA—LAHAINA
Mahele ekahi—Ka Apana o Lahaina. Wahi koho: Hale Hookolokolo ma Lahaina.
Na Luna Nana—Henry Dickinson, lunahoomalu;
D. Kahaulelio,
L. M. Baldwin.
Mahele elua—Ka Apana o Kaanapali. Wahi koho: Halekula ma Honokohau.
Na Luna Nana—R. C. Searle, lunahoomalu;
Hoewaa,
D. H. Kaialiilii
Mahele ekolu—Mokupuni o Lani. Wai koho: Hale ma Maunalei.
Na Luna Nana—S. Kahoohalahala, lunahoomalu;
Kahalau
Samuela
APANA EKOLU—WAILUKU AKAU.
Oia kela hapa o Wailuku e waiho ana ma ka akau o ke alanui mai ke awawa mai o Iao (ma ka aoao hema o ke kahawai) a hiki i na puu one; alaila, ma ke kualapa ae o na puu one a hiki i ka nuku o ka muliwai o Wailuku. Wahi koho: Hale Holohau.
Na Luna Nana—Jno. W. Kalua, lunahoomalu;
Geo. Hons,
S. E. Kaleikau.
APANA EHA—WAILUKU HEMA.
Oia kela hapa o ka Apana o Wailuku e waiho ana ma ka hema o ka Apana o Wailuku Akau, a e hookomo pu ana i ka Mokupuni o Kahoolawe a me Honuaula.
Mahele ekahi—O kela hapa o na Apana la e moe ana mawaena o na Puu One a me ka mauna a me ka mokupuni pu o Kahoolawe. Wahi koho: Hale Hookolokolo ma Wailuku.
Na Luna Nana—J. S. Dumas, lunahoomalu;
M. P. Waiwaiole,
D. L. Meyer.
Mahele elua—Ka hapa i koe o Wailuku Hema. Wahi koho: Hale Dute ma Kahului.
Na Luna Nana—E. H. Bailey, lunahoomalu.
F. L. Stoltz,
Samuel Maikai.
Mahele ekolu—Ka Apana o Honuaula. Wahi koho: Hale Hookolokolo ma Honuaula.
Na Luna Nana—L. W. Zumwalt, lunahoomalu.
M. Kealoha,
Aukai.
Apana elima—Makawao.
O kela hapa e waiho ana ma ke komohana a me ka hema o ke Awawa o Oopuola a me Huelo a me ke komo pu o ka Apana o Kula.
Mahele ekahi—O kela hapa o ka Apana i oleloia a i ikeia o Kula, a me kela hapa o ka aina o Hamakuapoko e moe la ma ka hema a me ke komohana o ke Awawa o Maliko a mauka o ka laina e holo ana mawaena o ke alanui e moe ana mai Kaluanui a i ka Halepaahao o Makawao, alaila ma ka laina e holo ana mailaila aku. Wahi koho: Hale Hookolokolo ma Makawao.
Na Luna Nana—F. W. Hardy, lunahoomalu.
Geo Forsyth,
Chas. Copp.
Mahele elua—O ke koena aku o ka Apana o Makawao a hiki i ke awawa o Oopuloa. Wahi koho: Halekula ma Hamakuapoko.
Na Luna Nana—C. H. Dickey, lunahoomalu,
H. Laws,
E. Helekunihi.
APANA EONO—HANA.
Oia ke koena aku o ka Mokupuni o Maui.
Mahele ekahi—Kahikinui, Kaupo a me Kipahulu. Wahi koho: Halekula ma Kipahulu.
Na Luna Nana—Patrick McLean, lunahoomalu;
Chas. Lake,
J. K. Piimanu.
Mahele elua—Mai Kipahulu a hiki a me ke komo pu o Makapuu. Wahi koho: Hale Hookolokolo ma Hana.
Na Luna Nana—J. K. Iosepa, lunahoomalu;
J. P. Sylva,
H. Zaller
Mahele ekolu—Apana o Koolau a hiki i ke awawa o Oopuloa. Wahi koho: Halekula ma Keanae.
Na Luna Nana—James P. Saunders, lunahoomalu;
D. W. Napihaa,
J W K Halemano.
MCKUPUNI O OAHU.
APANA EKAHI—HONOLULU.
Oia kela wahi o ka apana hookolokolo a me auhau o Honolulu, a i ole o Kona, a waiho nei ma ka hema hikina o ka laina e moe ana mai ka piko a oioina o ka lalani mauna o Konahuanui maluna o ka lapa e hookaawale ana i na awawa o Manoa a me Makiki mai na awawa o Nuuanu a me Pauoa, a mawaena aku o ka lua a kipoho paha o ka puu i kapaia o Puowina ahiki i ka pahu hae ma kahi kahiko o na pu ki-aloha, mailaila pololei aku a ka huina o na Alanui Kinau a me Alapai, mawaena aku o Alanui Alapai ahiki i Alanui Moi, mawaena aku o Alanui Moi ahiki i Alanui Hema, mawaena aku o Alanui Hema ahiki i ke kai.
Mahele Ekahi—O kela wahi o ua Apana la e waiho ana ma ka hikina o Alanui Punahou, a ma ka laina e holo ana mauka a makai mailaila aku. Wahi koho: Hale Hooulu Laau o ke Aupuni, huina o na Alanui Moi a me Waikiki.
Na Luna Nana—C. A. Brown, lunahoomalu;
A C Pestano
John M. Kea
Mahele Elua—O kela wahi a pau i koe o kela Apana ae la e waiho ana ma ke komohana o Alanui Punahou a ma ka laina e moe ana mailaila mai. Wahi koho: Halekula ma Alanui Beritania.
Na Luna Nana—W. C. Wilder, Jr., lunahoomalu;
C. H. Luther,
M. J. Sylva, Jr.
APANA ELUA—HONOLULU
O kela awhi a pau o Honolulu, a o Kona i oleloia, ma ka akau o ka Apana Ekahi a maloko o kekahi laina mai ka pahu hae ma kahi kipu aloha ma Puowina ahiki i ka huina o na huina alanui Ema me Kula, mawaena o alanui Kula ahiki i alanui Papu ahiki i alanui Beritania, mawaena o alanui Beritania ahiki i ke kahawai o Nuuanu ma ka uwapo o Kamika, alaila mauka mawaena o ke kahawai ahiki i alanui Kula, mawaena o alanui Kula ahiki i ke alanui Liliha, mawaena o ke alanui Liliha ahiki i alanui Kauka, mawaena o alanui Kauka ahiki iluna o ka lapa ma ka aoao akau komohana o ke awawa o Nuuanu, a ma ia lapa ahiki iluna o ka piko i kapaia o Lanihuli ma ke kuahiwi o Konahuanui.
Mahele Ekahi—O kela wahi a pau o ua Apana la i oleloia e waiho ana mauka o na alanui Kula a me Kauka a ma ka hikina o alanui Nuuanu. Wahi koho: Ma ka Hale i ke komo ana aku i ke kahua o ka luawai i ka nei, ma alanui Nuuanu.
Na Luna Nana—Chas. L. Carter, lunahoomalu;
J. D. Holt,
T. P. Severin.
Mahele elua—O kela wahi a pau o ka Apana i olelo ia a moe ana makai o na alanui Kauka a me Kula a me ke komohana o na alanui Nuuanu a me Kula. Wahi koho: Halekula ma Kauluwela, ma ka aoao ma Ewa o ka uwapo ma alanui Kula ma ke kahawai o Nuuanu.
Na Luna Nana—J. S. Martin, lunahoomalu;
Antone Peryy,
Peter Souza.
APANA EKOLU—HONOLULU.
O kela wahi a pau o Honolulu, a o Kona i olelo ia, e pili ana me na apana ekahi me elua, malalo mai hoi o kekahi laina mai ke kihi o na alanui Papu a me Beritania a hiki i alanui Likeke, mawaena o alanui Likeke a hiki i ke kai a i kau pale ia makai e ka lihi kai.
Mahele ekahi—Oia kela wahi o ka apana i olelo ia e waiho ana mauka o alanui Beretania. Wahi koho: Halekula o Kahehuna.
Na Luna Nana—Dr. N. B. Emerson, lunahoomalu;
James Nott, Jr.
A. V. Peters.
Mahele elua—O kela wahi a pau o ka apana i olelo ia e waiho ana makai o ke alanui Beritania. Wahi koho: Kapuaiwa Hale.
Na Luna Nana—Alex. Lyle, lunahoomalu;
J. U. Kawainui,
C. S. Bradford.
APANA EHA—HONOLULU.
O kela wahi a pau o ka apana o Honolulu, a o Kona i olelo ia, e waiho ana ma ke komohana o na Apana Elua a me Ekolu, a maloko a ka laina mai ke kihi o na alanui Kula me Liliha, mawaena o alanui Liliha a hiki i alanui Moi, mawaena o alanui Moi a hiki i ka uwapo ma ke kahawai o Nuuanu, a kaupale ia makai e ka lihi kai.
Mahele ekahi—O kela wahi a pau o ka apana i olelo ia a waiho ana ma ke komohana o alanui Nuuanu. Wahi koho: Hale Kaawai Pake.
Na Luna Nana—C. E. Williams, lunahoomalu;
A. K. Akau,
J. Effinger.
Mahele elua—Oia kela wahi a pau o ka apana i olelo ia a waiho ana ma ka hikina o alanui Nuuanu. Wahi koho: Hale Bele Oihana Kinai Ahi o Honolulu.
Na Luna Nana—Henry Smith, lunahoomalu;
M. McCann,
J. S. Ramos.
Apana elima—Honolulu.
O kahi i koe a pau o Honolulu, a o Kona, e waiho ana ma ka akau a me ke komohana o na Apana elua a me eha.
Mahele ekahi—Oia kela wahi a pau o ka Apana i oleloia a waiho ana ma ka hikina o ke alanui nui e pii ai i ke Awawa o Kalihi a mauka o ke alanui Moi. Wahi koho: Hale o ka Hui Hawaii Kaa Hapaumi.
Na Luna Nana—Levi Lyman, lunahoomalu;
J. V. Simonson,
George Markham.
Mahele elua—Oia kela wahi a pau o ka Apana i oleloia e waiho ana ma ke komohana o ke alanui e pii ai iuka o ke Awawa o Kalihi a makai o ke alanui Moi. Wahi koho: Halekula Hoopololei.
Na Luna Nana—W. L. Wilcox, lunahoomalu;
J. L. Carter,
W. K. Waiamau
Apana eono—Koolau.
O ka Apana hookolokolo a me auhau o Koolaupoko. Wahi koho: Hale Hookolokolo ma Kaneohe.
Na Luna Nana—Wm. Henry, lunahoomalu;
E. P. Aikue,
Frank Pahia.
Apana ekahi—Waialua.
O na Apana hookolokolo a me auhau o Koolauloa a me Waialua.
Mahele ekahi—Waialua. Wahi Koho: Hale Hookolokolo ma Waialua.
Na Luna Nana—Edward Hore, lunahoomalu;
Frank Halstead,
E. S. Timoteo.
Mahele elua—Koolauloa. Wahi koho: Hale Hookolokolo ma Koolauloa.
Na Luna Nana—C. H. Judd, lunahoomalu;
J. F. Clay,
Jas. Aylett.
Apana ewalu—Ewa.
O na apana hookolohalo a me auhau o Ewa a me Waianae.
Mahele ekahi—Ewa. Wahi koho: Hale Hookolokolo ma Ewa.
Na Luna Nana—Jas. L. Torbert, lunahoomalu;
Frank Archer,
J. M. Ezera.
Mahele elua—Waianae. Wahi koho: Hale Hookolokolo ma Waianae.
Na Luna Nana—J. F. Scott, lunahoomalu;
Samuel Andrews,
J. K. Kupau.
NA MOKUPUNI O KAUAI A ME NIIAAU.
APANA EKAHI—WAIMEA.
Mai ka lae o Puanaaiea a hiki aku a e hookomo ana ia Kalaheo, a me ka Mokupuni o Niihau.
Mahele Ekahi—Mai a e hookomo pu ana ia Kalaheo, a hiki a e hookomo pu ano ia Hanapepe. Wahi kho: Halekula ma Hanapepe.
Na Luna Nana—H C Perry, lunahoomalu;
C D Pringle,
J B Kahaleole.
Mahele Elua—O kela wahi o ka apana i oleloia e waiho ana mai Hanapepe a hiki i ka laina e holo ana mai ke kai a i na mauna ma kahi he 200 mau iwilei ma ke komohana o ka Hale Wiliko o Waimea, a e hookomo pu ana i ke awawa o ka muliwai @ @aimea a me kona mau mana. Wahi koho: Hale Hookolokolo ma Waimea.
Na Luna Nana—T. H. Gibson, lunahoomalu;
C. B. Hofgard,
James Kamalenui.
Mahele ekolu—O kela wahi o ka Apana i oleloia e waiho ana mai ka Mahele elua ahiki i ka lae o Puanaaiea. Wahi koho: Halekula ma Kekaha.
Na Luna Nana—Augustus Knudsen lunahoomalu;
A. Lindsay,
David Kua.
Mahele eha—O ka mokupuni o Niihau. Wahi koho: Halekula ma Niihau.
Na Luna Nana—E. K. Bull, lunahoomalu;
J. B. Kaomea,
A. W. Kawaiula.
APANA ELUA—LIHUE.
Oia kela wahi a pau o Kauai mai a e hookomo pu ana ia Kalaheo ahiki a e hookomo pu ana ia Hanamaulu.
Mahele ekahi—Ka Apana o Lihue. Wahi koho: Hale Hookolokolo ma Lihue.
Na Luna Nana—R. W. T. Purvis, lunahoomalu;
C. H. Bishop,
S. R. Hapuku.
Mahele elua—Ka Apana o Koloa, mai ka palena me Lihue ahiki a me ka hookomo pu i ka aina o Lawai. Wahi koho: Hale Hookolokolo ma Koloa
Na Luna Nana—J. K. Burkett, lunahoomalu;
A. K. Mika,
E. Strehz.
Apana ekolu—Hanalei.
Oia kela wahi o Kauai mai a me ka hookomo pu ia Wailua a hiki i ka lae o Puanaaiea.
Mahele ekahi—O kela wahi o ka Apana i oleloia e waiho ana mawaena o Waimea a me ka muliwai o Kahiliwai. Wahi koho: Hale Hookolokolo ma Waioli.
Na Luna Nana—J. K. Kakina, lunahoomalu;
C. H. Willis,
S. P. Kalaikini.
Mahele elua—O kela wahi o ka Apana i olelo ia e waiho ana mai ka muliwai o Kalihiwai ahiki a me ka hookomo pu i ka aina o Papaa. Wahi koho: Halekula Aupuni ma Kilauea.
Na Luna Nana—E. J. G. Bryant, lunahoomalu;
G. W. Mahikoa,
W. E. H. Deverill.
Mahele ekolu—O kela wahi o ka Apana i oleloia e waiho ana mai ka aina o Papaa ahiki a me ka hookomo pu i ka aina o Wailua. Wahi koho: Hale Hookolakolo ma Kapaa.
Na Luna Nana—S. N. Hundley, lunahoomalu;
S. Kaiu,
R. C. Spaulding.
J. A. KING,
Kuhina Kalaiaina.
2486-6ts.
Ua hookohuia aku o W. E. SCOTT, Esq. i keia la, i Notari no ka Lehulehu no ka Apana Hookolokolo Kaapuni Ekolu o ko Hawaii Pae Aina.
J. A. KING,
Kuhina Kalaiaina.
Keena Kalaiaina, Maraki 15, 1894.
2486-3
I kulike ai me na hooko ana o ka Pauku 7 o ke Kanawai 69 o ke Aupuni Kuikawa o ko Hawaii Pae Aina, ua hookohu aku au i keia la i ka poe keonimana malalo iho i Papa Komisina Hoopaa Inoa no ka Poe Kupono i ke Koho Balota no na Apana Elima o Honolulu:
CHAS. T. RODGERS, Lunahoomalu;
WRAY TAYLOR,
JOSEPH U. KAWAINUI.
J. A. KING,
Kuhina Kalaiaina.
Keena Kalaiaina, Maraki 24, 1894.
2487 3
HOOLAHA PA AUPUNI.
I KULIKE ai me ka Pauku 1 o ka Mokuna XXXV o na Kanawai o 1888, ke hoololi nei au i kahi e ku ai ka Pa Aupuni ma Wailuku a ma ka aina i ona ia e M. P. Waiwaiole ma kahi i ikeia o “Nehe” ma ka apana o Wailuku, Maui.
I kulike ai me ka Pauku 2 o ka Mokuna XXXV o na Kanawai o 1888, ke hookohu aku nei au i keia la ia M. P. Waiwaiole i Luna Pa Aupuni no ka Pa Aupuni maluna ae,
J. A. KING,
Kuhina Kalaiaina.
Keena Kalaiaina, Apr. 2. 1894. 2488-3
Hoolaha i ka Poe Koho Balota.
E noho ana ka Papa Komisina Hoopaa Inoa no na Apana Koho Lunamakaainana Elima o Honolulu, ma ke Keena Ahaolelo iloko o ka Hale Hookolokolo i na la a pau, koe na la Sabati, mai ka hora 10 A. M. ahiki i ka hora 2 P. M., a ma na ahiahi Poalua a me Poaono mai ka hora 6 ahiki i ka hora 8 P.M., no ka apo ana aku i na noi hoopaa inoa a me ka hoohiki ana aku i ka hoohiki i hoakaka ia e ke kanawai. O ka poe a pau e noi mai ana e hoopaa ia na inoa e koi ia aku ana lakou e hoike mai i ko lakou mau pala pala hookaa no na auhau pilikino o 189@, a i ole na hookuu ia paha mai ia mau auhau aku, ma o na palapala la o ia hookuu ia ana.
CHAS. T. RODGERS, M.D.,
Lunahoomalu.
Aponoia e J. A. KING,
Kuhina Kalaiaina.
Keena Kalaiaina, Maraki 24, 1894.
2487-3
E Pili ana i ka Maui Electric Light and Power Company, i Kaupalenaia.
Oiai, o ka Maui Electric Light and Power Company, i Kaupalenaia, he hui i kukuluia malalo o na kanawai o ko Hawaii Pae Aina, ua hooko pono i na kuhikuhi ana a ke kanawai no ia mau mea, a ua hookomo mai ma ke Keena o ke Kuhina Kalaiaina he noi e hoopau ana i ua hui nei, me kekahi palapala hoike e like me ke kauoha a ke kanawai.
A no ia mea, ke hoike ia aku nei i na poe a pau he kuleana ko lakou i keia hui i oleloia i ka wa i hala a i keia wa paha, e hookomo mai lakou i ka lakou mau keakea no ka ae ia ana aku o keia noi hoopau mamua o ka POALUA, Maraki 20 1894, a o kekahi a mau mea paha i makemake e lohe p@noi ia ko lakou mau keakea, e hele kino mai lakou ma ko’a keena ma ka Hale o ka Mana Hooko ma Honolulu, ma ka hora 10 kakahiaka o ia ia, a e hoike mai i ko kuku i manaoia’i aole kupono ke ae ia ke noi.
J. A. KING,
Kuhina Kalaiaina,
Keena Kalaiaina, Ianuari 15, 1894,
2487-9
Hoolaha e pili ana i ka O Lima.
Ke kono ia nei na makua, na kahu keiki a me na Kumukula a nana ae i ka Mokuna LXVII o na Kanawai o 1892, aka o ka oi aku nae ma ka pauku malalo iho o ua Kanawai la, penei:
“Pauku 2.—Aole e hookomo ia kekahi keiki iloko o kekahi Kula Aupuni a kula e ae paha me ka hoike mua ole ia o kekahi palapala hoike o ia ana, a i ole ia, na hoailona o kona o pono ia ana.
“O ke Kumu nui a Kumukula paha o kekahi Kula Aupuni a Kula e ae paha nana e hookomo ae ma kekahi Kula i kekahi keiki me ka loaa ole o ia palapala a mau hoailona paha, e kau ia maluna ona ka hoopai o elima dala.”
Ma ke kauoha a ka Papa Ola.
WILLIAM O. SMITH,
Peresidena o ka Papa Ola.
Honolulu, Mar. 29, 1894. 2487-3
AHA HOOKOLOKOLO KAAPUNI APANA Ekahi o ko Hawaii Pae Aina. Ma ka hooponopono waiwai. Ma Ka waiwai o JOSEPH HEANO PELE o Haonolulu i make.
O kekahi palapala i oleloia oia no ka palapala kauoha hope loa a Joseph Heano Pele i make, ua waihoia mai ma ka la 2 o Aperila, A.D. 1894, imua o keia Aha, a me ka palapala pu e noi ana e hooiaioia kela palapala kauoha, a e hoopuka ia ka palapala lunahooponopono waiwai, i waihoia mai e E. K. Wright.
Ke kauohaia nei o ka POALIMA, la 4 o MEI, A.D. 1894, hora 10 a.m. o ia la ma ke Keena Hookolokolo a keia Aha ma ka Hale Hookolokolo ma Honolulu, oia kahi a me ka manawa i koho ia no ka hooiaio ana i ua palapala kauoha la a e hooloheia ai ua noi la, a ma ia wa e hele mai ai ka poe a pau i pili e kue i ua palapala kauoha la, a me ka hoopukaia ana o ka palapala lunahooponopono waiwai.
Kalauia ma Honolulu, K.H.P.A., Aperila 2, 1894
Na ka Aha:
GEO LUCAS,
2488-3 Kakauolelo.
ILOKO o ka Aha Kaapuni Apana Hookolokolo Ekahi o ko Hawaii Pae Aina. Ma ka hana o ka waiwai o KAPIKA (w) i kapaia Elikapeka, o Kalia, Honolulu, Oahu, i make kauoha ole.
No ka mea, ua waihoia mai imua o keia Aha he palapala noi e John N. Kanaulu, o ia wahi hookahi no, e hoike ana oia kekahi o na pilikoko o ka mea i make, a he apana aina ko ka mea i make e waiho la ma Kalia i oleloia, a ua makemakeia e hookoia ua apana aina la i na pilikoko.
Nolaiala, ke kauoha ia nei na pilikoko a me ka poe a pau i kuleana e hele mai lakou imua o keia Aha Hookolokolo i ka POALIMA, MEI 4, 1894 hora 10 kakahiaka ma ka rumi hookolokolo o keia aha, oia kahi a me ka manawa e hoolohe ia ai ua palapala nonoi la, a malaila no hoi e hoike mai ai ka poe a pau i kuleana i ua waiwai la a me ko lakou pili i ka mea i make.
Oa ka Aha:
CHARLES F. PETERSON.
Kakauolelo
Honolulu, Mar. 31, 1894. 2488 3
AHA HOOKOLOKOLO KAAPUNI APANA Ekahi o ko Hawaii Pae Aina. Ma ka hooponopono waiwai. Ma ka hana o ka waiwai o Aniu i make.
Ma ka heluhelu a me ka waiho ia ana mai o ka palapala noi a me ka papa hoike helu a Yim Quon, Lunahooponopono o ka waiwai o Aniu, nona kekahi inoa e ae o Yim You, i make, o Heeia, Koolaupoko, Oahu, e noi ana e apono ia na hoolilo he $2635.69, a e hoike ana o na mea i loaa mai iaia he $2648.75, e nana a e apono ia kela mau mea, a e kauoha ia e mahele i na waiwai e waiho ana iloko o kona mau lima i ka poe i kuleana, a e hookuu ia oia a me kona mau hope mai ke lakou noho lunahooponopono ana.
Ke kauoha ia nei, o ka POAKAHI, la 23 o Aperila, A. D. 1894, ma ka hora 10 A. M., ma ke Keena ma ka Hale Hookolokolo ma Honolulu, oia kahi a me ka manawa i koho ia no ka hoolohe ana i ua noi la a me na papa hoike helu, a o ka poe a pau i pili malaila e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai i na hoike i ka poe i kuleana i ua waiwai la.
Kakauia ma Honolulu, i keia la 16 o Maraki 1894. Na ka Aha:
GEO. LUCAS,
Kakauolelo Aha Hookolokolo Kaapuni Apana Ekahi. 2486-8
KA NUPEPA KUOKOA ME
Ko Hawaii Paeaina i Huiia
No ka Makahiki, $2.00
No Eono Mahina, 1.00
Kuike ka Rula
PUKA ANA. 1 Pule 2 Pule 3 Pule 4 Pule 5 Pule 6 Pule
Iniha $1.50 $2.00 $2.50 $3.00 $3.50 $4.00
2 Iniha 2.00 2.75 3.50 4.00 4.50 5.00
3 Iniha 2.50 3.50 4.50 5.00 5.50 6.00
4 Iniha 3.00 4.00 5.00 6.00 6.75 7.50
5 Iniha 3.50 4.75 6.00 7.00 8.00 9.00
6 Iniha 4.00 5.50 7.00 8.00 9.00 10.00
O na Olelo Hoolaha a pau e Hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo ia.
HOOPUKAIA E KA
HAWAIIAN GAZETTE CO.
H. M. WHITNEY, Luna Nui.
J. U. KAWAINUI, Luna Hooponopono.
No Honolulu, Oahu, Lakou a pau.
POAONO, Aperila 7, 1894.
I ka Lahui Hawaii.
E na makamaka Hawaii o’u:
Ua hiki mai ka manawa e hoike aku ai au ia oukou i ko’u manao penei no ia:
(1) Ua pio ka manaolana no ke kukulu hou ana i Aupuni Moi ma ko Hawaii nei Pae Aina.
(2) Ina i makemake na kanaka Hawaii e kuleana pu lakou iloko o ke Aupuni Hawaii e kukulu ia aku ana, o ko oukou manawa keia e hele a e kakauinoa a hoohiki i mea e loaa ai ka Mana Koho no na Elele no ka Ahaelele Hana Kumukanawai.
(3) Pono e hoopau i na manao kuhihewa, e haalele i na manao huhu, a e ala a komo pu me na haole a me na kupa Hawaii iloko o keia hana hanohano.
Me ke aloha nui, na’u no,
A. F. JUDD, (Alapaki.)
Mamuli o ke noi ana mai o ka Luna Hoopuka o ka Nupepa KUOKOA, ke hoakaka nei au i ko’u manao, penei:
Aohe mea i koe e manao ai, e hoi hou ana ke aupuni moi ma keia Pae Aina
E hele ana a onipaa he aupuni Ripubalika, a e hoomau ia ana no ke kuleana o na kauaka Hawaii e koho balota pu me na haole e noho ana.
E hookele maikai ia ana ke aupuni, a e maluhia like ana na kanaka a pau.
Aole e pono i na kanaka ke makau, aole e mana hou ana ka Moiwahine i pau. He pono i na kanaka Hawaii a pau e hoohiki malalo o keia aupuni hou, a e balota pu no na elele nana e hoolala i ke Kumukanawai hou o kakou.
Me ke aloha mau,
Na’u na S. E. BIHOPA.
E Ao Kanaka ka Lahui.
Ke olelo nei kekahi poe Hawaii maoli, he poe na lakou ponoi iho i kapa he aloha aina a he makee i ke kuokoa o ka aina, a e ao nei e hoole loa na kanaka Hawaii i ke komo pu ana aku i ke koho balota elele hana kumukanawai me na keiki ili keokeo Hawaii a me na haole a hookele nei i ke aupuni malalo o ka mana i loaa ia lakou ma ka hookahuli aupuni i hookumu ia e ke poo o ke aupuni alii.
O keia poe e papa mai nei a e hooweliweli mai nei, aole lakou he poe kalaiaina, aole he kilo aupuni a i hapai la hoi i kekahi mau hana alakai oloko nei o ka aina ma ke ano he mau hana hoonaauao, hooulu waiwai ae o ka aina, kalepa a mau hana nui e ae e hiki ai ke ike ia aku me ka hoohewahewa ole, aka, he poe lealea kamailio wali iho no.
He mea maopopo loa ia makou, e hele ana ke koho balota imua a hiki i kona hooko ia ana ma na ano a pau. A o na kanaka Hawaii e hoohana ole ana i kela pono koho balota mahope o ke
kukala akea ia ana aku o ke kohu balota imua o ka lahui, ua maopopo loa ua hoopalaleha lakou i kela pono nui i makee ia e kekahi poe lahui e aku i mauna i ko lakou mau ola no ia pono koho balota.
Ke hoomanao nei makou, ua loaa i keia lahui ka mana koho balota ma ka haawi ana mai o ke kumuwai o 1852, a ua hoomaa ia kela a me keia kanaka e lawelawe a hoohana me ka hoopalaleha ole i kela pono koho balota, a pela mai no i na hookahuli aupuni lanakila o 1864 a me 1887.
A pehea keia poe a keha lehelehe wale nei he aloha i ka aina, he makee i ka pono kivila a me ke ku okoa, aka, hoohemahema nae i kela pono nui i haawi ia aku i ka lahui, a e hoomau ia nei no i kela a me keia hookahuli ia ana o ke aupuni. Aole o ka noho wale iho no a haalele i kela pono nui, he aloha aina ia a he makee i ka pono kivila. No ka mea, aole he mea e loaa mai ana ina e noho palaualelo na mea a pau a ha’u wale aku ka waha i ke ahe a ka makani e like me ka kekahi poe e ao aku nei o hoomamao mai ka lahui mai ke komo pu ana aku iloko o ke koho balota ana i mau elele hana kumukanawai. No ka mea, ina aole oukou na kanaka Hawaii e komo pu ana iloko o keia koho balota, alaila o ka hooko ana la o kela olelo awahia “no ke kai ka hoi ka aina.”
I ko oukou wa e hooku kaawale ai mai ke komo pu ana mai e hoe like a ka moku aupuni me ka poe e hooikaika nei e loaa ke aupuni oni paa, maikai a hoopono e hoolele ole ia ai na hauli mai na hookahuli aupuni koloko pinepine e like me ko na wa aku nei i hala, ua haalele oukou i keia pono koho, a e mimihi auanei i ka wa ua hala ka pono. A aole o makou makemake e like ko na kanaka hopena me ko ka wa i uhi ia ai kela aina kahiko e ke Kaiakahinalii mahope o na hoonaauaoia ana aku a lohe ole.
Noalaila, o ka makou olelo ao e hele oukou e hoko balota a mai hoohalike me ka poe i pena eleele ia e na karaima ka nele i ka pono kivila ole.
Haiolelo a Rev. O. P. Emekona no ka Ninau o Hawaii.
Ua hoohauoli ae o Rev O P Emesona i ka puuwai o na lala o ka Hui Amerika me kekahi haiolelo e pili ana o kana mau mea i hana ai a i lohe ai iaia aku nei ma Wasinetona, Amerika Huipuia. Oia kekahi i hoea imua o ke Komite Ninaninau o ka Aha Senate o Amerika e ninau ia ai no kana mea i ike e pili ana i ka hookahuli aupuni o 1893.
Ua kaahele o Emesona i ka loa a me ka lauia o Amerika, a ma na wahi a pau ana i noho ai, ua pipili nui mai na kamaaina iaia e lohe aku i na mea e pili ana ia Hawaii nei.
He hae loa ka lahui Amerika a lohe i kekahi mea e pili ana ia Hawaii nei, a no ia mea, he mumulu mau ia na poe mai keia mau Paeaina aku. O na wahine pu kekahi i huli hoi aku mai ia nei aku, ia lakou e hele ai ma na anaina halawai, ua koi la mai lakou e ke anaiana e hoike aku no Hawaii.
O na poe i ku ole mamua imua o kekahi anaina, aole hiki ia lakou ke hoole aku i ke koi ia mai, a no ia mea, ua ano maamaalea kekaki poe lede ma ke kamailio i ka akea. Ua kamailio kekahi o lakou me ka hoihoi nui, a ua pihi ilihia ke anaina.
Ma ka Emesona olelo, ua pau loa na poe koikoi o Amerika ma ka *****aoao Hoohuiaina, a he poe Demokarata kekahi i hui pu ma ia noonoo.
Ua olelo ponoi mai o Senator Morgan (mamua o kona waiho ana i kana hoike imua o ka Aha Senate.) “O ka hoihoi alii ua make loa ke la manao.”
Mamuli o ka naauao piha o ka L. A. Kakina hookele ana, ua puhili kekahi mau luna aupuni o Amerika i ke Kuhikuhipuuone o Hawaii, a ua papahi ia oia me ka lei hanohano o ka lanakila. Ua olelo pu ae o Emekona o W. D. Alekanedero kekahi kakoo ikaika loa o ka Aupuni Kuikawa i hoea ma Wasinetona, a ua piha waiwai kana huakai.
Na Poola.
Mamuli o ke komo nui mai o na lahui o na aina e i Hawaii nei, ua hookekela na kupa Hawaii ma na hana lehulehu i maamaalea ia lakou. Na na Pake i kaili ae i na hana mahiko, lawaia, kalewa pa’iai a pela aku, mai ka lima aku o na Hawaii, a ua loaa ia pilikia mamuli @ na Pake. Pela pu no me na Pukiki, mamuli o lakou, ua hoonele ia na Hawaii i kekahi mau hana e loaa ai ke ola.
I keia wa, ua komo pu mai nei me ka lahui Iapana e hookeke i na Hawaii Eia iloko nei o ke awa kekahi mokuahi Iapana o “Aikoku Maru” he poe Iapana wale no na poe nana e hoolei nei ka ukana nanahu iuka. Mamua, he poe Hawaii ka poe nana e hana keia hana ma ka $2 o ka la, aka eia na Iapana ke hana nei no ka hapalua dala wale no o ka la. Ma na hana auamo papa, he $1.50 ko ka la o na Pukiki, a he $2 o ka hapanui o na Hawaii ikaika i ka hana.
Aka, aohe he kumu e makau ai na Hawaii mamuli o na Iapana, oiai he poe uawaliwali keia, a ua olelo ae kekahi agena, “e iawe no oia i na Hawaii ma ka $2 pakahi o ka la mamua o na Iapana ma ka hapalua dala pakahi o ka la, no ka mea, wahi ana, he oi pakela aku ka ikaika a me ka ike hana o na Hawaii mamua o na Iapana. He hoolohe pono na Hawaii i ka mea e olelo ia aku ai, oia kekahi mea maikai loa o lakou.”
Aka, e pono no i Hawaii e makaala i keia elepani hou e hoao nei e ulupa i ka lahui oiwi ilalo a kaili ae ia kumu loaa mai a kakou ae.
Pehea ma Amerika.
Ma ke kulanakauhale o Kikako, he eiwa mai kela a me keia umi o na luna aupuni he poe wale no i hanau ia ma Europa a i hoohiki kupa, a he hookahi no o Amerika ponoi iho.
O ka Makai nui, ma Canada kona wahi i hanau ai.
O ke Kakauolelo o ka okana aina, ma Denemaka i hanau ia ai.
O ka Loio o ka okana aina, ma Bohemia kona wahi i hanau ai.
A o na oihana malalo iho, ua hoopiha ia e na poe i hanaula ma Geremania, oia keia: Na kakauolelo o ka oihana makai a me ka ahahookolokolo, ka peresidena o ka papa wai, ka luna auhau, ke kakauolelo o ke kulanakauhale a me ka luna leta.
O na oihana maialo iho, eia ke paa ia nei e na poe i hanau ia ma Irelani: Ke kakauolelo o ka aha kiekie, ka Puuku o ke kulanakauhale, ke Koronero a me ka elua hapakolu o na makai.
Eia nae, aohe hoohalahala iki o na Amerika ponoi ma Kikako no ka pau o na oihana aupuni i na Europa. Aohe mea a ka lahui e hoohalahala ia ina he poe luna aupuni maikai lakou.