Ka Nupepa Kuokoa, Volume XXXIII, Number 16, 21 April 1894 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

ME KO HAWAII PAEAINA I HUIIA.

 

BUKE XXXIII.            HELU 16.        HONOLULU, POAONO, APERILA 21, 1894.            NA HELU A PAU, 2490

 

@oo@aha @oio

 

J. S. SMITHIES (KAMILA,)

NOTALI no ka LEHULEHU

A HE

A@ena Haawi Palapala Mare

N@kona, Kohala, Hawaii.       2378-1v

 

W. R. KAKELA,

L@ a he Kokua ma ke Kanawai.

HE LUNA HOOIAIO PALAPALA.

2@70

 

ANTONE ROSA,

(AKONI.)

@ a he Kokua ma ke Kanawai.

LUNA HOOIAIO PALAPALA.

K@ Hana ma Alanu Kaahumanu.

2870--

 

ALLEN & ROBINSON,

Na MEA KUAI PAPA O NA ANO A PAU E lo@ no ma ka UWAPO O PAKAKA, Ho-o@lu@u, make kumukuai makepono loa, no ka p@maikai o ka lehulehu e makemake ana e ku @ hala. E kipa main a e ike kumaka. 2896-@

 

E. G. HITCHCOCK,

(AIKUE HIKIKOKI.)

Loio a Kokua ma na mea a pau

e pili ana ma ke Kanawai.

E OHIIA NO NA BILA AIE ME KA AWIWI

Hilo, Hawaii.   2370

 

WILDER & CO., (WAILA MA.

Mea Kuai Papa a me na Lako ku-kulu hale o na ano a pau, a me ua mea e ae a pau e pono ai o ka hale.

Kibio Alanni Moiwahine me Pap@.

2396-@

 

JAMES M. MONSARRAT,

(MAUNAKEA.

Lolo a he Kokua ma ke Kanawai

HE LUNA HOOIAIO PALAPALA.

 E hana ia no na Palapala Kuai, Palapala Hoolimalima, a me na Palapala Pili Kana @ a@ ma ka olelo Hawaii. Dal@ no ka @ ma ka moraki ma na Waiwai Paa. K@ Hana: Hale Pobaku hon ma ka @ Waikiki o ka Halewai alanni Ka-@

2370

 

J. T. WATERHOUSE,

(WALAKAHAUKI.)

Halekuai o na Lole Nani Panio!

LAKOHAO.

 Na Lako Hana Mahiko,

A PELA AKU HE NUI WALE

Alanui Moiwahine,      Honolulu.

2896-q

 

Ua Nalowale.

UA NALOWALE aku kekahi lio eleele hue-lo loihi mai ka hale noho aku o Dr. Hy@ ma ke alanni Beritania, i ka la 2 o A@gaate @ @na o ka mea a mau mea paha e hoihoi ae @ ma ka lima o ka mea no@a ka inoa malalo @ei e loa@ no iaia ka uku makana.

@         WALTER C. WEEDON.

 

HOOLAHA

I ka Poe Hele I ke Kiowal o Waiake-akua, Manoa.

ONA POE a pau e makemake ana e hele i ke Kiowai o Waiakeakua ma Manoa, ke hoo-@haia aku nei e pono e loaa mua ia lakou ka @ mai ka mea nona ka inoa malalo iho nei. a o na mea a pau e komo hewa ana ma ia wahi me ka ae ole ia e hoopiiia no ma ke kanawai.

JAMES H BOYD.

Ma ke Keena Aina, Hale Aha Hookolokolo.

Honolulu, June 17, 1893.        2447-tf

 

Olelo Hoolaha.

OIAI. ua hookohu pono ia mai ka mea nona ka inoa maialo iho i Lunahooponopono me ka Palapala Kauoha i hoopili pu ia no ka wa@wai o Naholowaa (w) o Manoa. Honolulu, @u. i make, ke kauoha ia aku nei na kanaka @ loa he mau koina ka lakou i ua waiwai @ e waiho koke mai i ka lakou koi ia'u iloko @ malama eono mai keia la aku, a ke ole @ @ a pela e hoole mau loa ia aku no; a o na @ a pau i aie i na waiwai nei, ke kauohaia aku @ e hookaa koke mai

SAM'L K. AKI,

@ahooponopono me ka Palapala Kauoha i @ pu ia no ka waiwai o Naholowaa w@i make.

@, Maraki 26, 1894.    2487-4

 

KO BIHOPA MA,

BANAKO MALAMA DALA

ELAWE NO MAKOU I NA DALA HOOMOE ma ka hoa@e ana ma ko makou BANAKO Malama Dala malalo o keia mau kumu:

            @a e hoomoe mai ke kanaka hookahi i na @Elima Haneri, e uku no makou i ka ukup@ee ma ka Elima Hapahaneri o ka makahiki, @ ka wa aku o ka lawe ia ana mai o ke dala, @ waiho ia ke dala hoomoe i ekolu mahina, a @a wa@hoia paha ke dala a hala na malama ekolu i ka wa e hooponopono ia ai na helu. Aole uku panee e helu ia maluna o na dala ha-kina @o @a la elua paha o ka mahina.

            Aole uku panee e uku ia i na dala e lawe ia ana maloko o ekolu mahina mai ka wa aku o ka hoomoe ia ana mai.

            He @ @a mamua ae o ka unuhi ana aku o ke @ kanak@ i ka@a mau dala, e hoike e mai i @ BANAKO, a e luwe pu ia mai ka buke dala i ka wa e kikoo ai.

            Aole dala e uku ia. aia wale no ma ke kikoo ka mea nana i hoomoe mai i ke dala me ka lawe pu mai i ka buke hoahu@dala.

            I ka la mua o Sepatemaba o kela a me keia makahiki e hooponopono ia ai ua helu o na mea a pau, a o na uku panee i uku ole la ma-@o na p@ dala a pau e waiho ana me ke kikoo ole ia. e helu ia ma ka aoao o ke mea @oomoe dala mai i hala na malama ekolu, a ma ia wa aku e hui ia me ke kumu paa mua

            O n@ p@ dala h@omoe mai maluna, elima haneri dala e lawe ia no mamuli o o aelike ana.

            E hamama ana ka Banako ma na la a pau o @ @doma koe na la Sabati a me @a la Kulaia  BIHOPA MA.

Honolulu, @    2896-q

 

HE KAAO HOONAUE PUUWAI

NO

PUAKAOHELO

KE

Kaikamahne Alii.

KA

Ui Oi Kelakela o ka Nani

a me ka Maikai.

NANA

I HEHI-KU NA KAPU O

KUAIHELANI A ME

NUUMEALANI.

KA

Ui i Hiolo ai ke Kapu a me ka Mana o ke Kiowai kupua-kahi e hiolo ai ka nani a me ka maikai o na mea kino kanaka o ka Honua nei.

 

KE KIOWAI KAPU A ME KA MANA KUPUA E KIAI  IA ANA E NA HONU ALII HE UMIKUMAMALUA; UA LILO IA MANA I MEA OLE I KA NANI A ME KA UI O HAWAII.

 

            E hoike aku au ia oukou e na hoa, o keia mau hana a na ia i kela manawa, e hoike mai ana ia i ko laua aloha i na alii aukai, oiai he mau mea laua i pili ia Punahoa, ko laua kupunawahine i kauoha mai ai ia laua, a e aloha mai ana hoi laua i ka ike ana mai i ko laua mau haku o ka la puka ma Kumukahi, kahi a ka la i puka mai ai, a i ka pau ana iho o na hana  kupua a ua mau i'a nei, ua hoomaka aku la na lii e hele a komo i ka puka o ka pa alii.

            Na ka hanai e hele ala mamua a na ke kahu hanai no hoi e hahai aku mahope, e like me na kuhikuhi ana ma ka moe uhane, pe@a no laua e hele nei, a i ko laua hiki ana i ka puka o ka halealii, oiai na kiai e noho mai ana me ka pane leo ole mai, ua hele loa aku la no laua nei a pii iluna o ke alapii o ka hale, me ke eehia nui laua i kela manawa, oiai ke alapii o ka hale ua uhiia me na momi ano e loa o ka papaku o ka moana, na pohaku makamae loa ka mea i like ole me ko Hawaii nei ua ku iki iho la laua no kekahi mau minute pokole, a hoomaka aku la e pii iluna o ka hale me ka eleu nui, aia laua nei iluna o ka papahele o ka lanai kahi i ku ai a hoomaka aku la e komo, hoomaka aku la laua e komo iloko o ka rumi mua, me ka nani a me ke anoano nui loa a hala ia rumi, hoea laua i ka rumi elua, a pela ko laua nei hele ana me ke eehia me ka manao e loaa ka mea nona ka halealii, pela ko laua nei hele ana a hiki i ka rumi umikumamalima, ua hoano e koke ia ko laua manao i ka ike ana aku i ka mea nona ka hale e moe mai ana iluna o ka punee i uhiia me ke gula a me ke diamana, a me na hulu manu gula o na aina manu gula, me na pohaku nani lua ole e huli ana kona alo ilalo, a o kona mau umiumi ua hele a pipii ma o a maanei o kona mau papalina, a ia manawa no i lele iho ai o Puakaohelo maluna o Kanehunamoku a huki ae la i ka umiumi me ka ikaika nui loa. A i ka manawa e huki ia nei o kona umiumi e ka ui, ke oni ala ua elemakule nei i o a ianei me ka oni ana o ke kino no elima manawa me ke uhau ana o kona mau wawae, a i ka pau ana o keia mau hana ana, ua ala ae la ia a hookuu aku la no hoi ka ui i kona paa ana. Oiai oia e noho ana ma ka a-i o ka elemakule, ua ninau ae la oia i ka ui, na wai ke kupu o oe? Pane iho la ka ui, nau no. Na'u na wai? Nau na Punahoa ke kupua o Hawaii. Ua pono e kuu moopuna. A lele iho la o Puakaohelo mai ka a-i iho o kona kupunakane, a noho iho la iluna o ka uha a uwe iho la ia laua, a mahope o ka pau ana o ko lakou uwe ana, hoomaha iho la lakou, a mahope o ka hooluana ana, ua kahea aku la o Kanehunamoku ia Alaihikalaloa e kii i kana wahine ia Hinahulimoana a me kana kaikamahine ia Kahakauakoko.

            He mamawa ole ua hala aku la ka elele a hoea ana imua o Hinahulimoana a me ka laua kaikamahine, a i kona hoea ana aku, ua pa mai la ka ninau a kamaaina, heaha ka hua kai o ka hiki ana mai?

            I hoounaia mai nei au e ke alii e kii mai ia olua, he mau malihini aia i ka hale, a oia ke kumu o ko'u hiki ana mai la.

            Ninau mai la o Hinahulimoana, no hea ia malihini o ka hiki ana mai nei?

            No hea la, ma ka waa mai nei, wahi a Alaihikalaloa.

            Ehia malihini, wahi a ka ninau.

            Elua, he keikikane ui launa ole a he kaikamahine ui a nani, aole ona lua a'u i ike ai a puni ko kakou aina uei, nolaila mai lohi olua a kali hoi.

            Me ka oleu nui, ua ku ae la o Hinahulimoana a kahea aku la i ka laua lei he keiki, a olelo aku la, e auhea oe, ua kauoha mai nei o papa ia kaua e hoi i ka halealii, he mau malihini aia i ka hale me papa. A ua ae mai la no hoi ka laua lei aloha he keiki. Ae, e uhaele kaua. O ko laua hale e noho nei i keia manawa aia ma kela huli o ka puu e ku ana iwaenakonu o ka aina, aia malaila ko laua halealii e kiai ia ana e na ia nunui elua.

            Ia manawa i puka mai ai ka ui nohea o ka aina hookalakupua a kamoe aku la ko laua alahele uo ka halealii, e pio ana ka ua koko a me ke anuenue ma ko laua alahele, a e pohai ia ana e na manu like ole o ka moana, a aia pu no hoi me ka nani o ka halealii ke kahiko la no i ke kahiko o ke alii aukai, e pio ana ke anuenue ma oa maanei o ka halealii, a e uhiia ana hoi e ka punohu ua koko.

            Ia Hinahulimoana ma i kokoke aku ai ma ka puka pa o ka halealii, aia hio, ua ala mai la na poo o na ia iluna, a hana mai la e like no me ka laua hana i na kamahele aukai. I ka pau ana ae o keia mau hana, ua hoomaka aku la na lii e hele, a ia laua e hele aku nei, aia na poe a pau e ku ana mawaho o ka halealii a haawi mai la i ko lakou aloha ia laua nei, a i ke kau pono ana aku o ke kaikamahine alii i ka papahele o ka lanai, ua puka mai la o Kanehunamoku me ka nohea aukai a hoolauna mai la ia Kahakauakoko, a hui ae la na ui elua me ko laua kaikunane alii, a ua hoolauna ia lakou me ke aloha oiaio o na lii a pau o ka aina, mai na kuhina, na kilo a me na kahuna.

            Ma keia wahi e na makamaka, e hoomaikeike aku ana ka mea kakau i ka papa inoa o na alii a me ka poe nana e hookele ana ke aupuni, oia paha na kuhina e like la me ko keia au, ke kahuna a me ke kilo a kuhikuhi puuone, a me ka mea nana e hoopii ka aina iluna a me ka hoemi ana ilalo o ka papaku. 

            O Kanehunamoku ke alii, o Hiuahulimoana ke aliiwahine, o Kahakauakoko, kaikamahinealii, o Lonoahimakaokane ke kahuna.

            O Lonoikaalepoi, ke kilo a me ke kuhikuhi puuone.

            O Hooneehonua, ka mea nana e hoemi i ka aina ilalo a me na ano a pau.

            O Hooneehonua k, a o kona mau alii, o Kealilokalewa k. o Kealiiaumoana k Kapu@ohuula k, Kealiiokapohina k, Kaalepoikamoana k, Kaliiokapukoa w, Kaonohiokekai k, a o na kuhina, o Kealiiokapapaku k, Kealiiokapalewa k, Kealiiokapapanoho k, Kealiiokahonua k.

            O lakou nei na mea a pau e noho ana imua o ke alii, a o lakou pu no hoi ke noho ana i ka ike alii o Hawaii. A i kela wa a na lii aukai e luana ana me na lii o ka aina, ua lokahi ae la na mea a pau o ka aina e malama ia he ahaaina nui iloko o ka halealii no ka hoolealea ana i na lii aumoana, ua laha aku la ke kukala alii a puni ka aina o Kanehunamoku, na kane a me na wahine.

            E na hoa heluhelu, ua oieloia ma keia moolelo mamua ae nei he poe kanaka poupou ko keia aina, a he poe hiki ole ke kamailio; ae, he mea ioaio kela, aka, he mana kupua ko lakou nei, i na wa a pau a ke alii e makemake ai e hoololi ia, he poe ike no lakou i ka hula ma na ano a pau e like me ko Hawaii nei. Elua la o ka hoomakaukau ana i na mea ai o ia paina hoalohaloha me na alii aumoana, na lii hoi o ka aina kaulana o Hilo, i hoomanao ae ai ka mea kakau i keia wahi hooheno:

                        Aia i Hilo kuu aloha

                        I ka aina i ka piko o Hanakahi

                        Akahi ka ono o kuu puu

                        @ ka nani o Puakalehua

                        Oni ana Mokuola i ka lai

                        Kuu home i ka ili o ke kai

                        Haina mai ana ka puana

                        O kuu aloha i ka nani o Hilo

 

            E noho ana ka Ahahui Lunakahiko o Maui ma ka luakini Kaahumanu, Wailuku, ma ka Poakolu mua o Mei, M. H. 1864, hora 10. A ke paipai nui ia aku nei na hoa a pau e hele nui mai, oia hoi na kahu ekalesia, na kahunapule, na halolelo, na hoa mau a me na lunakahiko i koho pono ia e na ekalesia.

O. NAWAHINE,

            Kakauolelo o ka Ahahui Lunakahiko.

 

He Moolelo Hawaii

 

Papa hoike Manawa o na mea

Ano nui o Hawaii nei.

            1759    Holo o Kalaniopuu e kaua ia Maui Hikina, a lilo o Hana me Kipahulu a me Koolau i panalaau no Hawaii.

            1764    Kaua o Kamehameha ka nui ia Puna ma Makaolehua, a make o Kamakau. Kii ia o Kaohele ke kamaeu o Molokai.

            1764    @ Lilo o Molokai ia Peleiholani, a luku ia na'lii; o Kaolohaka a Keawe, o Kanoalai a me Kaohele ka mea kaulana i ke kukini a me ke koa, a kaulai ia na iwi i Hakawai. I kui ia ka mama o na kukini e ae i loaa ai o Kaohele.

            1765    Nohoalii o Kumahana ke keiki a Peleiholani no Molokai.

            1765    Kipi o Keeaumoku ia Kalaniopuu ma Pohakumaneo a holo i Maui

            1765    Hanau o Peleioholani na Kamehameha Nui me Namahana.

            1765    Hanau o Kaikioewa na Kalana me Kekikoola.

            1765    Hanau o Kalanikauiokikilo na Kamehameha Nui me Kalola; noho pio no laua.

            1767    Make o Kamehameha Nui a nohoalii o Kahekili no Maui

            1767    Kipi o Kuaumoku ma ia Kahekili, a kaua ma Kalaeiiliili i Waihee, a auhee ma na waa, a pae i Molokai.

            1767    Holo aku o Kahekili i Molokai, a kaua hou aku ia Keeaumoku a hee hou lakou i ka moana, a pae olulo i Hana. O Kalauonakukui ia kaua.

            1768    Hanau o Kaahumanu na Keeaumoku me Namahana ma Ponahakeone, Kapueokahi, Hana, Maui

            1768    Hanau o Kaleimoku na Kekuamanoha me Kamakahukilani ma Makaopalena, Kauiki, Hana.

            1768    O Mahihelelima ke alii o Hana a me ka puukaua o Kauki.

            1769    Kaalo ka hoku Venusa imua o ka la ma Hawaii nei. O Kuke me Green na kilo hoku i ike.

            1769    He hula kaulana ma Oahu a puni na Peleioholani

            1770    Make o Peleioholani ke alii o Oahu, a nohoalii o Kumahana kana keiki.

            1773    Wailana ia o Kumahana no ke pi a me ka hiamoe.

            1773    Kauaohala o Kahahana i Maui, a lilo i moi no Oahu.

            1774    He alii maikai o Kahahana i na makahiki mua, a i ka eha o namakahiki hookuli oia. Kiko ihoiho @a o Kaopulupulu i kona kuli.

            1774    E noho ana o Keaulumoku me Kahahana ka moi o Oahu ma Molokai.

            1775    He kaua mawaena o Kalaniopuu me Kahekili, e kokua ana na koa o Kahahana ia Kahekili.

            1775    Kaua o Kalaniopuu me Kaneolaelae ma Kalae-o-ka-ilio, pilikia o Kalaniopuu, ilaila i kuupau ai o Kamehameha a me Kekuhaupio i ko laua koa.

            1776    Holo mai o Kalaniopuu me Kiwalao i ke kaua me Kahekili ma Wailuku. Ilaila i hoouka kaua ai no Alapa, a pau i ka luku ia 800 e na koa o Kahekili, a make he mau alii no Hawaii. O Inaina, Kuaana, Kanehailua a me Keawehano. O Oulu ke koa waa ala o Kahekili. A na Kiwalao i ki@ i ola no lakou. O Kakanilua ka inoa oia kaua.

            1776    Hanau o Hoapilikane na Kameeiamoku me ke alii o Kahekili.

            1777    Hoouka kaua o Kalaniopuu ma Kaupo. Ua kapaia la kaua o Kal@ehoahoa.

            1777    Kaua hou ma Lahaina a ku o Kekuhapio i ka pololu a Pua, waiho no pela a hiki i ke au o Kamehameha I.

            1777    Kaua hou ma Lanai, a hee ka puukaua o Hooki-o, a ua luku@a o Keliiaa ma; o Kamokuuhi ia kaua.

            1777    Hoi o Keau@umoku i Hawaii no kona hilahila i ka olelo ino ia o Kamehameha I. @ haku oia ia Ui-ui-awaa-kialoa.

            1778    Hanau o Kaheiheimalie Hoapiliwahine na Keeaumoku me Namahana.

            1778, Ianuari 14          Loaa o Niihau me Kauai ia Kapena Kuke, a hoi no i Amerika.

            1778    Kaua o Kalaniopuu ia Koolau a me Hamakualoa. Aloha o Kahekili i na makaainana a kaua ia Kalaniopuu, a hee ia Kalaniopuu; o Kamakamimi ka inoa o ia kaua.

            1778    Hiki eliua mai o Kapena Kuke, a ku ma Haaluea i Wailuakiki, Koolau, Maui i Novemaba 20. Malaila o Kalaniopuu ma.

            1778, Dekemaba 20.   Ku o Kapena Kuke ma Kukuipahu, Kohala.

            Ianuari 17, 1779, ku o Kapena Kuke i Kealakekua, Kona Hema.

            Ianuari 24, 1779, hoi mai o Kalaniopuu ma i kealakekua mai Maui mai.

            Feberuari 14 1779, make o Kapena Kuke ma Kaawaloa, i ki-mo ia i ka pahoa.

            1781    Hakaka o Nuuanu-paahu me ka mano ma Kauhola.

            1781    Pani paa ia ka puukaua o Kauiki e Kahekili no hookahi makhiki, a hee o Kauiki i ka wai ole, a luku nui ia na alii me na kanaka a kalua ia i ke imu; ua kapaia o Kaimupikao.

            1782    Make o Kalaniopuu ma Kailikii. Waloahukini, Kau, Hawaii.

            1782    Make o Imakaloa he alii kipi, a ua amama ia o Kamehameha me Kiwalao, oia o Amamalua.

            1782    Kaua o Kiwalao me Kamehameha ma Keomo, Kona Hema, a make o Kiwalao; o Mokuohai ia kaua. Lilo o Keoua Kuahuula i alii no Kau a me Puna, o Keawemauhili ko Hilo alii.

            1782    Haku o Keaulumoku i ke mele i kapaia o "@ani ka Lani." He mele wanana o hui ana na moku a pau ia Kamehameha.

            1782    Kipi o Kanekoa ia Keawemauhili, a mahuka me Keoua Kuahuula.

            1782    Kipi hou o Kanekoa ia Keoua a make oia; a hele aku o Kahai ko Kanekoa hoahanau i o Kamehameha la me ke koa aai, a aloha o Kamehameha iaia.

            1783    Kaua o Kamehameha me Keawemauhili laua me Keoua ma Puaaloa kokoke i Panewa, aole i hee laua, ilaila na koa o Kahekili. O Kauaawa ia kaua, o Laupahoehoe ma kekahi inoa.

            1782    Kaua o Kahekili me Kahahana ka moi o Oahu, o Opuakiikii ia kaua. O Pupuka a me Makaioulu na koa i kaua mua, a make o Kauhikoakoa kekahi alii o Maui, ekolu hoouka kaua kui ana, a i ka eha ma Kaheike, hee o Kahahana a hele pio i kanahele  no elua makahiki me Manono kana wahine a me Alapai. Ia wa i haku ia ai kela mele o "Pililua oe i Ewa o helelua" na Kalawela.

            1783    Ku mai na moku o Kapilipalakela a me Alomakani.

            1783MMake o Tito Hueu kekahi alii i ka powa ia ma Waiualua, Oahu.

            1784    Pakele o Kahekili a me Kauakapekulani, o Kalanikupule a me Koolaukani mai make i ka powa ia.

            1784    Luku nui ia na alii a me na makaainana ma ke kaua ana ma Moanalua; o Kapoloku ia kaua.

            1784    Make o Kekuhaupoi ma Napoopoo, i ku i ka ihe kaua paani a kamalii.

            1884    Make o Keaulumoku ka haku mele kaulana, 68 na makahiki.

            1784    He wahi kaua no mawaena o Kamehameha ma Keawemauhili a me Keoua ma Kauhola, oia o Hapuu.

            1784    Kipi o Kalaniaulumoku a make ma Pakui i Olomana. Make o Kaneoneo ma i Kalamakei ma Wahinekapu.

            1785    Hoi mai o Kamehameh i Laupahoehoe, a i kona holomalu ana i Keaau, pa kona lae i ka hoe a ka poe lawaia  Laupahoehoe elua.

            1785    Kukala mua ia ke kanawai Mamalahoa o Kamehameha I.

            1785    Hoao mare o Kamehameha I. me Kaahumanu.

            1785    Make o Kahahana ka moi pio o Oahu, o ko Kekuamanoha hoahanaula.

            1785    Holo o Ka@ana me Namakeha i Kauai.

            1785    Ku mai he mau moku, o Kapelikanalika me Kilo.

Aole i pau.

 

DAISY BELL.

The Song That Is Whishtled and Sung by Everyone in the United States,

Composed by Harry @ Dacre.

 

There is a flow-er with-in my heart, Dai--sy, Dai--sy! Plant-ed one day by a glanc-ing dart, Plant-ed by Dai-sy Bell!.......            Wheth-er she loves me or loves me not, Somtimes it's hard to @ tell;.....        Yet I am long-ing to share the lot Of beau-ti-ful Dai-sy Bell!......

CHORUS.

Dai-sy, Dai-sy, Give me your an-swer, do!.....            I'm half cra-zy All for the love of you!....       It won't be a styl-ish mar-riage,....    I can't af-ford a car@riage, ...  But you'll look sweet   On the seat Of a bi-cy-cle built for two!....

 

We will go "tandem" as man and wife, Daisy, Daisy! "Ped'ling" away down the road of life, I and my Daisy Bell! When the road's dark we can both despise P'licemen and lamps as well; There are "bright lights" in the dazzling eyes Of beautiful Daisy Bell!

 

I will stand by you in " wheel" or woe, Daisy, Daisy! You'll be the bell (@) which I'll ring you know! Sweet little Daisy Bell! You'll take the "lead" in each "trip" we take, Then, if I don't do well, I will permit you to use the brake, My beautiful Daisy Bell!

 

[Ke hoolaha aku nei makou i ke mele kaulana maluna ae e hoaeae wale waha ia la ma Amerika Huipuia a puni, me na huamele a me ka olelo haole, no ka pomaikai o ko makou poe heluhelu ike olelo namu a maamaalea i na huamele.]