Ka Nupepa Kuokoa, Volume XXXIII, Number 18, 5 May 1894 — He Hana Aloha Mahaloia. [ARTICLE]

He Hana Aloha Mahaloia.

I ka wa o ka Hon. Kikila Pahuuiu aku nei I Kaleponi, ua iohe kekahi mau Hawaii e noho ana iloko o ka hune a me ka pillkia ma Loko Paakai, a nolaila ua holo noi ae la kekahi poe o lakou iaia me ke koi ikaika e hoihoi mai i Ilawaii nei, oiai ina aole e loaa ana ia lakou na kokua la e kaawale mai ai mai Loko Paakai mai, alaila e pau ana lakou i ka make a ka hune a me ka pololi. He oiaio, i ko Mr. Palaunu lohe ana i keia leo uwe o na Hawaii ma ka aina malihini makamaka ole, ua hooikaika koke oia e kamaiiio i ke Kanikela Hawaii e hoihoi mai i ua poe la i Hawaii nei me kekahi mau kokua e ae, a pela iho la i hoihoi ia mai ai keia mau Hawaii malalo o na lilo o ke Aupuni Kuikawa. Nwlaila, ma ka mokuahi Australia o ka la 21 aku nei o Apenla, ua hoiho } ia mai ua inau Hawaii ia no lakou na inoa penei: Kakalaka Lua, kana wahine a me 4 mau keiki, Kekauoha, kana wahine a mo 3 mau keiki, Kahaunalu he wahino kanemake a me 2 mau keiki, huina he 14 mau kino uhane ola. Ua haalele keia mau io o ko kakou mau io iaHawaii nei i ka 1890, a ua holo mai Laie aku i Loko Paakai ma Uta malalo o ke kaualako a ka hoomana, aka o ka hopena, oia ihola keia moolelo pilikia i hai ia ao la maluna. E mahalo ia ke Aupuni Kuikawa no keia hana alolia i na kanaka Hawaii i loaa ma ka aina makamaka ole e Kuewa wale ana, a pela hoi ia Mr. Palaunu no kana mau kokua. He ui he ninau, he pono anei e hookuu hou ia aku na liawaii ponoi e hookuewa hou ia ma kela wahi 1 lawa na moolelo no ka ehaeha a me ka pilikia o kekahi mau Hawaii i haliia ilaila malalo o ke koloka o ka hoomana ke ole e hoopaa e ia he mau hope no ka hoihoi hou inai i ka poe e halawai hou aku ana me keia mau haawioa?