Ka Nupepa Kuokoa, Volume XXXIII, Number 19, 12 May 1894 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO.

Mai a Mahope aku o Iune 1, 1893.

 

[logo of train]

 

NA KAA AHI

 

NO HONOULIULI

 

                                                            B         B         A         D

                                                            A.M.    P.M.    P.M.    P.M.

HAALELE IA HONOLULU                        8:45     1:45     4:35     5:10

HAALELE IA MANANA                9:30     2:30     5:10     5:56

HAALELE I HONOULIULI                        9:57     2:57     5:86     6:22

 

NO HONOLULU

 

                                                            C         B         B         A

                                                            A.M.    A.M.    P.M.    P.M.

HAALELE IA HONOULIULI         6:21     10:43   3:43     5:42

HAALELE IA MANANA                6:55     11:15   4:15     6:10

HIKI I HONOLULU                         7:30     11:55   4:55     6:45    

            A. No na Poaono wale no.

            B. No kela ame keia la.

            C. Koe na la Sabati.

            D. Koe na Poaono.

 

NU HOU HAWAII.

 

Ua pii hou ae kopaa i keia wa @ 2 9-10 keneta ke kumukuai o ka @ ma Nu Ioka i ka wa i haalele aku ai ka Monowai.

 

Ua hoi mai o Mr. Alexander Young ma ka Monowai o ka Poaha @ nei mai Amerika mai, me elua k@na mau kaikamahine.

 

He elua pule i koe haalele mai ka @kukaua Beritania Champion no @ kai o Berina.  He hoea mai koe @ kekahi moku e pani ma kona wahi.

 

Ua ku aku i Pors Townsend, mo@aina o Wasinetona ma ka la 2 o Mel nei, ka mokukaua Amerika Adams he 16 na la holo mai Honolulu aku nei.

 

E haalele ana ka mokuahi kalepa Iapana Miike Maru ia Iokahama ma ka la 15 o Iune ae nei, a hoohikihi ki mai ia 1,200 mau limahana Iapana no Hawaii nei.

 

He ahaaina kai haawiia e lunakanawai kiekie Judd ia Adimarala Walker a me koua mau kokua ma kona hale noho ma ke awawa o Nuuanu, i ke ahiahi Poalua iho nei.

 

O kela hoale nona ka inoa Bennett i hopu ia ai ma Ainahou i keia pule aku nei i hala, no ka malama opiuma, ua ae i kona hewa a ua hoopai aku ka aha iaia i ka Poaha nei, he $150.

 

Eia ke kaukawewe mai nei ka Hui Alahao o Oahu a me Aina ma ka hoolaha akea ana no ke kuai mai @ pa aina a waiho nei ma ke ku@kauhale Momi i ka poe e makemake nei i wahi e hooluolu ai.

 

Mahele hou iho nei i ka Poaha aku ia, ka puka o na poe i kuleana i ka mahiko o Makaweli ma Kauai.  Ke mahele nei i kela a me keia oo ko ana.  He lua dala keia e hoohehee ia nei i kela a me keia maka hiki.

 

Mamuli o ka make ana o Kapena Chaney oluna o ka Mikahala, e lilo aku ana o Kapena Haglund oluna o Kimo Maki i Kapena i keia mau pule iho.  Na Kapena Campbell i lawe aku nei iaia e hoomaamaa ma kona mau awa hou.

 

Ua haawi makana ae ka Ahahui Opiopio Karistiano o na wahine, i $75 i ka luakini o Kawaiahao no loko mai o ko lakou puu dala he $496.50 i kaana ia mai ai e ka Hui Wahine nana i kukulu i ka Ahaaina a na Lahui.

 

Aole i hoi mai nei ka Ilamuku Hikik@ki ma kona kulana oihana ma ke Kinau aku nei o ka Poakolu iho la, a me he mea la, aole i oluolu kona mai i hookuuia ai oia e holo hoomana, a pela iho la ka panee ana @ kona manawa hoi mai.

 

Ua hookuuia o C. B. Wilson a me J.W. Brown e ka aha apana o Honolulu nei, no ka hewa hookeke @ e hakaka i kela hakaka ai pepei@ ai o Ben Gallagher ia Bert Peterson malalo o ka Hotele Hawaii i kela hebedoma mua aku nei.

 

Ke liuliu mai nei ko Maui Hui Heihei no ka la 4 o Iulai aenei ma o @ hoolaha e ana mai nei i ka nui o @ heihei e malamaia ana a me ka puu dala makana e haawiia ana no @ a me keia heihei pakahi ma @ la hauoli o na puuwai Amerika.

 

I ka hora 2 o keia auwina la, e @lele aku ai ka mokuahi Australia ia Kapalakiko a huli h@i mai no Honolulu nei, kona awa kumau ma ka holo ana mai, a o ka pahu hopu @ o kona ala holo moana.  E hoi @ ana maluna ona kekahi mau @ o Honolulu nei.

 

Ua ae mai ka Papa Ola ia Rev. M. C. Kealoha i noho kahu iho nei ma Onomea, Hilo, e like me ke noi @ ka Papa Hawaii, e hoi a e noho @ahu no na ekalesia ma Kalaupapa, me Kalawao.  ‘Ua ae o Mr. Kea@ha e hoi ialila ma ka hana a ka Haku, aka, e hoomaha iki ana oia he malama paha, alaila hoi loa aku.

 

Mamua iho o ke ku ana mai o ka mokuahi Iwalani ma ka uapo i ke kakahiaka Poaha aku nei, ua lele loa ae la ke aho o kekahi wahine Iapana, a ua hali loa ia ae i ka halewai e waiho ai.  I hoouna ia mai keia wahine i Honolulu nei no ka imi e lapaau ia kona mau palapu, aka make e aku la nae.

 

Ua hali ae ka mokuahi Oceanie mai Kina ae a i Kapalakiko ma kana huakai hope aenei, ia 14,000 mau paona opiuma ma kona opu, a o ke dute i ohiia maluna o ia laau auhuhu e ke aupuni aia ma kahi o ka $168,000.  Oia paha ka hoohikihiki opiuma nui a ka launa ole i hookomoia ae i ka wa hookahi. 

 

Eia ke pahola nei kekahi lono, e holilo aku ana o C. R. Bishop ma ke kuai i kona kuleana a pau iloko o ka Banako o Bishop & Co., ina Honolulu nei i kekahi poe malama Banako o Kaleponi, aole ia Claus Spreckels, a e hoomauia aku ana@no o Mr. Samuel M. Damon i luna nui no ka banako malalo o na oua hou?

 

Ua hoohikihiki mai ka mokuahi Kinau ma kana huakai i huli hoi mai ai i ka Poakolu iho nei, ia 10,905 mau eke kopaa mai Hilo mai.  A ma ka auwina la onehinei, i pelu hou aku ai oia ma kona mau awa kumau ma na mokupuni o Maui a me Hawaii, me k@ ahai pu aku i na eke leta o na aina e mai no ia mau mokupuni.

 

Ke haawi nei kekahi haole kuonoono o Honolula I $10,000 i kekahi hui e kukulu ana i alanui kaa huki ia e ka waea mai Honolulu aku nei a hiki i ka nuku o ka pali o Nuuanu ke hoomaka e ua hui la i ka hana mamua ae o ka hapenuia o 1895 ae nei.  Owai ka mea e olelo mai aole e nee aku ana o Honolulu nei imua ma na hana hou?

 

Ua kohu liona na kanaka o Pelekane ka makemake e ike ia Corbert ka noho kaulana o Amerika.  Ua haawi mai kekahi hui keaka o Ladana he $2,500 no ka pule hooka hi ina oia e ae e hoikeike me lakou, aka, no ka paa mua o Corbett no kana mau hana hoikeike ma Parisa, a me Irelani, nolaila, aole oia i puni aku i ka puu dala nui a ka hui keaka o Ladana.

 

Ua ku mai ka mokuahi Monowai ma ka hora 6 kakahiakanui o ka Poaha iho nei, me 22 mau ohua kapena, 36 mau ohua oneki a me na eke leta no keia awa.  Mawaena o na ohua oneki he poe Pukiki kekahi i auwana hele aku nei i Kaleponi, a o ka nele hana, hoi hou i Hawaii nei.  Ua holo loa aku ka Monowai no na Panalaau o ka kema ia awakea koke no.

 

Iloko no o ka molehulehu loa o ke ku ana mai o ka Monowai i ka wanaao Poaha iho nei mai Kaleponi mai, ua piha no nae ka uwapo i na anee alii i manaolana e loaa mai ana na lono hoihoi alii.  Me he ia i ka uwapo no kahi poe o lakou kahi I kali ai a ao ia po, a e like me na moeuhane palaueka i loaa ma ia po, pela ka hohoma o ko lakou nanaiana ka hele o ka lakou mea i upu ai.  Huli hoi mai lakou me ka lulumi o na lima i ka maka a ano hauhau ke ana aku.

 

He $194,867.76 ka nui o na dala e waiho ana ma ka lua dala o ke Aupuni Kuikawa ma ka la 10 o Mei nei.  I poe inoa aala ole no na poo o ke Aupuni Kuikawa ina ua uhalu kahiko a mimino ka waihona, aole hoi e hihi, o na ulu iho la no ia i paki kepau, nolaila, koele mau no ka waihona iloko o keia wa wi a ka makapaa e hokai hel@ nei i ke ao a puni.  Owai na hookele akamai e ae?  O lakou iho la no e ku nei i ka hoeuli o ke aupuni.  Makehewa ka puni wale aku ia hai.

 

Ua hoolaha la ma kekahi nupepa o Kapalakiko, aia ke huli ia la o D. Y. Camarino e ka poe ana ia aie aku ai.  Eia he hoopii iaia na A. J. Campbell o Honolulu nei no ko Camarino kue i ka aelike aole oia e kuai i ka maia a ka poe e ae ma Hawaii aia wale no o na maia o ka hui o Campbell, Marshall & Co. o Honolulu nei aku.  Nolaila, ua uku aku o Campbell he $7,500 i ka 1889 no ke kuleana a pau o ka hui me keia aelike, a nolaila keia e hoopiiia nei i hoihoi ia mai ai kela puu dala nui i hookaaia ai.

 

“O ka oi ma ke ao holookoa.  Oia ka W. D. WOODRING O BORDLY KENETUKE, e hookaulana nei no ka Chamberlains Cough Remedy (Laau Kunu).  Ke kamailio nei oia ma kona ike ponoi iho i ka inu ana, oiai o kona a me ko kona ohana ola ana mai nei no ia mai ka loaa ana i ke kunu koikoi loa a me ke anu, a ua hooholo oia o keia laau lapaau ka oi ma ka honua nei.  E kuai ia no ma na Halekuai Laau Lapaao a pau.  O BENSON, SMITH & CO., na Agena ma ko Hawaii Pae Aina.  tf

 

KAMEHAMEHA NO KA OI.

 

Hahani Hawaii Mahope.

 

Ma ka Poaono aku nei Mei 5, i wehe mua ai ka paani kinipopo o keia makahiki ma ke kahua o Makiki.  O na hui ulele mua ma ke kahua mokomoko oia no o Kamehameha a me Hawaii.  He mau hui Hawaii like no laua a elua, a oiai he eleu like no laua, ua mahae ke anaina ma ka lakou hui e haawi ai i na mahalo mamua o ka paani ana.  Ua hoopiha ia ka pohai nui e na lahui o na wai hooluu like ole, na kane, wahine a me na kamalii.

Mamua o ka hoomaka ana o ka paani, ua nui ka walaau o ka lehulehu e haiamu ana iloko o ka pohai, e kaena ana i ka hui a ko lakou puuwai pakahi i anoi ai.  O ka hapanui o na Hawaii ua lilo no ko lakou puuwai ia Hawaii, ka hui o na oiwi ponoi, a o na makamaka haole no hoi paulele lakou ma na keiki pa@popo o Kamehameha, na opio haule ole i na kau a kau.

O. J. Aukai Thompson ke kapena o ka hui Hawaii, a o Sam Mahuka no hoi ko Kamehameha.  He mea maopopo ua ao pono laua i ko laua mau hui a makaukau, a i ko lakou hoea ana ma ke kahua mokomoko me ko lakou mau aahu panio ekekei, ua hiki ke koho aku ka lehulehu ua lule lakou a ailolo ma ka lakou oihana, a o na keiki no ia e hilinai ia ai aole e haule ka popo i ka lepo i ka lewa wale no e hiipoi ia mai ai.

O Kamehameha ka i komo mua, aka i ulele iho ka hana he neo ka mea i loaa.  Komo mai hoi o Hawaii, a hoi nele me ka loaa ole o kahi holo.  I ke komo elua ana o Kamehameha loaa ia lakou he eha holo, a i ko lakou hoi ana mawaho, ua loaa ia Hawaii he elua holo, a pela i hoonawele liilii ai ka laua mau aipuni a i ka ehiku komo ana, na pai a pai laua, he ehiku pakahi.

Oiai ua kaulike aenei na hui, ua pihoihoi ka noonoo o na poe makaikai, aole e maopopo owai ana la ke @kita.  Ina komo hou ana iho elua mahope, he ole ka mea i loaa ia laua, na keia mea i hooi loa ae i ka pioloke o ka lehulehu, aka he oia mau no ka nanaina o na keiki paani.  I ka eiwa o ke komo ana, na aneane e lilo ke eo ia Hawaii, oiai ua pa a lele ka popo, aka lilo o Pryce i ka hipahipa huro, hoonou ia ka popo i ka pahu ekahi, a o kona hemo no ia, a loaa ole ai ka holo ia Hawaii.  Ua hauoli kuhihewa o Pryce, a mamuli o keia kuhihewa i haule ai o Hawaii i ka hopewaa.  I ke komo umi ana, ua loaa ia Kamehameha he eha holo, a i ko Hawaii komo hope ana, aole holo i loaa.

 

EIA NA AIPUNI.

 

            1          2          3          4          5          6          7          8          9          10        Huina

Kam.   0          4          0          3          0          0          0          0          0          4          11

Haw.   0          2          0          2          0          1          2          0          0          0          7

 

NA INOA O NA POE PAANI.

 

Kam.                           Kulana                         Hawaii

Bridges                        Hopu Popo                  Pryce

Meheula                      Nou “                          Ahia

Ruevsky                      Hopu Pokole               Hart

Lindsay                       Pahu 1                         Willis

Mahuka                       “ 2                               Thompson

Wise                            “ 3                               Clark

Koki                            Kahua Akau                Rosa

Ako                             “ Hema                        Holt

Kaauoi                         “ Waena                      Kuhio

 

Hawaii kue ia Crescent.

 

I ka hora 3:30 o keia auina la Poaono, Mei 12, e wehe ia ka alua o na paani ana o keia kau kinipopo o na puali o Honolulu nei ma ke kahua kinipopo o Makiki, a o na puali Hawaii a me Crescent ke ulele ana me na paalalo pakahi o na puali penei.

 

Hawaii.                        Kulana.                        Crescent.

 

T. Pryce                       Hopu Popo                  R. Baker.

W. Ahia                       Nou Popo                    J. Angus.

C. Willis                      Pahu 1                         W. Lucas

J.A. Thompson            “ 2                               D. Ross.

A. Clark                      “ 3                               R. Lishman.

L. Hart                                    Hopu Pokole               W. Wilder.

E. Halt                         Kahua Hema               J.O. Carter

Cupid                          “ Waena                      H. Wilder.

G. Ross                       “ Akau                         D. McNicoll.

 

Na Hookohu o na Lunakanawai.

 

Ke waiho aku nei makou malalo iho i na inoa o na Lunakanawai Kaapuni a me ko lakou mau manawa i hookohu ia ai a me na lunakanawai apana a pau a me ko lakou mau manawa e pau ai ko lakou mau hookohu, e like penei:

 

NA LUNAKANAWAI KAAPUNI.

 

Hon. Jacob Hardy, hookohu ia Mei 17, 1886; Hon. S. L. Austin, Mei 1, 1887; Hon. A. N. Kepoikai, Mei 16, 1892, Hon. W. A. Whiting, Dekemaba 28, 1892; Hon. H. E. Cooper, Maraki 7, 1893.

 

NA LUANAKANAWAI APANA.

E pau ana na lunakanawai apana malalo iho i na wa like ole penei:

 

OAHU.

 

A. G. M. Robertson, Honolulu, Augate 12, 1895; W. L. Wilcox (Hope), Honolulu, Mei 29, 1895; Frank Archer, Ewa, Ianuari 1, 1896; J. K. Kupau, Waianae, Augate 26, 1895; Edward Hore, Waialua, Ianuari 18, 1895; J. Kaluhi, Koolauloa, Augate 16, 1895; E. P. Ekue, Koolaupoko, Dekemaba 1, 1895; Henry Williams (Hope), Koolaupoko, Ianuari 9, 1896.

 

MAUI.

 

D. Kahaulelio, Lahaina, Dekemaba 5, 1894; W. H. Daniels, Wailuku, Mei 30, 1894; Chas Copp, Makawao, Ianuari 5, 1895; M. Kealoha, Honuaula, Dekemaba 5, 1894; J. K. Piimanu, Kipahulu, Sepatemaba 16, 1895; J. H. S. Kaleo, Hana, Iulai 18, 1894; D. Kalauokalani, Molokai, Iune 24, 1894; S. Kahoohalahala, Lanai, Okatoba 31, 1894.

 

HAWAII.

 

G. W. A. Hapai, Hilo, Ianuari 28, 1896; J. P. Sisson (Hope), Hilo, Iulai 31, 1895; E. W. Barnard, Hilo Akau, Aperila 9, 1896; R. H. Atikins, Kohala Akau, Maraki 12, 1896; S. H. Mahuka, Kohala Hema, Okatoba 15, 1895; Edwin Thomas, Hamakua, Ianuari 5, 1895; J. M. Kauwila, Puna, Augate 30, 1894; J. H. Waipuilani, Kau Komohana a me Hikina, Okatoba 22, 1895; Thos. H. Wright, Kona Hema, Februari 12, 1896; S. B. Kaalawamaka, Kona Akau, Ianuari 22, 1896; Saml. Haanio (Hope), Kona Akau, Maraki 8, 1896.

 

KAUAI.

 

S. R. Hapuku, Lihue, Okatoba 10, 1895; Jacob Kala, Koloa, Iulai 28, 1895; J. K. Kapuniai, Waimea, Iulai 25, 1895; R. Pauki, Hanalei, Iulai 30, 1895; J. W. Lota, Kawaihau, Augate 5, 1894.

 

Ke Kau Kiure Kaapuni o Oahu nei.

 

Ma ka Poakahi iho nei i noho ai ke Kau Kiure o ka Aha Kaapuni o Oahu nei ma ka Hale Mana Hookolokolo.  O Lunakanawai Kaapuni H. E. Cooper ka Lunakanawai ma keia kau.  Ua piha ko keena hookolokolo i na poe makaikai.  Eia na hoa o ka Papa Loio i akoakoa ae: Loio Kuhina Kamika, Hope Loio Kuhina Waila, Hope Ilamuku Baraunu, Kuhina F. M. Haki, W. C. Akepoka, V. V. Akepoka, W. E. Poka, Kikila Baraunu, W. R. Kakela, F. M. Wake@elk, C. L. Kaaka, A. G. M. Robikana, J. A. Maguna, A. Perry, J. M. Davidson, Akoni Rosa, J. L. Kaulukou, W. C. Achi, J. K. Kahookano, J. M. Poepoe, E. Johnson, J. K. Kaulia a me S. K. Kane.  O ka Loio Kuhina a me kona hope na loio o na hihia kuraima.  Ua pau ka hapa nui o ke kakahiaka i ka heluhelu ana i ka papa kuhikuhi hihia, a o ka huina o na hihia, he 139.

 

Make o Kapena Chaney.

 

Ma ke kakahiaka la pule iho nei, Mei 6, i huli hoi mai ai ka mokuahi Mikahala mai Kauai mai me ka ukana luuluu maluna o kona oneki.  O keia ukana luuluu a walania o ka naau oia no o Kapena F. S. Chaney (Kini), ka mea nana i hookele ka Mikahala no kekahi mau makahiki loihi i hala aenei me ka loohia ole i na poino.

Ma ka Poaono aku nei, Mei 5, ma Nawiliwili, Kauai, ua lealea ae o kapena Chaney i ka hele i ka hololio me kona mau hoaloha.  Ua kau oia ma ka lio o Robata Fountain, a ua holo aku la oia ma ke one o Nawiliwili.  Aole i liuliu oia maluna o ka lio, ua ike aku la kona mau hoa iaia e hilala mai ana iluna o ka lio, ua hookuu i ke kaulawaha.  Oiai ua ano pau ka ike, ua haule aku la oia ilalo o ke one a make loa, a hookuu aku la i ka uhane e hoi i kona wahi mau.  Ua lulumi koke aku na makamaka e lomi iaia, aole nae i pohala ae.

He mai kahiko no ko Kapena Chaney aia i ka puuwai, a mamuli paha o ka ikiki loa o ka la iaia i hololio ai, ua pau koke ke pana ana o kona puuwai, a o ka hopena he make.

He 38 makahiki wale no o Kapena Chaney a ua waiho iho oia he wahine Hawaii me eha mau keiki liilii, he kaikuahine a me na ohana lehulehu.

Mawaena o na Kapena moku, oia kekahi o na kapena i ohohia ia a aloha nui ia e na luina mamuli o kona piha oluolu a akahui.  O na poe i kamaaina me ia, aole i nele ke komehia o na noonoo walohia kuhohonu mamuli o ke kaawale ana aku o kekahi makamaka oluolu ma na kukaiolelo a launa pu ana.

Ela kana wahine kanemake o 28 makahiki wale no ke noho nei me ka u a me ka minamina nui iaia, a me lakou ko makou luuluu e pahola aku nei.

 

Koho Balota ma Hawaii.

 

Ma ka kakou pepa o ka Poaono o ka hebedoma i hala, ua hoolaha aku makou i na moho Elele Hana Kumukanawai a me na huina balota pakahi o lakou e like me na lono i loaa mai maluna o ka mokuahi Malulani o ka Poalima mamua iho, aka ma ke ku ana mai o ka mokuahi Kinau i ka Poakolu iho nei, akahi no a loaa mai na huina balota oiaio o kela a me keia moho, a oia keia e waiho pu ia aku nei malalo iho.

D H Hitchcock            798 koho ia.

F S Lyman                  733 “

D H Kahaulelio           649 “

J Kauhane                   598 “

William Horner           581 “

H L Holstein               570 haule.

W C Achi                    50 “

 

 

Koho Balota ma na Mokupuni o Maui a me Molokai.

 

Wailuku, Mei 3, 1894,

I kuu hoaloha Joe,

Aloha oe:

Eia pu me keia ka huina a me na moho a me na apana o keia koho balota:

W F Pogue, Molokai 10; N. Wailuku 9; S. Wailuku 7; Lahaina 4; Hamakuapoko 24; Makawao 2; Kahului 16; Hana 207; Kipahulu 7; Kaanapali 4; Honuaula aole; Keanae aole. Huina 290.

W Y Horner, Lahaina 48; N. Wailuku 17; S. Wailuku 16, Hamakuapoko 87, Makawao 18, Honuaula 2, Kaanapali 5, Kahului 2, Hana 34, Kipahulu 12, Keanae 2, Molokai 6. Huina 250.

John W. Kalua, N. Wailuku 165, S. Wailuku 24, Lahaina 41, Hamakuapoko 91, Makawao 31, Honuaula 4, Kaanapali 8, Kahului 7, Hana 44, Keanae 10, Kipahulu 34, Molokai 24. Huina 573.

J K Iosepa, N. Wailuku 30, S. Wailuku 12, Lahaina 39, Hamakuapoko 86, Makawao 20, Kahului 1, Honuauula 2, Hana 48, Kipahulu 50, Keanae 14, Molokai 13, huina 315.

H. P. Baldwin, N. Wailuku 21; S. Wailuku 16; Lahaina 42; Hamakuapoko 189; Makawao 26; Kahului 10; Kaanapali 4; Hanuaula 3; Hana 7; Kipahulu 24; Keanae 2; Molokai 18. Huina 362.

A M Consalve, N. Wailuku 28; ua koe o Lanae.  Ua haule o Pogue i keia holo balota ana, aka ua koho ia no ma ko’u manao.  He haohao ko’u i ka nui loa o ka ikaika o ko Hana poe.  E ninau iho oe i kahi Loio Kuhina i pau.

Penei ke kulana o na balota i keia manawa.

J W Kalua       473 kohoia.

H P Baldwin   362 “

J K Iosepa       315 “

W F Pogue      290 “

W Y Horner    250 haule.

Ua maopopo loa keia, aia no ka helu akahi o na balota ia Kalua, aka hookahi a’u mea minamina, o ka haule ana o kekahi o makou.

Pau i ke ahi ke Keena o ka Wailuku Sugar Co. i ka po Poakolu iho nei.

Ke kaha nei na anee alii, aohe kumu e hoopau ia ai lakou mai na oihana aku.

 

KOHO BALOTA MA WAIMEA:  Kawaihae, Mei 7.  Aloha oe: Ke hai aku nei au ia oe no na mea e pili ana i ka pahu balota o keia apana ma ke koho ana.  Oiai he eiwa wale no makou i koho, no lakou na inoa i paa ma ka papa penei:  W. Vredenburg, S M Kekoa, F J Nakanelua, O M Kekuewa, T. K. Pipi, J W Pa, J Bright, H. K. Kekuewa a me J A Kaleo.  Penei na balota i hookomo ia no na moho holo elele:  H L Holstein 16, D H Kahaulelio 13, Williama Horner 6, D H Hitchcock 4, F S Lyman 4, a no  Kauhane 2.

 

O ke Komisina a ka Ripubalika o Farani i hoou na kuhihewa mai nei i ke aupuni alii i make o Hawaii, eia no ke noho wale mai nei aohe i ike pili aupuni ia aku.

 

Hoolaha hou.

 

Aha Ilookolokolo Kaapuni Apana Eha o ko Hawaii Pae Aina.  Ma ka hooponopono waiwai.  Ma ka hana o ka waiwai o D. W. KALUA (k) o Kawainui, Hilo, Hawaii, i make kauoha ole.

Ma ka heluhelu a me ka waiho ana mai o ka palapala noi a me ka papa hoike helu a D. Kamai, lunahooponopono o ka waiwai o D. W. Kalua (k) o Kawainui, Hilo, Hawaii, i make, e noi ana e aponoia na hoolilo he $173.62, a e hoike ana o ka mea i loaa moi iaia he $193.60, e nana a e aponoia keia mau mea, a e kauohaia e mahele i na waiwai e waiho ana iloko o kona mau lima i ka poe i kuleana, e hookuu iaia a me kona mau hope mai ka noho luna hooponopono aua.

Ke kauohaia nei, o ka POALUA, la 12 o IUNE A. D. 1894, ma ka hora 10 a. m ma ka hale hookolokolo ma Hilo, oia kahi a me ka manawa i kohala no ka hoolohe ana i ua noi la a me na papa hoike helu, a o ka poe a pau i pili e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike i kuleana i ua waiwai la.

Kakauia ma Hilo, K. H. P. A. i ka la 7 o Mei, 1894.

Na ka Aha:

DANIEL PORTER, Kakauolelo.                               2493-3t

 

AHA Hookolokolo Kaapuni Apana Eha o ko Hawaii Pae Aina, Ma ka hooponopono waiwai.  Ma ka hana o ka waiwai o Kua (k) o Hilo Akau, Hawaii i make.

No ka mea na waihoia mai he palapala i olelo ia oia no ka palapala kauoha hope loa a Kua (k) o Kaiwilahilahi, Hilo Akau, i make, ma ka la 5 o Mei, A. D. 1894, me kekahi palapala e noi ana e hooiaioia ua palapala      kanoha la a e hoopuka ia na palapala lunahooponopono waiwai ia James Matoon a me Kahee (w), i waihoia mai e laua.

Ke kauohala nei, o ka POALUA, la 12 o IUNE, A. D. 1894, hora 15 a. m. o ia la, ma ke keena hoo kolokolo o keia aha ma Hilo, Hawaii, oia kahia me ka manawa i kohoia no ka hoolaio ana i ua palapala kauoha la a me ka hooiohe ana i ke noi.

Kakaula ma Hilo, Hawaii, K. P. A. Mei 5, 1894

Na ka Aha:

D. PORTER, Kakauolelo                   @498.3

 

AHA Hookolokolo Kaapuni Apana Eha o ko Hawaii Pae Aina.  Ma ka hooponopono waiwai.  Ma ka hana o ka waiwai o Kaluaikapa (k) o Hilo, Hawaii, i make

M ka heluhelu a me ka waiho ana mai o ka palapala noi a me ka papa hoike helu a G W. A Hapai, lunahooponopono o ka waiwai o Kaluaikapa (k) o Hilo, Hawaii, i make, e noi aua e @ na a aponoia ka hoike a e kauohaia e mahele i na waiwai a pau e waiho nei iloko o ko lakou mau lima i ka poe i kuleana, e hookuu iaia me kona poe hope mai ka noho lunahooponopono ana.

Ke kauohaia nei, o ka POALUA, la 12 o IUNE A. D. 1894, hora 10 am ma kahale hookolokolo ma Hilo, oia kahi a me ka manawa i koho a no ka hoolohe ana i ua noi la a me na papa hoike helu, a o ka poe a pau i pili e hele mai a e hoike i ke kumu ina he kumu io ko lakou e ae ole ia ai ua noi ia, a malaila e hoike mai ai na hoike i ka poe i kuleana i ua waiwai la.

Kalauia ma Hilo, K. P. A. Mei 5, 1894.

Na ka Aha.

D. PORTER, Kakauolelo.      2493-3

 

Hoolaha Lunahooponopono.

 

NO KA mea, ua hookohuia ka mea nona ka inoa malalo, i Lunahooponopono no ka waiwai o L. AKAMU, o Hilo, Hawaii i make.  Nolaila ke kauoha ia nei na poe a pau a Akamu i aie ai, e hookomo mai i na bila a lakou me ka hooialo ponoia, maloko o na malama eono mai keia la aku, o hoole loa ia lakou; a o na mea i aie ia Akamu, e hookaa koke mai oukou i ko oukou aie.

D. H. HITCHCOCK,

Lunahooponopono o ka waiwai o L. Akamu

Hilo, Mei 3, 1894                                2493-4

 

HOOLAHA HUI.

 

NA MEA NONA NA INOA MALALO, UA hoohui laua no ka malama ana i Hale Kuai, malalo o ka inoa hui “OKUDA & KAWAI,” ma ke kaona o Hilo, Hawaii.

Kakauia,

OKUDA & KAWAI.

Hilo, Hawaii, Aperila 24, 1894.                      2492-4

 

UA KOHO IA KA MEA NONA KA INOA malalo iho e ka Hon. J. Hardy, Lunakanawai Kaapuni o ka Apana Elima i Luna Hooponopono Waiwai no ka waiwai o Makaikai o Wainiha, Kauai i make.

Nolaila, o ka poe a pau he mau koina ko lakou i ka mea make, e waiho koke mai i ka mea noua ka inoa malalo iho, ma Kapaa, Kauai, i hooiaio pono ia i na ma ka moraki a ano e ae paha.  A o ka poe hoi i ale mai i ka mea make, e hoakaka koke mai ia’u.

O na koina i waiho ole ia mai iloko o na mahina eono mai ka la aku e puka ai o keia hoolaha e hoole mau loa ia.  A o ka poe e paa ana i kekahi mau waiwai o ka mea make, e hoihoi koke mai i ka mea nona ka inoa malalo iho, ma Kapaa, Kauai i olelo ia.

J. W. LOTA,

Luna Hooponopono Waiwai.

Kapaa, Kauai, Dec. 8, 1893, 2492-4.

 

Hoolaha Hooko o ka Moraki.

 

I KUKIKE ai me ke mana o ke kuai i hoekomoia iloko o kekahi moraki i hanaia i Iulai 1, 1892. e Val. Arukil a me M. Arnkil, kana wahine o Honolulu, Mokupuni o Oahu, ia Wm. G Irwin a me kekahi poe e ae, o Honolulu, na kahu waiwai no ka Hui Alahao a me Aina o Oahu, he hui i kukuluia malalo o na kanawai, ke hoolahaia aku nei ke manao nei ua mau kahu waiwai nei e hooko aku i ka moraki no ka uhakiia o ka aelike, oia ka uku ole ia o ka aie ia ka wa e hookaa ai a me ka ukupanee; a nolaila, ke hoolaha aku nei lakou, e kuai aku ana lakou ma ka hale kudala o James F. Morgan ma Honolulu, i ka POAKOLU la 6 o IUNE, A.D. 1894, hora 12 awakea, i na waiwai a pau i kuhikuhila maloko o ua moraki la.

            O na waiwai i paa maloko o ka moraki, eia ke waiho nei ma ke kulanakauhale Momi, Ewa, mokupuni o Oahu, a i kuhikuhiia p@nei:

            O kela mau apana aina a pau e waiho la ma ke kulanakauhale Momi, i kuhikuhi ponoia Pa Aina Umikumamakolu (13) a me ka hapalua hema Pa-Aina Umikumamaha (14) ma ka Mokuna 35, me na hale maluna iho, a oia no na aina i kuhikuhila maluna o ka palapala aina a kii o ke kulanakauhale Momi i hoomana a aponoia o ua Hui Alahao a me Aina la o Oahu, i kopeia ma ka buke 120 a ma na aoao 417 – 420 iloko o ke keena kakau kope nona ka ili he 20,325 kapuai kuea.

            Kuike ke dala.  Na uku hana palapala i ka mea e lilo ai.

            Kakauia ma Honolulu, Mei 7, 1894.

                        L.A. THUSTON

                        W.F. FRRAR              Kahu.

            THOS W. HOBRON

                                    2498 3

 

Hoolaha Hooko o ka Moraki a me ke Kuai.

 

            KE Hoolahaia aku nei ka lohe mamuli o ka mana o ke kuai i hookomoia iloko o kekahi moraki i hanaia ma ka la 14 o Moraki, A. D. 1891, e D. H. Nahinu o Hookena.  Kona Hema, mokupuni o Hawaii, ia H. Hackfield and Company, o Honolulu, mokupuni o Oahu, kopeia ma ke keena kakau kope, buke 132 ma na aoao 164 a me 165, ke makemake nei o H. Hackfield and Company, ka poe e paa nei i ua moraki la e hooko aku no ka uhukila o ka aelike, oia ka hoo kaa ole ia o ke kumupaa a me ka ukupanee i ka wa e hookaa ai.

            Ke hoolaha hou ia aku nei ka lohe, e kuaiia aku ana ka waiwai i paa iloko o ae moraki nei ma ke kudala akea ma ka hale kudala o James F. Morgan ma alanui Moiwahine, Honolulu, ke hiki aku i ka PO K  HI la 28 o Mei, A.D. 1894, hora 12 awakea o ia la.

            Eia ka waiwai i paa maloko o ua moraki la:

O kela akahi hapa iwakalua kuleana a pau i mahele ole ia iloko o ke ahupuaa o Honokua, ma ua @ ona Hema la a i kuhikuhiia na palena ma ka palapala Sila Nui Helu 6857 kuleana hoona aina helu 7713 apana 9 ia V. Kamamalu, a ola no ka aina i hooliloia aku ia D. H. Nahinu ma ka palapala kuai i hanaia i ka ia 20 o Foberuari 1890, a i kopeia ma ke keena kakau kope buke 122 ma na aoao 245 a me 246 nona ka ili he 828 9:20 mau eka oi aku a emi mai paha.  O kekahi hapa o ua aina la, ua paa i ke hoolimalimaia ma ka la 1 o Aperila, 1890, kopeia ma ke keena kakau kope buke, 124 aoao 315, no ka manawa he 15 mau makahiki ka loihi a ma ka $50 o ka makahiki.

                        H. HACKFELD & Co.,

                        Poe e paa nei i ka moraki.

            Kuike ke dla.  Na uku hana palapala i ka mea e lilo ai.  No na mea i koe e ninau ia W. C. Pakre Loio.

            Kakauia ma Honolulu, Mei 5, 1894.               2493-3.

 

Hoolaha Hou.

 

Hoolaha Hooko Moraki.

 

            MAMULI O KEKAIII MANA KUAI I HOIKE ia maloko o kekahi palapala moraki i haua ia mawaena o JOHN BELL o Kohala, Hawaii o ka aoao mua, a me Edward Furstenau o ka aoao elua, ma ka la 3 o Novemaba, 1883, i kakau kope ia ma ka buke 114, aoao 185, a mamuli o ka uhai ia ana o na kumu aelike o kela moraki, oia hoi ka uku ole ia o ke kumupaa i ka wa e uku ai, nolaila, ke hoolaha ia aku nei e ka mea noua ka aoao elua o ua moraki nei, e hooko ana oia ia mana kuai.

            A ke hoolaha hou ia aku nei, aia mahope aku o na pule ekolu mai keia la aku alaila, e hoolaha ia aku na aina i hoike ia ma ia moraki no ke kudala ana, ma ke Keena Kudala o Jas. F. Morgan, ma Honolulu, ma ka la 28 o Mai, 1894, hora 12 o ia la, oia ka POAKAHI.

            No na mea i koe e ninau ia W. C. ACHI, Loio ma ke kanawai.

            Hanaia i keia la 18 o Aperila, 1894.

                        EDWARD Furstenan, Mea Moraki Mai.

 

PENEI NA AINA I MORAKI IA:

 

1 – O kela apana aina ma Honomakau. N. Kohala, Hawaii, a i hoakaka ia ma ka palapala kuai a Kealina ia John Bell i kope ia ma ka Buke 112, aoao 312: a he apana hoi o ka aina i hoakaka ia ma ke Sila Nui Helu 7240 ma ka inoa o Kumauli. a ma ia apana he ½ @ ka, e lilo pu ana hoi me ka hale laau o ku la maluna o ua aina la.

2 – O na eka i mahele ole ia he 54 o John Bell ma kela aina e waiho la ma Kehena Kohala, Hawaii, a i hoakaka ia na palena ma ka Palapala Sila Nui Helu 1995 ma ka inoa o John Bell a me 5 poe a ae.

2492 4

 

Hoolaha Hooko Moraki.

 

MAMULI o kekahi mana kuai i hoikela @ aloko o kekahi palapala moraki i hanala mawaena o JOHN COX o Waialua, Molupuni o Oahu, o ka aoao mua, a me John Ch. Wagner, o ka aoao elua, ma ka la il o Maraki, 1878, i kakau kopela ma ka buke 56, aoao 214 a i hooliloia aku ia A. C. Cox ma ka ia 19 o Augate, 1891 a mamuli o ka uhai ia aua o na kumu aelike o kela moraki, oia hoi ka uku ole ia o ke kumupaa a me ka ukupanee; nolaila ke hoolahaia aku nei e ka mea nona ka aoao elua o ua moraki nei, e hooko ana oia la mana kuai.

            A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke Keena Kudala o James F. Morgan ma Honolulu, ma ka POAONO la 2 o IUNE, 1894, hora 12 o ia la.

            No na mea i koe e ninau ia –

            Hanaia i keia la 4 o Mei, 1894.

                        ANDREW COX, Mea Moraki Mai.

 

PENEI NA AINA I MORAKI IA.

 

            O kela apana aina a pau e waiho la ma Paalaa Waialua, Oahu, i kuhikuhihiia na palena penei: E hoomaka ana mai kal@ mai he 10 pauku H. 25° kom. mai ka lua mai i hou ia i ka pohaku nui ma ke alanui, e holo ana ma ke alanui Hema 3° kom. 2.62 kaulahao a hiki i ka auwaha wai alaila H. 74° kom. 47 pauku e holo la ma ka auwaha wai alaila akau 82° komo hana 65 pauku e holo la ma ka auwaha wai ahiki i ka pohaku i h@ailona ia x, alaila Akau 10° Kom. 2.39 kaulahao i ka l@i kalo, alaila Akau 81° Hik. 1 54 kaulahao ahiki i kahi i hoomaka ai.  A oia no ka aina i kuhikuhi ia ma ka palapala hoolilo o Rev. J. S. Emerson i ua J. Cox la, i kakau ia ma ka la 17 o Ianuari, A.D. 1864, a i kope ia ma ka Buke 18 aoao 243 a me 244, nona ka ili he 316-1000 o ka eka.  Me na hale a pau e ku la maluna o ka aina, oia ka hale noho, hale kuke hale kamana a me hale amara, e like me ke kuhikuhi iloko o ka moraki.                           2492-3

 

PAPA!  PAPA!

 

AIA MA KAHI O

 

Lewers & Cooke

 

(LUI MA)

 

Ma ke kahua hema o Alanui Papun me Moi.

 

E LOAA NO NA

 

PAPA NOU AIKI

 

O kela a me keia ano.

 

Na Pani Puka, na Puka Amani,

na Olepepepe, na Pou, na O’a,

na Papa Hele, na Papu Ku,

me na Papa Moe he nui loa

 

NV PILI HALE O NA ANO A PAU

 

A me @a

 

WAI HOOHINUHINU NANI

 

o na ano a pau loa.

 

Na Balaki o na Ano he Nui Wa

 

            Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana no ka

 

Uku Haahaa Loa,

 

E like me ka mea o holo ana wa@aeana o Lana a me ka Mea Kuai.

 

Hele Mai e Wae no Oukou iho.

 

2896-a

 

Hoolaha Hou.

 

E Haawi i na Keiki Ai Waiu

A ME NA POE OMAIMAI

 

MELLIN’S

FOR INFANTS AND INVALIDS.

FOOD

I a Mea Ai.

[logo of bird feeding chicks in nest]

 

He Ai Hooulu Oi Loa

 

No ka hooulu Kamaili

Ka Hoopohala mai ana

Na Mai Ake Pau

Na Opu Aiwali ole.

 

a me nalelemakule loaai ua i na Nawaliwali.

 

HE

 

AI MAIKAI LOA,

 

No na Polii Hanai Lima ia.

 

BENSON, SMITH & CO.

Na Agena wale no ma ko Hawaii Pae Aina.