Ka Nupepa Kuokoa, Volume XXXIII, Number 19, 12 May 1894 — Ai i ka Ape na Anee Alii. [ARTICLE]

Ai i ka Ape na Anee Alii.

Ua wawa nui ia mawaena o na anee alii o Honoluiu nei ma na la mamua aenei, e iohe ia mai ana la ma ka Monowai ka hoihol hou ia ae 0 ka Moiwahine i pau. Aka, ku mai nei nae ka Monowai i ke kakahlaka nui Poaha iho nei, aole he mau mahui iki no ka hoihoi ia ae, nolaila, ke ai nui nei i ka ape. He poo paakiki maoli no keia poe 1 ka makou e hoole mau aku nei

aohe aupuni alii hou i koe ma Hawaii ne;, a no ia paakiki ke puni waie aku nei no i na houpuupuu kolohe a ko lakou poe ponoi iho no. O ka hookanaho e kamaeoiae mai nei, aahe nuhou ma ka Monowai, aka "ua manao ia aia aku ma ka mokumahu Australia e hiki mai ai ka mea hou maopope loa." Eia ka hoi makou, aia a kukala ia aku &e kumukanawai ame ke aupuni hou o Hawaii nei ī keia mau la koke aku, aiaila pau ko oukou kokuli. E lohe mua ana oukou ika ike e ia mai o ke aupuni hou o Hawaii mamua o ko oukou lohe ana i ka oukou moeuhane palaualelo e hoemoemoe aku nei.