Ka Nupepa Kuokoa, Volume XXXIII, Number 23, 9 June 1894 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

 

 KA HUI ALAHAO ME AINA O OAHU

 MANAWA HOLO.

@ai a Mahope aku i Iune 1, 1893

 

 NA KAA AHI

 NO HONOULIULI

                                                   B        B         A         D

                                                 A.M.    P.M.    P.M.    P.M

 

HAALELE  IA HONOLULU   8:45     1:45     4:35     5:10

HAALELE  IA MANANA       9:30     2:30     5:10     5:56

HIKI  I HONOULIULI            9:57     2:57     5:36     6:22

 

 NO HONOLULU.

 

                                                   C       B       B        A

                                                 A.M.   A.M.  P.M.  P.M.

HAALELE  IA HONOULIULI  6:21   10:43   3:43   5:42

HAALELE  IA MANANA        6:55   11:15   4:15   6:10

HIKI I  HONOLULU               7:30   11:55   4:55   6:45

 A  No na Poaono wale no.

 B  No kela ame keia la.

 C  Koe na la Sabati.

 D  Koe na Poaono.

 

 NU HOU HAWAII.

 

 O kela hoopii koi poho la Kapena Hayward o ka Mariposa imua o ke kiure o Oahu nei no ke koi he $10,000, ua hookuu ia.

 

 Ua hoi aku o R. W. Irwin, ko Hawaii Kuhina noho ma Iapana maluna o ka mekuahi Gaelic o ke ahiahi Poalua nei i niau aku la no Iokahama.

 

 Ua hoopaiia o James Steiner o ka halekuai ko omoomo o alanui Hotele imua o ka aha apana o keia kulanakauhale, no ka hewa kue i ka maluhia o ka la Sabati, he kuai ko omoomo i ka la i papa ia.

 

 Eia no ka puali aliimoku Amerika ana i ka hohonu o ka nuku o Puuloa, malalo o Lutanela Wood, ke ai hoopau mai nei i ka lakou hana i hoonoho ia ai, a malia o hooki ka lakou ana a me hakilo ana i keia pule.

 

 Eia na hapauea wati nunui o Kawaiahao ke himeni hou mai nei mahope o ka lapaau hou ia ana iho nei a loaa ka papaana paikau hele, alaila paka hou ia na leo a ua kani pono hoi i keia wa e mele mai nei o ka po a me ke ao.

 

 Ma keia e hoike ia aku nei, ke hiki aku i ka la 9 o Iune, 1894.  E akoakoa ae na haumana Kula Sabati a pau o Kaumakapili, Kalihi a me Moanalua, mamua ae o ka hora 10 a.m. ma ka luakini o Kawaiahao no ka malama ana i ka hoike hui o keia makahiki me ke kai huakai ole ma na alanui ia la.

 

 O na make o Honolulu nei no ka malama o Mei aku nei i hala, oia he 34 mau kane a he 10 mau wahine, i mahelehele ia ma na lahui penei; he 21 Hawaii, 9 Pake, 4 Pukiki, 2 Beritania, 2 Amerika, 2 Iapana a me 4 o na lahui e ae.  Huina 44.  Mailoko mai o keia heluna, he 8 i make Iapana ole ia a he 2 o na make he mau malihini.

 

 Ua hookohu ia aku nei o W. A. Kukamana i Lunakanawai Apana no ka mokupuni o Molokai, ma kahi o D. Kalauokalani i pau ka manawa a i hoohiki ma ka manao a ma ka hana e kue mau mai i ke aupuni nona na kanawai a ua iwi maloo la e hooko paewaewa ana.  E hele aku oe e Kukamana imua me ka malama pone i ka hana a me ka hoopololei me ka naauao.

 

 Aia he hauoli nui maloko o Albati Hale, ma ke kulanakauhale o Ladana i ka la 6 o Iune nei, no na Elele o na Ahahui Opiopio Imipono Karistiano a puni ke ao nei i akoakoa ae malaila, no ka hoomanao i ka puni ana o ka Iubile Makahiki o ke ku ana o ka Ahahui, no ka mea ma Iune 6, 1844, i hoomaka mai ai ke kukulu ia ana o keia mea he ahahui opiopio.

 

HAIOLELO MISIONA KULOKO.

 Aia ia Rev. S.L. Desha (Kiwini), kahu ekalesia o Haili ma Hilo, ka haiolelo makahiki no ke Kumuhana Misiona Kuloko, maloko o ka luakini o Kaumakapili i ka hora 7:30 o ke ahiahi Sabati (apopo) imua o na anaina hui o na ekalesia o Kaumakapili a me Kawaiahao.  Mahope o ka pau ana o ka haiolelo, he lulu @lala iho no ia misiona.

 

 I ka Poakolu iho nei, i wehe ia ai ke kau kiure kaapuni o na "Hono a Piilani" ma Wailuku i ka Poakolu mua o Iune nei.  A ma ka Poalua iho nei, i holo aku ai ka Hope Loio Kuhina G. K. Wilder e malama i na hihia hewa ma ka aoao e ke aupuni.  Ua kaukoo pu aku ma ia huakai hookahi na loio J. W. Kalua, W. C. Aehi, V. V. Ashford a me A. Rosa.

 

 O ka nui o ka puu dala a ke Komite Hoolala Hana no ke Kulaia ana i ka La Eha Kilakila o Iulai ae nei, aia ma kahi o ka $2,500, a ua lawa hoi ia no ka uku ana i na mea a pau e aie ole ai.  Ke olelo nei no hoi ke Komite, aohe he hana luhi ka hookupu ana i kela huina.  O ka hana ana iho ia no ia a na poe i lokahi ka manao a i kuonoono na eke, he hoeu ae no, nakeke ana ko kapuahi.

 

 Ua kau aku o Lunakanawai Kaapuni H. E. Cooper o Oahu nei maluna o ka mokuahi "Waila" o ke ahiahi Poalua nei a holo aku la no Wailuku, e noho lunakanawai ai no hookahi hihia hewa e lawe ia mai ana imua o ke kiure kaapuni o na mokupuni o Maui i keia kau, no ke kumu ua pili ka mea i hoopii ia i ke kahu mau o ka aha.  Nolaila, oia hihia ana paha ka makamua e lawelawe ia ana i ka wa e wehe ia ai ke kau ma ka Poakolu iho nei.

 

 O kela haole hana ihepa nona ka inoa o Bota a makou i huai ae nei ma ka aoao mua o ka pepa o keia la me kona kii i kahaia e ko ke Kuokoa kaha kii ponoi, ua lohe mai makou aole e hiki ana iaia ke kukulu i kana hana holona ma ka Paredaiso o ka Pakipika oia o Hawaii nei, no ka mea he wahi naauao loa keia e ku ole ai kana hana hoihoi hou i ke au o Waawaaikinaaupo ke hoohana ia me ka holopono.  Nolaila, ua holo loa aku oia no Samoa, a malia paha o hiki ole no a auwana hou aku i kahi e hookipaia ai kana moeuhane palaualelo i hoiloli ai.

 

 E hookolokolo hou ia ana imua o ke kau kiure o Wailuku i keia malama, kela hoopii uhaki aelike mare a Miss Ayers kue ia W. Mahuka.  Ua hookolokolo mua ia no keia hihia ma ke kau o Lahaina i ka malama o Dekemaba i hala, a ua haawi ia ka olelo hooholo no ka pono o ka mea hoopii, ma ka haawi ana i ke koi poho i $400 wale no.  Aka, no ka uuku o keia hhwina koi poho a ke kiure, ua hoohalahala ka aoao nana ka hoopii a ua koi hou e hookolokolo hou ia.  No ia kumu la, i lawe hou ia aku la ka hihia i Wailuku.

 

 Ua waihoia ae imua o ka aha hookolokolo kiekie ka hoike a na Luna Hooko Kauoha o ka waiwai o James Woods i make, no kela aina hanai holoholona o Puuhue ma Kohala, Hawaii, ma ka lakou lawelawe ana i kela waiwai ma ka makahiki i hala, penei na loaa no ka makahiki i hala, he $17,506.15; na hoolilo no ia manawa, he $25,889.35;  nolaila ua aie ka waiwai i na Luna Hooko Kauoha no ka huina he $8,383.20;  a ina e hui ia me ka aie mua i na luna hooko he $19,764.48, alaila, e pehu ana ka aie i ka waiwai i ka huina he $28,147.69.  Ua lawe ia keia hoike mai kekahi nupepa namu kuloko mai o ka la 5 o Iune.

 

 I ka la 6 aku la o Iune nei, ua kaalo hou mai ma ke awa o Honolulu nei ka mokukaua Iapana Kongo, mai Iokohama loa mai.  Iaia i hookomo mai ai, ua kipu aloha oia i ka hae o Adimarala Walker, alaila i ka hae aupuni mai o Hawaii.  Ua kukai aku ka batari pukaa aupuni o Kakaako i na hoomaikai mai a ka malihini.  He wahi manuwa keia i papalua kona makaikai ana mai ia Hawaii nei i kela mau makahiki aku nei, a o ke kolu keia.  Aia maluna e kona oneki he heluna o na pikimana.  Eia oia ma kana huakai holoholo makahiki e hoomaamaa ai.  E ku ana oia maanei he mau hebedoma, alaila holo aku i na mokupu ni ma ka Paki pika hema.

 

 Mamua iki iho o ka hora 5 ahiahi Poalua nei, ua pii ae la o Dan. Vida iluna o ka lio o kona kaikuaana mahope iho o ka hale kuai mauu o ka Hui Union Feed Co., ma Papakanene me ka manao e hoihoi mai i ke keena hana o ka hui hana.  Eia nae iaia i kau ae ai, ua hoomaka ka lio e oni, a no kona manao e owala ana paha, nolaila, ua piliki paa loa ola i ka huki i hope i ke kawalawaha; ma ia hana ana, ua moku mai ke kaula opu o ka noho a ua wala pu mai ka lio i hope a hina iho la maluna ona pili lea ka hanu, pau ka ike.  Ua hoounaia na kauka Makalu a me Emekona, a ua hoihoi ia i ka hale.  Ua hopohopo ia kona eha i kela wa, aka, mahope mai nei ua manao ia e palekana ana no ke ola o keia keiki hanau o ka aina.

 

 I ka po Poaono aku nei i hala, ua komo mai ma ke awa nei o Kou ka mokuahi "Arawa" o ka laina hooholo mokuahi Canada-Australia iloko o na la holo he 14 mai Kikane mai ma ke ala ae o Fiji.  Ua lawe mai oia he 50 mau tona waiwai piepiele no keia awa, aolo nae mau ohua.  Aia maluna ona, he 77 mau ohua kapena a me 44 mau ohua oneki no na awa ma Beritania Columebia, a oia paha kana huakai piha ohua hookahi i hoohikihiki ai mawaena o na panalaau o Ausetaralia a me Canada mai kona wa mai i komo ai malalo o ka hoolimalima ia e ka laina mamua ae.  Ma ka auina la Sabati mai, Iune 3, ua niau loa aku oia no kona pahu hopu, me 7 mau ohua kapena, 18 mau ohua oneki a me na waiwai Hawaii he 1,300 mau ahui maia a me 2,000 mau eke laiki.

 

 

NUHOA KUWAHO

 

HOLOHOLO LOKAHI KA AHA SENATE !

 

E Noho Kuokoa Hawaii!

 

Kakoo ia ke Aupuni Kuikawa!

 

 Ua loaa mai i ke Aupuni Kuika wa ma ka mokuahi Alameda o ke kakahiakanui Poaha i hala, he elele waeaolelo mai Wasinetona loa mai a i ke Kanikela nui C. T. Wilder ma Kapalakiko penei:

 "E hai aku ia Kuhina F. M. Hatch, ua hooholo lokahiia ka olelo hooholo a Turpie e ka Aba Senate."

 O ua olelo hooholo a Turpie, oia keia:

 Hooholoia - Mamuli o na kumu a me na palapala e waiho nei imua o ka Aha Senate, aole he hana naauao a kupono, malalo o na ane a pau ka noonoo ana i keia wa e hoohui mai ai i ka aina o Hawaii me Amerika Huipuia; a oiai ua ike pono ia mai ke Aupuni Kuikawa, nolaila o ka pono wale no i kulike ai no na pomaikai lahui kiekie loa e hookuu aku ia Hawaii e lawelawe i kana kahua hana nona ponoi iho.  A o na hokai ana aku a na aupuni kuwaho i na hana kalaiaina kuloko o na Pae aina o Hawaii, e manaoia no ia he hana makamaka ole ia Amerika Huipuia."

 Ua hooholo lakahi ia keia olelo hooholo maluna ae, a e kue aku ana o Amerika Huipuia me kona ikaika a pau i na pakaha lima nui a na aupuni puni hao wale e makaleho mai nei ia Hawaii.

 Ua waiho mai o Senate Vest he pakui no ka olelo hooholo o Turpie, a o ke noi a Senate Hoar e waiho ma ka papa ua haule, he 18 ae, a he 36 hoole, nolaila, aole i waihoia ma ma ka papa.

 Wasinetona Mei 31.-Ua hooholo ka Aha Senate a@o Mills o Texas wale no ka mea kue, i ka olelo hooholo e olelo ana aole e komo aku o Amerika Huipuia e hokai i na hana hooponopono aupuni o Hawaii, a e kue aku no o Amerika Huipuia i na mana o na aupuni kuwaho e manao ana e komo ae ana e lawelawe i na hooponopono pili aupuni o Hawaii.

 

KA SPRECKELS KUALEHELEHE.

 

 Nu Ioka, Mei 28 - Aia o Spreckels i Nu Ioka kahi i olelo ai e helelei liilii ana ke Aupuni Kuikawa, a he hoala koke mai koe o na kanaka i ka hoohaunaele.  Ua kaena ae oia nana i hoolala mua ka manao no ke kukulu ana i ke aupuni repubalika, aka, lilo loa ke Aupuni Kuikawa i ka hoohuiaina a kokua ole i kona manao.  Ua olelo ae ua ona miliona nei ua hoolilo oia i kona mau waiwai a pau ma Hawaii i kana poe keiki, a ua ku kaokoa oia mawaho o na palena o Hawaii.  Aole ona lihi hoi hoi i koe no Hawaii.

 

KA MOKUKAUA HOLO LOA.

 

 Ma ka la 22 o Mei, ua hookuu pau ia ka holo o ka mokukaua Amerika hou loa Columebia a ua loaa aku la iaia he 24 mile moana i ka hora hookahi.  O ka moku holo loa keia o ke ao nei i hiki ke lele maluna e na ale ahiu o ka moana kai lipolipo.  Ua hiki paha iaia ke holo mai Honolulu nei a hiki i Nawiliwili iloko o elua hora me hapa.

 

HEMO O ARGUELLO.

 

 Ua hoike aku nei o Kapena Watson, o ka mokukaua San Francisco i ke keena kaua ma Wasinetona, no ka hemo ana o Arguelio, ke kanaka Nicaragua nana i pepehi a make kekahi haole Amerika ma Nicaragua.  No ka hookuu hoohemahema o ke Kuhina Nicaragua ke kumu, oiai aole i hoopaa ia ma ka halepaahao kela kanaka.  E noii pono ia aku ana keia hana a kela Kuhina.

 

NA PAHELE A KA PELEKANE.

 

 Eia ke hoomaopopo pono ia nei na hana maalea a ke Komisina Enelani ma Amerika waena ma Nicaragua i keia wa.  Ua ike ia e imi ana o Enelani e hookahua ma kahi kokoke i ke alawai o Nicaragua, e lawe mua ana oia i kahua nona a mahope kali aku o ka hooholo ia o ke kuikahi e hoapono ai i kana hana pakaha lawe lima nui.

 

E KOKUA ANA O ENELANI.

 

 Ua hoi ae ma Nicaragua ka moku kaua Beritania Magicienne i holo ai i Coloua e telegarapa aku i Ladana no ka hookohu ana aku i kekahi alii Ilikini i mana poo ma Nicaragua.  Ua hui kuka aku ke kapena o ka mokukaua Amerika San Francisco me ia.  Ua olelo kaena ae na Beritania e hoonoho ana lakou ia Clarence ke keikialii Ilikini, i haku ma Nicaragua me ka nana ole i na keakea.  Ua kauoha aku ke Kuhina o Nicaragua ia Ryder, he haole Amerika e haalele ia hale, oiai ua makemake ke Kuhina e lawe ia hale i halemai nona.  Ua kue aku ke kapena Amerika, me ka panai pu aku, he i oino ka hopena o ka mea hoopaakiki.  Ua ano kuemi hope ke kubina aole i hooko i kona manao hoohaehae.  Aole no hoi i hooke na Beritania i ka lakou hana no ke kiai paa aku o ka mokukaua Amerika.

 

HOOLALA POWA EMEPERA O RUSIA.

 

 Ladana Mei 29.- Ua loaa mai he lono mai ka mea kakau ponoi mai o ka nupepa 'Nuhou" o Berelina, e olelo ana, ua hopuia kekahi mokuahi ma Sana Pekeroboro, Rusia, a ua loaa aku he kanalima mau pahu pauda dainamaita na ka poe nihilisi@.  Ua huli ia ka hale noho o Baroness Marikoff a ua loaa aku malaila ka papa inoa o na wahine koikoi o Rusia i komo pu iloko o na hui nihili@i.  O kekahi wahine kauka, ua hopuia oia e na makai maluna o kona wahi moe, a kauo huluhulu ia o na kaiko me ia olohelohe no, eia nae, ua hemo oia ma ke alanui, a holo oia a lele ma kekahi muliwai, a make aku la.  Ua kipakuia na poe kuke o ke alo o ka emepera no kona hopohopo o hookomoia na laau make iloko o na mea ai.

 

HELELEI NA KUHINA O FARANI.

 

 Parisa Mei 27. -Eia o M. Dupuy ke hoolala nei i aha Kuhina hou.  Ua hoole o M  Burdean a me M. Boulauger aole laua e lilo i Kuhina Waiwai a no ko na Aina E paha.  Ua koi o Peresidena Carnot ia laua e lawe i ka hanohano, aka, ua paa no laua i ka hoole.

 

NA APUKA MA SUEZA.

 

 Ua waiho ia ae nei kekahi hoopii i Parisa mai na poe hoikoi mai o Aigupita e olelo ana ua hoolilo kanawai ole aku o de Lerseps, ka mea nana i eli ke alawai o Sueza, he mau miliona dala.  Ua kakoo ia keia hoopii e na palapala hookaa lehulehu i kakau inoa ia e Said Pasha, ke Kiaaina o Aigupita.

 

Halawai Makahiki o ka Ahahui Euenelio nui o ko Hawaii Pae Aina.

 

 I ke kakahiaka Poalua iho nei, Iune 5, i akoakoa eleu ae ai ma Kawaiahao na kahu ekalesia a me na elele o na ekalesia Hawaii, he kanalima kumamaha, no ke kanakolu kumamakahi o na halawai makahiki o ia ahahui kahiko, me Rev. E. S. Timokeo lunahoomalu no ka manawa a me Rev. J. Kanoho kakauolelo.  Ma ka wae ia ana o na luna o ka ahahui i keia makahiki, ua koho ia o Rev. A. Pali, kahu o Lahaina, i lunahoomalu, a o Rev. J. Kaalouahi o Halawa Molokai i kakauolelo.  Ua koho ia na komite kumau, a ua lawelawe ia ha hana e like me ka mau, ma ke heluhelu hoike helu o na ekalesia mai.  Ua ulu mai no hoi na kukakuka ana no ke kulana o na kihapai ma na misi ona i kukulu ole ia ma ke ano he ekalesia a no na hana Karistiano mawaho aku o na Ekalesia Euenelio Hawaii.  Ua heluhelu ia mai no hoi na hoike mai na ahahui mokupuni mai a me ke kulana o na ekalesia.  Ua heluhelu ia mai no hoi ka hoike a ke komite i koho ia i ka makahiki i hala e komo aku iloko o na ekalesia a e hooeueu i ka lakou hana ana.  Ua lilo no hoi kekahi manawa i ka hoopaapaa no ko E. Kekoa kulana kahunapule, oiai he kahu oia mamua no kekahi ekalesia euenelio, aka he mau makahiki ae nei kona paweo ana aohe pili iki mai i kekahi o na ahahui mokupuni, nolaila ua hoole ka ahahui eueneilo@ nui aohe mana maluna o keia Kekoa, aia na ka aha lunakahiko mokupuni o Maui e hoole aku aole oia he kahunapule e noho maikai ana.  Eia no ka ahahui ke noho mai nei aohe i pau na hana.

 

 O na batari mokomoko kinipopo o ke kahua o Makiki i keia auina la, aia mawaena o Crescent a me Kamehameha.  E eu mai oe e Crescent e lawe ae i ka hanohano o keia hookuku wikani popo ana, i ole hoi e hele kohahe wale no aohe wahi helu iki ma ka papa.

 

 Ma ke kakahiaka Poalua, Mei 29, 1894, o ka pule i hala, makai o Kuloloia, ua hoohuaia mai i keia ae malamalama he keikikane nui mohaha, mai ka puhaka mai o Mr. Rose Apaki, a e uhai ia na makua o ke kama me na pomaikai a pela hoi me ka laua lei makamae, ka hua a ka Haku i haawi mai ai no ko laua puhaka, i na pomaikai a me ka noho kuonoono ma keia ao.  E ola loihi ke kama.

 

 "O ka oi ma ke ao holookoa."  Oia ka W. D. WOODRING O BORDLY KENETUKE, e hookaulana nei no ka Chamberlain's Cough Remedy (Laau Kunu).  Ke kamailio nei oia ma kona ike ponoi iho i ka inu ana, oiai o kona a me ko kona ohana ola ana mai nei no ia mai ka loaa ana i ke kunu koikoi loa a me ke anu, a ua hooholo oia o keia laau lapaau ka oi ma ka honua nei.  E kuai ia no ma na Halekuai Laau Lapaau a pau.  O BENSON, SMITH & Co., na Agena ma ko Hawaii Pae Aina.      tf

 

 I ka wa e makulu ai oloko o ka opu me ka eha, a hele moku ka lepo, alaila, e hoao i ka CHAMBERLAIN'S COLIC, CHOLERA a me DIAI ROEA REMEDY laau Iapaau a e oi ak@ ana kou mahalo ke ike oe i kona hopena.  He oluolu, palekana a puhili o e.  He oluolu, palekana a puhili ole,  He 25 a me 50 keneta o ka omole, a e kuai ia no ma na halekuai lapaau a pau.  BENSON SMITH & CO., na Agena ma ko Hawaii Paeaina.  tf.

 

Hoolaha Hou.

 

 AHA HOOKOLOKOLO APANA ELIMA O KO Hawaii Pae Aina.  Ma ka hooponopono waiwai.  Ma ke Keena.  Ma ka waiwai o KEAONA (k) o Waimea, Kauai, i make kauoha ole.  Imua o ka Lunakanawai Kaapuni J Hardy.

 Ma ka heluhelu a me ka waiho ana mai o ka Palapala noi a W. Olin Crowell, e hoike mai ana o Keaona (k) no Waimea, Kauai ua make kauoha ole ma Waimea i olelo ia, mawaena o na M.H. 1857 a me 1859, a e noi ana e haawi ia ka Palapala Hookohu Luna Hooponopoo Waiwai i ka mea noi.

 Ua kauoha ia, o ka POAHA, ka la 5 o IULAI, M. H. 1894, i ka hora 10 a.m. oia ka manawa i koho ia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Lihue, a ma ia manawa a ma ia wahi no e hele mai ai na mea a pau i pili e hoike mai i ke kumu ina he kumu olaio ko lakou e ae ole ia ai ua noi la.  A o keia olelo kauoha e hoolaha ia ma ka olelo Hawaii i ekolu pule ma ke KUOKOA, nupepa i pai ia a hoolahaia ma Honolulu.  A o ka hoolaha hope, aole malalo ia o na la he umi mamua ae o ka la i olelo ia no ka hoolohe ana i keia noi.

 Kakau ia ma Lihue , Kauai, ko Hawaii Pae Aina, Iune 2, M. H. 1894.

       JACOB HARDY,

  Lunakanawai Kaapuni Apaua Elima.

     2497-3

 

 AHA HOOKOLOKOLO KAAPUNI APANA Ekahi o ko Hawaii Paeaina.  Ma ka hana o ka waiwai o JAMES HALL CAIAPHA o Honolulu, Oahu, i make.

 Ma ka heluhelu a me ke waiho ana mai o ka Palapala noi a me ka papa hoike helu a Pipi (w) Lunahooponopono o ka waiwai o James Hall Caiapha o Honolulu, Oahu i make, e noi aua e apono ia na hoolilo he $148 50, a e hoike ana o na mea i loaa iaia he $284 30, e noi ana e nana a e apono ia kela mau mea, e kauoha ia e mahele i na waiwai e waiho ana ma kona lima i ka poe i kuleana, a e hookuu iaia a me kona mau hope mai ko lakou noho lunahooponopono waiwai ana.

 Ke kauohaia nei o ka POAKAHI la 9 o IULAI, A.D. 1894, hora 10 a.m. imua o ua Lunakanawai la, ma ke Keena ma ka Hale Hookolokolo ma Honolulu, oia kahi a me ka manawa i koho ia no ka hoolohe ana i ua noi la a me na papa hoike helu i olelo ia, a o ka poe a pau i pili malaila e hele mai a e hoike i ke kumu, ina he kumu kekahi e ae ole ia, a e hoike mai i na mea i kuleana iloko o ka waiwai.

 Kakau ia ma Honolulu, K. H. P. A. Iune 5, 1894.

   Na ka Aha:

       GEO. LUCAS.

  2497-3     Kakauolelo.

 

 AHA HOOKOLOKOLO KAAPUNI APANA Ekahi o ko Hawaii Paeaina.  Ma ka hooponopono waiwai.  Ma ka hana o ka waiwai o LOUISA N. ARMSTRONG o Honolulu, Oahu i make.

 Ma ka heluhelu a me ka waiho ia ana mai o ka Palapala kauoha a Louisa N Armstrong o Honolulu Oahu, i make ma ka la 7 o Aperila, 1893, i keia aha, a me ka palapala noi e noi ana e hooiaio ia a e hoopukaia ka palapala lunahooponopono waiwai i ka mea noi, James Armstrong.

 Ke kauoha ia aku nei, o ka POALIMA ka la 6 o IULAI, 1894, hora 10 kakahiaka o ia la, ma ke Keena Hookolokolo o ua Aha la. ma ka Hale Hookolokolo ma Aliiolani Hale, Honolulu, oia kahi a me ka manawa i koho ia no ka hooiaio ana i ua palapala kauoha la a me ka hoolohe ana i ua noi la, a malaila a ma ia manawa e hele mai ai ka poe a pau i kuleana e kue i ua palapala kauoha la a me ka haawi ana i ka palapala lunahooponopono waiwai.

 Hanaia ma Honolulu, Iune 1, 1894.

    Na ka Aha:

     HENRY SMITH,

 2497-3  Kakauolelo.

 

 AHA HOOKOLOKOLO KAAPUNI APANA Ekahi o ko Hawaii Paeaina. Ma ka hooponopono waiwai.  Ma ka hana o ka waiwai o MELE KALAU MAKA o Honolulu, Oahu, i make.

 Ma ka heluhelu a me ka waihoia ana mai o ka palapala kauoha a Mele Kalau Maka, o Honolulu, Oahu, i make ma ka la 13 o Dekemaba,  1893, i keia aha, a me ka palapala noi e noi ana e hooiaio ia a e hoopukaia ka palapala lunahooponopono waiwai iaia, ka mea noi.

 Ke kauohaia nei, o ka POALIMA ka la 29 o IUNE, 1894, hora 10 kakahiaka o ia la, ma ke keena hookolokolo o ua Aha ia, ma ka Hale Hookolokolo ma Aliiolani Hale, Honolulu, oia kahi a me ka manawa i kohoia no ka hooiaio ana i ua palapala kauoha la a me ka hoolohe ana i ua noi la, a malaila a ma ia manawa e hele mai ai ka poe a pau i kuleana e kue i ua palapala kauoha la a me ka haawi ana i ka palapala lunahooponopono waiwai.

 Hanaia ma Honolulu, Mei 23, 1894.

 Na ka Aha;

       HENRY SMITH,

2485-3    Kakauolelo.

 

 AHA HOOKOLOKOLO KIEKIE O KO Hawaii Pae Aina  Ma ka hana o ka waiwai o GEORGE E. RICHARDSON o Wailiku, Maui, i make.

 Ma ka heluhelu a me ka waiho ia ana mai o ka palapala noi a me ka papa hoike helu a Wm O. Smith.  Lunahooko Kauoha o ka palapala kauoha a Geo. E. Richarrdson o Wailuku, Maui, i make, e noi aua e apouoia na hoolilo he $6,253.88. a e hoike aua o na mea i loaa mai iaia he $6 394.67, e nana a aponoia kela mau mea, a e kauohaia e mahele i ka waiwa e wai@o nei ma koua mau lima i ka poe i kuleana, a e hookuu ia oia a me kona mau hope mai ko lakou noho ana ma ia mea.

 Ke kauoha ia nei, o ka POAKAHI, la 25 o Iune, A.D. 1894, hora 10 a.m., ma ke Keena ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua noi la a me na papa hoike helu, a o ka poe a pau i pili malaila e hele mai ai a e hoike i ke kumu. ina he kumu kekahi e ae ole a@i ua noi la a malaila e hoike mai ai i na hoike i ka poe i ku leana i ua waiwai la.

 Kakauia ma Honolulu, K. H. P. A. i keia la 25, Mei, A. D 1894.

   Na ka Aha:

             GEO. LUCAS,

  2496-8t    Kakauolelo

 

 AHA Hookolokolo Kaapuni Apana  ha o ko Hawaii Paeaina  Ma ka hooponopono waiwai.  Ma ka hana o ku waiwai o J K. MOKUOLA (k) o Hamakua, Hawaii, i make kauoha ole.

 Ma ka heluhelu a me ka waiho ana ma o ka palapala noi a W. H. Richard o Hamakua, e hoik@ ana o J K MOKUOLA o Hamakua, ua make kauoha ole ma Hamakua ma ka la 3 o @ugat  A.D. 1893, me ka waiho iho he waiwai ma ko Hawaii Paeaina i kupono ke hooponoponoia, a e noi ana e hoopukaia na palapala lunahooponopono waiwai ia Charles Williams

 Ke kauohaia nei, o ka POAKAHI, la 9 o IULAI A D. 1894, hora 10 am oia ka manawa i kohoia no ka hoolohe ana i ua palapala noi la ma ka hale hookolokolo o keia aha ma Honokaa, Hamakua, a ma ia manawa a ma ia wahi e hele mai ai ka poe a pau i pili a e hoike mai ina he kumu kekahi e ae ole ia ai ua noi la.

 Kakakauia ma Hilo, K.H.P. Mei 12, A. D. 1894.

   Na ka Aha:

              D. Porter,

2495-3   Kakauolelo.

 

 AHA Hookolokolo Kaapuni Apana Eha o ko Hawaii Paeaina.  Ma ka hooponopono waiwai.  Ma ka hana o ka waiwai o ALBERT WAILEHUA HAALILIO o Waipio, Hamakua, Hawaii, i make kauoha ole.

 Ma ka heluhelu a me ka waiho ana mai o ka palapala noi a John G. Jones o Kukuihaele, e hoike ana o A W. Haalilio o Waipio, Hamakua, ua make kauoha ole ma Waipio ma ka la 14 oMaraki, A D. 1894, me ka waiho iho he waiwai ma ko Hawaii Paeaina i kupono ke hooponoponoia, a e noi ana e hoopukaia na palapala lunahooponopono waiwai ia John Kahuakaiola.

 Ke kauohaia nei o ka POAKAHI, la 9 o Iulai A.D. 1894, hora 10 a.m., oia ka manawa i kohoia no ka hoolohe ana i ua palapala noi la ma ka hale hookolokolo o keia aha ma Honokaa Hamakua a ma ia manawa a ma ia wahi e hele mai ai ka poe a pau i pili a e hoike mai ina he kumu kekahi e ae ole ia ai ua noi la.

 Kakauia ma Hilo, K.H.P.A. Mei 12, 1894.

  Na ka Aha:

       D. PORTER,

 2495 3   Kakauolelo.

 

 AHA Hookolokolo Kaapuni Apana Elima o ko Hawaii Paeaina.  Ma ka hana o ka waiwai o IOSIA KEAWE i make kauoha ole.  Imua o Lunakanawai Hardy.

 Ma ka heluhelu a me ka waihoia ana mai o ka palapala noi a me ka papa hoike helu a Mailelau@ii Keawe Lunahooponopono o ka waiwai o Iosi@ Keawe o Lihue, Kauai, i make kauoha ole, e noi ana e apono ia na hoolilo he $38.75, a e hoike ana o na mea i loaa iaia, he $2,348.00, e noi ana e nana a aponoia kela mau mea, a e kauohaia e mahele i na waiwai e waiho nei iloko o kona mau lima i ka poe i kuleana ia waiwai a e hookuu iaia me kona mau hope ma ko lakou noho ana lunahooponopono.

 Ke kauohaia nei o ka POAHA, la 28 o Iune, A.D. 1894, hora 10 a.m. imua o ua Lunakanawai la ma ke keena hookolokolo o keia Aha ma Lihue, Mokupuni o Kauai, a ma ia manawa a ma ia wahi e hooloheia ai ua noi ua me a papa hoike heiu, a o ka poe a pau i pili malaila, e hele mai a e hoike i ke kumu ina he kumu kekahi e ae ole ia ai ua noi ia, a malaila e waiho mai ai na hoike no ka poe i kuleana i ua waiwii@ ia.  A o keia olelo kauoha e hoolahola ma ka olelo Hawaii maloko o ka nupepa Kuokoa, he nupepa i paiia ma Honolulu, no ekolu pule mamua ae o ka manawa i kohoia no ka hoolohe ana.

 Kakauia ma Lihue, i keia la 19 o Mei, A.D. 1894.

               JACOB HARDY,

 Lunakanawai Aha Hookolokolo Kaapuni Apana Elima.

             P. W. T. PURVIS,

2485-3    Kakauolelo.

 

Hoolaha hou.

 

  AHA Hookolokolo Kaapuni Apana Ekahi o ko Hawaii Pae Aina.  Ma ka hooponopono waiwai.  Ma ka hana o ka waiwai o JOSEPH NEDDLES C. GILLMANN o Honolulu, Oahu, i make kauoha ole.

 Ma ka waihoia ana mai o ka palapala noi a Makaimoku Gillmann, wahine a ku mea i make

 hoike ana ua make kauoha ole o Joseph Neddles C. Gillmann ma Honolulu i oleloia i ka la 13 o Mei, 1894, a e noi ana e hoopukaia ka palapala hookohu lunahooponopono waiwai iaia.

 Ua kauohaia o ka POALIMA, ka la 29 o IUNE, 1894, ma ka hora 10 kakahiaka, oia ka manawa i kohoia no ka hoolohe ana i ua noi la, ma ka hale hookolokolo ma Aliiolani Hale, Honolulu, a ma ia manawa a ma ia wahi no e hele mai ai na mea a pau i pili, e hoike i ke kumu ina he kumu oiaio ko lakou, e ae ole ia ai ua noi la.

 Kakauia ma Honolulu, Mei 28, 1894.

    Na ka Aha:

       HENRY SMITH,

2496 3    Kakauolelo.

 

Hoolaha Hooko o ka Moraki a me ka Kuai.

 

 KE HOOLAHA IA AKU NEI KA LOHE I kulike ai me ka mana o ke kuai i hookomo ia iloko o kekahi moraki i hana ia ma ka la 20 o Maraki, A.D. 1888, e KOPIA (k) o Honolulu, Oahu, ia J. M. Monsarrat o ua Honolulu la, Kahu, kope ia ma ke Keena Kakau Kope o ke Aupuni, Buke 110 a ma na aoao 135, 136 a me 137, a i hoolilo ia aku e J.M. Mansarrat Kahu, ia Henri G McGrew ma ka la 5 o Novemaba, A.D. 1890, a oia hoo ilo ia ana, ua kope ia iloko o ke Keena Kakau Kope, Buke 129 aoao 47, a no ka uhaki ia o ka aelike, oia ka hookaa ole ia o ke kumupaa a me ka ukupanee nolaila ke makemake nei ka mea e paa nei i ka moeaki e hooko aku.

 Ke hoolaha hou ia aku nei, o keia aina a me@ na waiwai a pau i kuhikuhi ia maloko o ua moraki la, e kuai ia aku ana ma ke kudala akea ma ka Hale Kudala o James F. Morgan ma ka POAONO, IULAI 14, A.D. 1894, hora 12 awakea.

 O ka waiwai e kuai ia aku ana, oia keia malalo iho penei:

 O ka hapakolu i mahele ole ia o kela mau apana aina elua e waiho laa ma Kumuhane a me Puea iloko o Kalaepohaku, Palama, mokupuni o Oahu, nona ka ili he 3 mau eka 34-100 kaulahao kuea, a oia na aina iloko o ka Palapala Sila Nui Helu 2,521 Kuleana Hoona Aina Helu 2,268 i hoopuka ia no Kupahu  O ua mau aina la ua paa malalo o ka hoolimalima.

 Ma ke dala gula o Amerika Huipuia e hookaa ai.  Na uku hana palapala i ka mea e lilo ai.

 No na mea i koe, e ninau ia Carter & Carter.

 Kakauia ma Honolulu, Maraki 10, 1894.

           CHARLES L. CARTER,

2437-3t  Kahu Malama o H. G. McGrew.

 

Hoolaha Hooko Moraki.

 

 I KULIKE AI ME KA MANA O KE KUAI I hookomo ia iloko o kekahi moraki i hanaia i Iulai 1, 1892, e VAL. ARNKIL a me MAY ARNKIL kana wahine, o Honolulu, Mokupuni o Oahu, ia Wm, G. Irwin a me kekahi poe e ae, o Honolulu, na Kahu o ka Hui Alahao o Oahu a me Aina, he hui i hoohui ia malalo o ke kanawai, ke hoolaha ia aku nei ka lohe i na mea a pau ke makemake nei na Kahu o ka Hui Alahao o Oahu a me aina e hooko aku i ua moraki la no ka uhaki ia o ka aelike, oia ka hookaa ole ia o ka ukupanee a me ka ale i hoopaa ia i ka wa e hookaa ai, a ke hoolaha hou aku nei lakou e kuai aku ana lakou ma ka Hale Kudala o James F. Morgan ma Honolulu ma ka POAONO, la 7 o IULAI. A D. 1894, hora 12 awakea, i kela aina a pau i kuhikuhi ia maloko o ua moraki la.

 O ka aina i paa maloko o ua moraki la, aia ke waiho la ma Kuleanakauhale Momi, Ewa, ma na Mokupuni la o Oahu, a i kuhikuhi ia e like penei:

 O kela mau aina a pau e waiho la ma Kulanakauhale Momi, i kuhikuhi pololei ka Pa-aina  umi-kumamakolu (13) a me ka hapa hema o ka Pa-aina umi kumamaha (14) ma ka Moku a 33, me na hale e ku la maluna iho: a oia na aina i kuhikuhi ia ma ke kii o na Pa-aina o ke Kulanakauhale Momi i hoomana a aponoia e ka Hui Alahao o Oahu a me Aina, kope ia ma ka Buke 120 aoao 417-420 ma ke Keena Kakau Kope o ke Aupuni, a nona ka ili he 20,325 kapuai kuea.

 Kuike ke dala.  Na uku hana palapala i ka mea e lilo ai.

 Kakauia ma Honolulu, Mei 8, 1894.

       L. A. THURSTON,

       W. F. FREAR,

       T. W. HOBRON,

 Na Kahu no ka Hui Alahao o Oahu a me Aina.

  2497-3

 

Hoolaha Hooko o ka  Moraki a me ke Kuai.

  KE HOOLAHA IA AKU NEI KA LOHE, MAmuli o ka mana o ke kuai i hookomo ia iloko o kekahi moraki i hana ia e D. H. NAHINU a me MALIA NAHINU, kana wahine no Hookena laua ma ka Apana o Kona Hema. Mokupuni o Hawaii, kekahi o na mo upuai o ko Hawaii Pae Aina, ia John Thomas Waterhouse o Honolulu Mokupuni o Oahu, kekahi o na mokupuni o ko Hawaii Pae Aina i olelo ia, ma ka la 20 o Okatoba.  A. D. 1891, kope ia ma ke Keena Kakau Kope ma Honolulu Buke 129 a ma na aoao 323 a me 324, ke makemake nei ua John Thomas Waterhouse la, ka mea e paa nei i ka moraki i olelo ia mamua ae, e hooko aku i ua moraki la no ka uhaki ia o ka aelike, oia ka hookaa ole ia o ke kumupaa he Elima Haneri mau dala a me ka ukupanee he 8 hapa haneri  pakeneta no ka makahiki hookahi mai ia la mai.

 Ke hoolaha hou ia aku nei ka lohe, e kuai ia aku ana me ke kudala akea ka waiwai i moraki ia ma ka hale kukala o James F. Morgan ma Honolulu, ke hiki aku i ka POAKAHI La 18 o IUNE, A.D.1894. Hora 12 awakea.

 Eia ka aina i pa@ ma ua moraki la:  I keia mau apana aina a pau loa e waiho ana ma Kalahiki, Kona Hema, Hawaii. oia ke apana aina kuleana o Kapioaka (k) i make,-Kuleana helu 7027, Palapala Sila Nui Helu 2958, elua 85 100 eka, a me ke kuleana o Kanakaole(w) oia wahi no i make, kuleana helu 9575. Palapala Sila Nui Helu 5232 ekolu 80 100 eka ka nui, i lilo ia D. H. Nauina i olelo ia maluna, oia wale no ka hooilina i koe e oia nei no ko laua mau waiwai, a me ka apana aina kuleana mahiai o Holi (w) ma Kauhako iloko no o keia apana iaia i kuai aku me Kunewa (w) moopana ponoi o Holi (w)  ma ka mahina o Feberuari 22 M.H, 1890, kuleana helu 7574, Sila Nui Helu 7497, hookahi 6-100 eka, a me ka apana aina kuleana mahiai a Mahi (k) i make oia wahi no, i lilo mai iaia ma ke kuai mai a Kaai (w) ka hooilina o Mahi (k) i olelo ia ma ka makahiki 1868, oia hoi ke kuleana helu 7027 a me ka helu o ka Palapala Sila Nui 5520, elua 80-100 eka ka nui Pela no hoi me na mea a pau e pili ana ma ka aina a me na hale maluna a me ka pono, na pomaikai a me na loaa a pau o D H Nahinu i olelo ia iloko o ua apana aina ia.

       JOH THOMAS WATERHOUSE.

 Honolulu, H. I. Mei 18, 1894.     2495-4

 

Kuai a ka Lunahooponopono i ka Waiwai paa.

 

MAMULI O KE KAUOH@ A KA AHA HOOkolokolo Kaapuui Apana Ekahi i hana ia ma ka la 4 o Mei, AD 1894, ma ka hana o ka waiwai o L NAAUAOKAUAI, e kuai aku ana au i na apana aina malalo iho ma ka Hale Kudala o J.F Morgan ma Alanui Moiwahine, Honolulu, i ka POAONO IUNE 9, 1894 hora 12 awakea o ia la:

 Akahi:-Kela aina hanai holoholona maikai e kokoke aku la i ke awa o Pauwalu ma ke kapa kahakai hikina hema o Molokai, e holo ana mai ke kai a komo iloko o na puu i k@ paia o Poniuohua elua nona na eka he 56 i kuhikuhi la i oko o ka Palapala Sila Nui Helu @711  O keia aina me ka aina e pili pu mai la i kapaia o Poniuohua akahi nona na eka he 53, eia malalo o ka hoolimalima no iwakalua makahiki mai Ianuari 9, 1896 aku, ma ka $25 o ka makahiki.  O ka uku hoolimalima no ka umikumamalua makahiki mua ua pau i ka ohi e ia.

 Alua:-He elua mau apana aina ma Waialua, Molokai i kuhikuhi ia iloko o ka Palapala Sila Nui Helu 6299 Kuleana Hoona Aina Helu 4680 ia Pule, o ka mua he 1 eka me 3 pareke aina kalo, a o ka lua he 1 rada a me 8 pareke, aia no laua ma ka aoao o ke kahawai o Waialua.

 Ako u:-He elua mau apana ma ia wahi hookahi no i lilo mai i ke kuai mai na kahu waiwai mai o W.C. Lunalilo, penei:

 1. He hookahi loi kalo ke hui pu ia me ka apana 1 o na aina mamua ae me ka ili he 4-100 o ka eka.

 2. Hookahi apana aina kalo me kula me ka ili he 9-100 o ka eka ma kahi kahawai uuku malalo aku o na aina mamua ae.

 E kuai ia aku ana keia mau aina ma ka papa hoonohonoho mamua ae a hiki i ka wa e piha ai na lilo no ka uku ana i na aie a me na lilo o ka waiwai.

 Na uku hana palapala a me na koina i ka mea e lilo ai.

 Kuike ke dala ma ke Gula o Amerika Huipuia.

         ALFRED W CARTER,

 Lanahooponopono@ o ka waiwai o L. N Kauai.

  Honolulu, Mei 4 1894.     2494-4

 

Hoolaha  Hou:

 

Hoolaha Hooko o ka Moraki a me ke Kuai.

 

 KE HOOLAHA IA AKU NEI KA LOHE I NA  poe a pau, mamuli o ka mana o ke kuai i hookomo ia iloko o kekahi moraki i hena ia i ka la 8 o Augate, A D 1884 e J. KAHOOWALEWALE a nona kekahi inoa e ae o Pake o Heeia, Koolaupoko, Mokupuni o Oahu, ia Makanoanoa Mersburgh o Waimanalo ma ua Koolaupoke ia no, kope ia ma ke Keena Kakau K pe Buke 92 a ma na aoao 105, 106 a me 107, a ua hoolilo ia aku ia J. M Monsarrat me ke ano malama no Makanoanoa Piikuahiwi oia o Makanoanoa Mersburgh e ua Makanoanoa Piikuahiwi a me Samuela Pikuahiwi kana kane ma ka palapala i kakau ia ma Dekemaba 15, 1886 kope ia ma ke Keena Kakau Kope o ke Aupuni Buke 92 a ma na aoao 105-7, nolaila ke makemake nei ua J. M. Monsarrat, Kahu la, e hooko aku i ua moraki ia no ke kumu ka uhai ia o ka aelike, oia ka hookaaole ia o ke kumupaa a me ka ukupanee i ka wa e hookaa ai.

 Nolaila, ke hoolaha ia aku nei ka lohe, o kela mau aina a pau, na pono hoaaina a me na pono pilikana maloko o ua moraki ia. e kuai ia aku ana ma ke kudala akea ma ka Hale Kudala o Jas. F. Morgan ma Alanui Moiwahine, Honolulu, ke hiki aku i ka POAKAHI, la 18 o IUNE, A.D. 1894, hora 12 awakea o la la.

 EIA KA WAIWAI I PAA MALOKO O UA MORAKI LA :

 O kela mau apana aina a pau e waiho la ma Heeia, a e kuhikuhi piha ia aku nei malalo iho:

 1-O keia mau apana aina a pau e waiho la ma Kalimaloa ma ua Heela la nona ka iii he 1.88 mau eka, a oia ka aina i haawi ia ai ia Kalehua e na Komisina Hoona Aina Kuleana Helu 8869 B. a i hooiaio ia e ka Palapala Sila Nui Helu 1000 a i hoolilo ia mai i ua J Kahoowalewale nei e Kamaka liili (w) ma ke kuai i hana ia ma ka la 28 o Sepatemaba, 1883, a i hoopaa ia ma ke Keena Kakau Kope Buke 81, aoao 121-2.

 2-O kela mau apana aina a pau e waiho la ma ua Heeia la nona ka ili he 97-100 o ka eka, a oia ka aina i haawi ia ai ia Nahuina e na Kom@aina Hoona Aina Kuleana Helu 10,425 a i hooiaio ia e ka Palapala Sila Nui Helu 1,001, a i hoolilo mai i ua J. Kahoowalewale la e Kakuihewa Nahuina ma ka palapala i hana ia i ka la 27 o Ianuari, 1869, a i kope ia ma ka Buke 27 aoao 129 a me 130.

 3-O kelea apana aina a pau e waiho la ma ua Heeia la, oia he hookahi loi kalo a nona ka ili he 60-100 o ka eka, a oia ka apana 2 iloko o ka Palapala Sila Nui Helu 996, Kuleana Hoona Aina Helu 3,573 ia Kailaa.

 4-Kela hapalua i mahele ole ia o kela apana aina e waiho la ma Heeia oia ka Apana 3 oloko o ka Palapala Sila Nui Helu 9@6, Kuleana Hoona Aina Helu 8573 ia Kaila@, oia ka aina i hoolilo ia mai ia J. Kahoowalewale malalo o ka inoa J. Pake e Kimoteo ma ka palapala i hana la 1 Sepatemaba, 1863, a i kope ia ma ke Keena Kakau Kope, Buke 81, aoao 104 a me 10@

      J. M. MONSARRAT.

  Kahu o Makanoanoa Piikuahiwi.

 Kuike ke dala.  Na uku hana palapala i ka mea e lilo ai.  No na mea i koe, e ninau i ua Kahu la.

   Kakauia ma Honolulu, Mei 22, 1894.

  2195-4

 

PAPA!  PAPA

 

AIA MA @KAHI O

 

Lewers & Cooke

(LUI MA)

 

Ma ke kahua hema o Ahanui Papu me Moi.

 

  E LOAA NO NA

 

PAPA NOUAIKI

 

 O kela a me keia ano.@

 

Na Pani Puka, na Puka Aniani,

na Olepelepe, na Pou, na O'a,

na Papa Hele, na Papu Ku.

me na Papa Moe ne nai ioa

 

NV PILI HALE O NANANO A @

A me ua

WAI HOOHINUHINU NAN@

O na ano a pau ioa.

 

Na Balaki o na Ano he Nui Wa

 

 Ke hai ia aku nei oukau e na makamaka a pau, ua makaukau keia mau makamaka o oukou @ hoolawa aku ma na mea a pau @ pili ana ma ka laua oihana no ka

 

 Uku Haahaa Loa,

 

@ like me ka mea e holo ana mawaena o Laua a me ka Mea Kuai.

 

Hele Mai e Wae no Oukou iho.

  2896-@

 

Hoolaha Hou.

 

E Haawi i na Keiki Ai Waiu

 A ME NA POE O MAIMAI

   MELLIN'S

 FOR   AND

INFANTS   INVALIDS.

TRADE   OBA U @ TABORA  MARK.

 FOOD

I ka Mea Ai.

 

He Ai Hoou'u Oi Loa

 

No ka hooulu Kamalii

 Ka Hoopohala mai ana

 Na Mai Ake Pau

 Na Opu Aiwali ole.

 

a me na@elemakule  loaa i na

Nawaliwali

 

 -HE-

AI MAIKAI LOA,

No na Pokii Hanai Lima ia

 

 BENSON, SMITH & CO.

  Na Agena wale no ma ko Hawaii Pae Aina.