Ka Nupepa Kuokoa, Volume XXXIV, Number 6, 9 February 1895 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

ME KO HAWAII PAEAINA I HUIIA.

BUKE XXXIV.  HELU 6. HONOLULU, POAONO, FEBERUARI 9, 1895. NA HELU A PAU, 2532

 

Hoolaha Loio.

 

H. R. HITCHCOCK,

Notari no ka Lehulehu.

Apana Hookolokolo Kaapuni Elua,

Kaluaaha, Molokai.

2514 tf

 

W. R. KAKELA,

Loio a he Kokua ma ke Kanawai,

HE LUNA HOOIAIO PALAPALA,

2870

 

ANTONE ROSA,

( AKONI.)

Loio a he Kokua ma ke Kanawai,

LUNA HOOIAIO PALAPALA,

Keena Hana ma Alanui Kaahumanu

2370

 

ALLEN & ROBINSON,

NA MEA KUAI PAPA O NA ANO A PAU

E loaa no ma ka UWAPO O PAKAKA, Honolulu,

ma ke kumukuai makepono loa, no ka

pomaikai o ka lehulehu e makemake ana e

kukulu hale.  E kipa mai a e ike kumaka.

2396-q

 

WILDER & CO. (WAILA MA.)

Mea Kuai Papa a me na Lako kukulu hale o na

ano a pau, a me na mea e ae a pau e pono ai o

ka hale.

Kihi o Alanui Moiwahine me Papu.

2396-q

 

JAMES M. MONSARRAT,

(MAUNAKEA).

Loio a he Kokua ma ke Kanawai

HE LUNA HOOIAIO PALAPALA.

E hana ia no na Palapala Kuai, Palapala Hoolimalima,

a me na Palapala Pili Kanawai e ae ma ka olelo Hawaii.

Dala no ka hoaie ma ke moraki ma na Waiwai Paa.

Keena Hana:  Hale Pohaku hou ma ka aoao ma Waikiki

o ka Halewai, alanui Kalepa.            2370

 

J. T. WATERHOUSE,

(WALAKAHAUKI)

Halekuai o na ole Nani Panio!

LAKOHAO.

Na Lako Hana Mahiko,

A PELA AKU HE NUI WALE.

Alanui Moiwahine, - - Honolulu.

2396-q

 

Hoolaha Hooko Moraki,

MAMULI O KEKEHI MANA KUAI I HOIKE ia maloko o kekahi palapala moraki i hana ia mawaena o N. F. BURGESS

a me ANNIE J. BURGESS kana wahine mare o Honolulu Mokupuni o Oahu o ka aoao mua, a me Charles F. Wall o Honolulu o ka

aoao elua, ma ka la 30 o Iulai 1896, i kope ia ma ka buke 98 aoao 343, a mamuli o ke uhai ia ana o na kumu aelike o kela moraki, eia

hoi ka hookaa ole ia o ke kumupaa a me ka ukupanee i ka wa e hookaa ai, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

                   A ke hoolaha hou ia aku nei, aia mahope aku o na pule ekolu mai keia la aku, alaila e hoolaha ia aku na aina i hoike ia ma ia moraki no ke kudala ana, ma ke Keena Kudala o Jas. F. Morgan ma Honolulu, ma ka la 25 o FEBERUARI 1893, hora 12 o ia la.

                   Aia ma kahi o W. R. KAKELA na olelo hoakaka no keia mea.

                   Hanaia i keia la 28 o Ianuari, 1895

                                                                                                                  CHARLES F. WALL,

                                                                                                                  Mea Moraki mai.

         Penei na aina i moraki ia:

         O kela pa aina me ka hale malunia iho e waiho la ma Alanui Beritania i hoailonaia Pa Hale 142 ma ke ana kahiko, oia ka Pa elua ma ka hikina o Alanui Pensacola ma ka aoao mauka o Alanui Beritania, nona ke alo he 100 kapuai ma ia Alanui Beritania a pela no ka laula ma ka aoao mauka o ia pa, me ka hohonu o 150 kapuai mai Alanui Beritania aku.                                     2731-4

 

Hoolaha Hooko o ka Moraki a me ke Kuai.

 

I KULIKE AI ME NA HOOKO ANA O KEKAHI moraki i hana ia e S. KAPELA o Waipio Hamakua Mokupuni o Hawaii ia W. H. Richard, Kahu o ka Maile Lodge no. 4. Knights o Pythias o ua Hamakua la, ma kea la 2 o Okatoba A. D. 1891, kope ia ma ke Keena Kakau Kope Buke 131 ma na aoao 344 345 a me 366, ke hoolaha ia aku nei ka lohe ke makemake nei o M. V. Holmes o ua Hamakua la, ka Hope o W. H. Richard, e hooko aku i ua moraki la no ka uhaki ia o ka aelike oia ka hookaa ole ia o ke kumupaa a me ka ukupanee i ka wa e hookaa ai.

         Ke hoolaha hou ia aku nei ka lohe i na mea a pau, o ka waiwai a pau i paa maloko o ua moraki la, e kuai ia aku ana ma ke kudala akea ma ka Hale kudala o Chas. Williams ma Honokaa Hamakua ma ka Poaono IANUARI 28, 1893, hora 12 awakea o ia la.

         O ka waiwai i paa maloko o ua moraki la, penei ke kuhikuhi ana malalo iho:

                   Ka akahi hapa iwa (1-@) kuleana i mahele ole ia o ua S. Kapela la iloko o na alua malalo iho i haawi ia ia Kukahukane ka makuakane o ua S. Kapela nei.

         O kela apana aina a pau e waiho la ma Kukuihaele ma Hamakua i kuhikuhi ia iloko o ka Palapala Sila Nui Helu @ nona ka ili he 27 73-100 mau eka.

         O kela apana aina a pau e waiho la ma Kukuihaele ma ua Hamakua la, a eia ka akahi hapakule o ka aina i kuhikuhi ia iloko o ka Palapala Sila Nui Helu @, nona ka ili he 30 16-100 mau eka.

                                                                                                                    M. V. HOLMES,

         Kahu Waiwai o ka Maile Lodge No. 4, Knights of Pythias.

                                                                                                Mea e Paa nei i ka Moraki.

                   Kuike ke dala. Na uku hana palapala i ka mea e lilo ai.

         No na mea i koe, e ninau ia CHAS. WILLIAMS, Loio no ka Moraki.

                   Kakau ia i Honokaa Hamakua Dec. 22, 1894.

2523 6t.

@ O ke kuai maluna ae, ua hoopanee ia a hiki Feb. 9, 1895.

 

KE KOPE O KE

KANAWAI AINA HOU.

 

No ka Noho ia ana a me ka Hoowaiwai ana i na Aina Aupuni.

 

NA KULEANA HIKI OLE E HOOLILO IA.

 

E Noho Maluna o ka Aina no Eono Makahiki--Alaila Haawiia ka Palapala Hoolimalima Mau Loa--Na Hoakaka ana no ka hana ana i na Home--Kukulu ana i na Hale Noho IIoko o Ekolu Makahiki--Aole Kuai a i ole ia Moraki.

 

            Ua paa iho nei ka mahele mua o ke kanawai hou no na aina e pili ana i na kuleana i hiki ole e hooliloia aku.  Ua noonooia keia kanawai e ka Aha Kuhina no kekahi manawa i hala ae nei.  Mai ka lima mai o Peresidena Dole keia kanawai, a ke hoike ia aku nei i ke akea i keia manawa, i kumu e maopopo pono ai i ka lehulehu ke ano, mamua iho o ke waiho ia ana aku imua o ka Ahaolelo.

         Ua manaoia ma ke Kanawai Aina hou e waiho i ka hooponopono ana i na Aina Aupuni i kekahi papa o ekolu mau komisina, hookahi e lakou ke Kuhina Kalaiaina, hookahi ka Luna Ana Aina Aupuni, a o ke kolu he kanaka i hoonohoia e ka Peresidena, a e kapa ia oia ka Agena o na Aina Aupuni; a oia papa e loaa he hope ma kela a me keia apana auhau a e kapa ia ia mea he Hope Agena o na Aina Aupuni.

         Ua manao ia no hoi e hoonohonoho papa i na Aina Aupuni ma ke ano i like me keia mahope iho nei:

         1.  Na apana pa hale ma ke kulanakauhale.

          2.  Aina mahiai.

          3.  Aina hanai holoholona.

          4.  Aina hanai holoholona me mahiai.

          5.  Aina ululaau.

          6.  Aina waiwai ole.

          Ma na apana pa hale ma ke kulanakauhale ua hui ia iloko o laila na kahua hale iloko o na kulanakauhale a me na wahi e kokoke ana.

         Na aina mahiai--Papa ekahi.  Ka aina i kupono no ka mahi ana i na hua ai, kope a i ole ia ko paha me ka hookahekahe ole i ka wai a me na aina i hiki e hookahekaheia a me na aina i hookahekahe ia i ka wai.  Papa elua.  Na aina i kupono no ka mahi ana i na mea ulu i kela a me keia makahiki me ka hookahekahe wai ole.  Papa ekolu. Na aina wai e like me ka aine kalo a laiki.

          Aina hanai holoholona.--Papa ekolu.  Aina aole i pili i ka hoakaka ana o na aina mahiai, aka ua hiki e hanaiia na holoholona a puni ka makahiki.

         Papa elua.  Aina i kupono no ka hanai ana i na holoholona no ka hapa wale no o ka makahiki, a i ole ia he aina ua ano emi mai kona maikai.

          Aina hanai holoholona me mahiai.--Na aina i kupono ma kekahi wahi no ka hanai holoholona a ma kekahi wahi no ka mahiai.

          Aina ululaau.--Na aina i paa me na ululaau a i kupono ole no ka maihiai.

         Aina waiwai ole.--Na aina i komo ole iloko o na hana e ae.

 

NA AINA KULEANA HIKI OLE KE HOOLILO IA.

                  Penei ke kanawai e pili ana i na kuleana hiki ole ke hoolilo ia.

         Pauku 1.  Ma keia ua haawiia ka mana, a ke kauohaia nei na Komisina o na Aina Aupuni, e kauoha aku e ana ia a e hookaawale ia i kela a me keia manawa i na wahi kupono o na Aina Aupuni, no ka noho ia ana e ka poe e makemake ana e loaa ia lakou na home liilii malalo o keia hapa o keia Kanawai.  E wae ia na aina o ia ano mai na aina mahiai, a hanau holoholona wale no, a e mahelehele ia iloko o na apana i oi ole ae mamua o ewalu eka ma na aina mahiai papa ekahi, a aole hoi e oi aku mamua o umikumamaono eka ma na aina mahiai papa elua, aole e oi aku mamua o hookahi eka me ka aina wai, aole e oi aku mamua o kanakolu eka ma ka aina hanai holoholona o ka papa ekahi, a aole hoi e oi aku mamua o kanaono eka ma na aina hanai holoholona o ka papa elua.  E ana ia na alanui kupono ma na mea e pili i ka iliwai a me ka moe ana e hoohui ai i ua mau apana nei me kekahi alanui aupuni.

         Pauku 2.  I ka wa e pau ai ke ana ana e haawi aku ke ana aina i na Komisina i kope o ke kii a i kope i ka Hope Agena o na Aina Aupuni o ka apana i waiho ai ka aina i ana ia.  Ma ia manawa e hoolaha aku ka Agena o na Aina Aupuni i olelo hoolaha ma ka hoolaha ana ma ka olelo Hawaii maloko o kekahi nupepa i paiia ma ka olelo Hawaii, a ina ua manao oia he kupono e hoolaha aku no ma kekahi olelo e ae i paiia ai na nupepa maloko o ka Repubalika, e hoakaka aku ana, ua wehe ia na aina i oleloia no ka noho ia ana e like me na mea i hoakaka ia ma keia kanawai.

         Pauku 3.  E hamama na kii o ke ana ia ana no ka nana ia e ka lehulehu iloko o na hora hana me ka uku ole.  O na noi a pau loa no kekahi o na apana i oleloia e hana ia no ia ma ka hele kino ana o ka mea noi ma ke keena hana o ka Hope Agena, a e hui puia me kekahi hoakaka ana i hoohiki ia i hana ia e like me ka mea i hoike ia ma ka papa A.  E uku aku ka mea noi i ka Hope Agena i uku o hookahi dala i ka wa e noi aku ai.  I ka wa e loaa aku ai kekahi noi oia ano a me ka uku i olelo ia, e kakau iho ka Hope Agena ma ka palapala nei i ka la a me ka hora i loaa ai iaia a me ka loaa ana o ka uku.  Ina he elua a oi ae poe i noi no ka apana hookahi, o ka mea nana ke noi mua i loaa i ka Agena ka mea e haawi ia iaia ka pono.  Aole e lawe ia a noonoo ia paha kekahi noi i hana ole ia ma ke ano i hoike ia maluna ae nei a i hui ole ia paha me ka uku i olelo ia.

         Pauka 4.  O kekahi kupa ma ka hanau ana a i ole ia mamuli o ka hookupa ana a me ka poe noho mamuli o ka palapala a me ka poe i loaa na pono o ke kupa, i oi ae kona mau makahiki mamua o ka umikumamawalu, i kaa ole malalo o kekahi pilikia e pili ana i kona mau pono kivila no kekahi hewa ana i hana ai, i hala ole ka manawa e hookaa ai i kona auhau, i hana ole i kekahi hoike oiaio ole ma ke noi ana i aina malalo o keia Kanawai, aole oia he ona ma kona kuleana ponoi no kekahi aina ma ko Hawaii Pae Aina a aole oia he mea noi no kekahi pono e ae iloko o ka aina malalo o keia kanawai, ua hiki iaia e noi i hookahi o na apana aina i oleloia no kona pono a pomaikai  malalo o na hoakaka ana o keia Kanawai.

         Eia no nae hoi, ua hiki no i kekahi kanaka i lawa kona mau mea e kupono ai oia e noi i hookahi apana aina wai mawaho ae o ka aina o na ano e ae i noi mua ia e ia a i ole ia i loaa mua paha iaia malalo o kona mahele o keia kanawai, ma na wahi i kokoke kupono ia ainawai i kona apana e ae; a

         E Hoomaopopo hou ia aole e laweia a noonooia paha ke noi o kekahi mea i mareia nona ka wahine a i ole ia ke kane paha he aina kona ma kona kuleana ponoi iho maloko o ko Hawaii Pae Aina a i ole ia he mea noi i aina malalo o keia kanawai, ina aole i hoanoaia ka nohona o ia mea mamuli o kekahi olelo hooholo e hoopau ana, hookaawale a i ole ia oki loa ana i ka mare.

[E hoomau ia aku ana.]

 

ALEMANAKA NO 1895

 

 

 

 

 

HE MOOLELO WALOHIA

 

-- NO NA UI --

 

Makua Ole Elua.

 

LA FOSA,

Ka Makona,

 

--A ME--

 

Pia Fosa,

 

KA MEA I PIHA I KE ALOHA.

 

DE WODISE,

 

 Ka Naita Puuwai Piha Hamama a me ka Olu Waipahe.

 

MOKUNA  II.

 

KA MAKUAHINE ME NA KEIKIKANE ELUA.

 

         Me ka pupuahulu ua Keaku palaualelo la i lalau mai ai i na wahi kenikeni a Pia ke keiki kina i imi ai, a komo ana i kona mau pakeke palaualelo, a pane mai la me ka leo o ke kanaka i apuka ia kona mau waiwai:

         "A o kau mau wahi mea wale iho la no keia.  Auwe no ka hoi e, heaha la kau hana o keia pule holookoa me kena mau au iwi a me kena mau lima?"

         "Ka hole ia e a'u ka la a me ka po, me kuu wahi huila mahope o kuu kua," i pane aku ai o Pia, i mea e hilahila ai kona kaikuaana no kona noho wale no.  Ke ku mau nei ko'u wahi ola maluna o ka wai a me ka palaoa.  Aole e hiki ia'u ke hana hou."

         "Aole puka iki o keia apana hana au." wahi a Keaku me ka leo oolea.  "E hele au e imi i hana maikai nau."

         " I hana maikai?  Na'u? Aole.  Aole loa!" i hooho aku ai o Pia me kona hele ana aku, a e naka haalulu ana hoi kona mau lala me ka noonoo ana no na hana a kona kaikuaana.

         Aole i makemake iki o Keaku i kela mau olelo a Pia, a e hoomaka ana oia e nuku hou aku i ke keiki kina, a ina aole i hiki e mai o La Fosa, me ka helehelena hoihoi no ka hoike ana aku i ka laki o kana makilo ana.

         Ua loaa ia'u he mau wahi kenikeni uuku na Pia, a hui hoi me keia--"

         "Aole nana ana ehia ka nui," wahi a Keaku, me ke akahele o ka olelo ana iaia i hopu iho ai i ke dala me ka lima o kona makuahine me ka makemake ole,  "ke lawe nei au i keia maluna o kekahi kumuhana."

         Huli ae la oia i kona kaikaina, a pane aku la me ke leo e ehaeha ai kona naau maikai:

         "Auhea oe e kahi hapakue, hele kaua i ka inu rama," a ia manawa pu no hoi i hele aku ai oia i ka hale inu rama.

         "Aole," i pane aku ai o Pia, me ke kaumaha; he eha wale ko'u poo i ka inu."

         Puoho ae la ua Keaku nei iloko o ka akaaka pahenehene a ninau mai la, penei:

         "Owai ka mea nana e ike mai a noonoo mai he mau hoahanau kaua! He koko kou o ka hipa iloko ou.  He mea lapuwale loa oe iloko o ka ohana, a owau hoi, e hoike ana i ke koko o ka Fosa, a o ka Fosa, ua nohoalii me ka poe uhai kanawai no hookahi haneri makahiki."

         No keia mau olelo liki a ua Keaku nei i hoohoihoi loa aku i ka manao o ka makuahine La Fosa.  A no ka nui loa o kona olioli, ua kau ae la oia i kona mau lima iluna i na lani, a puana ae la:

         "Auwe, heaha la oia.  Ua aloha au iaia--ua like loa me kona makuakane."

         "Ina pela io, e hele mai me a'u, ina he aloha io kou ia'u," wahi a Keaku,, iaia i lohe ai i ka leo makemake o kona makuahine.  "Ua makewai au."

         Ia laua i wehe aku ai i ka puka o ka hale inu rama, huli hou mai la oia ia Pia iaia e kulou ana ma kana mikini a ninau mai la:

         "Aole, aole," i pane aku ai ke keiki kina, iaia i lohe aku ai i ka nakeke o ka huila kaa, a puana ae la oia mahope iho o ka nalowale ana aku o kona kaikuaana a me ka makuhine no ka wala kiahi ana: "Eia ae ke kaa ohua o Nomanake.  E holo ana ka hoi au ilaila e nana ai, a malia paha o loaa ia'u kekahi mau wahi kenikeni.

         Ia manawa holo aku ia oia e like me ka hiki i na wahi wawae onaha ona ke holo, me ka noonoo ole ehia la ohua a ke kaa ohua e lawe mai ai ia la, a na ka ulia laki i hookokoke i kona ola i ka hui pu ana me kekahi o na ohua o ua kaa nei.

 

MOKUNA III.

KA MEA I HOOWALHAWAHA IA.

         E like me ka Pia i olelo ai eia ae ke kaa ohua o Nomanake, a i ka nana ana aku o kahi keiki kina ilihune no ka loaa iaia o kekahi mau wahi kenikeni, ua haule ia mau manao ona.

         O na wahi ohua i lele mai ai mai kahi kaa lawe ohua kahiko, he elua mau kaikamahine opiopio a kakou i ike mua ai ma ka mokuna i hala.

         I ko laua manawa i lele iho ai ilalo a e halo ana hoi ko laua mau maka ma o a maanei, na ka nani paha o keia kulanakauhale nui i hoopahaohao ia laua, ke kumu o ko laua hio ana, a no ke ano kuaaina paha kekahi, me ke ke alakai pu ana o Heneriata ia Luisa ma ka lima, komo aku la laua iloko o kekahi keena e hamama wale ana no mamua pono o ke keena kikiki.

         He noho i kahakahaia me ka peni kala a me ka heluna o na maka i okioki pahi ia, i hoike mai ia laua he wahi keia e piha mau ia ai e na poe aeahaukae e noke ai i ke kamailio waiwai ole, a e hakilo ai hoi i ke kanaka huhu nona ia wahi no ko lakou kipaku ia mai, a ma kekahi noho e pili kokoke ana i ke keena haawi kikiki i alakai aku ai oia i kona kaikaina makapo a malaila laua e noho ai.

         "E noho ilalo e Luisa," wahi ana me ka leo aloha iaia, e hoike ana hoi i kona aloha kupouli no kona kaikaina popilikia.

         Huli ae la o Heneriata mao a maanei no ka nana ana i ko laua ohana a laua i manao mai ai e halawai ana.  Aole hookahi wahi kanaka i ike ia aku.

         Aole e hiki iaia ke uumi iho i kona mau manao pihoihoi no ko laua palekana.  Aka, ua hooikaika oia me ka wiwo ole e huna ia mau manao pihoihoi ona mai kona kaikaina aloha Luisa; aka, ua komo no iloko ona ka pihoihoi e like me Heneriata.

         "He nui maoli ko'u pahaohao no ko Monasiua Matini hiki ole ana mai nei ianei, no ka hui pu ana me kaua," wahi a ka makapo iaia iho me ka leo liilii.  Aka, ua lohe aku la no nae o Heneriata i ke kamailio ana ana, a olelo aku la oia me ka manao hoolana no keia manao pihoihoi o kona kaikaina:

 

KA MAKAIKIU

 

LEONE AKA.

--: A O :--

KA OPIO PUUWAILIONA

--: A O KA :--

Hopo ole Nana i uekaa na Hana Pohihihi a ka

Poe Haihai Kanawai.

 

ONA HOI NA MAKA OOI I LIKE.

ME KA UWILA,--A ME NA LALA

WIKANI KOHU KILA MAGENEKI

 

MOKUNA IV.

         "He mana no anei kou, ua hiki no ia oe ke ike i keia kanaka ina oia e lawe ia mai ana imua o kou alo?"

         "Ae, aole loa e hiki ia'u ke hoohewahewa iki iaia."

         I keia wa, ua huli koke ae la e Leone a imo aku la kona maka i ka Ilamuku, me he la e i aku ana: "Aha! e loaa pono ana ia kaua ke kolohe."

         Pehea ka loihi o kou ike hope ana i keia poe?" i  ninau aku ai o Leone i ke kanaka aoo.

         "Mai ka wa mai i make ai o kuu mau haku a hoea i keia wa, ua like ia me hookahi makahiki,"

         Hoomaopopo iho la o Leone no ke kanaka ana i hopu ai maluna o ka moku, ke kanaka hoi i hoao ai e pewa malu iaia, oiai ua like loa kona mau onohi maka me ka maka o ke kanaka kahu kaa a ke kanaka aoo i hoike ae nei.  Nolaila me ka hookaulua ole iho, ua nonoi aku la oia i ka Ilamuku e kauoha aku e lawe ia mai keia kanaka pio imua o keia kanaka aoo.

         He manawa ole, ua komo mai la ke kiai o ka hale hoopaa lawehala me ka paahao.  I loa no a komo mai ua kanaka pio la, ua kunou koke mai la ke poo o ke kanaka aoo ia Leone, a pane pu mai la no hoi oia:

         "O keia no ua kanaka la, oia nei ke kahu kaa o ua mau malihini la."

         "Ke hoomaikai aku nei au ia oe, a ina hoi au e makemake hou ana ia oe, e hoouna aku no au ia oe.  E uku ia ana no kou luhi, nolaila mai hopohopo oe," wahi a ka Ilamuku i pane aku ai i ke kanaka aoo.

         Ia wa ua huli hoi aku la ke kanaka aoo, me kona haawi ana iho i ke aloha ia Leone a me ka Ilamuku.  I kona hala ana aku, ua hoomaka aku la o Leone e nieniele i ua kanaka pio la.  (E hoomanao e ka mea heluhelu i kela wa, ua hoano o Leone iaia iho, ma ke ano i hoike mua ia, he wahi kanaka elemakule kona ano, nolaila ua hoomaopopo ole ua kanaka pio la, o ka mea no keia ana i hoao ai e powa iluna o ka moku, a nona hoi na lima kohu haokila mageneti.

         No kekahi mau sekona, ua nana pololei aku o Leone i na hiohiona o ua kanaka la, me ka noii ana a kona mau maka, me he la, akahi no oia a ike iaia.  Ku iho la ua kanaka la, me ke ano hakanu, a me na kuemaka pupuku, a ma ka nana aku, he oi io no a ke ino o na hiohiona o ua kanaka la; a liuliu wale ko Leone nana ana, au pane aku la oia:

         "He kahu kaa anei kau hana mamua?"

         "Ae," wahi a ka pane a ua kanaka me ka leo kakana.

         "Owai ka inoa o kou haku, ka haku hope loa hoi au i noho ai, mamua hoi o kou holo ana no na aina e?"

         "Aole i maopopo ia'u kona inoa."

         "Pehea ka loihi o kou noho ana malalo ona?"

         "He aneane ekolu makahiki."

         "He mea kupaianaha maoli kou maopopo ole ana i ka inoa o kou haku oiai he loihi loa kou noho hana ana me ia."

         "Aole ia o ka'u mea e hoopaanaau ai o kona inoa," wahi a ua kanaka la me ke ano hookano a pakike.

         "Ina aole oe i ike i kona inoa, alaila ua maopopo no anei ia oe kona wahi e noho nei?'

         "Aole no, aka ina o kahi mua a makou i noho ai, alaila ua ike au."

         "Aia mahea ia wahi?"

         "Aia ma ka hale helu 125, alanui helu 5, ma ka aoao akau o ke alanui."

         "Mai laila mai no olua i hele mai ai a hou malu i kela kuikele mahope o ke poo o kela kanaka maikai a me kana wahine.

         I keia ninau kikaho hoolele hauli no a Leone, ua pii koke mai la ka haikea ma na papalina o ua kanaka la, a ua alapine mai la hoi kona hanu, me ka naka haalulu o kona kino mailuna o ke poo a hoea i na wawae, e hoike mai ana, ua puiwa ino loa ia oia, a no ia mea, ua olohewa koke kana pane ana:

         "Pehea oe i maopopo ai i kela mea?" wahi a ua kanaka la me ka leo haalulu.

         Aole i pane hou aku o Leone, aka ua imo malu aku la oia i ka llamuku ma ke ano e hoihoi ia aku ka lawehala no kona keena i  hoopaa ia ai, oiai ua pau ae la no kana mea i makemake ai nona.  Ia wa, ua kauoha koke ae la ka llamuku i ka makai e hoihoi aku i ke kanaka a hoopaa hoopaa hou aku iaia ma kona rumi.

         I ka hala ana aku o ua kanaka la, ua huli pono ae la o Leone a kamailio aku la i ka llamuku:

         "He mea oiaoia, ua haawi mai ke akua i ka lawehala iloko o ko'u mau lima, a ke ole au e kuhihewa, e loaa aku ana no ia'u ka poe nana i onoonou keia ma hana."

         "He lohe olelo wale no ko'u nou, aka nae, ke ike maka nei au ia oe.  He mea oiaio, ua kohu pono ke kea hoohanohano o ka oihana makai kiu maluna ou e kuu makamaka opio," wahi a ka llamuku.

         "Aole no ka hanohano a me ke kaulana ko'u kumu i hooikaika ai i keia hana, aka ua hana au i keia hana mamuli o ke kauoha ana mai a na Lani Kiekie loa."

         Ma ia wahi, ua wehewehe pono aku la o Leone i kona moolelo mai ka mua a ka hope, a me ka like loa o ke ano i powa ia ai o kona mau mua me ke ano i hana ia maluna o keia poe.  Mahope iho o ko laua hoohala ana me na kukai olelo maikai, ua huli hoi aku la o Leone no kona wahi noho.

         Mahope iho o kona hoaaoo hou ana iaia iho ma ke ano he wahi kaikamahine ui opiopio, ua hele pololei aku la oia no ka hotele a ka poe hana karaima i noho ai, e like hoi me ke kuhikuhi a ke kanaka pio.

         Hoea aku la oia maaila, a hookipa ia mai la oia e ke kakauolelo o ua hotele la.  Ia wa, ua ninau aku la oia no ua poe nei, me kona wehewehe ana aku i na hiohiona o ka wahine a me ko kekahi kanaka iho, oia hoi ke kaikuanane o ua wahine la a lakou.  Mahope iho o ka hoolohe pono ana mai a ua kupakako la, ua pane koke mai la oia:

         "He oiaio keia, eia no ka lede a me kana kane he kanaka Italia ke noho nei maanei, aka no kekahi kanaka iho, ka hoaloha o laua, ua holo aku nei oia no Ladana ma kela moku aku nei, kulanakauhale o "Parisa."

 

 

I ka wa e nakulu ai oloko o ka opu me ka eha, a hele moku ka lepo, alaila, e hoao i ka CHAMBERLAIN'S COLIC, CHOLERA a me DIAIROEA REMEDY laau lapaau a e oi aku ana kou mahalo ke ike oe i kona hope na.  He oluolu, palekana a puhili ole.  He oluolu, palekana a puhili ole.   He 25 a me 50 keneta o ka omole, a e kuai ia no ma na halekuai lapaau a pau.  BENSON SMITH & Co. na. Agena ma ko Hawaii

                   Paeeina. tf

 

"O ka oi ma ke ao holookoa." Oia ka W. D. WOODRING O BORDLY KENETUKE, e hookaulana nei no ka Chamberlain's Cough Remedy (Laau Kunu).  Ke kamailio nei oia ma kona ike ponoi iho i ka inu ana, oiai o kona a me ko kona ohana ola ana mai nei no ia mai ka loaa ana i ke kunu koikoi loa a me ke anu, a ua hooholo oia o keia laau lapaau ka oi ma ka honua nei.  E kuai ia no ma na Halekuai Laau Lapaau a pau.  O BENSON, SMITH & CO., na Agena ma ko Hawaii Pai Aina.                                                                               tf

 

 

NA KANAKA  Dr. LIEBIG & CO. Na Kauka no na mai Kuluma Malu a me Kuulala.

         O ka Dr. Liebig laau hooikaika kino oia ka laau lapaau hoola maikai loa no ka nawaliwali ka emi o ke ano noonoo kanaka makua a me na mai malu, ka hoopio awiwi ia mai a me ka hoomakaukau no na hana o ka @ ana @, ka oluolu a me na koikoi.  He hookahi omole @ hoao e haawiia mai ai a e hoouna ia aku paha me ka uku ole i kela a me keia mea e hoike mai ana i na hiohiona mai.  E kipa a i ole e leta mai ma @ Gerry St., puka komo @ Man@ St. San Francisco.                                                                                         @-1y