Ka Nupepa Kuokoa, Volume XXXIV, Number 6, 9 February 1895 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

            KA HUI ALAHAO ME AINA O OAHU

MANAWA HOLO.

Mai a Mahope aku o Iune 1, 1893.

 

NA KAA AHI

Honouliuli.

                       B        B      A      D

                       a.m.     p.m.   p.m.    p.m.

Haalele ia Honolulu   8:45     1:45   4:35    6:10

Haalele ia Manana    9:30     2:30   5:10    5:56

Hiki i Honouliuli      9:57     2:57   5:36    6:22

 

No Honolulu.

 

                        C          B        B         A

                       a.m.        a.m.     p.m.      p.m.

Haalele ia Homouliuli 6:21       10:42     3:42      6:42 

Haalele ia Manana    6:56       11:13     4:15      6:10

Hiki i Honolulu       7:20       11:55     4:55      6:45

 

A No na Poaoao wale no.

B No kela ame keia la.

C Koe na la Sbati.

D Koe na Poaono.

 

NU HOU HAWAII

E hoohiaka hou ana ke Kula Ka mehameha i keia Poakahi iho.  E eleu mai na keiki i ka hoi.

 

Ua loaa mai i ka Repubalika he palapala oihana e hookohu ana ia Mr. S. Shiamizu i Kanikela-Generala no Iapana ma Honolulu nei, a e ike la aku ana oia ma ia kulana.

 

He nana no paha kanaka Hawaii e hoolaha epaepa nei, ua make o Alika Kaunika maloko o ka Halepa ahao o Kawa.  Alua e ekolu paha o makou lohe ana e kamailio ia ana pela, aka o ka oiaio e ia no ke ola mai nei maloko o ka halepaahao.

 

Ua oleloia, he 67 ka nui o na pu panapana a na kipi o ka Repubalika i hoelele ia’i maluna o Mokupuni Manaua mawaho aku o Waimanalo alua, aka ua piu@@ i ka loaa ia Kapena Waipa ma kana huli ana he 54 eia i ke aupuni e paa nei.

 

O na make iloko o ke kaua kipi a na anee alii i lele mai ai e poipo i ka Repubalika me ka manao e hookahuli, o Chas. L. Carter wale ma ka aoao o ke Aupuni, a o Pukila a me Moehau ma ka aoao @@ o na kipi.  O lakou wale ae ia no na mea i hoomaopopo ia i keia wa hope lou.

 

Mamua o ka houukuu ia ana o na puali kiai kamaaina i ka pau ana mai nei o na pio a pau i ka paa, ua haawi ia ke kauoha ia lakou, ina e lohe ia kekahi pau ahi, e hoike ae ia lakou ma ka hale hoopaa lawehala o Kuapapanui.  Pela i hooko ia ai ma ka pau ahi o ka hale o Batalamana.

 

Ua hoi mai ke Kiuau mai Hawaii mai i ke ahiahi Poalua iho nei me 28 ohua kapena (he 10 a lakou mai Kilauea mai,) 50 ohua oneki a me 5405 mau eke kpoia.  O na ohua mai o Kohala, ma Hawi ka hookau ia ana mai no ka inoino o Mahukona.

 

O na poe a pau i haawi iho wei i ko lakou mau kokua aina i ka Repubalika e kinai i ke kaua kipi i hoala ia e ka manae hookahuli aupuni e hoi hou mai ke aupuni apulu nona ke poo i hookolokolo ia ai imua o ka Aha Koa i ka Poalua a me Poakolu iho nei, ua pau lakou i ka uku ia no na la i hookauwa ia ai lakou e ke Aupuni.

 

Ua hookuuia mai o J. S. Walker a me T. W. Rawlins, he mau mea i hopuia i ka wa kaua kipi iho nei, no ka pilikia o ka laua muu oihana, oiai laua e paa loihi ana ma kahi pau ma Kawa.  Aole laua i hookuu loa ia, aka o laua iho nei ko laua mau hona, a o hiki @@ laua imua o ka aha i ka wa e makemake ia ai laua.  O ke kolu i hookuu ia mai o ia ano, H. S. Swinton.

 

Ua hili ia o Waimalu Mahelona i ka pauku laau e kekahi wahine Iapana, ua moku ke poo maluna ae o ka lae a kahea wai mai la ke koko.  Ua he ko ka wahine Iapana nana i hili i ka pauku laau, aka o ke kumu nae aole i maopopo.  Ua hoopaa ia ka Iapana ma kahi paa, e kali ana no ke ola mai o ke mea eha e lapaau ia nei e Kauka Wahie, alaila hookolokolo keia hihia.

 

Ua loko laulaha wale ia ma ke kulauakauhale nei, e holo makaikai mai ana i Honolulu nei ka haole Amerika i mamo loa i ka holo ana maluna o ka kai heihei wawae nona ka inoa Zimmerman.  He kuihe no ka mamao o kekahi poe no kona holo mai, aia wale no a he kupu ae no ka holo makaikai e hoomalia paha, no ka mea ua komo oia iloko o kekahi oihana.

 

Ua kalewa mai ka mokuahi “Warriunoo” mawaho o ku uuku e ke awa o Mamala i ka po o ka ia i o Feberuari nei, mahope e ka haalele ana aku o keia mokuahi ia Kikano i ka hora i auina la o Ianuari 18, ia Suwa, Fijo, i ka hora 7:30 ahiahi o Ianuari 24.  Aole i kkomo koke mai iloko nei o ke awa a no wale o ka ia 2 o Feberuari.  Ma ka hora 2 auina la Poaono, ua kapalulu loa aku ua mokuahi nei no Vanekouwe.

 

Ke nune nui ia nei, o waiho ia aku ana he palapala hoo;ii i ke Aupuni e noi ana e hoopau ia na luna aupuni a pau i haawi ole mai i ko lakou hookauwa ana i ke Aupuni i ka wa kaua kipu iho nei a na anee alii i hoeu mai ai a haule pu.

 

Ua ku ae ka mokuahi “Kahului” i ke awa e o la i kela inoa mai Kapalakiko ae ma ke la 28 o Ianuari iloko o ka manawa e holo ia nei e na moku pea mama loa.  A ma ka la 2 o Fegeruari i huli hoi aku ai oia no ke awa kahi ona i puka mai ai.

 

Mailoko ae ona koo a pau o ka Repubalika i hoike ao ia lakou iho imua o ke Aupuni no ka haawi ana i ko lakou mau kokua e kinai i ke kipi o ka la 6 o Ianuari, ua oi aku mamua o ka umikumamalua haneri, eia nae aohe pu e lawa ai.  Aka me he mea ia aia paha ma ka ehiku haneri ka poe lako maoli.

 

Eia na make o ka apana o Honolulu nei no ka malama holookea o Ianuari 1895, he 29 mau kaue a me 20 mau wahine, oia hoi, he 32 mau Hawaii, 5 mau pake, 4 mau Pukiki, 2 mau Iapana, 1 Beritania, 4 mau Amerika a me i ona lahui e ae.  Huna 49.  Mailako mai o keia heluna make, he 3 i make i kiia i ka pu.  He 11 o keia huina, aohe kauka nana i lapaau.

 

Eia ke kahe a wai nei ka poe hele e hoohiki e malama i ke Kumukanawai a e kakoo i ka Repubalika o Hawaii i keia mau la.  A ke lohe ia aku nei no hoi kekahi poe e olelo ana, o pau aku ana lakou i ka hele e hoohiki ke hoopau ia ae ke kauawai Koa.  Auhea auanei ke aupuni e aku e kuewa hele ai a noho hoopilimeaai aku, oiai ua ikeia ae nei ka wikaui o ka Repubalika e malama i na ola a me na waiwai o na mea a pau e hoopunana ana maluna o Hawaii.

 

He la kupiuai o ka paapaaina o na kipu ike malihini o ka mokukaua Amerika lawe hae “Piladelapia” ka Poakahi iho nei, ma o ke kipa ia aua aku e ike o ka Adimarala.  Mawaena o ka poe malihini i kipa aku, ke Kanikela Generala Amerika, ke Komisina Farani, ke Kanikela nui Pukiki a me na Kunina o ka Repubalika Hatch, Smith a me Damon, a ua panee wale ia mai no ko lakou mau pu hoohanohano oihana a pau wale.

 

Ua lohe mai makou i ka la konohi o na pake, oia ka la 25 o Ianuari, i a Pat Cullen Waiahole e komo kauhale ana me kekahi hoa maloko o ka hale o kekahi pake ma Koolaupoko nenei, aia hoi ua makilo aku ia oia i waiona, ua hoole mai la ka pake.  Ia hoole ana mai no, ua ki ia aku la ka pake, ku a make loa.  Ua hopu ia keia keiki hapa haole, ua lawe ia mai i ke kulanakauhale nei, a ke kali ia nei no kona hookolokolo ia ma ke kanawai o ka aina.

 

Ua waiho ia ae na koho like ole a ka poe kapili hale no ke kukulu aua i ka hale waapa hou o ka Hui Healani.  O na koho malalo iho, no ke kukulu wale ana no ia i ka hale me ka mauao ole no ko pena a me ke kahua ae olalo, no ka mea ua makemake ka hui na lakou e kukulu i ke kahua me na pohaku iliili i hui ia me ka puna na pu e kau iho ai na kua o ka hale.  Eia na koho a kela a me keia:  Connell he $2983; Howie, $3349; Lucas Bros., $3550, Wickander, $3550; W. Wagner, $3940; Dali & Co., $3940.

 

I ka po Poaono aku nei, ua haawi makana ia aku o Frank B. McStockder, ke Kapena o na Kiai Kamaaina, me kekahi pihi kaa oihana kumukuai nui, he hoike haomanao na kona makaukau a eleu i ke kuhikuhi a me ka hoonohonoho ana i na poe kiai kamaaina i ka wa kaua kipi iho nei.  Na ka Ilamuka maoli i pihi aku i ua makana ia ma ka umauma o ka mea i makana ia.  A ua pane mai o Kapena McStocker me na huaolelo kupono i ka puali nana ka makana. 

 

Ua lawe ia mai iloko o ka hale hoopaa lawehala o Kuapapanui i ka po Sabati iho nei e kekahi Pukiki, he eke ua hoopiha ia me na iamalama hoailoua i loaa aku iluna o ka waapa, oia mae mahuku e ka mea nana ua eke nei, a nalowale aku la.  Ua kahikuhi kela Pukiki, na kekahi mau hoakanaka o ae ona ekolu keia hana.  Nolaila, ua kii ia aku lakou e imi e ka makai a loaa aku no e mea ana.  Ua pau i ka lawe ia mai lakou i ka hale hoopaa lawehala.  I ka ninaninau ia ana, aole i loaa kekahi wahi lihi mahui e paa ai lakou, nolaila ua hookuu ia aku lakou a na hoopaa ia no ka maa nana i lawe mai kela eke lamalama hoailona.

 

Kela a me Keia.

Ui piu aku i ka loaa ia Kapena Waipa i ke pi o ka la 5 iho nei o Feberuari mauka ae nei o Kamanuwai o J. L. Lilikoi, kekahi o na lutaneia o ke kaua kipi hohe wale o Lae Ahi.  Ua pia pu mai me ia e Kema Kekipi a me Hoopii Kalilea, o loko o ia auna kipi, a eia lakou ke paa nei mahope aku o na panihao.

 

Ua hoi mai no keia poe kipi a ua pee ma keia wahi maluna ae no kekahi mau pole ae nei.  Ua hoole maa mai ka wahine o ka hale i ka wa i ninau ia aku ai oia no kahi o keia poe kipi ae la e huna ia nei, mahope iho puka mai ana ua poe la mailoko mai o ka ulu mala mahope o ka hale.  E hoike pololei anoi lakou i na mea oiaio wale no?  O ka Lilikoi keia i lohe wale la mai ai ua make, eia no ka ke ola nei e ai poe.

 

Mamuli o ka Ili ana a nahaha o ka mokuahi “Kihalani,” nolaila ua unuhi ia mai nei ka Lehua mai kona kaalo ana i na awa o ka mokupuni a Hina, a ua hoihoi ia aku la no awa ma ka aoao makani o Hawaii.  A ma ka Poakolu iho nei, i kukini aku ai oia no na awa o Hawaii.  O ka mokuahi Mokolii hoi, ua hoihoi hou ia ae la no ia no Molokai, a ma ka Poalua iho nei i aloalo ale hou aku ai oia.

 

Ua lohe mai makou, mamuli o ka hooweliweli a kekahi poe anee alii hookuli e paakiki naaupo nei e ulu hou mai ana kekahi mea ano e i keia mau la iho, nolaila, ua pau aku i ka naholo i an wahi mawaho aku kekahi poe kamaaina o Kapuukelo.  He keu no a ka malamalama ole ae ka o ka noonoo e ike lea iho ai aohe kupueu kuloke nana e hoonaueue i ka Repubalika mahope iho o kona hoao ia ana e na enemi a ikeia kona wikani.

 

O kela haole o Arthur White i manaoia ai ua mahuka a i noke ia mai nei i ka huli ma ka mokupuni o Hawaii, ua loaa mai ma Hilo a ua halihali loa ia mai i Honolulu nei e Kapena Makai J. H. Maby ma ke Kinau o ka Poalua iho la i hala.  Ua hoolahala ae e kekahi nupepa kuloko ma kona lohe ia i kekahi ohua o ka moku i lawe ia mai ai ua paahao la, ua hiki mai ua haole nei i Hilo i ka Poakahi, a ua hala e aku no Kapalakiko ka mokupea i ku ma Hilo.

 

EKOLU MAU HAOLE INO I KIPAKUIA I NA AINA E.

Ua halihali ia ae i kai o ka uapo mokuahi o ka Pakipika i ke awakea o ka la 2 o Feberuari nei, malalo o ka ikaika o ka puali makai i hoolako ia, he ekolu mau paahao haole i hopu ia no ka ohumu kipu iloko o kela mau la hoohaunaele kipi aku nei, hookau ia iluna o ka mokualii Warrimoo a kipakuia aku la e ku a hele pela me ka hoi hou ole mai i Hawaii nei.  O ko lakou mai inoa, J. B. JOHNSTON he Beritania, J. Cranston he Amerika a me A. E. Muller he Geremania.

 

O ka haole mua, he makai kiu oia no ke Aupuni a ua noho me ka uku ia no eono malama i hala a’oi, me ke kauoha ia ina e ulu mai kekahi haunaelo, alaila e hoike koke mai iaia i ka Ilamuku,  Eia no nae, ua lohe mahuihui ia no he haole ano huli lua ia ma o a maanei a uo hui pu me kekahi poe ohumu kipi e hookahuli i ka Repubalika.  Aole i hoike iki mai keia haole iaia iho ma ka wa i hoohaunaele a hopu wale ia no.

 

O ka lua a me ke kolu o na haole, he mau haole i hoomaopopo ia ko laua ano, he kue a he hoinoino loa i ka Repubalika a na laua e kiola i na poka dainameta hoopahu i ka luakini o Kaukeano i ka wa e malama ia ai ke anaina haipule o ka po Sabati e hoomaka ai ko kaua poipo.

 

I ka hiki ana i kai o ka uapo, a ike paha e hookuewa ia ana lakou mai ka aina aku, e hoololohe iho ana kekahi, oleloino mai la hoi kekahi mau mea i ka hiki ana iluna o ka oneki i ke aupuni, a i ka Ilamuku aku nae hoi ka oi loa. 

 

Makai ae o ka uapo na Kuhina e ike ai i ko kau ana o na pio a ke kanawai koa e kipaku la i na aina e no ka lakou mau hana ohumu kipi i hoolala a hoomomoa ai.  Ua ike no ke Aupuni i ke koikoi o keia hana a lakou e kipaku nei i na kanaka Beritania, Amerika a me Geremania, he mau aupuni e noho makamaka nei mo kakou, aka ina oia hna ana he mea ia e maluhia ai ka aina a e malama ia ai ke kanawai, alaila ua pono no ia hana lima ikuika ana o kipuku aku i kapoe ia mai ka aina aku.

 

Ua koi pakahi keia poe e ike i ko lakou mau Kanikela, a ua ae ia.  Ua kuka pakahi lakou me ke Kuhina Willis a me na Kanikela pakahi, a ua ui mai no hoi i ke aupuni i na ike no keia pee.  Ua hoike aku ke aupuni i na mea a pau no keia poe.  O Kuhina Willis ka mea i koe mai no ke kipaku ia o kekahi o kona lahui me ka hookolokolo ole ia, aka ua olelo aku ka Ilamuku iaia ua la wa ko ike e hiu palaka ia ai ka hoopai ia o keia poe.  Aole i hoolohe mai ke aupuni i ke keakea a nolaila ua hoouna loa ia aku keia mau haole me ka nana ole i ke keakea.  Aole i keakea mai ke Komisina Beritania no kona kanaka, a pela no hoi ke Kanikela Geremania aole i keakea mai la wa.  Eia nae mahope mai nei, ua waiho mai ke Kanikela Geremania he koukea no ia kipaku ana o ke aupuni i kona kanaka.  Aka ua hala e i ka moana.  Ua nana no ka Repubalika opio i kipaku aku la i na makaainana o o na aupuai nui ikaika a mana o ka nei.

 

MOKUKUNA HOOHUIO NUI IA.

Mamuli o ka maumaua mai o na lohe, no ka ike pinepine ia o kekahi mokukuna malihini loa ma na Kai o Maui, Molokai a me Oahu nei me ke akaka ole o kana hana, nolaila ma ka wehewehe ana pawa o ke kakahiaka Poakahi iho nei, ua puka aku ka mokuahi Hilaka malalo o Kapena King e hoomakakiu i kela moku malihini.  Ua hookauia he pukuniahi a me kekahi poe kipu pololei maluna ona.  Ia puka ana aku no, na loaa koke aku no keia mokukuna malihini mawaho ae o Lae Ahi, nona ka inoa Jane Gray, he 29 mau la mai Kapalakiko mai, e holo ana i Iapana ma ka huakai alualu kila.  Ua loaa ia keia moku i ka poino a e makemake ana ke kapena e komo mai iloko nei o Honolulu e lapaau ai i kona mau palapu.  Nolaila, ua hoolei ia aku ke kaula huki moku a ua kolo ia mai la e koino loa iloko nei o ke awa.  Ua hana ia iho nei a paa a ua puhalahiu aku no kona pahu hopu.  Ua manaoia he wahi moku halihali pu a hoopae opiuma malu paha keia, aka aole nae he mea i loaa e hoohuoi ia ai.

 

KA OIHANA MAHI KOFE

KOPE MA LIBERIA.

O ke kope, oia kekahi o na laau kumu o Guinea, a e loaa no la e ulu ana ma na puu haahaa e hoomaka ana mai ke kapa kahakai aku a komo loa aku iloko o ka aina.  O ke kulana o ke ea o ka aoao komohana o Aferika he ano puanuaau a kawau, a he ikaika mau ka haule ana a ka ua ma ia mau wahi.  Ko ulu wale nei keia laau waiwai nui ma ia mau wahi, nona ke kiekie o ke kumu hookahi mawaena o ka 20 kapuai a hiki i ke 40 kapuai, me na aa nunui a ka launa ole.  O ka hua o ko laila kope, he nunui ae i ko kakou nei a me ko na aina mahi kope e ae no hoi o ke ao nei, a i ka wa e pala ai, a’ole no ia e haule koke ana mai ka lala iho no kekahi manawa loihi.  He anoano paakiki a uaua no hoi ka alualu i ka wa e maloo ai.

 

Ka Lepo- O ke ano lepo maikai o kahi i manao ia no ke kanu kope ana, oia no kahi hohonu a ano aeao maikai o ka aina.  O na wahi ano papau o ka lepo, a me kahi hoi he ana halana ka wai, o ike ia no hoi ma kahi ano pipi wai o ka lepo no kekahi manawa loihi, aole e pono ke kanu ia ke kope ma ia mau wahi.

 

Ke ano o ka ea- He ano like ole no ke kulana o ka ea ma kela wahi, a penei paha e hoomaopopo ia ai.  Ma kahi e loaa ana he 187 iniha ua i ka makahiki hookahi, ke ulu maikai nei na kope, me ka nui hoi o ka hua.  Ma kahi hoi i kapala o Castle Gardens, “Na Mahinaai Kakela,” ke ulu nui a ke hoohua nui nei no hoi ke kope i kela a me keia manawa, nona na iniha ua o ka makahiki i hiki aku i ka 110, a nona hoi ka ikaika ana ea i ke 76* F., a nona hoi ke kiokie mai ka ilikai ae o 580 kapua.  Ma kahi hoi i kapaia o Hope Gardens “Na Mahinaai Manaolana,” ke ulu nui nei a ke hoohua nui nei no hoi i kela a me keia manawa, a o na wahi iniha ua wale no o ka makahiki o kela wahi he 55 opihipihi wale no.  Me keia mau ano like ole ae ia maluna, e hiki ai ia kakou ke ike i ka like ole maoli o ke ea o keia aina, a me ia like ole no nae hoi, he like wale ia no ka hua ana me ka ulu ana o ke kope.

 

Ke ana kiekie o ka aina- O ke ana kiekie o ka aina i kupono ao ka mahi kope ana, aole no ia o oi aku mamua o 2,500 kapuai mai ka ilikai ae.  A ma na wahi haahaa loa hoi o ka aina i haule aku malalo o kahi maa mau no ka mahi kope ana, he ulu a he hua mau no ke kope, ke loaa no nae hoi na malama kupuno ia ana.

 

Ke kanu ana- E like no hoi ma ka hookawowo ana o na wahi e ae i huakakaia mana helu mea o keia kukulamanao ana, pela iho la no hoi ko kela-wahi; o kahi like ole wale no, oia na ka hookewa ia o ke kanu ana i ma lua (anoano) i 4 iaiha mai kahi hua a i kahi; a i ka wa e ano mahuahua iki ae ai o ke kawewo, alaila, ua hula ia aku la hooulu ia iloko o ka pona ohe, a iloko o ka pona ohe e ulu ai a hiki i ka wa kupono no ke kanu ana kau iwaho i ke akea; o kekahi poe he hooulu no i ka anoano iloko o ka pona ohe.  E hoomaluna alo ia no na kawowo me na mea kupono e pale aku ai i ka wela ikaika o ka la.

 

Na mea hou ano nui mai Kona mai.

 

Mr. L. H. :  Aloha oe.  Ma ka la 29 nei i puni hou ai ke akule i ka poe i hai ia maluna, aneane akolu ae nei mahina ke kaawale mai ka puni mua ana a i keia puni ana, keia kau i haawi ae ai i ko’u mahalo nui, i ko ke Akua hoopomaikai mau ana mai i ko Kailua poe.  Ma kela a me keia haawi ana mai a ke Akua i keia ano ia i ko Kailua, ua loaa ia lakou he mau kenikeni mahuahua e kaena ai ka naau no lakou iho.  E loaa ana i ke kanaka hookahi he $1 no ke kaau a eu@ mai i ke 75 keneti a me ke 50 keneta.  He mau dala mahuahua e loaa mai ana i keia poe, ke makemeke ne au o ike ko Kokailua poe i keia mea nui a ke Akua i hoopomaikai mai ai ia lakou.  Aohe apana ma Kona Akau e like la me keia, ua kohu Honolulu ka noho ana o na kanaka, i na e makemake i na mea ai haole ua lawa ma na hale pake ke kii aku.

 

Ua pau ko lakou hoomo’a ana i ke kope a me ka palaoa no lakou iho, ua ai haaheo ko Kailua poe i keia wa.  E hoomanao hoi i ka mea nana mai ia mau pomaikai, he mea no nana i hoolako ia mau mea a pau, o like auanei me ke kanaka waiwai i hoolakolako iaia iho, a kaena iho la oia nona iho.  A heaha ka hopena?  Eia, aole oia i ai ia mau mea ana i hoolakolako ai.  Ua hauoli ae na keiki o ka aina pua i ko lakou la makahiki hou, o ka’u i ike ai ua maluhia ko lakou malama ana i ko lakou la makahiki hou, he mau mea ai maluna o na papaaina i hoolako ia a nui e hookipa ana i na makamaka o kela a me keia e hoea aku ana ma na ipuka o ko lakou mau home.  O ka pilikia nui, aia mawaena o kekahi o na kanaka Hawaii.

 

I ka wa e hookipa ia aku ai e ka lokomaikai oia lahui, ua ai a ua inu no hoi a ua ona pupule ia, a ua hoohaunaele kekahi poe, a he wahi hapa-haole kai hoopaa ia e ko makou makai eleu iloko o ka halepaahao no ka hoohaunaele a pau ka ona hookuu ia mai ana.  He mau keonimana hoi kai aa aku e kuikui puupuu me kekahi hapa puakea, mamuli o ka nui o ka poe keakea, ua maluhia iho la a pau wale.  Hilahila nae au i ka hana a keia mau kanaka i hoonaauao maikai ia, o ka hanau mua no a me ka hanau muli.

 

Ma ka la 30 iho la i hoopai ia ai imua o ka aha apana o Alapai (k) $100 no ka lapaau laikini ole, no Pahoehoe oia, no kahi no o kela wahine mua i hoopai ia ai no ia hana hookahi no, o Kamoku kona inoa, a ke kau aku nei ma ka mokuahi o keia la, e hoi aku ana no kona home hou, oia o Kawa.  Ke haawi nei au i ko’u mahalo nui i na kanaka o ke Aupuni Repubalika i ko lakou makaala e kinai i na hana alakai lalau a kekahi poe e hana mai nei, o oi loa aku auanei ke alakai lalau i ao kekahi poe a nui aku ka poino.  A mai hana hou e o’u mau hoa kanaka i na hana kue kanawai, no ka mea, he niho no kona a he mea nahu no hoi.

 

E nana ia Kamoku (w) a me Alapai (k), e a’o kanaka iho, oia ke ola ke hoolohe, liko hewa ke dala a i ole ia loihi na la ma Kawa ke hookuli i keia leo ao.

 

ME KA MAHALO,

N. KONA, HAWAII IAN. 31, 1895

Na olelo hooholo a ka Ahahui Building Association no ka Make ana o Chas. L. Cater.

 

Ma ka halawai malama mau o ka Ahahui Pioneer Building and Loan Association of Hawaii i malama ia ma ko lakou keena ma ka la 4 o Feberuari, 1895, ua hooholo lokahiia na olelo hoakaka a me na olelo hoo holo malalo iho.

 

Oiai, mamuli o ko kakou kau maha ma ka make ana o ko kakou hoaeha a me hoahui Charles L. Carter, a o ka oi loa aku hoi o ka moku mokuahua o ka poe i kokoke a pili loa aku iaia; a

 

Oiai, ua haule mai keia ahahui aku he luna hoopono a makaala kiai me ka lili i kona mau kuleana a ma kana mau alakai i loaa ai keia mau kulana maikai a holomua o ka ahahui, nolaila, e

 

Hooholoia, o ka hana kupono wale no na kakou ka hoomanao ana i ka mea i haalele mai, o ka minamina i kona kailiia mawaena aku o kakou, a ke kumakona nei ma na ano a pau no ka mea a kakou i mahalo a aloha ai.

 

Hooholoia, ke u pu nei kakou ma ka minamina nui me ka ohana o ka mea i make iloko o ko lakou hora o ka hoao ia a me ka pilikia, a ke pule nei e waiho ae ia lakou iloko o ka malama ana a ka Mea o loha iho nei me na maka aloha maluna o ka wahine kanemake a me na keiki makua ole.

 

Hooholoia, e kahakahaia keia mau olelo hooholo maloko o na moolelo o kula ahahui, a e hoounaia ia kope i ka ohana o ke kakou hoaloha a me hoahui i make, a i na nupepa Daily Advertiser, Daily Bulletin, Daily Hawaiian Star a me Kuokou.  A. V. Gear, Kakauolelo.  Honolulu, Feb. 4, 1895.  2532-1

 

HOOLAHA HOU.

Aha hookolokolo kaapuni apana elima o ko Hawaii Pae Aina.  Ma ka Hooponopono Waiwai.  Me ka Oilman no Hanapepe Kauai i make kauoha ole.  Imua o ka Lunakanawai Kaapuni ma ko Keena.

 

Ma ka haeluhelu a me ka waiho ia ana mai o ka halapala noi a Uha iwi.  Hattie Mokaonaona, John a me Julia Gilman.  E hoike mai ana o James Gilman no Hanapepe i oleloia na make kauoha ole ma ia wahi ma ka la @ o Maraki M. H. L@@@ a e noi ana e haawi ia ka Palapala Hou kona Lunahooponopono Waiwai ia August Dreler no Kieele Kauai.

 

Ua kauoha ia o ka Poaha, ka la iho Maraki M. H. 2996, i ka hora 10 a.m. oia ka manawa i kohola no ka hoohoho ana i na noi ia imua o na Lunakanawai ia ma ko Keena Hookolokolo o keia Aha ma Lihue a ma ia manawa a ma ia wahi no e hele mai ai na inoa a paa i pili o hoike mai i ke kumu.  ina ho ku,u olalo ko lakou. e na ola ia ai ua noi ia.  A o keia olelo kauoha e hoolahaia ma ka olelo Hawaii i ekolu pule ma ke Kuokoa, nupepa ma Honolulu.

 

Kakauia ma Lihue, ko Hawaii Pae Aina, Feberuari 5, M. H. 1995.  Na ka Aha:  R. @ T. Purvis, Kakauolelo.  2532-3

 

Aha hookolokolo kaapuni apana ekolu o ko Hawaii Pae Aina.  Ma ka Aha Hooponopono Waiwai.  Ma ka nana o ka waiwai o D N Heleloa (k) o Kau Hawaii i make kauoha ole.

 

Ma ke heluhelu a me ka waiho ana mai o ka palapala noi a Charles Meiniehe o Waiohinu Kou Hawaii o hoike ana. o D. N. Heleloa (k) o Waiomao Kau Hawaii na make kauoha ole ma Waiomao Kau Hawaii ma ka la 30 Feberuari A U 1884, me ka waiho iho he waiwai ma ko Hawaii Pae Aina i kupono ke hooponopono ia.  a e noi ana e hoopuka la na palapala lunahooponopono waiwai ia Charles Meiniche.

 

Ke kauoha ia nei, o ka Puakolu ia 30 Aperila AD 1895.  ma ka hora 10 a.m. oia ka manawa i koho ia no ka hoolohe ana i ua palapala noi ia ma ke Keena Hookolokolo o keia Aha ma Waiohiou Kau Hawaii, a me ia manawa a ma ia wahi e hele mai ai na poe a pau i pili a e hoike mai i ke kumu o ae ole ia ai ua noi ia. 

 

Kakau ia ma Hilo, Ianuari 21, 1895.  N ka Aha:  Daniela Porter, Kakauolelo. 2532-3t.

 

Aha hookolokolo kaapuni apana elua o ka kopubalika o Hawaii.  Ma ka Hooponopono Waiwai.  Mokupuni o Maui, ko Hawaii Paeaina.  Ma ka waiwai o Makuakane (w) no Wailuku, Maui, i make.

 

No ka mea, ma ka la 21 o Ianuari M. H. 1895, ua waihoia mai imua o ka Aha, kekahi palapala i oleloia, oia no ke kauoha Hope loa a Makuakane (w) i make aku la:  a me ka palapala hoopii e noi ana o hoolalo ia keia palapala kauoha a e hoopuka ia hoi ka Palapala Luna Hooko no Abraham Kaluhi i waiho ia mai e ia.

 

Nolaila ua kauoha ia o ka Poakolu oia ka la 27 o Feberuari M. H. 1895, ma ka hora 10 kakahiaka, ma ke Keena Hookolokolo o ia Aha ma Wailuku Maui, oia ka la a me ka hora o hooiaio ia ai ua palapala kauoha la, a e hoolohe hoi na ia noi ana mai.  a me ka poe a pau i pili, e kue ana ia palapala kauoha a me ka hoopuka ana i ka Palapala Luna Hooko.  Kakaula ma Wailuku, K.H.P. A. Ianuari 21, M.H. 1895.

 

Na ka Aha:  Goodale Armstrong Kakauolelo Aha Kaapuni Apana Elua 2329-3t.

 

Hoolaha Hooko o ka Moraki a me Ke Kuai.

Ke hoolaha ia aku kei ka lohe i na mea a pau, i kulike ai me ka mana kuai i hoike ia maloko o kekahi moraki i laua ia o A W Haalilio a me Mamane kana wahina maio o Waipio Hamakua, Mokupuni o Hawaii, ia Samuel Parker ma ka la 6 o Augate 1886.  a i kope ia maloko o ke Keena Kakau Kope o ke Aupuni, Buke 100 aoao 304, 305 a me 306, a i hoolilo ia aku e ua Samuel Parker ia i ka Hui o Wm. G. Irwin & Company Limited.  he Hui i kukulu ia malalo o na Kanawai o ko Hawaii Pae Aina, ma ka la 23 o Augate 1893, a i kopeia ma ke Keena Kakau Kope, Buke 100, aoao 306, ke manao nei e hooko aku i ua moraki la, no ka uhaki ia o ka aelike iloka o ua moraki la, oia ka hookaa ole ia o ka ukupanee a me ke kumupaa i ka wa e hookaa ai.

 

Ke hoolaha hou ia aku nei ka loho i na mea a pau, o ka waiwai a pau i hoopaa ia maloko o ua moraki la, e kuai ia ana ma ke kudala akea ma ka Hale Kudala o Chas. Williams ma Honokaa Hamakua Hawaii, ma ka Poaono, Maraki 2, 1895, hora 12 awakea o ia la.

 

O ka waiwai i hoopaa ia maloko o ua moraki la, oia keia:

 

1. 1.         Hookahi hapalua i mahele ole ia o keka apana aina e waiho la ma Honokaia Hamakua Hawaii, i kuhikuhi ia ma ke Kuleana Helu 8385, nona ka ili he 5 16 100 mau eka.
2. 2.         Kela apana aina a pau e waiho la ma Waipio, Hamakua Hawaii, a oia ka apana aina Helu 4 i kuhikuhi ia ma ka Palapala Sila Nui 7175, Kuleana Helu 10961, nona ka ili he 1 2-10 eka.
3. 3.         Ka hale noho o A W Haalilio ma Waipio, Hamakua Hawaii.
4. 4.         Kela apana aina a pau e waiho la ma Kahalii. Hilo Hawaii, i hooko ia ia Kaumiumi. ma ka Palapala Sila Nui Helu 1962, nona ka ili he 7 ½ mau eka.
5. 5.         Hookahi hapalua i mahele ole ia o kela apana aina e waiho la ma Alakahi, Hilo Hawaii i kuhikuhi ia ma ka Palapala Sila Nui Helu 2383, nona ka ili he 6 62-100 mau eka.

Dala Kuike:  Na uku hana palapala i ka mea o lilo ai.

 

No na mea i koe e ninau ia. 

Chas. Williams Kakauia ma Honokaa, Hamakua, Hawaii.  Ianuari 30, 1895.

WM G. IRWIN & COMPANY, LTD.  Ma o Charles Williams, 2532-4 Ko lakou Loio.

 

HOOLAHA HOU.

Hoolaha hooko o ka Moraki a me ke Kuai.

I kelike ai e like me na hooko ana a hekahi moraki i hana ia e o Kawelu a me Elena kana wahine o Waipio Hamakua Mokupuni o Hawaii ia W H Richard.  Kahu o ka Maile Lodge No i Knights of Pythina o na Hamakea la. ma ka ia 9 o Dekemaba, 1801.  kope iama ke Keena Kakau Kope Buke @ ma na nono @ a me @ ke hoolaha ia aka no, ka loke ke makemake noi o M V Holmes o na Hamakua ia, ka Hope o W H Richard e hooko aku i na moraki la no ka uhaki ia o ka na@@ o na ka hookaa ole ia o ke kumupaa a me ka uku pauoe i ka wa e hookaa ai.

 

Ko hoolaha ia aku nei ka lohe i na mea a pau, o ka waiwai a pau i pau maloko o na moraki la, e kuai na aku ana ma ke kudala akea ma ka Hale Kudala o @haa Williams ma aoao kaa hamakua ma ka Poaono la 25 o Ianuari, 1895, hora 12 awakea.

 

O ka waiwai i paa maloko o na moraki i he po nei ke kuhikuhi ana Ka hoolahi hapaiwa @ @ kuleana i hanele ole ia o S Kawelu iloko o na aina malalo iho i haawi ia ia Kukahela@@ ka makuakane o na S. Kawelu ia.

1. 1.         O keia apana aina a pau e waiho ia ma Kukuihaele ma Hamakua i kuhikuhi ia iloko o ka Palapala Sila Nui helu 311, nona ka ili he 17 75 @ mau eka.
2. 2.         O kela apana aina a pau e waiho ia ma Kukuihhiela Hamakua, oia ka akahi hapakolu o ka aina i kuhikuhi ia iloko o ka Palapa o Sila Nui Helu @@ noua ka ili he @ 16 100 mau eka.  M N Holmes.

Kahu Waiwai o ka Maile @@ Knights of Pythina.

 

Kuike ke Pala. Na Uku hana palapala i ka mea e lilo ai.

 

No na mea i ko.  e ninau ia Chas/ Williams .  Loio no ka moraki.

 

Kakauia Hamakua.  Dec. 23, 1894

 

Ua hoopanee ia ke kuai maluna ae e hiki i Feberuari 9, 1886.

 

KA EDISON MEKINI UWILA KUPANAHA.

Ua hiki mai nei ka mekini uila Kupanaha a Edison i Honolulu nei. a ke hoikeike ia nei ma ka Halea i Haipaaono o Hart & Co.  ma Alana:  Hoike Nui kenikeni wale no ike oe i na mea kupanaha a pau.  Hamama mai ka 9 o Maika .  @@

 

NO KE KUAI LILO

HE KAA HEHIHEHI WAWAE

Ma ke Kulana Maikai.

Kumukuai   $@.00

E ninau i aW. E. Brown, Keena Kaukauia   2530-tf

 

PAPA! PAPA

AIA MA KAHI O

LEWERS & COOKE

(Lui Ma)

Ma ke kahua hema o Alanui Papu me Moi.

E loaa no na

Papa Nouaik!

O kela a me keia ano.

Na Pani Puka, na Puka Aniani,

na Olepelepe, na Pou, na O’a,

na Papa Hele, na Palu Ku,

me na Papa Moe he nui loa

 

NV PILI HALE O NA ANO A PAU

A ME NA

WAI HOOHINUHINU NANI

O NA ANO A PAU LOA.

NA BALAKI O NA ANO HE NUI WA

Ke hai ia aku nei oukou e ua makamaka a pau, ua makaukau keia mau makamaka o oukou i hoolawa aku ma na mea a pau ili ana ma ka laua oihana no ka

 

UKU HAAHAA LOA,

I like me ka mea e hele ana mawaena o Laua a ino ka Mea Kuai.

Hele Mai e Wae no Oukou iho.

2396-q

 

HEAHA!

NO KA HANAI ANA I KAU KEIKI

He hiki no anei ia oe ka malama iaia no $1.10 no ka pule hookahi (5 keneta) o ka ai ana.  Ma Kamehameha e loaa no i kau Keiki ka

AI ANA “i oi ae mamua o ke ka Home.”  HOONAAUAO “o ka maikai e like me ka ke dala e hoolako ai” AO HANA – 7 hana ano like ole Himeni – Mele a me Mea Kani

 

NA MEA NO A PAU

No $1.10 o ka pule, $2.09 i ka Halekula Pokii o ka pule.

 

Ua emi iho ke hoouna mai oe i’kau Keiki.  Kakauia e Theodore Richard, Kumuluna.  A E Knapp, Kumuluna o ka Halekula o na Pokii. 

E Hoomaka ana i Feberuari 12, 1895.  2531-tf.

 

E HAAWI I NA KEIKI AI WAIU   

A me na poe omaimai  

 

He ai hooulu oi loa

No ka hooulu kamalii

Ka hoopohaia mai au

Na mai ake pau

Na opu ai wali ole.

 

a me na elemakule loaa i na Nawaliwali

 

MELLIN’S

for infants and invalids.  FOOD I ka mea ai.  No na Pokii Nahai Li@@ @

Benson, Smith & Co.

Na Awena wale nei o Hawaii Pae Aina