Ka Nupepa Kuokoa, Volume XXXIV, Number 6, 9 February 1895 — Page 4
| This text was transcribed by: | Shari Fukuyama |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA KUOKOA
NE
Ko Hawaii Paeaina i Huiia
No ka Makahiki $2.00
No Eono Mahina 1.00
Kuike ka Rula.
HOOPUKAIA E KA
HAWAIIAN GAZETTE CO.
GEO. H. PARIS, Luna Nui.
J. U. Kawainui, Luna Hooponopono.
No Honolulu, Oahu, Lakou a pau.
Poaono, Feberuari 9, 1895.
KULA SABATI.
HAAWAINA VII. Feb. 17.
Ke Kanaka Lokomaikai no Samaria mai.
Luka 10:25-37
A IA hoi, ke ae la iluna kekahi kakaolelo e hoao ana ia ia, ninau aku la, E kekumu, heaha kau' e hana'i i loaa mai ai ia'u ke ola mau loa?
26 A ninau mai la oia ia ia, Heaha ka mea i kakania'i iloko o ke kanawai? Pehea kau heluhelu ana?
27 Hai aku la ke kakaolelo, i aku la, E aloha aku oe i ka Haku i kou Akua me kou naau a pau, a me kou uhane a pau, a me kou iakaika a pau, a me kou manao a pau, a i kou hoalauna e like me oe iho.
28 I mai la oia ia ia, Ua hai pololei mai nei oe' o kau ia e hana'i a e ola no oe.
29 Aka, i kona makemake ana e hoapono ia ia iho, ninau aku la oia ia Iesu, Owai la hoi ko'u hoalauna?
30 Oleleo hou mai la o Iesu, i mai la, O kekahi kanaka e iho ana mai Ierusalema i Ieriko, a haule iho la iwaena o na powa, kaili ne la lakou i kona kapa, pepehi iho la, a haalele aku la ia ia, e waiho ana me ka aneane e make.
31 A iho no kekahi kahuna pule ma ia alanui, a ike aku la ia ia, maalo ae la ma kekahi aoao.
32 Pela no hoi kekahi pua na Levi, i kona hiki ana mai ia wahi, hele ia a nana aku la, maalo ae la ia ma kekahi aoao.
33 Aka, o kekahi kanaka no Samaria, i kona hele ana, hiki aku la ia i kahi ona e waiho ana; a ike aku la ia ia, hu ae la kona aloha ia ia.
34 Hele iho la io na la, a waiho iho la i kona mau eha e nuini ana i ka aila a me ka waina iloko, a kau ae la ia ia maluna o kona holoholona iho, a lawe ae la ia ia i ka hale hookipa, a malama iho la ia ia.
35 A ia ia ae, i koua hele ana aku, nuuhi ae la ia i na denari elua, a haawi aku i ka mea nona ka hale, i aku la ia ia, E malama oe ia ia nei; a oi aku kau mea lilo, a hoi mai au, na'u e uku aku ia oe.
36 A o keia mau kanaka a ekolu, owai la ka hoalaupa, i kou manao, no ke kanaka i haule iwaena o na powa?
37 Hai aku la ia, O ka mea i hana lokomaikai ia ia. I mai ia o Iesu, E hele oe a e hoohalike me ia.
PAUKU GULA. Oihana Kahuna 19:18. E aloha oe i kou hoalauna e like me oe iho.
MANAO NUI. E pono ia kakou ke launa pu me ke Akua ma na hana lokomaikai.
OLELO HOAKAKA. I ka wa koke mahope aku o kona hoomaikai ana i na kamalii, ua haalele o Iesu ia Galilaia, a hele aku no Ierusalema i mea e malama ai i ka Ahaaina Kauhalelewa. Ua kipaku ia aku oia a hele aku i ka mokuaina o Perea, ma ka aoao hikina o Ioredane. Malaila, ua noho oia no ka hapanui o kona makahiki hope loa. Malaila no hoi, ua ao aku oia i na aloelo hoike e hoakea aku ana i ko ke Akua aloha no na kanaka, a me ko kakou mau haawina aloha no ka pono o na kanaka, me ka palena ole.
25. KAKAOLELO--he haumana paha no ke Kula Kahunapule Iudaio. HOAO,--aole hoowalewale, aka ua imi oia i ka nui o ko Iesu naauao. OLA,--ka pomaikai lani, oia no ka pomaikai a ka poe Iudaio i imi loa ai. 26. KANAWAI,--ua ninau hou aku o Iesu i ka mea imi e pili ana i kona hoonaauao ia ana ma na buke o Mose, e like me ko kakou mau Baibala. 27. ALOHA,--oia ka huina pau o na kanawai o Mose, Kanawailua 6:5; mamuli o na ano kupono, ke aloha kaukahi noonoo pono, hana mau, imi loa. Ua haipaanaauia keia olelo ma na pule o keia a me keia la e ka lahui Iudaio. 28. OLA,--oia no ka pomaikai lani hiki ia kakou ke loaa i keia wa ola, a pili keia i keia ao no hoi a mau loa aku. 29. HOAPONO,--me he mea la aole oia hemea lawehala, ina paha aole i hoike oia i keia aloha. OWAI,--me he mea la oia kona mea e kanalua ai, aole nae kona ano aloha. 30. IERIKO,--ma ke awawa o Ioredane, ma ke alahele i Damaseko, he 20 mau mile mai Ierusalema aku. 31. KAHUNA,--he lehulehu lakou ma Ieriko 32. LEVI,--I hoolaa ia no na hana hooman. 33. SAMARIA,--ka poe a ka lahui Iudaio i inaina aku ai; ano okoa kona lahui, a me kona aoao hoomana. 24. AILA,--oia no ka laau lapaau kupono loa no na palapu, ka aila oliva i hoohuiia me ka waikulu. 35. DENARI,--he moni dala mawaena o ke kenikeni a me ka hapaha. Aka nae ua like ke auo waiwai i keia mau ia me ekolu dala no na denari elua, palua ka uku no hookahi la hana.
36. HOOLAUNA,--e hoike aku ana i ke ano kupono, o ka hoolauna. 37. HOOHALIKE,--hana like: waiho aku i kou hoopaapaa ana.
I. KE KANAWAI O KE ALOHA, 25:28. Heaha ka ninau a ke kakaolelo? Heaha ke kumu no kona ninau ana? Owai na kakaolelo Iudaio? Heaha ka mano ma keia ninau? Heaha ke ola mau loa? Pehea ka Iesu pane ana i ka ninau? Heaha ke kumu no kou heluhelu i ka Baibala? Ua paulele anei oe i ka Baibala oia no ka olelo a ke Akua? Pehea i hoikeia ai o ke aloha oia no ka huina pau o na hana kupono a na kanaka imua o ke Akua, imua o na hoakanaka no hoi? Heaha na kumu no keia hana aloha? Heaha ke ano okoa o ke aloha ana aku i ke Akuka a me ke aloha ana aku i na kanaka? Hiki anei ia oe ke loaa ke ola mau loa ma ka malama ana i na kanawai, Roma 3?20? Ua hana anei oe pela a lanakila? Ina paha o oe he mea uhai kanawai, pehea e loaa ai ia oe ke ola mau loa? Hiki anei ia oe ke hoahewa aku i ke Akua no kou malama ole ana i na kanawai?
II. KA NELE O KE ALOHA OLE, Heaha ka ninau hou a ke kakaolelo? Heaha ke kumu no kona ninau hou ana peia? Pehea ka Iesu pane ana? Heaha ka ino maa mau o keia olelo ana? Owai ka mea kaahele, a ihea kana hele ana aku? Heaha kona pilikia? Owai ka mea mua i maalo ae? Heaha kana hana? Owai ka lua? Heaha kana hana? Heaha na hewa okoa o keia mau mea elua? Pehea e pono ai ia ao ke hana aku ika mea popilikia. 1 Ioane 3:16-18? Heaha ke ano o ke alahele mai Ierusalema a i Ieriko? Heaha kekahi mau kumu o ka nui o na powa ia wa? Heaha na kumu no no ke kahuna waiho wale ana i ka mea popilikia? Heaha na kumu no ka manaolana e kokua ana ke kahuna a me ka Levita i ka mea popilikia? Owai ko kakou mau hoalauna?
III. NA HANA KU I KE ALOHA, 33-37. Owai ka mea kokua i ke kanaka a ka poe powa i paopao ai? Owai ka poe Samaria? Heaha ke kumu no ke kuee ana aku o ka lahui Iudaio i ko Samaria? Heaha ka mano o kekanaka Samaria ma kona ikemaka ana i ka mea popilikia? Pehea i hoikeia ai kona aloha? Ua waiho wale anei oia i ka mea pilikia ma ka hale hookipa? Heaha kona kokua i mau ai? Heaha ka Iesu ninau i ke kakaolelo? Heaha kana olelo pane? Heahah ka Iesu olelo ao? Ua hoopau anei oia i ke kanalua o ke kakaolelo? Pehea e hiki ai ia oe ke hoohalike me ke kanaka no Samaria mai? Ua like anei na kanaka a pau loa me keia kanaka pilikia? Owai ka mea nana i kaili aku i ko kakou pomaikai? Heaha ka Iesu hana e like me ka ke kanaka Samaria, Roma 5:6-8? Heaha ko Iesu hoola ana i ka poe hewa? Ua hoohanohano anei ko Samaria ia Iesu, Luka 9:51-56? Oi aku anei ke ano maikai o ka poe aia mamua o ka poe hoike manaoio? He mea hiki anei i ka poe lalau ma ka manao ke hooholo i mau hana maikai? Ua like anei na hana misionari me ko ke kanaka Samaria?
MANAO PILI. 1. Ua imi anei oe i ke ola mau loa? 2. Ua loaa anei keia ola ma ka hoike manaoio, na hana hoomana, ke ano hanohano? 3. Ua aloha anei oe i ke Akua ina paha aole i hoikeia kou aloha aku i na hoakanaka? 4. Hiki anei ia oe ke manaolana e komo ai i ka pomaikai lani aoiai ua hoike ole oe i na manao kulike me ko na mea lani? 5. E lilo ana anei ko kakou mau hana maikai i uku komo i ka pomaikai lani?
NA LETA
(Aole o makou makemake e lawe i ke koikoi o ua hala uo na manao i hoopuka ia ma lalo o keia poo e ko makou poe mea kakau.)
Ahahui Kula Sabati o Hawaii.
E noho ana ka Ahahui maluna ae ma kahi a me ka manawa e noho ai o ka Ahahui Euanelio o ka mokupuni o Hawaii. O na laia a pau o keia Aha, ke kono ia aku nei lakou e uleu mai i ka wa pono, me ka makaukau i na hoike papa helu, a o na Elele hoi i ka lakou mau hoike pakahi.
David Alawa, Kakauolelo
Holualo, N. Kona Hawaii, Ian. 31, 1985.
E malama ia ana ka hoike hui o na Kula Sabati o Hawaii Komohana ma ka luakini o Maokuaikaua ma Kailua, mahope iho o ke hookuu ia ana o na hana o ka Ahahui Euanelio A me na Kula Sabati. Penei ke kaana ia ana o na haawina: Haawina o Sepatemaba A. D. 1894 ia Waiohinu a me Kau, haawina o Okatoba ia Milolii a me Kuoho, haawina o Novemaba ia Pukaana, haawino o Dekemaba ia Kepulu a me Konawaena, haawino o Ianuari 1895 ia Helani, haawina o Feberuari ia Kailual
Na himeni hui, Hokuaoa Nani Aoao 110, 88, 172, a me 173. Eia ka leo ia oukou e na Kula Sabati o Hawaii Komohana, e ala me ka eleu e hana me ka lokahi, e hoomiomio mai i na haawina, e lawe i na himeni a pilipono, no ka mea ala no he mau olohe iloko o na Ahahui a i elua, e kilo mai ana ia kakou o Hawaii Komohana na Kalai-malino a Ehu a i ke kai Kauhaa a ka malihini. Nolaila e ala, e ka a e a a naue mai a hui pu kakou i kalai pohu o Kona, a e hauoli pu auanei kakou me ko kakou mau hoa kaua ma ko Iesu puali, ma ke kahua kaua ma Mokuaikaua i Kailua, kahi i kukulu mua ia ai ka pa-kaua ikaika no Iehova ma keia Pae Aina, kahi e holo ai o Kona poe kanaka a maluhia.
E ala e Hawaii Komohana.
E ku a naue ae;
E paa i kou hae nani,
Iesu no me kakou.
Me ke aloha.
DAVID ALAWA,
Kakauolelo o ke Kula Sabati Nui o Hawaii Komohana.
Holuloa, North Kona, Hawaii, Ianuari 31, 1925.
Na Nea Hou Like Oie o na La Nui Ekolu make Kahua Mai Lopera nei
Mr. Lunahooponopono:
Eia mai kou kiu imi mea pohihihi o ke kahua ma'i lepera nei, a na kou oiuolu ia e uwila ae mana kihi eha o ka paeaina nei, mai ka ia puka i Haehae i ka paia aia o Paoa, kuu oae hanau, a ka mole olu aku o Lehua.
Eia na mea hou auo nui o ua ia i hoike ia maluna. Ma ka ia Karisimaka, ua lawelawe ia na hana me ka maikai.
Ma ia ia i wehe ia ai he haiawai haipule ma ka luakini o Kanaana Hou, ma Kalaupapa. O kou kiu pu malaila, no ke ake no o ka manao e ike i na hana no ka ia ma ke ano kristiano, oiai oia ka la i hanau ai ka hoola o ke ao nei Iesu Kristo.
Ma ia ia ia akoakoa ai na mea a pau, na kane me na wahine, na keiki o na hoomana like ole. Ua wehe ia na hana, me ka himeni a me ka pule. Pau ia, waiho ka wehe ana i na hana o ka ia ia J. K. Kainuwai, J Mahoe, Kaheohiki, S. Malai, M. K. Makaena, J Kekuewa. S Kapahee, W Notley, Kalua, Poahi, Rev. M. C. Kealoha, S. H. P. Kalawaia, o keia poe ae ia ka poe i hiki mai, ao H. M. Naauao ka mea i haule. Na lakou i hoike mai na mea pili i ka ia hanau o ka hoola o ke ao nei. Pau na hana me ka maikai aole na haunaele, a ma keia ia no hoi, i haawiia nai ai ka manaka iwaena o na mai, ua akoakoa aku na mai a ua loaa mai na makana i kokua ia mai nei e ko waho poe.
Ua nui keia makana, ua ai, ua nuu makou i na waiwai a oukou ko makou mau makamaka aloha ia makou. Eia no makou me ka maikai a pilikia no hoi. Ke pahola aku nei makou i na hoomaikai ia oukou a pau. Peia no auanei e loaa mai ai na hoopomaikai a pau mai luna mai. Ke noho nei na mai o na ano hoemana like ole ma ke ano lokahi ma ka haipule imua o na Mana Lani, i loihi ai na ia ma keia aina pilikia. Nui kuu mahala i na hoa, ka lawe i na hana pono.
Ma keia po kamahao, ua hele aku la na hueu a Kauka Goto e hoomaikai i na hoa puni mea hou o ka ia. Ua himeni ia mai na mele hoonanea.
Mai Kalawao nei a Kalaupapa, ma ne mea kani oia ke kika, violina, bila hapa, bila Pukiki malalo o ke alakai ana a Messer James a me kona mau paalalo. Ua nani lakou ma kei apana hana, euhene mau ana ua mea kani i na ahiahi apau, ua hauoli ke kauka ia mau mea hoonanea. Eia na inoa o na hueu a Kauka Goto e lawe nei i ka hanohano o ka ia; Wm. Kahookamaha, R. M. Pahau, Wm. H. Daniel, Wm. Taylor, Joe Keolanui, Jon. Kahaku, Kinney, Kealakai, Eddie, Kiaha, Solomon, Kalolo, Kane Kalaukini, Kalepa a me Okaka. Na keia poe e ahai nei i ka hanohano o ka Hospital o Dr. M. Goto ka loea kaulana e Iapana.
Ma ia po hoi i hoomanao pu a e ai na opio e noho ana ma ka Home nei, ma ia po, oiai makou e noho ana, ua loaa no he hoomanao a@a, ua Karisimaka iho la makou ma ia po, no ka ia o ka Haku, oia na mea ai haole i makana ia mai ai ia makou, ua ai makou me ke noi nui ana i ka mea nona ka ia, (Iesu Karisto). A hiki wale i na hora liilii o ke aumoe, a huli hoi mai ia na hoa, haia ae ia ia la me ka ulumahiehie a me ka maemae, ma ke aloha o ka Haku ia makou ka loaa ana o ka olioli Karisimaka. Aloha Karisika kakou apau.
Hala aku la ia la me kona nani, a hoea hou mai la ka la hoike o na Kula Sabati Hulia o Kalaupapa a me Kalawao, kai no o ka nani keia, eia hou no hoi ua nani o ka hoike Kula Sabati. Ma ka ia 30 o Dekemaba ua hoike ia na papa Kula Sabati, malaila pu a e ke kiu (Lau Omaeomao) e kilohi ana i na mea ono helu ekahi o ka hoike. Ua wehe ia na hana ma ka hora 10 a hookuu ia ma ka hora 1:15 p.m., eia iho na ono a loaa aku ia oe e ka mea heluhelu. Wehe ia ka hana ma ka Himeni Hokuao aoao 110, i puhi ia mai e ka hano malalo o ke alakai ana a C. N. Kealakai, pule ia e ke kahu, na Revd. M. C. Kealoha i wehe mai na hana o ka la, helu i ka papa e na Pokii, malalo o ke alakai aua a Thos. Nathaniel, ka nui o kaha mau haumana he 33, ma ka himeni, pule a ka Haku a me na kanawai o ka Haku ma ka olelo haole wale no, he pokii uuku loa ka panina ma ka haiolelo haole, Kama Ka@@kamoku.
Ua nani na mea i ao ia i na pekii, hookua ia ma ka himeni, nui ka mahalo ia o ka Nathaniel papa Kula Sabati.
(Hoomauia.)
HE MOOLELO KAAO
NO
Namakaokapaoo
KE AHIKANANA WI WO OLE O KULA I MAUI.
Ke Koa Kaulana i ke Au o Imaikala@i ka Moi o Kauai.
KA MEA NANA I PULUMI PAU NA KAEAEA O KAUAI A PUNI.
KA OLALI AU MOANA O NA KAI EWALU O HAWAII NEI.--KA HIAPAIOLE O NA LA I AU WALE AKU LA.
(Hoopukaio e John K. Ilihia, Liheu, Kauai.)
A ia wa, iuu aku nei ka apu awa o ua alii nei, a inu ae nei hoi kona kahuna a me ka poe makemake inu awa, a pupu mai ia hoi i pau aku hoi ka mulemulea o ka puu, a o ka wa no hoi ia o ua alii nei i kamaie iho ai i ua mau oopu puleu nei, ke iho ia ka akau, owala ka hema, a o ka hele hoi keia la a nohe pono iho o keouipulu ma kahi o hanale,
Iho mai ia k oluna poe
Hikikii ka ua o Eaa
a aaki iho ia ka ona o ka awa o ua alii nei, a huli ae nei ua alii nei a kahea hou aku nei no i ua kukini nei ona, e Keaalele e, o mai nei ua wahi kanaka nei, e o; neenee mai oe maanei; a kokolo mai nei ua wahi kanaka nei a mua o ke aio o ke alii; a i aku nei i ke alii, e Kalani e, kan hua i ka umauma la, haina. A i mai nei ke alii, he @@ ne oe e hele pu me na makaula i keia po e alualu i kahi akua, a i aku nei ua wahi kanaka nei, kai no o ko'u makemake ia o koua make, i ole ai ia e hoohalua hou i ka poe e hele ana ma ke alaloa; aohe ou makau i ko make mai ia iala, wahi a ua lii nei i pane mai ai. A oia hoi ka ianei pane, ke make hoi paha au iaia, alaila he nani make ana ia o'u he elua ona kino, aka, ina e nui kona mama i na po, pakele ia, aka i hapa kona mama a oi aku ko'u, alaila e i uku ao ia oe, make ia ia'u aole e ola ala kona wahi e waiho ai a, o luna o ka heiau.
Ae, ia wa liuliu ae nei ua wahi kukini nei a me na Makaula pu no hele ana aku e hooko ma ka lakou apana hana, a o ua wahi akua nei, eia no ia mawaho o na heiau e pokaa hele mai nei, e haliko ana o ka puka aku o ua wahi kanaka nei iwaho, alaila o ko i aia manawa ia e alapono mai ai ia ia nei, pau poo pau hiu, aka ne moeohana palaualelo nae ia ana, no ka mea eia mai ka make a halawai aku me ia.
Ia wa puka like aku nei no lakou nei a i ekolu a ku ana iwaho. I keia wa a lakou e ku nei iwaho, aole he ike ia aku o ua wahi eepa nei, a e keia po hoi, o ka po no ia o Kane; a no ka ike oie o na Makaula i ua wahi eepa nei, ia wa hoomaka aku nei lakou nei e huli; e waiho hoi kakaou ia lakou e huli ana i ua wahi apiki la, a e huli ae kakou a nana aku i ke alii a me na kanaka.
I aku nei ua alii ia i na kanaka, auhea oukou, e mee oukou a eia 'ku ke kani ana a ka moa, a mahope mai o ia manawa hoomaka oukou e ala, mai moe oukou a kani ka moa kuakahi, ala no oukou hea no ka imu o ka ilie, aia hoi a wanaao, alaila, hele kahi poe o oukou i ke kuahiwi, a hele kahi poe i kahakai, oiai o na mea i koe, o ko uka a me ko kai, o ko Waniha ea, ua loaa mai nei eia i ka hale nei, o ke kapi wale aku no koe. Kena aku nei ua alii nei i kekahi kanaka e kapi i ua mau wahi kau@ oopu nopili nei a miko i ka p@akai, i hele hoi ia a kakahiaka ae, ua ko@@.
He manawa ole hoi ia i keia kanaka o ia hana ana mai, a pau ua mau wahi kauna oopu nei i kapi, a komo iloko o kona ipukai, oia hoi ka ha o ka himano a uhola ia iho ia ka lau maia mawaho loa, a o ka lai iho, a o ka lau o ka awapuhi, a o ka ha no hoi o ka himano maloko loa, hoope ia mai ia no hoi a pea, he oopu pua himano ka olelo ana; a @ou e ka mea heluhelu, e huli hou ae kakou a nana aku i na Makaula a me ua wahi kukini nei, ua loaa aku nei paha ua wahi oopu nei, aole paha; haina--aole. Oiai lakou nei e hoomau ana no i ka huli ana i na wahi oopu nei, a ua mamao loa no hoi lakou nei mai ka hale mai, me he mea ia he ##i# paha ka mamao a lakou nei e hele nei, a he po kaiae n@@ ua po nei, @ohe kau ao o ka lewa @@ni, o ka ano@@o @@kia wale, no e loko o ka ululaau mehemeha kai halii iho mai@@@ o lakou nei, a o na kuluwai hui @@@, o Kam@@@@ @@, oia ka @@@ @@@@ e hoopulu@@ nei i ma ki@@ ha@@@@@ o ka kakou @@@ kamahele o ke kaluaumoe.
Oiai lakou nei e @@@@@@ hele @@@ i o a ianei, @@@ a i kai, a iloko hoi o ka nahele, he lu@@ ana ka ua wahi kanaka nei i keia mea o ke kani ana iho maluna pono ona, i a@awa ae ka hana o ua w@hi kauaka nei, pe@@@@ iho ana keia mea maluna o@@ kohu ma@@, a--kauwa make loa oe ia'u e @@ wahi k@@@k@ i keia po, kaha@@, ua wanao @e nei ka hoopoo@@walewa o ko'u kakahiaka i kahi mea p@i@@ ole, eia ka hoi e l@@a ana kau' wahi mea paina o kakahiaka o oe, ae, a hui ko mama a nui po me ko ikaika, pakele oe la'u i na po, aka, hapa ko mama a me ko ikaika, make oe ia'u aole e ola; owau keia o Kahuoi, ka apoe wai o Ku'akahaia, ono no hoi ko wahi maka, ko wahi iho, ko wahi waha, ko wahi pepeiao, ono no hoi ko wahi io, he ono wale no oe mai luna a lalo e ku mai nei, @ohe wahi ono ole. Ke ka@@ilio mai ia @o ua wahi eepa ia ia waha, palu ke olelo.
A eia hoi ka pane a ua wahi kanaka nei, aia no hoi paha i na hana a@@ a kaua, he mau keikikane wale no ka hoi, heaha hoi ka hewa ina e make au ia oe, he nani make ana ia o'u ia oe, he elua ou kino e kona akua aikanaka lapuwale, manao iho ia kou ia pololi, a o kanaka oia iho ia kau ai a me kau i'a, e ai ai oe a piha kou opu palau@lelo ai i ke kanaka, e nei akua maka huluhulu lapuwale a ka hookano nui wale, kahaha--ea, he ike no oe i ka hana kanaka e na eepa hokai ipuka hale o ka po, kai no hoi, oia ka kou alii i hoouna mai nei ia'u, e hele mai au e imi a loaa oe i kahi e loaa ai, pepehi au ia oe a make, lawe aku au i ko kino i keia @o a kau iluna o ka heiau, o kou wahi ia e kau@ai ia ai o@ mau wahi iwi i ka ia, a o ko mau wahi onohi maka e nana mai nei, he pupu ia no ka awa o kuu alii o ka ia apopo, ka ia ike alii, i lohe oe; inu mai ia ka awa o kuu alii a pau, alapoho ia aku ia ou mao onohi walewale a kom oi ka waha, o ka mahanahana ae o ka io puaa, hao mai ka mikipoi, a he ono ia a o ke koena aku o ko mau onohi walewale a kuu alii e lawe aku ai a kiola, a aia kahi e waiho ai ia o ka nahele, oia ia i lohe oe, ea--lohe aku ia ko pepeiao huluhulu e hakahaka mai nei, e na akua pukaihu huluhulu lapuwale ai kanaka.
No keia mau olelo hoonaukiuki a ua wahi kanaka nei i kahi akua, ia wa anehe mai nei na lima o ua wahi akua nei e hopu mai ia ianei, ia manawa i oili mai ai na Makaula mailoko mai o ka nahelehele, me ka mano o laua e lele mai no a hopu, eia nae lohe e aku nei ua wahi akua nei i keia mea o ke kapalulu ana mai mailoko mai o ka nahelehele, ia wa haalele iho nei ua wabi akua ia a no ka ike ana mai i keia mau kanaka, aole oia i manao he ekolu iakou, ua manao no oia a keia wahi kanaka hookahi wale no ia, eia ka ekolu lakou ia.
Ia manawa, hoio aku nei ua wahi akua nei a kahi e, kamailio mai nei, kahaha--pakele ka hoi ko'u ola ma ka apua, ina ia ua pau oe ia'u i ka @iapoho ia i keia po, a na ko wahi uhane ia e hoi aku a hoi aku i ko alii, ua make au, ua pau au i ka ai ia e Kahuoi.
Pane aku nei ua wahi kanaka nei, kahaha--ke akua pepeiao huluhulu lapuwale hookano, muki hele o ka po, e ka lapuwale, pakele oe i ko hoio ana aku ia, e ku malie iho nei oe, a ina ua ike oe i na aia pea a ko keiki o ka pali hulaana, ina ua noho pono ka me@o i ko lae. I keia wa a ia nei e kamailio aku nei i ua wahi akua nei, aia keia ke no@@ ma iia i ka lelele mao a @aanei o lakou nei, a ia wa i pane mai ai na Makaula ia ianei, nohe pono i koe, o keia mau hana ea, he mau hana heonui olelo wale iho no keia, aole kakou i hele mai i keia po no ka olelo, i hele mai kakou no ka hana, a eia ua hana nei he hakaka, e hana hoi paha, aole kakou i hiki ma keia wahi no ke oia, i hiki mai kakou ma keia wahi e @olia i ko kakou ola iloko o ko i ala lima, la wa pane aku nei ua wahi kanaka nei, oia o ka pono io ia a olua o kamailio mai nei.
Waihee, Ian. 26.--Ma ka ia 26 o Ianuari, i ka hora 3:30, na ike ia he h@@naele nui ma Puuhana. O ke kumu o keia haunaele ana, no ka ona i ka rama, e aumeume ana na kane a me na wahine, a e holo ana kahi poe aohe papal@ o ke poo, e nama ana na@@ mai. Eia ke pii nei na kanaka o Waihee nei i ke kuahiwi e hoa imu ki ai, a ke hele pu nei na makua a me na keiki i keia hana lapuwale.
K.P. MAUNAIHI.
Aole loa e maikai a oluolu ke ola ana o kekkahi mea kino uhane oia ina he @alole kona akepaa a hiki ole ke lawelawe i kana mau hana me ka hololea. E hahai ana ka nalulu a me ua nawaliwali e ae ua ka moali o ke ake ponalo. He mea oimio keia i hoolalo ia ma na wahi o na poai oluolu akau iloko o ka hapaha keneturia, o na
HUALE A AYERS,
oia wale no ka LAAU HOOLA AKE maikai loa i ikeia. E hoola ana i ka lepopaa, ka nalulu eha, na ma'i oloko o ka opu, a ma ke ano LAAU OHANA aohe one lua e like ai.
O ka Ayers Sasaparila, oia ka Laau Hoomaemae Koko kilakila, e haawi ai i ka ikaika a me ka hooponopono ana ia loko o ke kino o ke o ka ili, e hoopau ana i na maluhilukanala. E pepehi a ulupa ana i na PUHA, e hoola ana i na pohapoha hi o ke ola ana a e kipaku loa ai i na ano ma'i a pau. O ka poe mai'i no ka wali pono ole o ka ai, ka nawaliwali mau a ano ma'i e ne i ulu ae mai ke koko ino mai, he mea pono e inu i ka laau
SASAPARILA A AYERS.
He laau e hookaika ai i ka nawaliwali, a e hoopuipui mai ai i ke kino. Ma ka inu ana i kei laau, e hoonoono ia ai ka ai ana, oluolu ka moe ana a maikai ke ola ana.
O ka Ayers Cherry Pectoral laau, aohe, lua ma ka hoola awiwi ana i na KUNU, ANU a me na PUU EHA. E hoola ia na KUNU KALEA a me na ma'i pili i ke ake @ne ka hikiwawe loa.
O na Huaale a Ayers, na Sasaparila a me ka Ayers Cherry Pectoral, aia kahi e lopa ai ma ka Halekuai o ka
Hollister Drug C0. Lt.
Na Agena ma ka Paeaina Hawaii.
2514
KAKELA ME KUKE
Ka Halekuai Nui
O NA
WaiWai LIKE OLE
NA MEA HANA KAMANA AIPAU
Na lako pili hao kukulu hale,
Na kepa, na lei ilio,
Na kaulahao ilio,
Na Pahi,
Na Upa,
Na kope hulu,
Na Palupola.
PALAU LIO
Na mea mahiai,
Na au ho,
Na au koi,
Na kua bipi,
Na lei bipi,
Na kaulahao bipi,
Na uwea pa,
Na kaa palaia.
Na wea piola,
Na ipuhao.
Makau me Aho Lawaia
Na iliwai
Na kaula,
Na holu p@@@,
Na palomi,
Na p@@@, me ka aila,
Na kope,
Na aila m@he
Na pakeke
Na pakeke hao,
Na kapu hao,
Na pauda,
Na kuka@pele,
Na uwiki, a m
Na ipukukui.
Mikiai Humuhumu Kaulana
Wilcox, & Gibbs Hookahi Lopi.
Ka Remington, Elua Lopi.
A ME NA @@@@@ he nei l@@, o @@@@ ano a me keia ano.
Kakeia me kuku
233@-Q
Ka Hawaiian: --; ;-Gazette,
He Nupepa Nam@ Elua
Puka ana o ka He@@@@@ma @ a @
POALUA a me POALIMA
e hoopuka ia nei e ka Hui
HAWAIIAN GAZETTE COMPANY.
O ka Nupepa Kaloko Alakai kei a ma ka Olelo Beritania e hoolahaia nei maloko o ka Paeaina a hala loa aku i na Aiena E a ke heluhelu ia nei e na mea a pau ma na oihana na Halekula a komo loa iloko o na ohana.
Ka Uku Pepa Laulaha.
No ka Malama4$.50
No ka Makahiki Kuloko 5.00
" " Kuwaho 6.00
Keena Hana Helu 318, Alanui Kalepa
Pahu Leta O Honolulu Oahu 2531-tf
NA HUA KUNI INOA.
Eia ka Hui Hawaiian Gazette Company ke hana paka maoli nei i na Hua Kuni Inoa o keia a me keia ano, nui a liilii e like me ka @ a ka manao.
O keia mau Hua Kuni Inoa, ua lawa ia no ke kahakaha ana ma ke kanana a pepa e ae e hoailona ai i ka inoa a kohu maluna o kekahi mea i makemake ia e kuni a kaha paha.
He like ole na uku o na Papa Kuni Inoa, no ka mea aia no ke kau ia o ka uku a maopopo ke ano o ka Papa Inoa au i makemake ai, he nui a ha liilii paha. Aka he oluolu ka uku a he waipahe na kuka ana.
E kipa kino mai e nana i ike kumaka, a i ole ia e hoouna mai i na kauoha ma ke
Keena Hana Ma ka Halepai HAWAIIAN GAZETTE, H@@@ 318 Alanui Kalepa, Honolulu
2531-tf
Halepai Hawaiian Gazette.
O keia ka Halepai Nupepa Alakai o ke Kulanakauhale o Honolulu nei, ua lako i na H@@ Kepau o na ano a pau a ka makemake e ui ae ai.
Eia ma keia Halepai e poi ia nei ka Nupepa KUOKOA, a me Nupepa HAWAIIAN GAZETE PACIFIC COMMERCIAL ADVERTISER CHURCH CHRONICLE, a me PLANTER'S MONTHLY.
Ua hiki loa i keia Halepai ke pai aku i na pepa nunui hoolaha alanui, na buke, na bila kikoo, na bila hookaa, na palapala poieae ahaaina a me na hana e ae a pau o ka oihana pai.
Eia maloko o kei Halepai he Keena Hmuhumu Buke, kahi e humu ia ai na Buke, a pepa a me ua mea a pau i pili i ka humuhumu ana i na pal@p@l@. he oluolu ke kuka ana a he emi kupono na auhae.
Keena @@@@, Helu 318 Ala@@@ K@@@pa, Honolulu i ka Hale @
2531-tf