Ka Nupepa Kuokoa, Volume XXXIV, Number 7, 16 February 1895 — Hu ka Luawai Aniani Repubalika. [ARTICLE]

Hu ka Luawai Aniani Repubalika.

I ka Poaha nei, Feberuari 14, ua puka mai ka wai o ka luawai aniani o ke Aupuni e eli ia nei e na Hoahanau McCandless ma ke kihi o na alanui Beritania a me Alapai ma kahi o ka 515 mau kapuai ka hohonu. He wahi wai uuku kai hu mai, aka ua manao ia e nui mai ana ka pii o ka wai e lawa ai ke hiki aku ka hohonu i ke kakahiku kumamalima mau kapuai hou aku e eli ai. O ka wai keia a ke Aupuni i manao ai e hoolawa i ke kulanakauhale. Ke pau ka hana no keia lua, alaila e eli hou ia aku ana ka lua o na luawai i manao ia ma ia wahi kokoke no.