Ka Nupepa Kuokoa, Volume XXXIV, Number 9, 2 March 1895 — Na Pio Ekolu ma Vanekouva. [ARTICLE]

Na Pio Ekolu ma Vanekouva.

Ma ka mokuahi Warrimoo nana i halihali aku ia Cranston, Johnstone ame Mnller, na pio kalalaina Hawaii i hopu ai i keia kaua kipi kuloko iho nei o lanuari a hookuewa ia aku la, ua hoike pu aku ke aupuni i ke Kuhina Hawaii Kakina i ko lakoa karaima, oia ko lakou ohumuhumu ana e iawelawe me na mea luku mainoino loa he daimenaita. He oiaio, aole i hookolokolo ia keia poe, aka, ua loaa i ke aupuni na ike e pau ai lakou i ka aliewa ia e li. Ua hoolaha akea ia ko lakou hewa i kipakuia ai mai Hawaii nei aku ma Amerika Huipuia, a ke hoole la nae ua poe kuewa la * ko lakou wahi lihi ike ole iki no ia ohumuhumu ana.

Ua hoopii i>oho lakou ika Hul Hooholo Mokuahi Caaada —Ausetaralia ma ke $50,000 a ke kuewa hookahi e koi la, no ko ka mokuahi lawe ana aku ia lakou me ka ae ole. Ua hoopaaia ka hui no ia huina dala he $150,000 ka nui. Ua pale lakou i na olelo hoinoino e hapala waie īa ana no ka malama pono ole a ko aapuni i na paahao ina Honolulu a me ka ekaeka o na keena e hoopaaia as, aohe oiaio.