Ka Nupepa Kuokoa, Volume XXXIV, Number 24, 15 June 1895 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

MANAWA HOLO.

@ai a Mahope aku o Iune 1, 1893.

 

NA KAA AHI

HONOULIULI.

                                                B         B         A         D

                                                A. M.   P. M.   P. M.   P. M.

HAALELEIA HONOLULU 8:45     1:45     4:35     5:10

HAALELEIA MANANA     9:30     2:30     5:10     5:55

HIKI I HONOULIULI                      9:57     2:37     5:@5   6:22

 

NO HONOLULU.

                                                C         B         B         A

                                                A. M.   A. M.   P. M.   P. M.

HAALELEIA HONOULIULI          6:@     10:43   3:43     5:42

HAALELE IA MANANA    6:@     11:15   4:15     6:10

HIKI I HONOLULU             7:@0   11:56   4:56     6:45

A No na Poaono waie no.

@o keia ame keia la.

C Koe na la Sabati.

D Koe na Poaono.

 

NU HOU HAWAII

 

            He ahaaina la hanau ka ke kaiko Hale Kakalia i haawi ai i ka Poakolu iho nei ma Kam@eia.

 

            Ke lohe l@uahea ia nei, e kukolu ia aku ana he hale kaa kinai ahi ma ke kahua kinipopo kahiko ma Makiki.

 

            E pau ana i ke kudala ia na lako papapa'i a me @ a me na mea a pau i pili i ka Hui Paipalapala Bulletin i keia la.

 

            Ua koho ia, ua oi aku mamua o elima tausani mau ohua a na kaa hapaumi alahao i halihali ai i ka la 11 o Iune i hala, i Waikiki.

 

            Ua olelo ia, na elua haneri dala oi aku na loaa uku komo i ke kahua heihei o Kapiolani Paka i keia makahiki mamua o ko ka 1894 i hala.

 

            A keia la 17 iho o Iune nei, e huli hoi aku ai ka mokukaua lawe hae America o ka Pakipika mai Honolulu aku nei, no ke awa o Kapalakiko.

 

            Mamuli o ka lilo ana o Mr. James N. K. Keola i kakanolelo no ka Kale Lunamak@  a, nolaila ua waiho aku oia i kona wahi maloko o ka Haleleta nui.

 

            Ua hopu ia ka Lun@ ooponopono W. H. Kapu o ka nupepa anee alii Ka Makaainana, no ka hewa aihue i ka waiwai i haawiia e malama. O ko makou ake, e lilo keia i mea oiaio ole.

 

            Ua hoopanee ka Ahaolelo mai ka Poaha mai a noho hou ma ka hora 10 kakahiaka Poakahi, i lawa ai ka manawa no ke pai ana i na rula o na Hale pakahi ih@ a me na rula no na kaukanawai hui.

 

            Ke@kauoha ia nei na lala a pau o ka Hui Repubalika Hawaii e akoakoa ae ma ko lakou hale halawai mau i ka hora 7 a me hapa o ke ahiahi Poalua, Iune 18, no ka mea he kumuhana ano nui ke noonooia ana.

 

            Ua papa ia ka hooili nui ana i na ohua maluna o na kaa nunui loloa halihali ohua i Kapiolani Paka i ka Poalua iho nei mamua o ke kupono a ka mana hoomalu i manao ai ola ka lawa maikai e loaa ole ai i na ulia.

 

            Ua lilo i ka mokupuni o Oahu ka mea ono kaukemio o na aha kaukanawai, oia hoi, ia Hon. W. C. Wilder ka noho Peresidena o ka Aha Senate, a ia Hon. D. L. Naone ka noho Lunahoomalu o ka Hale o ka Poeikohoia.

 

            Ua kahea mai nei ke Kuhina America Willis i na puuwai America a pau e malama ia ana he halawai maloko o Arlington Hall i ka hora 7:30 o ke'a po Poaono, no ka noonoo ana i na hana kulaia o ka la 4 aenei o Iulai.

 

            Ua hooholo na kapena o na Puali Kinipopo Hoku a me Ikeoleia aole e paani ko laua mau puali ma keia Poaono, a ua kuikahi pu ke kapena o Kamehameha, mamuli o na lealea e malama ia ana ma Kapiolani Paka e haawi ia ana i keia auina la.

 

            Mamuli o ka make ana o ke Komisina a me ke Kanikela o ka Repubalika o Farani ma Hawaii nei, na Mr. Walter M. Giffard e lawelawe i ka oihana Kanikela a me Komisina, oiai e kali ana i na olele hoonaauao mai ka Repubalika mai o Farani.

 

            O ka paani kinipopo o keia auina la Poaono mawaena o na puali Ikeoleia a me Hoku i paa ma ka papa kuhikuhi hana, ua hoopanee ia a ka la 15 o Augate, no ka lilo o ke kahua paani kinipopo i na hui hooikaika kino a me ka aelike ana o na hui kinipopo e paani ana ia la.

 

            Ua luu ia iho nei o lalo ae o ka moku lawe hae America o ka mahele aumokukaua o ka Pakipika e na mea iuu o ka Piladelapia a me ka Bennington i ka Poakai i haia, no ke kope mai i na pieeoe a me na limu ulu o lalo ae, no ka liuliu e huli hoi aku no Kapalakiko.

 

LA KAMEHAMEHA!

 

KA LA UMIKUMAMAKAHI

O IUNE

 

Kulaia Ohohia ko Honolulu nei me ka Hauoli.

 

            O ka la nui kulaia o ka Nai Aupuni nana i hoohui i na paemoku o Hawaii i hookahi aliiaimoku nana e hoomalu a hookele, a i hala mua i ka make, oia ka la 11 o Iune, ua hoea mai ia me ke oh@hia nui ia a ua hala aku me ke kulaia puni ia ma Honolulu nei.

            Ma na hora kakahiaka wale, ua hoomahuahua ia na kaa hoohikihiki ohua no ke kahua Kapiolani Paka, ma ka pakui ia ana mai he mau kaa hapaumi hou alahao, na kaa nui hali ohua o na wahi e se, na kaa hoolimalima mau a me na kaa ponoi a ua ike ia aku ka moe ae o na ka@o no ke kahua heihei, ka ilina hoi o na hana lealea oi kelakela i hoomomoa ia ai no ka la nui kulaia a na oiwi, na ewe, na kupa a me ka lehulehu e ae i komo pu mai e hookelakela i na lealea o ka la. A mamua o ka hiki ana i ka hora 10 kakahiaka, ua "hewa i ka wai na kanaka" i akoakoa ma ke kahua ponoi a ma na wahi e poai mai ana mawaho o ka pa kahi o na heihei e malamaia ana.

            Ua akoakoa pu ae mamua o ka manawa, na lunakanawai J. I. Shaw, J. M. Dowsett a me Capt. A. N. Tripp; na malama manawa J. L. Torbert, W. Love a me J. B. Kruger; ka m@a nana e hoeho e holo na heihei C. B. Wilson a me na luna nana lio heihei R. I. Green a me Jas. K. Mersberg.

            Hora 10 ponoi, alaila ua hoomaka na hana heihei e like me na mea i kahakaha ia ma ka papa kuhikuhi hana, penei:

            1. Heihei Kaa Hehihehi Wawae. Makana, he medala gula $20 ka waiwai io. Uku komo he $1.50. Pahu holo, he 1 mile. Noa i na mea a pau. Na poe i komo-W. Chapman, Henry Giles, Geo. Angus, H. E. Walker, N. Halstead, R. Dexter, Joe. Silva, Jack Atkinson. Eo ia Atkinson. Manawa holo, he 2 minute 38 sekona.

            2. Heihei Kaa Hehihehi Wawae. Makana, he medala gula $30 ka waiwai io. Uku komo, he $1.50 Pahu holo, he 5 mile. Noa i na mea a pau. Na poe i komo-Henry Giles, Geo. Angus, R. Dexter, Joe. Silva, Jack Atkinson. Eo ia Dexter. Manawa holo, he 15:51.

            3. Eke a Honolulu, $200. He heihei lio. He 1/4 mile ka pahu holo. Noa i na lio a pau. Na lio i komo-Duke Spencer, Autonomy, Magnet, Mimiola. Eo ia Autonomy. Manawa holo, he 2:51.

            4. Eke a na Kalepa, $200. He heihei kaa lio holo kiau a me peki; no na lio o ka papa 2:40; he mile ka pahu holo; na ka lio 3 eo ana mai a 5 holo ana, nana ka eo. Noa i na lio kaa a pau. Na lio i komo-Burt Lee, Fred Mac, Billy Button.  Eo ia Burt Lee.  Manawa holo, he 2:34 2-5, 2:30 2 5, 2:4 2-5.

            5. Kiaha a ka Hui Mokuahi Ocianica, $150 pakui. He heihei lio; he 3/4 mile ka pahu holo. No na lio Hawaii. Na lio i komo-Bill C., Antidote, Kahuku Boy. Na Bill C eo. Manawa holo, he 1:18 1/2.

            6. Ka Rosita Kiaha Mokomoko, $250 pakui. He heihei lio, he 1 mile ka pahu holo. Noa i ua lio a pau. O ka mea e eo ai ke kiaha, aia a eo iaia ka manawa holo o Angie A (he 1:45 1/2) me ka loaa pu o $50 mawaho ae. Na lio i komo-Lord Brock, Senator Stanford, Duke Spencer, Amarino. Ua holo o Amarino a pau ka mile iloko o 1 minute a me 45 1/2 sekona-ua like pu me ka manawa holo o Angie A.

            7. Eke a Kapiolani Paka, $250. He heihei kaa lio kiau a me peki; he mile ka pahu; na ka lio 3 eo ana mai a 5 holo ana, nana ka eo. Noa i na lio a pau. Na lio i komo-Silky, Barney, Creole. Na Creole ka eo. Manawa holo, he 2:22, 2:28, 2:29 1/2.

            8. Heihei lio liilii, he $100 ke eke. He mile ka pahu hopu, no na lio liilii ma ka 14 hailima a malalo iho. Na lio i komo-Little Billy, Queen, Trilby, El Mascoe. Na Little Billy ka eo. Manawa holo, he 2:02.

            9. He eke kuikawa, $150 (ma kahi o ke kiaha a Kalakaua). He heihei lio, 1 mile ka pahu. Na lio i komo-Billy C., Magnet. Na Magnet ka eo. Manawa holo, he 1:49 1/2.

            10. Eke a ka Hui Heihei Hawaii, $150. No ka papa lio 2:50 manawa holo. He mile ka pahu hopu. Na ka lio 2 eo ana mailoko mai o 3 holo ana, nana ka eo. Noa i na lio a pau. Na lio i komo-Little John, Billy Button, Remorse, Daylight, Billy W. McGinty. Eo ia Billy Button. Manawa holo, he 2:38 1/2.

            11. Kiaha a Peresidena Widemann, $150 pakui. He heihei lio, he 1@ mile pahu holo. Noa i na lio a pau. Na lio i komo-Lord Brock, Senator Stanford, Duke Spencer, Amarino. Eo ia Amarino. Manawa holo, he 2:12 1-5.

            Nui ka mahalo ia no ka maluhia o na mea a pau ma Kapiolani Paka ma ka l@ han@u o Kamehameha, aole hoi e like me kekahi mau ia o keia ano mamua aku nei, ka nui o ka poe kahio. Ua puhee aku hoi na halepea hoohainu bia i keia makahiki no ka hopohopo o pau i ka hopuhopu ia e na kaiko i kukulu kiai ia ma keia a me keia wahi o ka Paka.

            Mawaena o na malihini kiekie a ka Hui Heihei e luakaha pu ana me na lala o ka Hui, ka Adimarala Beardslee, na Kapena Cotton a me Cochrane a me na Lutaneia Wehrlich a me Wood o ka moku lawe hae Piladelapia. A ua lonalona no hoi na loina manuwa e okomo ana mawaena o ka poe makaikai i ka heihei.

            Nui ka poe i puka mai mahope o ka pau ana o na heihei me na helehelena hohoma, nanaina kunahihi a me na maka hailepo, oia no ka poe i lilo ma na pili ana. A o kekahi poe no hoi, ua puka mai me na hiohiona maikai a piha hauoli, oia no hoi ka poe i loaa na eo ana. Ua olelo ia, o na wahine kekahi poe laki ma ka pili ana ma ke kahua heihei. O ka mea oiaio, ua nui na dala i imi kahu hou aku no lakou ia la.

 

La 11 o Iune ma Punahou

 

            Ma ke kahua akea o Punahou i ka la 11 o Iune i hala aku, ua hookuu akea ia ua wahi la no na haumana kula Sabati o Kaukeano, na makua a me ko lakou mau hoaloha e hoolealea paani ai. Mai ke kakahiaka hora 8 mai ka hoohikihiki ana o na kaa hapaumi alahao ahiki wale i ka wa i pehu ai ka heluna a i ka hookahi tausani elua haneri pa ha. Mahope iho o ka hora 9, ua kuu ia kahua no na paani mai ke karoke a hiki i ke kinipopo. Ma ka hora 11, ua loaa mai la ke kauoha mai na poe mai na lakou e hoomakaukau ana na mea ai e ku makaukau, a ia wa he mahelehele nui ana o na mea ai ka mea i ikeia aku e kaana ia mai ana mawaena o na kama@ a@ me na makua, ka mea hoi nana hooluolu mai i na houpo lewalewa o ka poe i hiki ae malaila e hoohala i ko lakou kulaia no ka la e hoomanao ia ana, aole hoi me ka hui pu ana iloko o na lealea heihei lio. Ua ai iho lakou a lawa i na mea ai i hoomakaukau ia e na komite eleu lehulehu wale o na wahine koikoi o ka ekalesia o Kaukeano, a ua hoohala ia kela la e na pokii a me na kanaka makua me ka oluolu.

            Ma ka hora 2 a mahope iho, ua hoomaka iho la ka hoi no na home maluna o na kaa hapaumi ahiki i ka pau loa ana o na poe i hele aku ma ke kahua paani akea o ke kulanui o Oahu e hoohala ai i kela la, me ka loaa ole o kekahi ulia i kela heluna nui i akoakoa ae.

 

Ka Luakini o Kawaiahao.

 

            Ua paa oluna iho o ka loakini kahiko o Kawaiahao i ka hahau ia me ke pili, a o na hooponopono a me na hookuene ana oloko ponoi o ka hale, na hale oluna o na aoao, kahi o ka ogana e ku ai a me ka papa himeni, ke keena anaino pule nui, ke keena halawai o na po Poakolu a me na anaina pule hoomau a na Poaha, na keena no ua papa Kula Sabati, hui lima kokua a me ko ke kahu a me kekahi mau hooponopono e ae i hoolala ia, a e ano hiehie ai o Kawaiahao hou o keia hapalua keneturia e hoomaka hou nei e komo.

            O na lilo o keia hapai hou ana e kukulu a paa i na wahi hemehema he nui. Aka, ke hoomanawanui nei no na hoahanau uuku e koe nei e paa keia heiau o ke Akua me ka maikai ma ka lulu ana i na mea e loaa ana ia lakou. Nolaila, e malama hou ana lakou i anaina lulu dala ma keia Sabati ae, Iune 23, maloko o ko lakou halau papai i hoopunana iho nei i u@ malama i hala.

            Ke kono nei lakou i na poe a pau i noho ia e ka naau maikai no na pono, ka poe hoi e noho nei me ka maluhia no ka pono i kukulu ia e na kumu mua nana i hali mai ka euanelio, na alii a me na makaainana nana i hapai i keia luakini i ka wa nui o na kanaka, na mamo a me na ewe, e komo pu mai me lakou ma ka pupu kahi ana ae e hoopau i keia haawe, ma ka la a ma kahi i hoike ia ae la.

            E hele mai me ka makana nui a me ka liilii, no ka mea o na makana maikai apau, aole loa e hoohalahala ia, aka e apo ia aku ana me ka hoomaikai ia. Nolaila mai nonohua i keia leo uwaho i ka nui manu, aka e hali mai ia i ka mea loaa no ke kokua ana i keia hana maikai.

            O ka poe no lakou na koho i koe aole i pau loa mai i ke kaa, eia ua manawa la ke kokoke ma@ nei, a nolaila e hooia aku i kau kobo ma ka hookaa hololea ana.

            E hoomanao, o ke Sabati, Iune 23, oia ka la lulu o na hoahanau o Kawaiahao no na lilo o ke kukulu hou ana ia Kawaiahao luakini. O ka lokahi, oia ka ikaika.

 

            Ke houpuupu hou ia mai nei, e manao ia ana ka e hapai ma@ heihei lio hou ma Kapiolani Paka i ka la 4 aenei o Iulai.

 

            Ua hoohala ia ka la 11 o Iune e na haneri kanaka i k@e iho o Honolulu ma ko lakou mau home iho me ka maluhia, ma na papaaina a me na akoakoa maikai ana, aole hoi i punihei aku i ka holo e nana i na heihei a e hoowalewale ia mai e komo aku iloko o na hana piliwaiwai.

 

            Ua hala aku i ka make ma Koiuiu Honolulu nei i ka hora 9 o ke kakahiaka o Iune 11, o Kapena Kimo K@i, he keiki hanau no Kohala Akau, Hawaii, i ke 59 paha o kona mau makahiki o ke ola ana. He kapena mokukuna holoholo pili aina kana hana akamai, a ua kamaaina hoi i ka lehulehu. I kekahi mau makahiki he mahiai ko ola. He kanaka puuwai hamama a heahea oia, a he hoike makou no ia ano. Ma ka Po@kolu iho nei, ua manele ia aku kona kino kupapau a huna ia ma ka ilina o Koula. Aloha ia makamaka o ka aina haaheo i hala e aku la.

 

Hoolaha Hou.

E Haiolelo ana O Sequah

I Keia Po!

Ma ke kihi

O na Alanui

Papu a me

Beritania

Hora 7:30

 

O ka Puali Puhiohe Aupuni ke Puhi mai ana.

 

Na ka Hui

Kukuiuwila

Hawaii e HoomaLamalama ana.

 

Aia ma na Keena o ka Hale o Warring ke kuai ana i na laau a me @a lapaau ana. Manawa hana, mai ka 9 a 11 kakahiaka.

2550-tf

 

ILOKO O KA AHA HOOKOLOKOLO KAA@puni Apana Ekahi o ko Hawaii Paeaina. IDA E. HILDER vs FRANK HILDER, Palapala Hoopii Oki Mare.

            REPUBALIKA O HAWAII:

I ka Ilamuku o ko Hawaii Paeaina a @ ole i kona

            Hope.

            Ke kauohaia aku nei oe e kii aku ia Frank Hilder ka mea pale ma ka hihia e waiho mai i kana pane ma ke kakau iloko o na la he iwakalua mahope o ka hookoia ana aku, e hele mai imua o ua Aha Hookolokolo Kaapuni la ma ke kau o Feb e noho ana ma Honolulu, Mokupuni o Oahu, ma ka POAKAHI la 4 o FEBERUARI e hiki mai ana, ma ka hora 10 kakahiaka, e hoike mai i ke kumu e ae ole ia ai ke koi a ka mea hoopii e like me ka manao o kana palapala noi e hoopili pu ia nei, a e hooko aku i keia mau kauoha me ka hoike piha mai i kau mau hana a pau e pili ana.

{SILA}           Ikea e Hon. W. A. Whiting Lunakanawai Mua o ka Aha Hookolokolo Kaapuni Apana Ekahi ma Honolulu, Oahu, i keia la 22 o Dekemaba, 1894. (Inoa) GEORGE LUCAS, Kakauolelo.

            Ke hooia nei au o na mea mamua ae nei oia ke kope oiaio o ka palapala kii ma ua hihia la, a ua kauoha ua Aha Hookolokolo la e hoolaha ia mea a e hoomau i ua hihia la a hiki i ke kau o Augate ae nei o keia Aha.

HENRY SMITH,

Kakauolelo Oihana Hookolokolo.

Honolulu, Iune 3, 1836.

2549 4

 

Hoolaha Hooilina Waiwai.

 

UA makemakeia na hooilina o Kapua w. he mai lepera i make ma ke Kahua Mai Lepera, Molokai, e waiho ae me na hooiaio kupono ma ke Keena o ka Papa Oia i ka lakou koi no ke koena dala o na pono o ka mea i make iloko o na mahina eono (5) mai keia la aku, i ole ai e lilo loa keia mau dala no ka pomaikai o ka Waihona o ke Aupuni.

Honolulu, Iune 1, 1895.

WILLIAM O. SMITH,

Peresidena o ka Papa Oia.

@

 

Hoolaha Hou

 

Ko Kamehameha

Hebedoma

Hope.

 

Ko ke Kula Kaikamahine Hoike

Poaono, Iune 22, Hera 7:30 p.m.

 

Hoike Hui o na Kula Hanalima a me Hoomakaukau. Lele Kowali a me Paikau Koa ma ka Halekula Nui

 

Auina La o ka Poakahi

Iune 24,

Hora 2:30 ahiki i ka Hora 5 p.m.

 

Na Hana o ka Papa e puka ana o ka Papa o 1895 ma ka Halekula Nui.

 

Poaha, La 27 o Iune,

Hora 7:30 p.m.

 

Ke'poloai ia nei ka Lehulehu e hele nui mai.

2550-2

 

ILOKO o ka Aha Kaapuni o ka Apana HooHookolokolo Elima o ko Hawaii Paeaina. Ma ka Aha Hooponopono Waiwai. Ma ka hana o ka waiwai o LUKA IKUWA w., o Waimea, Mokupuni o Kauai.

            No ka mea, ma ka la 22 o Mei, A. D. 1895, ua waihola mai imua o keia Aha kekahi palapala i oleloia oia no ka palapala kauoha hope loa a Luka Ikuwa w., o Waimea i oleloia, a me ka palapala e noi ana e hoopukaia na palapala lunahooponopono ia Lukela Aka o ua Waimea la, i waihola mai e ia.

            Ke kauohaia nei, o ka POAHA, la 27 o IUNE A.D. 1895, hora 10 a.m. o ia la, ma ke Keena Hookolokolo o keia Aha ma Lihue, Kauai, oia ka manawa a me kahi i kohoia no ka hooiaio ana i ua palapala kauoha la a e hoolohe ai i ua palapala noi la.

            Ke kauoha hou ia nei, e hoolaha ia keia kauoha no ekolu hebedoma nee papa ma ka olelo Hawaii iloko o ka nupepa KUOKOA, he nupepa i paiia ma Honolulu, a o ka hoolaha hope ana aole e emi iho malalo o na la he umi mamua iho o ka la e hoolohe ai.

            Kakauia ma Lihue, Kauai, Mei 22, 1895.

JACOB HARDY,

            Lunakanawai o ka Aha Kaapuni Apana Hookolokolo Elima.

Ikea:    R. W. T. PURVIS, Kakauolelo.

2548-3

 

ILOKO O KA AHA HOOKOLOKOLO KAApuni Apana Ekahi o ko Hawaii Paeaina. MARY BURNS vs JAMES EDWIN BURNS alias JOHN JONES alias EDWARD WILSON.

            REPUBALIKA O HAWAII:

            I ka Ilamuku o ko Hawaii Paeaina a i ole i kona Hope.

            Ke kauohaia aku nei oe e kii aku ia James Edwin Burns alias John Jones, alias Edward Wilson, ka mea pale ma ka hihia e waiho mai i kana pane ma ke kakau iloko o na la he iwakalua mahope o ka hookoia ana aku, e hele mai imua o ua Aha Hookolokolo Kaapuni la ma ke kau o Mei e noho ana ma Honolulu, Mokupuni o Oahu ma ka POAKAHI, la 6 o MEI, e hiki mai ana, ma ka hora 10 kakahiaka, e hoike mai i ke kumu e ae ole ia ai ke koi a Mary Burns ka mea hoopii e like me ka manao o kana palapala noi e hoopili pu ia nei. A e hooko aku i keia kauoha me ka hoike piha mai i kau mau hana a pau e pili ana.

{SILA}           Ikea e Hon. W.A. Whiting Lunakanawai Mua o ka Aha Hookolokolo Kaapuni Apana Ekahi ma Honolulu, Oahu, i keia la 11 o Aperila, 1895.

CHAS. F. PETERSON,

            Ke hooia nei au o na mea mamua ae nei oia ke kope oiaio o ka palapala kii ma ua hihia la, a ua kauoha ua Aha Hookolokolo la e hoolaha ia mea a e hoomau i ua hihia la a hiki i ke kau o Augate ae nei o keia Aha.

GEORGE LUCAS,

Kakauolelo.

Honolulu, Mei 18, 1895.

2547-6

 

Hoolaha a ka Lunahooponopono Waiwai.

 

UA hookohuia mai ka mea nona ka inoa malalo iho e ka Aha Kaapuni Apana Ekolu i Lunahooponopono no ka Waiwai o J W Kekaula i make o Punaluu Kau, Hawaii, nolaila ke hoolahaia aku nei ka lohe i na mea a pau he mau koina ka lakou i ka waiwai o ka mea i make, e waiho koke mai me na hoolaio kupono maloko mai o na malama eono, a i ole ia e hoole mau loa ia aku no; a o na mea a pau i aie mai i ka mea i make, e hookaa koke mai i ka mea i make, e hookaa koke mai i ka mea nona ka inoa malalo iho me ka hookaulua ole.

O T SHIPMAN,

            Lunahooponopono Waiwai o J W Kekaula make.

2550-

 

Hoolaha Hooko o ka Moraki a me ke Kuai.

 

KE HOOLAHA ia aku nei ka lohe i na mea a pau, i kulike ai me na mana i hookomo ia iloko o kekahi moraki i hanaia e S. B. Kaalawamaka o Kona, Hawaii, ia H. N. Greenwell o ua Kona la, ma IUNE 12, 1889, kopeia ma ke Keena Kakau Kope o ke Aupuni, Buke 118 aoao 59-61, ke makemake nei ka mea nona ka inoa malalo iho, E. C. Greenwell lunahooko kauoha o ka palapala kauoha a H. N. Greenwell i make e hooko aku i ka moraki no ka uhaki ia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.

            Ke hoolaha hou ia aku nei ka lohe, mahope iho o ka pau ana o na hebedoma ekolu mai ka la aku e keia hoolaha ana, alaila e waheia aku no ka waiwai i paa maloko o ua moraki la no ke kuai ma ke kudala akea ma ka hale kudala o Jas. F. Morgan ma Honolulu, Oahu, ma ka Poakahi, la 8 o Iulai, A. D. 1895, hora 12 awakea o ia la.

            O ka waiwai i paa maloko o ua moraki la, ua kuhikuhi ia e like penei:

            O kela mau apana aina a pau e waiho la ma Kona Akau, ma ka mokupuni o Hawaii, a i kuhikuhi ia penei malalo iho:

            1. O kela apana aina @a pau e waiho la ma Kona Akau, oia kekahi hapa o ke Ahupuaa o Auhaukeae 2, nona ka ili he 51 mau eka, oi aku a emi iki mai paha, a i kuhikuhi pono ia na palena ma ka Palapala Sila Nui Helu 1732.

            2. O kela apana aina a pau e waiho la iloko o ua Ahupuaa la o Auhaukeae 2, nona ka ili he 15 1/3 mau eka, oi iki aku a emi iki mai paha, a i kuhikuhi pono ia na palena maloko o ka palapala Sila Nui Helu 98-@.

            3. O kela apana aina a pau e waiho la iloko o ke Ahupuaa o Kohanaiki ma ua Kona Akau la, nona ka ili he 1 59-100 mau eka, oi aku a emi mai paha, a oia ka aina i kuhikuhi pono ia na palena ma ka palapala kuai a Pahukula k@ a me kekahi poe e ae i ua S B. Kaalawamaka la, ma. Iulai 18, A. D. 1888, a i kopeia ma ke Keena Ka kau Kope o ke Aupuni Buke 113 aoao 245-246.

E C GREENWELL,

Lunahooko Kauoha Oka Palapola Kauoha a H N Greenwell i make, ka mea iaia ka moraki e paa nei.

            Honolulu, Iune 10, 1895.

2550 4

 

Hoolaha Hooko o ka Moraki a me ke Kuai..

 

I KULIKE ai me na hoolaha i paila maloko o na Nupepa Hawaiian Gazette a me Kuokoa no kuu manao e hooko aku i kekahi moraki i hanaia e G. Trousseau ia'u i kona wa e oia ana ke hoolaha aku nei au, o na waiwai i kuhikuhi ia ma ua hoolaha la, oia keia malalo iho;

            O ka aina e waiho la ma Honolulu, a i kuhikuhia na palena ma ka hikina, ke alanui Puowaina, ma ka Hema, ka aina o na keiki a Thomas Cummins, ma ke komohana ke alanui Miller, a ma ka akau ka aina Leialii, a penei na apana aina.

            Akahi-Ka aina i kuhikuhi ia iloko o ka palapala kuai a na Lunahooko Kauoha a John Frazer i make, ia George Trousseau, ma Augate 19, 1882, kopeia ma ka buke 76 aoao 407 a me 408.

            Alua-Ka aina i kuhikuhiia iloko o ka palapala kuai a Kanimakaole Lazarus ia George Trousseau, ma Augate 29, 1882, kopeia ma ka Buke 76 aoao 2@3 a me 2@4.

            Akolu-Ka aina i kuhikuhi ia iloko o ka palapala kuai a Manoel Pedro a me Pai, kana wahine, ia George Trosseau, ma Augate 15, 18@3, kopeia ma buke @ aoao 43, 44 a me 45.

            Aha-Ka aina i kuhikuhiia iloko o ka palapala kuai a W. P. Kinohia a me H. M. Keanae, kana wahine ia George Trousseau, ma Dekemaba 29, 1883, kopeia ma ka buke @ aoao 223 a me 224.

            Alima-Ka aina i kuhikuhi ia iloko o ka palapala kuai a Manoel Pedro a me Pai, kana wahine ia George Trousseau, ma Aperila 2, 1887, kopeia ma ka Buke 1@ aoao 302 a me 303.

            O keia na aina a paa maloko o ua moraki la a e kuai ia aku ana ma ke kudala akea ma ka hale kudala o L. J. Levey, ki@i o na a anui Papu a me Moiwahine ma Honolulu, ma ka la 3 o Iulai, 1@, hora 12 awakea o ia la.

JOHN ROSS,

Mea e paa nei i ka Moraki.

            Paul Neumann, Loio no ka Mea e paa nei ka Moraki.

2550-4

 

Hoolaha Hou.

 

Aina Kope Maikai no ke Kuai

 

E KUAI ia aku no me ka makepono loa keia Ahupuaa o Ka@ S. Kona, Hawaii, he @ eka me na hale maikai elua: aia no he mau eka kope e u@u aea maluna o ka aina.

            E ae ia no hoi e kuai liilii aku i na poe a pau a makemake ana i mau wahi noho a mahi paha iloko o ua aina la, me ke kumukuai makepono loa.

            No na mea i koe e ninau ia Wong Wa Foy ma kahi o Wing Wo @i & Co., William J. Wright o S Kona, Hawaii: a i ole ia

WILLIAM C. AUHI,

Boroka o ne waiwai paa.

Honolulu, Mei 29, 18@6.

2@-tf

 

Hoolaha a ka Lunahooponopono Waiwai.

 

E IKE ananei na mea a pau ma keia, owau o ka mea nona ka inoa malalo iho, e like me ka mana i @ ia'u he Lunahooponopono Waiwai no S. Kekumano i make kanoha ole o Napoopoo, S. Kona, Hawaii. Nolalia ke kauohaia aku nei na poe a pau he mau ko@ ale ka lakou i ka mea i make, e waiho mai ka mea nona ka inoa malalo iho ma Honolulu, Oahu, maloko mai o na malama eono mai keia la aku a i ole ia e hool@ mau loa ia aku no. O na poe he mau aie ko lakou i ka mea i make, e uku koke mai i ka mea nona ka inoa malalo iho.

S. LUIKEKUMANO,

Lunahooponopono o ka waiwai o S. Kekumano i make.

Kakauia ma Honolulu, Oahu, Iune 3, 1886.

25@-4

 

Hoolaha i ka Poe Aie.

 

UA Hookohu ia mai ka mea nona ka inoa malalo iho i Lunahooko Kauoha no ka waiwai o Thomas Keefe i make o Honolulu. Mokupuni o Oahu, ke hoolahaia aku nei ka lohe i na poe a pau he mau ko@a ka lakou i ka waiwai, e waiho koke mai me na hooiaio kupono, ina paha ma ka moraki a ano e ae, ia Cecil Brown ma kona keena hana ma Alanui Kalepa, Honolulu maloko mai o na malama eono mai keia la aku, a i ole ia e hoole mau loa ia aku no. A o ka poo a pau i aie mai i ka waiwai o ka mea i make, ke kauohaia nei lakou e uku koke mai i ka mea nona ka inoa malalo iho.

            Kakauia ma Honolulu, Iune 3, 18@6.

CECIL BROWN,

Lunahooko Kauoha o Thomas Keefe i make.

2@49-4

 

Hoolaha Hooko o ka Moraki a me ke Kuai.

 

KE HOOLAHA ia aku nei ka lohe i na mea a pau, i kulike ai me na hooko a me ka mana i hookomoia iloko o kekahi moraki i hana ia e S. KALAHIKI k, ia J. S. Canario, ma ka la 18 o Dekemaba A. D. 1894, kopeia ma ke Keena Kakau Kope Buke 145 aoao 391 a me 392, ke manao nei o J. S. Canario e hooko aku i ua moraki la no ke kumu ka hookaa ole ia o ke kumupaa a me ka ukupanee i ka wa e hookaa ai.

            Ke hoolaha hou ia aku nei ka lohe mahope iho o ka halo ana o na hebedoma ekolu mai ka la aku o keia hoolaha ana, o ka waiwai i paa maloko o ua moraki ia o hoolaha ia aku no e kuai ma ke kudala akea ma ka hale hookolokolo ma Hilo, Mokupuni o Hawaii, ma ka la 10 o IUNE, A. D. 1895, hora 12 awakea.

            O ka waiwai i paa ma ua morakila, penei ke kuhikuhi ana:

            O kela apana aina a pau e waiho la ma Mokuhonua, Hilo, Hawaii, i hoolilo ia mai i ua Kalahiki nei mai a T. J. Linch a me Anne kana wahine, Uala a me Kailiula, i kopeia ma ke Keena Kakau Kope ma Honolulu Buke 79 aoao 302 a me 303, a nona ka ili he 1 93-100 mau eka, oi aku a emi mai paha.

J. S. CANARIO,

            No na mea i koe, e uinau ia Hitchcock a me Wilder, na loio e paa nei i ka moraki, Hilo, Hawaii.

2547-3

 

Hoolaha Hooko o ka Moraki a me ke Kuai.

 

KA HOOLAHA ia aku nei ka lohe, i kulike ai me na hooko ana a me na mana i hookomoia iloko o kekahi moraki i hanaia e J. W. Smithies o Naalehu, Kau, Hawaii, ia Wm. R. Castle, Kahu, o Honolulu, Oahu, ma Sepatemaba 27, 1893, kopeia ma ke Keena Kakau Kope o ke Aupuni Buke 145 aoao 231-232 a i hooliloia aku e ua Wm. Castle kahu la ia Wm. F. Allen kahu ma ka palapala i hanaia i Okatoba 18, 1893 kopeia ma ke Keena Kakau Kope Buke 145 aoao 231, ke manao nei ka mea nona ka inoa malalo iho Wm. F. Allen e hooko aku i na moraki @ ke kumupaa a me ka ukupanee i ka wa e hookaa ai.

            Ke hoike hou ia aku nei ka lohe mahope iho o ka pau ana o na hebedoma ekolu mai ka la aku o keia hoolaha ana, alaila o ka waiwai i paa maloko o ua moraki la, e waiho ia aku no ma ke kudala akea ma ka hale kudala a Jas. F. Morgan ma Honolulu, ma ka POAKOLU la 12 o IUNE, 1895, hora 12 awakea o ia la.

            O ka waiwai i paa maloko o ua moraki la, oia keia:

            O kela hookahi hapaha kuleana i mahele ole ia a ua mea la nana i moraki iloko o na aina e pili kokoke la i Naalehu malalo iho.

            1. Palapala Sila Nui Helu 2116 ia Hilinai. He 31 7-10 mau eka ka nui.

            2. Palapala Sila Nui Helu 2728 ia Hilinai a me Naonoaina. He 336 mau eka, o ka hapalua o keia.

            3. Palapala Sila Nui Helu 2525 ia Ilama. He 298 1/2 mau eka, o keia aina hope ua hooliloia ia Hilinai ma ka palapala kuai a i kope ia ma ka Buke 54 aoao 486 a o ke kuleana o ka mea nana i moraki, ua kuai ia mai e Hokai ka Hooilina o ekahi hapaha o ua aina la ma ka palapala i kopeia ma ka Buke 141 aoao 44

W. F. ALLEN, Kahu.

Mea i lilo mai ai ka moraki.

Honolulu, Mei 8, 1895.

2545-4

 

Ua hoopaneeia ke kuai maluna ae a ka Poaono la 15 o Iune, 1895, hora 12 awakea o ia la

2549-tf

 

Ua hoopanee hou ia aku ke kuai maluna ae a ka Poaono la 22 o Iune, 1895.

2550-tf

 

Hoolaha Hooko o ka Moraki a me ke Kuai.

 

KE Hoolaha ia aku nei ka lohe i na mea a pau, i kulike ai me ka mana o kekahi moraki i hanaia e CHARLES B. WILSON ia Henry R. Macfarlane ma Maraki 16, 1885, kope ia ma ke Keena Kakau Kope o ke Aupuni Buke 93 aoao 140-142 i hoopaaia no ka uku ana ia Umikumamakolu Haneri a me Kanalima Dala ($1350), a o ua moraki la ua hooliloia mai e ua Henry R. Macfarlane la ia Allen & Robinson ma ka palapala i kakauia i Dekemaba 14, 1885, a ua hana hou ia he moraki maluna o ua aina ia e ua Charles B. Wilson nei i ua Allen & Robinson la ma Dekemaba 22, 1885, kopeia ma ke Keena Kakau Kope Buke 96 aoao 431-435, no ka huina hou he Umikumamawalu Haneri Dala (1800), ke manao nei na mea nona na inoa malalo iho. Allen & Robinson e hooko aku i ua moraki la no ke kumu ka uhalia o ka aelike, oia ka hookaa ole ia o ke kumupaa a me ka ukupanee i ka wa e hookaa ai.

            Ke hoolaha hou ia aku nei ka lohe, mahope aku o ka pau ana o na hebedoma ekolu mai ka la aku o keia hoolaha ana, e kuai ia aku no ka waiwai i paa maloko o ua moraki la ma ke kudala akea ma ka Hale Kudala o James F. Morgan. Luna Kudala ma Honolulu, Oahu, ma ka POAONO la 29 o IUNE, A. D. 1895 hora 12 awakea o ia la

            O ka waiwai i paa maloko o ua moraki la, ua kuhikuhi ia penei:

            O kela apana aina a pau e waiho la ma Kulaokahua ma ua Honolulu la, a i kuhikuhi moakakaia penei:

            E hoomaka ana ma ke kihi mauka o na huina Alanui Young a me Piikoi, a e holo ana i ka hikina ma alanui Young he 219 @ mau kapuai; alaila holo akau 150 kapuai: alaila holo komohana a alanui Piikoi he 210.9 kapuai; alaila, holo hema ma @lanui Piikoi he 150.3 kapuai a hiki i kahi i hoomaka ai, a nona ka ili he 731-100 o ka eka, a oia na pahale 9 a me 11 o na Pahale o Macfarlane, oia no hoi na aina i lilo i ua Henry R. Macfarlane la ma Maraki 16, 1885, kopeia ma ke Keena Kakau Kope Buke - aoao -

ALLEN & ROBINSON,

Na mea e paa nei i ka moraki.

Honolulu, Mei 30, 1895.

2559-4

 

Hoolaha Hou.

 

Hoolaha Hooko Moraki a me ke Kuai.

I KULIKE ai me na hooko ana o kekahi moraki i hanaia e KAAWIHI w., a me NAHUINA HEKEKIA k. kana kane mare ia Raymond Reyes ma Okatoba 17, 189@, a i kope ia ma ke Keena Kakou Kope o ke Aupuni ma Oahu Buke 147 aoao 31 me 32.

            Ke hoolahala aku nei ka lohe i na mea @ pau ke makemake nei ka mea e paa nei i ua moraki la e hooko aku no ke kumu ka uhakil@ o ka @elike, oia ka hookaa ole ia o ka ukupanee a me ke kumupana i ka wa e hookaa ai.

            Ke hoolaha hou ia aku nei ka lohe, mahope iho o ka pau ana o na hebedoma ekolu mai keia ia aku, alaila e kudala ia aku no ka waiwai i paa maloko o na moraki la  ma ka rumi kudala o J. F. Morgan, ma Honolulu, Oahu, ko hiki aku i ka POAKAHI, IUNE 24, 1895.

            No na mea i koe, e ninau ia

RAYMOND REYES,

Ka mea e pea nei i ka moraki a i ole ia S. M. Kaaukai kona Loto.

            O ka waiwai i paa maloko o ua moraki la oia no keia apana aina e waiho ana me Wailau, Molokai, i hookoia no Puali a i hoakakaia ma ka Palapala Sila Nui Heia @ Kuleana Helu @.

25@-4

 

Hoolaha Hooko o ka Moraki a me ke Kuai.

KE HOOLAHA IA AKU NEI KA ILOHA I na mea a pau, i kulike ai me na hooko ana o ke kuai i hookomo ia iloko o kekahi moraki i hana ia e KAAPA (w) a me KAALOKAHI kana kane ia Alexander Hutchinson, ma ka la 3 o IUNE A D 1873, kope ia ma ke Keena Kakau Kope o ke Aupuni Buke 3@ aoao 111 a me 112, a o ua moraki la a me ka nota a me ka aie i p@a malailia, ua hoolilo ia aku ia J. O. Carter a me J. S. Walker, na lunahooko kauoha o ka palapala kauoha a na Alexander Hutchinson la ia W. G. Irwin a me Claus Spreckles, na hoahui malalo o ka hui nona ka inoa "W. G. Irwin & Co." ma ka palapala i hana ia i Feberuari 2@ A D 1881, kope ia ma ke Keena Kakau Kope Buke 70 aoao i a me ka palapala i hana ia Feberuari 28 A D 1881, kope ia ma ua Keena Kakau Kope ia Buke 70 aoao 2, 3, 4 a me 5 e W. G. Irwin & Co. a me kekahi poe e ae i hoolilo ia aku i ua Mahiko la o Hutchinson, he Hui Hawaii i hoohui ia ma ka la 2@ o Novemaba A D 1884, kope ia ma ke Keena Kakau Kope Buke 93 aoao 16, 17 a me 18 a mai ua Hui aku la ua hoolilo aku ka Hui Mahiko Hutchinson ia Louis Sloss ma ka palapala i hana ia ma Iune 1 A D 1889, kope ia ma ke Keena Kakau Kope Buke 119 aoao 120 a me 121, a mai ua Louis Sloss ia i hoolilo ia aku ai i ka Hutchinson Sugar Plantation, he hui i hoohui ia malalo o na kanawai o ka mokuaina o Kaleponi Amerika Huipuia ma ka palapala i hana ia l Iune 11, 1889, kope ia ma ke Keena Kakau Kope Buke 11@ aoao 376 a me 377, o ua hui hope la ka poe nona na inoa malalo iho, ke manao nei e hooko aku i ka moraki no ka uhaki ia o ka aelike, oia ka hookaa ole ia o ke kumupaa a me ka ukupanee maluna o ka nota aie a me ka aie i paa maluna o ka moraki.

            Ke hoolaha hou ia aku nei ka lohe, o ka waiwai i paa maloko o ua moraki la e kuai ia aku ana ma ke kudala akea ma ka Hale Kudala o Jas. F. Morgan ma Honolulu Mokupuni o Oahu, ma ka POAONO, la 13 o APERILA, A D 1895, hora 12 awakea o ia la.

            O ka waiwai i paa maloko o na moraki la, penei ke kuhikuhi ana malalo iho:

            O na pono a pau, na pomaikai a me na kuleana o ua Kaapa a me Kaalokahi ia iloko o kela aina a pau o Kawala, Kau, Mokupuni o Hawaii, oia ka Apana 1 iloko o ka Palapala Sila Nui Kuleana @ oona Helu 620 ia Laweliilii a nona ka ili he umikumamaiwa (19) mau eka.

THE HUTCHINSON SUGAR PLANTATION COMPANY.

            No na mea i koo e ninau ia Carter & Kinney na loio no ka Hutchinson Sugar Plantation Company.

            Kakauia ma Honolulu, Maraki 12, 1895.

2537-tf

 

Hoolaha Hooko o ka Moraki a me ke Kuai.

KE HOOLAHA ia aku nei ka lohe i na mea a pau, i kulike ai me na hooko ana o ka mana kuai hookomoia iloko o kekahi moraki i hanaia e LAUNUI APUNA (w) a me APUNA (pake) kana kane o Kau, Hawaii, ia C. Meinecke o ua Kau la, ma Maraki 10 A. D. 1894, kopeia ma ke keena kakau kope o ke Aupuni buke 147 aoao 148 a hiki i ka 150, a o ua moraki la, ka nota a me ka aio i hoopaaia ai ua hooliloia aku e C. Meinecke ia M. Coleman ma ka palapala i kakauia ma Aperila 2, A D 1894, kopeia ma ke Keena Kakau Kope o ke Aupuni ma ua Buke 147 la, aoao 150, a mai ua M. Coleman la i hoolilo hou ia mai ai la C. Meinecke ma ka palapala i hana ia Iune 16, 1894, kopeia iloko o ua Keena Kakau Kope la Buke 147 aoao 149, a ua C. Meinecke la ka mea nona ka inoa malalo iho, ke manao nei e hooko aku i ua moraki la no ke kumu ka uhamupaa a me ka ukupanee o ka nota a me ka alo i hoopaaia ai.

            Ke hoolaha hou ia aku nei ka lohe i na mea a pau, o ka waiwai i paa maloko o ua moraki la e kuai ia aku ana ma ke kudala akea ma ka hale kudala o Jas. F. Morgan ma Honolulu, Mokupuni o Oahu, ma ka POAONO la 24 o Aug, A. D. 1895 hora 12 awakea.

            O ka waiwai i paa maloko o ua moraki la oia keia: O na pono a pau, ke kuleana a me na pomaikai o ua Launui Apuna (w) la iloko o ke Ahupuaa o Waiamau ma ua Kau la a ola ka waiwai i hooliloia mai i ka mea nana i moraki aku ma ka palapala kuai a Puahi (k) ma Aperila 26, 1893, kopeia ma ke Keena Kakau Kope Buke 141 aoao 317.

C. MEINECKE,

Mea e paa nei i ka Moraki.

            No na mea i koe, e ninau ia Carter & Kinney, na Loio o C. Meinecke.

            Honolulu, Mei 20, 1895.

2547-8mos

 

Hoolaha Hookapu.

 

KE PAPA a hookapu loa ia aku nei na mea a pau, aole e komo hewa a lawaia iloko o na Loko 1-a, ke Kai Lawaia a me ka Haha Paakai i kuleanaia e Mrs. Mary Auld ma Kalihi kai, Oahu, i lilo mai la'u ma ka hoolimalima. O ka mea kuo i keia, e hoopii ia no ma ke kanawai.

FOOK LAN,

Mea iaia ka hoolimalima.

2549-2

 

GOO KIM

411 Alanui Nuuanu

 

MEA HOOKOMO MAI A KUAI AKU I NA Lole Europa a me Pake a me na lole o na ano a pau. Ma na moku i ku hope mai nei, ua loaa mai ia makou na waiwai lawa pono o na PAPALE WAHINE i kau ia i ka lipine a me na papale i kau ole ia i ka lipine, no LOLE KANE o na ano a pau o ke ano maikai hou loa.

            E kipa mai i o'u e ninau mua ai no na lole maikai a me na ano SILIKA waihooluu like ole.

2587-1@r

 

C. E. Williams & Son

HELU 611      ALANUI MOI

Mauka mai o ka Pa Kuai Papa o Lu me Kuke.

Na mea kuai ma na

LAKO HALE a me na MOE

o na ano a pau ma na

KUMUKUAI HAAHAA LOA.

 

            Na mea HANA PAHU KUPAPAU a me IALOA. Na Pahu Kupapau hookomoia mai iloko nei o ka aina, i oi ae ka nani mamua o na pahu kupapau hanaia maanei no ka $3.00 a pii aku iluna.

            Kaa Kupapau no ka hoolimalima, a o ka oi o ka nani ma keia kulanakauhale no ka $5.00.

            Na He Kupapau a me na Kia Hoomanao.

Telephone 179.                        2543-tf

 

E Haawi i na keiki Ai Waiu

A ME NA POE OMAIMAI

MELLIN'S

FOR                AND

INFANTS       INVALIDS.

TRADE           MARK.

FOOD

I ka Mea Ai.

 

He Ai Hooulu Oi Loa

 

No ka hooulu Kamlii

Ka hoopohala mai an

Na Mai Ake Pau

Na Opu Aiwali ole.

 

a me nalelemakule loaa i an

Nawaliwali

 

HE

 

AI MAIKAI LOA

 

e na Pekii Hanai Lima @

 

BENSON, SMITH & CO.

Na A@ wale no ke Hawaii P