Ka Nupepa Kuokoa, Volume XXXIV, Number 28, 13 July 1895 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA

NUPEPA KUOKOA

---ME---

Ko Hawaii Paeina i Huiia

 

@ o ka Makahiki.   -   -   -   $2 00

No Eono Makina,    -    -    -  1 00

Kuike ka Rula.

 

HAWAIIAN GAZETTE CO.

GEO. H. PARIS,                    Luna Nui.

J. U. KAWAINUI, Luna Hooponopono.

No  Honolulu,  Oahu,  Lakou  a  pau.

 

POAONO,  -  -  -  IULAI 13, 1895.

 

KULA SABATI.

 

HAAWINA XVII.  IULAI 28.

Ke Kaahele ana i Kanaaua.

Nahelu 10:29-36.

OLELO aku la o Mose ia Hobaba i ke keikikane a Reuela ka Midiana, ka makuahonowaikane o Mose, Ke hele aku nei makou i kahi a Iehova i i mai ai, E haawi ana au ia no oukou; e hele pu oe me makou, a e hana aku makou ia oe i ka maikai; no ka mea, ua olelo mai o Iehova i ka maikai no ka Iseraela.

  30  I mai la kela iaia, Aole au e hele, e hoi hou ana au i ko'u aina iho, a i ko'u poe hoahanau.

  31  I aku la ia, Ke noi aku nei au ia oe, mai haalele oe ia makou; no ka mea, ua ike oe e hoomoana iho ana makou ma ka waonahele, a e lilo mai oe i maka no makou.

  32  Eia hoi kekahi, a i hele pu oe me makou, he oiaio no, o ka maikai a Iehova e hana mai ai ia makou, oia ka makou e haua aku ai ia oe.

  33  Haele aku la lakou i ekolu la hele, mai ka mauna o Iehova aku: a hele aku la ka pahu berita o Iehova imua o lakou i ua mau la la i hele ai ekolu, e imi ana i kahi e oioi ai lakou.

  34  Uhi iho la ke ao o Iehova maluna o lakou i ke ao i ko lakou hele ana aku mawaho o kahi hoomoana.

  35  Aia i ka hele ana akku o ka pahu imua, alaila, i aku la o Mose, E ku ae oe iluna, e Iehova, a e hoopuehu ia ae kou poe enemi; a e hooauhee ia aku imua ou ka poe inaina ia oe.

  36  A ku malie iho la ia, alaila, i aku la ia, E hoi hou mai oe, e Iehova, i na lehulehu o ka Iseraela.

  PAUKU GULA.  Nahelu 10:29. E hele pu oe me makou, a e hana makou ia oe i ka maikai.

  MANAO NUI. E pono i ka poe manaoio ke kono i ko lakou mau makamaka e komo pu i ka pomaikai uhane ma ka imi ana i ka pomaikai lani.

  OLELO HOAKAKA. Ma ka la mua o ka mahina mua o ka makahiki elua o ka puka ana o ka Iseraela, ua ku ka punohu uwahi maluna o ke keena kapu o ka halelewa. A pau na la kanalima ua haalele ka lahui ia Sinai. I ko lakou wa hoomaoana ua noho pu o Hobaba, ko Mose kaikoeke me lakou. I ka wa kaahele ua poloai o Mose ia Hobaba e hele pu me ia a ai pu i ka pomaikai e loaa ai i ka Iseraela ma Kanaana mamuli o ko Iehova olelo paa.

  29.  REUELA,--oia hoi o Raguela (Puk. 2:18,) oia hoi o Ietero., Puk. 3:11, ka makuahonowai o Mose. O ke ano o letero, oia hoi "ka mea hanohano;" he inoa oihana keia. O ke ana o Reuela, oia no "ko ke Aukua hoalauna," e like me ka inoa kapakapa o Aberahama, Iakoba 2:23. Ua hoohuliia o Ietero i ka manaoio, Puk. 18:11,12. HOBABA,--oia no "ka mea i alohaia," i konoia e hele pu me ka Iseraela; a pela no kona hana, Lun. 1:16, 1 Sam. 15:6. 30. AOLE,--pela no ka olelo pane i ka wa mua: nolaila e pono e hooikaika i ka poloai ana. 31. NOI,--ua noi hou aku o Mose i kona hoalauna, me na olelo e oluolu ai. 32. MAIKAI,--he oiaio no ke alahele o ka pono, he ala keia o ka pomaikai kumau. 33. KAHI,--oia no o Tabera, Nahelu 11:3, he mau mile 20. 34. Ao,--he alakai kupaianaha keia ao uli, Nahelu 9:15,23. 35. MOSE,--ua pule oia mamua o ke kaahele ana. 36. HOI,--pela no ka hoopau ana i ka wa kaahele me ka puali kupono.

  I. KA POMAIKAI O KA LAUNA PU ANA, 29-32. Owai o Hobaba? Heaha ko Mose olelo kono iaia? Nowai anei ka aina o Kanaana mamuli o ko ke Akua olelo paa? Ia wai anei keia olelo paa, Kinohi 12;7? Heaha ke kumu a Mose i hoike aku ai i mea e hooeueu ai i ko Hobaba iini, Pukaana 6:7, 8? Ua ae aku anei o Hobaba i keia kono, aole paha? Heaha kana olelo hoole? Heaha ke kumu hou no Mose i olelo aku ai? He kumu kupono anei ka manao e lawelawe pu i ka hana a ka Haku? Heaha ke kumu oi aku ka pookela, ko kakou pomaikai ponoi e loaa ai ka pomaikai e hana aku ai i na mea e ae? Pehea i lilo ai keia hana o Mose i kumu hoohalike no kakou? Heaha na ano like o ko ka Iseraela kaahele malihi ana aku i ka aiua o Kanaana, a me ko kakou wa ola ma keia ao? Owai ko kakou mane, Ioane 6:31-35? Owai ko kakou alakai, Ioane 1:4? No ke aha la ua komo kakou iloko o na pilikia, II. Korineto 4:17,18?

  II.  KA POMAIKAI O KE ALAKAI 33,34. Ehia mau mile mai Sinai aku ko ka Iseraela kaahele mua ana? Heaha ko lakou mea alakai? Heaha ka olelo hoike e pili ana i keia alakai, Puk. 30:34,38? Ehia ka nui o ka poe kaahele, Nahelu 1:46? Ihea ko lakou hele ana 'ku, Nahelu 13:26? Pehea i hanaiia k? lahui. Nah. 11:7,9; Puk. 16:21a Heaha ke kumu no ko ke Akua mau hana aku ia lakou, Kan. 8:2: Halelu 106:1,8?

  III. KA POMAIKAI C KA PULE, 35,36. Heaha ko Mose pule ma ka hoomaha ana i ke kaahele ana? Heaha kona pule i ka wa i moe ai? Heaha ko Paulo noi ma kona pule. Roma 1:8,10? Heaha kekahi mau olelo ao kupono no kakou ma ka noonoo ana i keia mau pule? Ua pilikia anei kakou ke ole ko kakou Akua me kakou? Heaha kekahi mau pilikia imua o kakou ma ko kakou wa ola? Pehea i like ai ke ao maluna o ka Iseraela a me ko ke Akua noho mau ana me kakou? Heaha na kumu no ko kakou iini ana ia Iesu oia no ko kakou mea alakai? Ua kahea anei ke ?Akua ia kakou a pau loa e haalele ia Aigupita, a me kona mau lealea no ke kino, i mea e loaa ai na pomaikai uhane no ka lani mai? Pehea e lilo ai ka Uhane Hemolele i ko kakou mea alakai? Pehea ka baibala?

  MANAO PILI. 1. Ua hoopau ia anei kou noho ana ma Aigupita? 2. Ua imi anei oe i ka mea e oluolu ai wale no? 3. Ua kono anei oe ihookahi makamaka e hele pu me oe i ka pomaikai lani? 4. Ua loaa anei ia oe he mau pomaikai ma kou imi ana i ka pono? 5. Ua hauoli anei oe no ka hele pu ana me na hoaloha?

 

Moolelo o ka Halawai o ka Ahaluna

o ka Ekalesia o Waioli.

 

  Ma ka Poalima, la 21 o Iune 1895, ua noho ka halawai o ka Ahaluna o ka ekalesia o Waioli maloko o ka luakini o Waioli. Rev. W. B. Kapu, Lunahoomalu, S. K  Poohea, Kakauolelo.

  Hoomakaia na hana me ka himeni a me ka pule a ka lunahoomalu. Hoo@naopopoia na luna i hiki mai he 12. Na luna i hiki ole mai 9, a o ka huina pau o na luna o ka ekalesia he 21.

  Noi mai o J. Kakina e hoike ia mai ke kumuhana, kokuaia. Na ka lunahoomalu i hoike mai ke kumuhana. E hoemiia mai na luna o ka ekalesia o Waioli i 9 luna, e like me ka olelo hooholo a ka Ahahui Paeaina i hooholo ai ma Honolulu, a e noho keia mau luna 9 ma ka oihana no i makahiki. Kokuaia, apoao loa la ke kumuhana.

  Na J. H. Kawelo i waiho mai he olelo hooholo.

  Olelo hooholo, hooholoia, Oiai mamuli o kekahi olelo haoholo o ka Ahahui Euanelio o ko Hawaii Paeaina i hooholoia ma Iune 10 1895, e hoemi ana i 9 wale no luna ekalesia iloko o kela a me keia ekalesia pakahi a punii keia paeaina.

  Nolaila, e hooholola. O makou na luna ekalesia a pau o Waioli nei ke apono nei i ua olelo hooholo la, a ke waiho nei i ka oihana luna ekalesia o Waioli i keia la 21 o Iune, 1895. Ua kokuaia a apono loa ia keia olelo hooholo.

  Waiho mai o J. Kakina, e lilo na hoa a pau o ka hale i hiki mai i poe nana e hoike aku i na hoahanau o ka ekalesia o Waloli, e hele nui mai ma ke Sabati la 28 o Iune, 1895, ma ka luakini o Waioli no ke koho hou ana i na luna hou 9, kokuaia; apone ia. Hoike mai o J. H. Kawelo, e hoounaia ka moolelo o keia halawai a paiia iloko o ka nupepa Kuokoa, kokuaia.

  Noi mai o S. Kalawe e hoopanee ia ka halawai, aponoia. Hookuuia na hana me ka himeoi a me ka pule a D. Puhi.

                    S. K. POHEA,

  Kakauolelo o ka Ekalesia o Waioli, Hanalei.

  Kauai, Iune 21, 1895.

 

Kuu Pokii ua Hala Ma-o.

  E kuu Nupepa Kuokoa me Paeaina i Huiia, Aloha oe--

  Ma ka Poakahi la 3 o Iune, hora 6 p.m., ua haalele mai o Mr. Sam. Maalo Kalawaiaopuna i keia ola ana a hoi aku la i kahi mau o na mea a pau.

  Ua hanaula ola ma Hoiualoa, Kona Akau, Hawaii, Iune la 4, 1835, mai ka puhaka mai o Mrs. Sipa Mokuola a me Samuela Kalawalakanoa a na ka poe o Kona i kapa aku iaia o Kalawalaopuna, no ka mea, mai Puna mai eia. Ma ka M. H. 1889, Iune la 12, ua lawe la mai oia ma Kalaupapa nei.

  O kona mai i make ai, he puu ma ka aoao akau a pela no ka aoao hema. Ua koe iho mahope nei he wahine a me na keiki, ka hanau mua a me na kaikaiua, a he mau moopuna e noho ana ma Honolulu a ma Wainiha, Kauai, a me na makamaka a pau e noho la ma ka aina hanau.

  He 17 ka nui o na keiki i hanau ia mai e na makua, a oia nei ka helu 7 o na keiki a laua. He 60 ka nui oina makahiki a hala aku la ola ma-o, aloha ina, aloha wale

Kuu pokii i ka wai luu poo o Puu

Kuu pokii i ke one loa o Papaloa

  E hoomaikai ia ke Akua ka mea nana i hana a nana no i lawe aku, Amene.

                          Kou oialo,

                S. H. P. Kalawalaopuna,

  Kalaupapa, Iulai 4, 1895.

 

HE   MOOLELO    WALOHIA

--NO NA UI--

Makua Ole Elua.

 

LA  FOSA,

Ka Makona,

 

--A ME--

Pia Fosa,

KA MEA I PIHA I KE

ALOHA.

 

DE WODISE,

Ka Naita Puuwai Piha

Hamama a me ka Olu

Waipahe.

 

MOKUNA XII.

  Ua like kona leo mele me kekahi leo mai ka laui mai e puapuai ae ana mai waena ae o kekahi ehaeha nui, ka mea nana i olelo aku i ke keiki kina e hoopiha i kona puuwai me ke akahai a me ke aloha.

  "Keaku," wahi ana me ka malie, "o oe ka mua a owau no hoi ka hope, a he kino oolea hoi kou a me ikaika, me kuu manao la hoi e loaa mai ana kekahi wahi pono mai a oe mai; aka i ko'u manawa i ike iho ia i ke ano o kau hoohana ana, hull ae la oia a i kahi o ka leo i pae mai ai a ku iho la oia malaila me ke kali hoomanawanui ana no ka hoea mai o ke kaikamahine makapo, ka mea hoi nana i hoano e ae i kona ano mai ke kulana mua ae.

MOKUNA  XIV.

KA IKAIKA O KE KANAWAI.

  A na ka hana kupalanaha ma ka aoao e kana keiki De Wodise ka mea nana i hoopahaohao loa aku i ka makuakane a oi aku mamua o ka mea kupono, a no kekahi mau minute he lehulehu wale, aole e hiki iaia ke puai wahi leo ae.

  O kona huhu wela a aumeume ana ia i ka lei o ka lanakila me kona pahaohao, a ia De Wodise i ike aku ai i ka ulu puni o ka huhu wela maluna o ka helehelena o kona makuakane, a na ia mea i hoike mai iaia e komo aku ana oia iloko o ka pilikia. A iaia hoi e paa ana i ka apana pepa kahi i kakau ia ai na mea pohihihi o ke Kaunase, a ehia ia nui o ka manawa ana e paa aole e hiki ke hoomaopopo. Ua ike o De Wodise aole e kali ke kauna he mau minute hou aku koe no ke kahea ana i na makai, a kauoha mai e kii mai a lawe aku i keia apana i epa mai iaia aku, a o kana hana pono wale no e hana ai oia no ka haalele iho ia lumi oiai kona makuakane e waiho ana iloko o maeele no kana mau hana.

  Me kekahi kuneu haahaa i ka mea i ulupuni ia e ka enaena o ka huhu haalele iho la ka naita i ka rumi, a mai laila aku oia i hele pololei aku ai me na kapuai mama a i ka lumi o ke Kaunase.

  A iaia i puka aku ai halawai mai la oia me kekahi o na kauwa lawelawe iloko o kekahi o na rumi loloa a kiekie hoi, a laia oia i olelo aku ai e hele imua o ke kauna de Liuire no ke kali ana i kana mau mea e makemake mai ai, no ka mea, ua komo mai la iloko o De Wodise ka lia o ka makau no ke ano o kona makuakane, a ina e komo io ana ka huhu iloko ona, aole mea nana e hoonana.

  O kana hana mua loa, iaia i komo aku ai iloko o ka lumi o kona makuahine, oia no ka waiho ana aku i ka apana pepa ana i uhae mai ai mai kela buke mai iloko o ke ahi, a malaila oia kahi i noho ai e nana i ka a ia ana o keia apana pepa a hiki i ka lilo ana i lehu, a akahi no oia a manao ae e hele e hui pu me ke Kaunase. Aole o De Wodise i hoike aku i ka oialo i na mea a laua i kamailio pu ai me ke kauna, iloko o kana ka makamailio pu aka me ke Kaunase, me he mea ia aole he mau mea e popilikia ole ai oia, a me ka hahai ole ana aku no hoi kekahi i kau wahi mea e pili ana no ka pakele ana o kona mau mea pohihihi mai ka ike ia ana ae.

  A pela lo no hoi, ua oi aku mamua o ka mea kupono ka hoonaueue ia ana o ko ke Kaunase noonoo ana, mamuli o ka nui o ka paakiki o ka manao o ka naita no ke kaikamahiue ana i aloha kupouli ai, a i ka mauawa hoi e ahuwale ai o kona mau mea pohihihi i kana kane, a pehea la oia e pane aku ai imua o kana kane, a heaha ia ke kumu nui o ke kauoha hou ia ana mai o ke keiki e huli hoi hou aku imua ona, maphoe o ka hiki ana aku o kona makuahloe i kona lumi, a o kahi mea wale no i maopopo iala ula no ka ninau mare a ke alii i makemake ai e hoolii aku maluna o kona hokua.

                          Aole i pau.

 

HE MOOLELO

----:NO:----

Frank Reade Opio

  Ka Mea Nana i Hana ka Moku Lele ma ka Lewa-lani--Ka Mea Nana i Kaapuni na Wahi a pau o ka Lewa--A mai ke Kukulu Akau a ka Hema--A mai ka Hikina a ke Komohana--Ka Mea Kupaianaha o ke Keneturia Umikumamaiwa--Ka Naauao Kelakela o ke Kanaka--Ka Haawina Makamae a ke Akua i Haawi mai ai.

KA  "POAI  LEWA."

MOKON AII.

  He nui na mea i kamailio ia e ua poe iaina la ma ko lakou wahi me ka hauoli nui, a ola hoi ka ua luina malihini ia i ninau aku ai ia Pomp a me Keoni.

  "Ea! Ke ele au e kuhihewa he haku maikai loa ko olua."

  "Maikai! Aole ia o ka huaolelo kupono e hiki ai ke haawila no ko maua haku, he momi oia. Ua like oia me he makua ponoi la no maua," wahi a ka paele Pomp i pane aku ai me ka hooio.

  "He opio waiwai nui paha oia ea?"

  "Waiwai! Ka! Ua like oia me he moi ia no ke ao nei. A o kona waiwai, aole e pau ma kahi o kanawalu a oi miliona dala. He puuwai hoi kona i like ka nui me kekahi hale kakela nui, no ka mea, aole loa e ae e ike aku oia i kekahi mea e nele ana, a e pololi paha. Aole ia mea he hoole ma kona waha. Ua ikemaka au iaia e haawi manawalea ana no na ohana ilihune he hookahi haneri tausani dala i ka la hookahi. Pehea oe i kela?" wahi hou a ka paele me ka imo ana iho o kekahi o kona mau lihilihi m@u lihi lihi maka.

  Ua hoohalaia ko lakou manawa me na hoonanea maikai ana, a ua ku no hoi ko lakou launa ana iloko o ia mau la me ka pumehana maikai o ke aloha. Pela no hoi ko Frank ma noho ana me kona mau hoa, aka o ka mea nae hoi i oi loa ai, ola no ka mageneti mawaena o kona puuwai a me ka puuwai o ka lede kane make ui nohea o ka uluwehiwehi o New York.

  He mea kupaianaha no hoi ko Frank Reade aloha ana i kela wahine i loaa iaia he olulo ma ka ilikai, oiai, he mau tauseni o na lede ui a nani ma kona aina hanau i haawi mai i ko lakou mau hoohie ana iaia eia nae, ua lilo ia nui manu i mea ole i kona manao. Aka no keia wahine hoi, i lawa no a halawai kona onohi maka me ko keia wahine, ui waipahe, ua komo koke keia mea kupaianaha iloko o kona naau he aloha, a pela hoi me kela wahine, oiai ua hele kaapuni oia ma na wahi a pau o ke ao nei, a ua ike hoi i na ui o ko kela a me ko keia aupuni aole nae he mea nana i aihue i kona puuwai mahope mai o ka powa ia ana o ke oia makamae o kana kane mua.

  He mea oiaio, he kupaianaha io ao na hana a ke Akua maluna o kakou na kanaka.

  Ua hoolilo nui hoi ke keonimana aoo i kona manawa me na kuku kuliu ana me ke kauka Vandeka, ahe mea e hoi ka huuoli o ke kauka no ka loaa ana he mea nana e hoolohe maikai mai i kana mau kukalekale ana.

  He kanaka puni kamailio o Kauka Vanadeka, a he kanaka hoi me ka naauao laua. Nolaila ua hooholoia ko lakou mau manawa me ka maikai.

  O kekahi mea maikai hoi o ko lakou kiiohi iho i na hiohiona o na aina like ole a lakou e lele haaheo mei maluna ae.

  He lehulehu na lahui Makinika a lakou i hoomaopopo iho ni.

  Ma kekahi wahi @ lakou i like iho ai e kaua ana kekahi mau lahui, aka ua hiki ole ane ia Frank ke hoo kaulua iho i ka holo o ka Poai Lewa oiai ala kona kau nui o ka loaa laia o kela buke a huli hoi koke aku ola i mea e pakele ai o kela opio mai na hoopai hewa ana a ke kanawai.

  I ke ahiahi ana o ia la. ua kauoha aku ia oia ia Pomp a me Keoni e makaala pono loa laua no kekahi wahi mokupuni uuku ano kuhoho o na pali kahakai, a ma e ike ana kekahi o laua ia mea mamua o ka hiki ana i kana uwati, oia hoi ka wati o ka wanaao, alaila e hookani koke aku laua i ka bele uwila o kona keena moe.

  Mahope iho o ko lakou hoohala ana i kekahi mau hora o ka po ma ka hoonanea ana, ua hoi aku la lakou e hooluolu.

  Aole he mea i ike ia e na luina ma ka laua mau wati, aka mahope iho hoi o ke Frank aia ana mai a iaia hoi e walea ana i ka hookele ana i ka moku lele me ka hookuu ana ona i ka ikaika a pau o na enegini, ua ike aku la oia i kekahi mea me he wahi manu keokeo uuku la mamua pono o ka ihu o ka Poai Lewa.

  I ka hala ana hoi he elua hora mai kona wa i ike mau loa ai, aia hoi ua hoea pono aku la oia maluna pono o ua mokupunie la.

  Ia wa, ua hoopaa iho la oia i ka nee awiwi ana o ka Poai Lewa imua a kau hoolailai iho la maluna pono o ua wahi mokupuni la.

  He wahi mokupuni uuku loa keia ma ka welau akau loa a he wahi hoi i ku nui mau ole ia e na moku okohola, a he kakaikahi loa ka poe i maopopo pono kahi o kela wahi mokupuni i waiho ai

  No ka hala loa hoi o keia wahi mokupuni ma kahi anu loa, aole ona koho ia e na kanaka, aka he wahi hele nui ia nae e ka poe makinika i na mahina o ke kau, no ke alualu holoholona, e laa ke kohola, bea, kia a mau holoholona liilii e iho, nona na ili i ake nui loa ia e na poe kalepa.

                    Aole i pau.

 

  I ka haulelau o ka 1893, loaa iho la ke keikikane a Mr. T. A. McFarland, he haole kalepa ano maka hanohano o Live Oak, Sutter Co. Cal. i ka mai kunu koikoi loa. Mamuli o ka ikaika loa o ka eha ma ka umauma ua loohia i ka umii a me ife mea la e loaa ana i ka wela ma ke akemama. Ua hoohainu aku kona makuakane i na olopu nunui lehulehu o ka CHAMBERLAIN'S Laau Kunu, a pela i pau ai a oia loa ke kunu.  Ke olelo nei o Mr. McFarland i na wa a pau e loaa ai kana mau keiki i ka nae e haawi ana oia ka CHAMBErLAIN'S COUGH REMEDY (Laau Kunu Ola), a he ola io maoli no. Ke manao paa nei oi he laau kunu oi loa keia ma ka makeke. E loaa no ma na Halekuai Lapau Lapaau a pau, a o BENSON, SMITH & CO. na Agena ma ko Hawaii Paeaina.    tf

 

  E heluhelu i keia malalo iho i lawe ia mailoko mai o ka palapala a Chas. M. Gutfield o Reedley, Fresne Co, Cal.

  "Me ka hauoli au e hoike aku nei ma ko'u inu ana no hookahi la i ka CHAMBERLAIN'S Laau Kunu, u houla i ke kunu koikoi i loaa ia'u. Ua nalulu ino loa ia ko'u poo a hiki ole ke moe i ka po. Ke hoikeike aku nei au i kela laau laapau ola. O ke anu i kokoke loa e komo iloko o ke poo a mahope hoohele aku i ka puu a me na ake. Ma o ka inu ana la i keia laau i ka wa koke e loaa ai i ke anu, e hoola koke ia i ka wa pokole a keakea ia ke komo loa ana aku iloko o na ake. E loaa keia laau ma na Halekuai Laau Lapaau a pau, a o BENSON, SMITH & CO. na Agena ma ko Hawaii Paeaina.               tf

 

NA KANAKA

Dr. LIEBIG & CO.

Na Kauka no na mai

Kuluma Malu a

me Kuulala.

 O ka Dr. Liebig laau hooikaika kino o a ka laau lapaau hoola maikai ioa no ka nawaliwali ka emi o ke ano noonoo kanaka makua a me na mai malu, ka hoopio awiwi ia mai a me ka hoomakaukau no na hana o ka noho ana mare, ka oinolu a me na koikoi. He hookahi omole $1 hoao e haawila mai ai a e hoouna ia aku paha me ka uku ole i kela a me keia mea e hoike mai ana i na hiohiona mai E kipa a i ole o leta. mai ma 40@ Geary St, puka komo 405 Masoa St San Francisco.

                            2507-1y

 

Ka Hawaiian

Gazette

He Nupepa Namu Elua

Puka ana o ka Hebedoma.

ma na

POALUA a me POALIMA

e hoopuka ia nei e ka

Hui

HAWAIIAN

          GAZETTE

                     COMPANY.

  O ka Nupepa Kuloko

Alakai keia ma ka Olelo

Beritania e hoolahaia nei

maloko o ka Paeaina a

hala loa aku i na Aina E

a ke heluhelu ia nei e na

mea a pau ma na oihana

na Halekula a komo loa

iloko o na ohana.

Ka Uku Papa Laulaha.

No ka Malama . . . . . . . . . $  50

No ka Makahiki Kuloko. .  5.00

No ka Makahiki Kuwaho.   6.00

Keena Hana Helu 318.

                           Alanui Kalepa.

Pehu Leta O.  Honolulu Oahu

2531-tf

 

Na Hua

Kuni

Inoa

  Eia ka Hui Hawaiian Gazette Co., ke hana paka maoli nei i na Hua Kuni Inoa o kela a me keia ano, nui a liilii e like me ka iini a ka manao.

            PAID

HAWAIIAN GAZE@

  O keia mau Hua Kuni Inoa, ua lawa ia no ke kahakaha ana ma ke kana a pepa e ae e hoailona ai i ka Inoa a kohu maluna o kekahi mea i makemake ia e kuni a kaha paha.

   He like ole na uku o na Papa Kuni Inoa, no ka mea aia no ke kau ia o ka uku a maopopo ke ano o ka Papa Inoa au i makemake ai, he nui a he liilii paha. Aka he oluolu ka uku a he waipahe na kuka ana.

  E kipa kino mai e nana i ike kumaka, a i ole ia e hoouna mai i na kauoha ma ke

  cena@Hana-Maika @Halepai 'HAWAIIAN GAZETTE. Helu 318 Alanui Kalepa, Honolulu

2531-tf

 

Halepai

  Hawaiian

       Gazette.

  O keia ka Halepai Nupepa Alakai o ke Kulanakauhale o Hono lulu nei. Ua lako i na Hua Kepau o na ano a pau a ka makemake e ui ae ai.

  Eia ma keia Halepai e pai ia nei ka Nupepa KUOKOA, a me Nupepa HAWAIIAN GAZETE PACIFIC COMMERICAL ADVERTISER CHURCH CHRONICLE a me PLANTER'S MONTHLY.

  Ua hiki loa i keia Halepai ke pai aku i na pepa nunui hoolaha alanui, na buke, na bila kikoo, na bila hookaa, na palapala poloai ahaaina a me na hana e ae a pau o ka oihana pai.

  Eia maloko o keia Halepai he Keena Humuhumu Buke, kahi e humu ia ai na Buke, na pepa a me ua mea a pau i pili i ka humuhumu ana i na palapala. He oluolu ke kuka ana a he emi kupono na auhau.

Keena Hana, Helu 318 Alanui Kalepu,

Honolulu ka Hale @ana.

2531-tf

 

Hoolaka Kumau.

 

  Aole loa e maikai a oluolu ke ola ana o kekahi mea kino uhane ola ina he aalole kona akepaa a hiki ole ke lawelawe i kana mau hana me ka hololea. E hahai ana ka nalulu a me na nawaliwali e ne ma ka moali o ke ake ponalo. He mea oiaio keia i hoolalo ia ma na wahi o na poai oluolu akau iloko o ka hapaha keneturia, o na

HUALE A AYERS,

oia wale no ka LAAU HOOLA AKE maikai loa i ikeia. E hoola ana i ka lepopaa, ka nalulu eha, na ma'i oloko o ka opu, a ma ke ano LAAU OHANA aohe ona lua e like ai.

  O ka Ayers SASAPARILA, oia ka Laau Hoomaemae Koko kilakila e haawi ai i ka ikaika a me ka hooponopono ana ia loko o ke kino o ke o ka ili, e hoopau ana i na maluhilukanaka. E pepehi a uiupa ana i na POHA, e hoola ana i na pohapoha hi o ke ola ana a e kipaku loa ai i na ano ma'i a pau. O ka poe ma'i no ka wali pono ole o ka ai, ka nawaliwali mau a ano ma'i e ae i ulu ae mai ke koko ino mai, he mea pono e inu i ka laau

SASAPARILA A AYERS.

He laau e hooikaika ai i ka nawaliwali, a e hoopuipui mai ai i ke kino. Ma ka inu ana i keia laau, e hoonoono ia ai ka ai ana, oluolu ka moe ana a maikai ke ola ana.

  O ka Ayers Cherry Pectoral laau, aohe lua ma ka hoola awiwi ana i na KUNU, ANU a me na PUU EHA. E hoola ia na KUNU KALEA a me na ma'i pili i ke ake me ka hikiwawe loa.

  O na Huaale a Ayers, na Sasaparila a me ka Ayers Cherry Pectoral, aia kahi e loaa ai ma ka Halekuai o ka

 

Hollist6-r  Drug  Co.  Lt.

Na Agena ma ka Paeaina Hawaii.

2514

 

KAKELA

ME KUKE

 

Ka Halekuai Nui

----O NA ----

WaIWaI    LIKE    OLE

 

NA MEA

HANA KAMANA AIPAU

Na lako pili hao kukulu hale,

    Na kepa,

        Na lie ilio

             Na kaulahao ilio,

                  Na Pahi,

                      Na Upa,

                           Na kope hulu,

                                Na Puluplulu,

PALAU   LIO

                              Na mea mahiai,

                                    Na au ho,

                                Na au koi,

                           Na kua bipi,

                       Na kaulahao bipi

                 Na uwea pa,

           Na kaa palala,

      Na mea piula,

  Na ipuhao.

            Makau me Aho Lawaia

Na Iliwai

      Na kaula,

           Na hulu pena,

                Na pulumi,

                      Na pena, me ka aila.

                            Na kopa,

                                 Na aila mahu

                                       Na pak@k@

  Na pakek@ hao,

          Na kapu hao,

                Na pauda,

                      Na kukaepele,

                           Na uwiki, a me

                               Na ipukukui.

Mikini Humuhumu Kaulana

Wilcox,  & Gibbs  Hookahi Lopi.

ka Remington, Elua Lopi.

    A me na ukana he nui loa, o keia ano me keia ano.

Kakela me Kuke

@26 q