Ka Nupepa Kuokoa, Volume XXXIV, Number 34, 24 August 1895 — Kela Mau Keiki Hookahuli Aupuni. [ARTICLE]

Kela Mau Keiki Hookahuli Aupuni.

O kela mau keiki haole i hele ai i ke kahua hoomoana kaua o Kaalawai o ka poe anee alii kipi i kuko ai e hookahuli i ka Repubalika, i paa i na mea kaua a hookohukohu alakai, no laua na inoa W. H. C. Greig a me Louis Marshall, a i huikala ia e ka Aupuni e haalele i ka Repubalika me ka hoi hou ole mai i Hawaii nei, e hookau ia ana laua maluna o ka mokuahi Monowai o ka Poaha iho nei, a hookuewaia mai ka Paredaiso aku. Ua kahaha kekahi poe i ka huikala ia o ka poe i lawelawe maoli me ka manaoino, a o na Hawaii ponoi i komo punihei aku malalo o na alakai hawa ia, e hoomau ia ana ke kakauha o ke kanawai maluna o lakou. E hookaulike ia na hoomolio ana i ka wakani o ke kanawai maluna o na mea a pau i komo iloko o ia kiowai ekaeka me ka nana ole ma ka waihooluu.