Ka Nupepa Kuokoa, Volume XXXIV, Number 39, 28 September 1895 — Page 1

ka nupepa kuokoa.

 

KE KILOHANA POOKELA NO KA LAHUI HAWAII.

 

ME KO HAWAII PAEAINA I HUIIA.

 

BUKE XXXIV.  HELU 39.   HONOLULU, POAONO, SEPATEMABA 28, 1895.  NA HELU A PAU, 2565

 

@oolaha Loio.

 

H. R. HITCHCOCK,  Notari no ka Lehulehu.

Apana Hookolokolu Kaapuni Elua, Kaluaaha, Molokai.  2514-tf

 

W. R. KAKELA,

Loio a he Kokua ma ke Kanawai.

HE LUNA HOOIAIO PALAPALA.

2579

 

ALLEN & ROBINSON,

  Na mea kuai papa o na ano a pau  E loaa no ma ka Uwapo o Pakaka, Honolulu, make kumukuai makepono loa, no ka pomaikai o ka lehulehu e makemake ana e ku @uluhele.  E kipa mai a e ike kumaka.  2396-q

 

WILDER & CO., (WAILA MA.)

Mea Kuai Papa a me na Lako kukulu hale o na ano a pau, a me na e ae a pau e pono ai o ka hale.

    Kihi o Alanui Moiwahine me Papa.  395-q

 

JAMES M. MONSARRAT, (MAUNAKEA.

Loio a he Kokua ma ke Kanawai

HE LUNA HOOIAIO PALAPALA.

                E bana ia no na Palapala @uai, Palapala Moolimalima, a me na Palapala Pili Kanawai e ae ma ka olelo Hawaii.  Dala no ka boaie ma ka moraki ma na Waiwai iʻaa.

                Keena Hana:  Hale Pohaku hou ma ka aoao ma Waikiki o ka Halewai, alauni Kalepa.  2370

 

OLELO HOOLAHA.

 

                O na boe lawelawe hana ole a pau me ka Hui Hanai Hipa o Humuula, ke papa loa ia aku nei i akou aole e hele maluna o na alanui a ala liilii o na aina e noho mana ia nei e ua Hui la ke loa a ole ka ae ia mamua.

                O na ilio e loaa aku ana maluna o ka aina, e pepehiia no; aole loa e ae ia ka hoʻa pua ana ma alanui.

HUMUULA SHEEP STATION COMPANY, Kalaieha, Apr. 20, 1895.   2544-ly

 

HALAWAI KUIKAWA.

 

E MALA IA ANA HE HALAWAI KUIkawa no ka Poe Kuleana iloko o ka Hawaiian Fruit and Taro Company (Hui Hawaii Hua-ai a me Kalo) ma ke Keena Oihana o James F. Morgan ma Honolulu, Oahu, ke hiki ahu i ka la 9 o Sepatemaba, A.D. 1895, hora 10 kakahiaka.  Ua makemakeia e akoakoa piha mai na poe kuleana.

 

A. N. KEPOIKAI, Kakauolelo.

Wailuku, Maui, Aug. 17, 1895.  2560-S

 

PAPA!  PAPA

AIA MA KAHI O

LEWERS & COOKE

(LUI MA)

Ma ke kahua hema o Alanui Papa me Moi.

E LOAA NO NA

PAPA NOUAIK@

O kela a me keia ano.

 

Na Pani Puka, na Puka Aulani, na Olepelepe, na Pou, na Oʻa, na Papa Hele, na Papu Ku, me na Papa Moe he nui loa

 

NV PILI HALE O NA ANO A PAU

A me na

WAI HOOHINUHINU NANI

o na ane a pau loa.

 

Na Balaki e na Ane he Nui Wa

 

  Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e lii ana ma ka laua oihana no ka

Uku Haahaa Loa,

a like me ka mea e holo ana mawaewae o Lama a me ka mea Kuai.

Hele Mai e Wae no Oukou iho,   @@@@-g

 

 

HE MOOLELO

:NO:

Frank Reade Opio

Ka Mea Nana i Hana ka Moku Lele ma ka Lewa-lani--Ka Mea Nana i Kaapuni na Wahi a pau o ka Lewa--A mai ke Kukulu Akau a ka Hema--A mai ka Hikina a ke Komohana--Ka Mea Kupaianaha o ke Keneturia Umikumamaiwa--Ka Naauao Kelakela o ke Kanaka--Ka Haawina Makamae a ke Akua i Haawi mai ai.

 

KA "POAI LEWA."

 

MOKUNA III.

 

                Iaia hoi liuliu ae ai e haalele iho, ua komo mai la kekahi lede oiwi loihi maloeloe maikai, me ka paa o kona mau maka i ka uhimaka, a hele pololei mai la ua lede nei a kokoke imua o ko ianei a@o oiai e ku malie ana keia me ke pahaohao, ua hapai ae ia ua lede ia i kona uhimaka, a me ka nana pololei ana iaianei me ka minoaka waipahe ma kona mau papalina, ua pane mai la oia me ka leo nanahe i like loa no me ko Isabela:

                "Ua maopopo iau he makemake paha oe e kamailio mai iau, a no ia mea au i hele mai nei maanei i ole e nema wale ia e kekahi poe?"

                "E kala mai oe e ka ui nohea iau. He mea oiaio keia, oiai na kou helehelena i hoouluhua nui i koʻu noonoo," wahi a Hale me kona kunou haahaa ana imua o ka lede.

                "Ma ke kumu hea koʻu helehelena i ilio ai i mea na kou noon@o e hana ai?" i ninau mai ai ka lede.

                "He wahi moolelo pokole kaʻu e kamailio aku ai ia oe, a no ia mea, e noho kaua ma kekahi wahi a e hoike aku au ia oe mai ka mua a ka hopena," wahi a Hale.

                Noho iho la laua ma kekahi noho. Ia wa, ua kamailio aku ia o Hale:

                "No ka like loa o kou helehelena me kekahi mea au i ike ai, a au hoi i mahalo nui ai, nolaila au lilo kou nanaina i mea nui nau e noenoe nui ai."

                Ia wa, ua wehewehe aku ia e Hale i ka moolelo mai kona hoopakele ana ia Isabela a me kona makuakane mai ka moku poina mai a hiki i kona haalele ana aku iaia e makaukau ana e mare ia me ke kane ma ia po koke iho no.  Ua hai pu aku hoi oia he lede waiwai nui loa o Isabela, oiai ka waiwai o kona makuakane a me kana kane mua i make, a he ona miliona nui hoi keia kane hou.

                Ua hoolohe mai @a ua lede la me ka pane leo ole, aka aia nae ma kona helehelena na kahoaka o ka hauoli.

                Ia wa, ua kamailio hou aku la o Hale. "Eia kekahi mea a@u i lohe ai ia Isabela a me kona makuakane e kamailio ana ia makou maluna o ka lapa papa iwaena moana.  Ua ninau aku o Isabela i kona l@a@i ina ua maopopo ua make io kona hoahanau, oiai ua hanau mah@ee ia la@a, a no ka maʻi loa o ko laua makuahine, ua lawe ia kekahi o laua e ke kaikaina o na makuahine ia, a o Isabela hoi, ua hanai kane no ka makuakane, a aole i liuliu, ua make iho la ko laua makuahine.

                Mahope mai hoi, ua hele mai la ua kaikaina la o ka makuahine i make, a @ mai la i kekahi lono kaumaha hou i ua makuakane la, ua make ke kaikamahine ana i lawe ai e malama, nolaila mai kela wa mai, au noho kela kanaka me ke kanikau mau no ka lua o kana mau kaikamahine."

                "Akahi io au a hoomaopopo i ka oiaio!"  wahi a ua lede la i pane mai ai me ke ano hikilele, a hoomau hou mai la oia.  "He mea au aole loa i ike iki i koʻu makuakane a me ko@u makuahine a hiki i keia la.  O ke kaikaina wale no o ko@u makuahine ko@u makua hookahi mai ko@u @mau la uuku mai.  Nolaila, ina he like loa io au me keia lede au e kamailio mai nei, alaila he mea kupaianaha io kela."

                "Ae, aohe o olua wahi ano e iki.  Ua like @lua ma na ano a pau, mai ke kino, @ka helehelena a ka leo, aohe wahi lilo.  Oiai ia oe e noho nei, o Isabela no oe ma na ano a pau.  Nolaila, eia wale no ka mea maikai loa, e holo pu kaua a hiki imua o ko olua makuakane, a aole e nalo iaia ina oia e ike mai ana ia oe, a lohe hoi i ka inoa o kou makuahine hanai.

                "Pehea auanei au e hiki ai, oiai e hele ana au ma Bosetona i ka hana, oiai aia ma ia mea e pono ai koʻu noho ana, no ka mea, ua make ua makuahine hanai @la ou," wahi a ua lede opio @la.

                "Mai nana oe no ia mea.  E holo aku kaua a hiki i Bosetona, a malaila au e hoonoho ai ia oe ma kekahi hotele maikai, a noho oe malaila a hoea hou mai au me kou makuahine ponoi, alaila holo kakou no ka home o kou makuakane ponoi," wahi a Hale.

                "Auwe kou lokomaikai! Nani wale ko@u hauoli ina he oiaio a kou makuakane io kela au e kamailio mai nei," wahi a ua lede @la.

                "Aole loa ou kanalua iki, ina he oiaio he mau kaikamahine mahoe io kana e like me kau i lohe ai mai kona waha ponoi mai, alaila o oe no ko lua o ua mau mahoe la.  Heaha la ʻke kumu o kela wahine i huna kele loa ai ia oe?"

                "Aohe au kumu e ae e manao ai me he la, o kona aloha wale no iaʻu, no ka mea, aole paha ona makemake e lawe hou ia au mai iaia mai.  He aloha loa oia iaʻu, a ina paha aole oia i make hikiwawe loa ina paha ua kamailio mua mai no oia iau, aka ua make oia me ka hikiwawe loa.  Aole no kekahi manao e ae.  He oi aku kona minamina iaʻu mamua o na mea e ae a pau ana ma keia ao," wahi a ua lede ui nohea la me ka ha@oihoi mai o kona mau waimaka ma kona mau lihilihi loloa ooi.

                "Nani wale kou hauoli o ka lilo ana owau ka mea nana e hoohui hou ia oe me kou makuakane, a me kou hoahanau."

                "Aole no oe e mihi ana no keia hana au, oiai o na mea a pau au e nonoi mai ai iau, e loaa no ia," wahi a ua lede ʻla.

                "Aohe au mea e manao ai e nonoi aku ia oe, a aohe no ou makemake e uku ia mai au," wahi a Hale.

                "Aole au i manao e uku aku ia oe me ke dala a mea e ae oia ano, aka he uku okoa no kaʻu i manao ai ke ae mai oe," wahi a au lede la me ka puapuai ana ae o ka ula ohelhelo ma kona mau papalina.

                Ua hiki ole ia Hale ke pane koke aku iloko o kela wa, oiai ua hoopiha loa ia kona naau me ka pihoihoi no ke ano o na olelo a keia wahine ui launa ole i kupono e noho maluna o ka noho kalaunu gula nani, a pehea ia i hiki ai iaia ke hoohihi mai iaia nei me kona kulana haahaa, a no ia mea, aole ona makemake e hookuhihewa i ka manao o ka lede opio, nolaila ua e-a ae la oia a kamailio aku la.

                "Aole paha oe i maopopo i kau mea e kamailio mai nei e kuu makamaka maikai.  Aole loa au i kupono e kulou aku a kalakala ae i na kaula o kou kamaa, no ka mea, he wahi kulana haahaa loa koʻu, a he kauwa hoi au no ka poe i like me kou ano", wahi a Hale i pane aku ai.

                "Ua kuhi anei oe he nana au ma ke ano o ke kanaka, ina he waiwai a ilihune paha oia?  Aole loa.  He nana au ma kona ano maoli, ke ano hoi o ka uhane ola iloko ona, a oiai ua maopopo iaʻu o oe hookahi ka mea a koʻu puuwai i aloha ai mai ka wa a koʻu mau maka i ike mua ai, hooholo iho au o oe wale no ka laau lapaau nana e hoomaalili keia eha koni iloko oʻu."

                Ia wa, ua puili aku la o Hale ma ka puhaka o ua ui nohea la, a honi hoomau iho ia laua me ke kuwiliwili ana, a ia wa nohoi laua i hoopaa iho ai i ko laua hoopalau, ma ka olelo ana, aia a ike ua ui la i kona luaui makuakane, alaila, o ko laua wa no ia e mare koke ia ai, no ka mea, aoho ona makemake e hooloihi ia ka manawa.

                E haalele aku kaua e ka mea heluhelu ia laua e kuwiliwili ana i ka laua momi hou i loaa ma ka punawai lana malie o ke aloha oiaio, ka mea hoi a ka hapanui o keia mea he kanaka e paulele nui ai me ke kuhihewa a me ka puni wale i ka hinuhinu pau wale o ko keia ao piha hewa, a e huli ae kaua a nana ae i ka po lea o halalii ma ka home nani o ka ona miliona nui o Nu Ioka.

 

 

 

MOKUNA IV.

KA MARE ANA A ME KA HOOMAKA

ANA E KAAPUNI HONUA.

                Aole he pe lealea i ike ia ma ka poai o na poe hanohano a koikoi o Nu Ioka e like ma keia po, ke po hoi i hoohui ia ai o ka ui nohea kanemake Isabela Barton me ka opio ake akamai kaulana a waiwai o Readestown Frank Reade.

                O ka home noho o ua ona miliona la, he pa nui nona na eka aina he umi i hoopiha ia me na laau kanu o keia a me keia ano.  Aia hei iwaenakonu e ku ana he hale kakela nui, a nani lua ole, a i hoolako ia me na nani a pau a ke dala e hiki ai ke hoohiwahiwa.

                Ua hoa ia na ipukukui uwila ma kela wahi keia wahi o loko o ka pa, maluna o na kumulaau ame na opu mea kanu, a ua hele hoi a me he poe hoku la ke nana aku, a i oi loa hoi, o kela a me keia ano waihooluu.  O ka hale hoi, ua hele a kauluwela i kaua mea o ka malamalama.  He mea oiaio, he nani a kamahao io no ke nana aku.

                E oloio ana hoi na kaa lio o kela a me keia ano mai waho aku a mailoko mai o na wahi la.

                Me he la ke nana aku, ua like me kekahi hale alii nui no kekahi moi nui o ke ao nei.  Ua kuupau mai la ka ona miliona kaulana o Nu Ioka i kona mana a pau o hanohano @i ka mare ia ana o kaua kamalei aloha.

                E hio ana hoi na kauwa i o a ia nei me ko lakou mau aahu nani i kinohinohi ia me na wai gula a wai dala.  Na ke kahu wahine poo e hookipa ana i na malihini poloai ia.  Oiai oia ka rula paa oia hale ma ia kahu e hookipa mua i na malihini.

                No Pomp a me Keoni, ua hao hoi laua me k@ laua mau aahu nani loa a he kohu mau keonimana waiwai nui  laua ke nana ia aku, a ua hookipa ia laua e like me ke kauoha a ko laua haku ma kahi o na poe i poloai ia.

                I ka hoea ana i ka hora eiwa o ke ahiahi, ua makaukau na kahunapule elua no ka laua mau hana, o ka hoolilo i na opio iloko o ke ape guia o ka materemonio maemae o ka mare.

                Iloko o ka wa e akoakoa ana na poe a pau maloko o ke keena nuii nani o ua kakela @a, ua puka mai la na mea mare me ko laua nani nui, a ma ko laua hope hoi, e ukali ana he eono poe kaikamahine ui opiopio i hoaahu ia me na aahu i ano like me ko ka wahine e mare ia ana, a me na keonimana hoi he eono me ko lakou mau aahu eleele i ano like me ko Frank  I ka nana aku, o Isabela a me Frank no na oi o ka ui iwaena o na poe a pau i akoakoa ae ma ua po lea la o Halalii.

                I ke kuku pono ana o na mea mare imua o kahi o na kahunapule e-u-ku ana, au hoomaka mai la na kahunapule e lawelawe i ka laua apana hana.  Mahope iho o ka amama ana o ke kahuna, ua hele mua aku la ka makuakane o Isabela a honi aku la i kana kaikamahine, ua lalau aku la oia i ka lima akau o kana hunona hou, a me ka leo piha eehia, ua pane aku la oia:

                Aole i pau.

 

HE MOOLELO WALOHIA

-NO NA UI-

Makua Ole Elua

LA FOSA,

Ka Makona,

A ME

Pia Fosa,

KA MEA I PIHA I KE ALOHA.

 

DE WODISE,

Ka Naita Puuwai Piha

Hamama a me ka Olu

Waipahe.

 

MOKONA XVI.

KA EHAEHA A ME KE ALOHA.

                “Auwe, nui maoli kou lokomaikai!” wahi ana, iaia i wehe ae ai i ke kauka e kau ana maluna o kona mau kihipoohiwi.

                “Aole – aole!”  i pane mai ai o Pia, me ka hoao ikaika ana e pale iaia mai ka hana ana pela, a me kona hoole paakiki loa ana aku aole oia e ae i ka lawe hou ana mai.

                “E Pia, e lawe hoi oe, wahi ana me ka hookonekone ana mai iaia e lawe.  E kuu aloha Pia, e aloha mai oe iau, no kou oia hoi e lawe oe!”

                Aole e hiki ia Pia ke hoopupu hou iho i ka hoole iloko o keia mau nei haahaa, a me ka hoihoi ole oia i komo hou iho ai i kona kuka.

                “Aole hoi ou anu i keia manawa,” wahi ana, me ka hooikaika nui ana e huna i na ehaeha he nui ka mea hoi aole i mamao mai iaia aku, i na kulu ha@ nunui anuanu i haole hou iho ai maluna o kona mau kihipoohiwi i kokoke e nele i kahi @@hu, “a ina paha aole au, aole anei au i ike i na ehaeha he nui? Aole anei lakou i  haalele iho iaʻu iloko o keia keena anuanu, pelapela, malalo ih@ o kaupoku o ka hale e make, no kou hoole loa ana aole e makilo?  Aka, auwe! E makilo au mamua o ka make ana a me ka nalowale aku hoi o na manaolana no ka ike hou ana aku i kuu aloha Heneiata no hookahi manawa i koe!"

                Na ka leo kaniahu no ka nui o ka ehaeha e hele pu mai ana hoi me na huaolelo i hoanoe loa aku i ko Pia noonoo, a no kekahi niau minute he lehulehu wale aole e hiki iaia ke kamailio.

                "Aole anei he wahi n@noo mai iloko ou e mahuka?" wahi a Pia i ninau aku ai."  Ua hiki iaʻu ke kokua ia oe.  E hele au e hoike i ka makai, a na lakou oe e malama mai keia mau popilikia ae."

                "Aole--aole," i pane aku ai o Luisa, me ka hikiwawai nui, "mai hana oe pela, ua noonoo no au no ia mea, aka he mea ia nana e paniku iaʻu mai ka ike hou ana aku i kuu kaikuaana aloha.  Aole e nele ko lakou hoopaa iaʻu iloko o ka home o na makapo, a he mea maopopo e nalowale no au mai iaia mai no ka manawa mau loa.  A mawaho ae o na mea a pau, he wahi manao kou nana i hoouilani iaʻu, a o koʻu wahi manaolana wale no hoi.  Ina lakou e lawe ana iaʻu mai kekahi pea o ke kulanakauhale a i kekahi, a malia paha i kekahi la a kuu wahi leo e lawe ia aku ai e ka aheahe makani a kuu kaikuaana aloha.  E himeni no au i ke mele a maua i hoopaanaau like ai, a i koʻu manawa e hooki ih@ ai, e kahea no au me ka leo nui.  "E Heneriata--e Heneriata hoi! Owau no hoi keia, o kou pokii Luisa!  Ke lohe mai ia no anei oe iaʻu e Heneriata, e kuaana aloha."

                I ke kaikamahine popilikia i himeni hou ae ai i ke mele a laua ke alanui hoi ana i manao ai nana e alakai iaia a hiki i ka loaa ana o kona kainuaana aloha o kona leo nui, a hiki i ka huaolelo hope loa ua hoopuka ae oia me kona ikaika a pau iaia, i manao wale ae ai no iaia no paha malaila ua lohe maila no kona kaikuaana iaia.

                Aia manawa pu no hoi ka okana o ka hale pule i kani mai ai i kekahi mele hoomaikai ai ke Akua ua like kela me ke ano pahenehene, no ka mea aia malaila, ma ke alanui pii o ko ke Akua Heiau, aole ane kekahi ia o kana mau keiki iloko o ka ehaeha nui, ka mea hoi e hoomainoino ia e ke kanaka, a o ehaeha a me ka popilikia ka ke Akua i ike iho ai maluna ona, malia paha no ka nui o na hewa o kona makuakane?

                Pii mai la ka makau ia Pia no kona makuahine o lohe mai i ka leo kahea o Lusia, a ma ke ano o ke kani o ka okana oia i hoomaopopo iho ai ua pau ka pule, no ia mea olelo ae la oia me ka malie:

                "Pau, e Luisa, mahope lohe ia mai.  Ua pau ka pule, a he hoea mai koe o mama no ke kiai ana ia oe."

                "A ina au e loaa mai ana iaia me kou himeni ole aole e nele kona hoolele mai i kana puupuu."

                A hoomaka ae la ka mea popilikia e himeni iloko o ka leo liilii nahenahe ina poe hoi me ka iole makamae kumukuai pii i puka mai ai mailoko mai o ka halepule, a i ke kaikamahine makapo me ka ike ole ae i keia mau @ani.

                O kahi leo nawaliwali, nahenahe o Luisa aole ia i maliu ia mai e ka poe haipule. o ke kumu paha mamuli paha no ka nui loa o na manao o ke Akua i komo iloko o lakou, ka mea hoi a ke kahunapule maikai i hookomo ai iloko o ko lakou puniu, me ka ike ole iho no hoi i kekahi o ka@a mau keiki e himeni ana no ka pomaikai o keia o@a ana.

                Mawaena o na poe hope loa i puka aku mai ka hale aku o ke Akua o ke Kaunase de Linire kekahi. a maluna o kona helehelena ka nanaina o ka ehaeha nui a me he mea ia e ke ano maoli no ia o kona nanaina.

                "Ua pule aku nei au i na Lani e hoihoi hou mai i kuʻu keiki," wahi ana, iaia iho no.  "Aole loa anei e pane ia mai kau mau leo pule?

                Na ke mele kaumaha a Luisa e himeni ana i hoopuiwa ae iaia me kona hoolohe ana, a hoomaka maila ka oni ana o kekahi mea anoe iloko o kona umauma.

                "Maikai maoli ke@a leo!  Iloko o ka nahenahe a me ke kaumaha!  Me he ala ka hoi e hoala mai ana i ke aloha a me ka lauluu nui.  E ka Lani lokomaikai!  Heaha ia ka manao nui o keia nana anoe ana a ke kaikamahine?"  Iaia i kulou mai ai imua o ka makilo ilihune, me ka ninau ana iho: "E kuu keiki maikai, aole anei ou ike mai iaʻu."

                "Aole, e madame," wahi a ke Luisa leo liilii kaumaha.

                "Pilikia maoli oe o ke keiki! I hooho mai ai ke kaumaha."

                "Ua aloha ane oe iau, e madame?" ia Luisa i ninau aku ai me ka hoomaopopo ole i ke ano o kana mea i olelo aku ai, a me ka moeuhane mua ole pehea la ka nui @ ke kuleana i loaa iaia ina eia e koi aku ana i ke aloha a me ka ehaeha mai ka lede hanohano iaia hoi e kulou aku ana imua on@.

                I ke kaikamahine i hoomaka ae ai e kamai"io p@ ana kona l@ ina umiki oolea lokoino, a hoomaopopo iho ia oia ke hoolohe nei ka makuahine Fosa i kana mau mea e kamaili ai.

                I kela manawa koke no akahi no ke Kaunase de Limire a ike aku i na helehelena oolea a kahi luahine ino, a ma o kana hoohalikelike ana mawaina olaua ua nui loa kena pohihihi.

MOKUNA XVII.

                Ka manawalea a me ke aloha.  O ka ninau a ke kaikamahine makapo, "Ua aloha anei oe iaʻu, e madame?" na ia i hooi loa aku i kona aloha no ka mea popilikia a o ka mea hoi i ma@ mau i ke Kaunase o ka hikiwawe o ke aloha, a me ka manao pihoihoi eia i pane aku ai:

                Aloha ie oe? ae he mea oiaio, ua aloha au ia oe, e kuu keiki maikai?"

                Ua pa pono aku ia keia mau huaolelo ina pepeaio o ke kaikamahine makapo me ka leo nahemahe, me kona nee ana mai imua o ka lede lokomaikai, me ka manao ole ia o na hana ino a kahi luahine makona, ka mea hoi e hoao nei me kona ikaika apau e hooli@ i ke oia o ka wahine opio i mea lapuwale loa.

                "I aloha anei oe iau no kou makapo ana, ea," wahi ana, iloko o ka leo kaumaha.  "Auwe, e madame, aole ia o kou pohihihi nui."

                "Heaha kou manao?" i ninau aku ai ka lede puuwai hama@, iloko o ka pahaohao." E kamailio, eke keiki maikai, he mea waiwai au, a malia paha ua hiki no iaʻu ke--"

                "Auwe! ina au e aa ana!" i hooho mai ai a Luisa, me kona hoomakaukau iaia iho no ka hahai ana aku i kona moolele i keia lede ka mea hoi i kamailio aku ai iaia iloko o ke aloha pumehana, a o ka mea hoi i makaukau i ka haawi ana ina kokua iaia no ka huli ana i kona kaikuaana aloha.

                I ka lohe ana o ka makuahine Fosa i na huaolelo apau a Luisa i olelo aku ai, ua pii koke ae ia kona makemake ole e hoomau hou ia ak@ ke kukai kamailio ana mawaena o laua, hopu aku ia oia ina lima paupalu o ke kaikamahine makapo mawaena o kona mau manamanalima @olea lapuwale, a na ka nui @ ka eha o keia umiki ia ana ua uwe ae la oia me ka ehaeha.

                "Ea--ea?  heaha keia?"  i ninau aku ai kahi luhine in@, me kona hookekoke a@a aku i kona helehelena momona, lepo a kokoke e pili me ko ka lede hanohano, i kona mau wahi maka uuku e hakilo pono ana i ka helehelena, o ka lede, me ka manao malaila a loaa ai iaia ka nui o na mea a Luisa i hahai aku ai.

                He ohana no anei kou--a makuahine h@i?" i ninau aku ai ke Kaunase ma o Luisa aia, me ka nana ole ia hei a na olelo hookuikui a La Fosa.

                "Makuahine!" i hooho mai ai ke kaikamahine makapo, iloko o ka leo o ka mea i loaa i ka popiliki a nui.

                Iloko a keia wahi huaolelo hookahi wale no o na hana lokoino apau loa ua mahae, a o kona wahi uhane ua kohu mea e puka pu mai ana me ka huaolelo.

                Ua puka e ka Luisa olelo mamua o ka hiki ana i ka mea i piha i ke lokoino nui ke pale ae; aka ua loaa i kahi luahine lokoino ka hoopai e kau aku ai, nolaila me ke aloha ole ae iniki hou aku ia no oia, a ia manawa pu no hoi kamailio aku ia oia me ka hikiwawe nui, no ke p@ ana aku i ka lede mai ka hoomaopopo loa ana i ka leo o ke kaikamahine makapo.

                "Ae, e kuu lede maikai," wahi ana iloko o kona leo ha@oioi, mahaoi.

Aole i pau.