Ka Nupepa Kuokoa, Volume XXXIV, Number 44, 2 November 1895 — Hookuku Ki Pu. [ARTICLE]

Hookuku Ki Pu.

Ma ka auina la o ka Poaono, Okatoba 26, 1 malamaia ai ke ki pu hookuku mawaena o na Puali koa o ke Aupuni. Ua nui ke paonioni hookeiakela mawaena ona Puali Kumau E. ame F. Ua lilo ka eo ika PualiE., a e lilo loa ana ia Puali ka makana, oiai o ke kolu iho ia keia o ke kaa ana o kā eo ia lakou. Eia iho ka huina pau ona Puali i hookuku: Puali E. (kumau) 410. He 10 |>oe i ki, averika 41. Puaii F. (kumau) 400. ile 10 poe i ki, averika 40. Puali B. (pualu) 381. He 10 poe i ki, averika 38. Puali G. (pualu) 160. He 7 poe i ki, averika 24. Oka Puali G., oia kapuali o na oiwi Hawaii, a ia lakou no hoi ka panina ma ka helu haahaa. Ke olelo mal nei na poe o ke Komapani G., aole e emo, oi lakou. Aia hoi i ka nana ana aku 1 keia mua iho* Eia na Inoa ona poe i ki: Lutanela J. M. Kea, na koa G. Rose, Hookano, J. Kulike, J. M. Kealoha, J. Wallaee a me Jos. Mors9.