Ka Nupepa Kuokoa, Volume XXXIV, Number 51, 21 December 1895 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

            ME KO HAWAII PAEAINA I HUIIA

 

BUKE XXXIV.  HELU 51  HONOLULU, POAONO, DEKEMABA 21 1895. NA HELU A PAU. 2577

 

HOOLAHA Loio.

 

W.R.KAKELA,

Loio a he Kokua ma ke Kanawai.

 

HE LUNA HOOIAIO PALAPALA

2370

 

ALLEN & ROBINSON,

 

            NA MEA KUAI PAPA O NA ANO A PAU E loaa no ma ka UWAPO O PAKAKA, Honolulu, make kumukuai makepono loa, no ka pomaikai o ka lehulehu e makemake ana e ku kulu hale. E kipa mai a e ike kumaka.

2336-q

 

WILDER &CO. (WAILA MA.

 

            Mea Kuai Papa a me na Lako kukulu hale o na ano a pau, a me na mea e ae a pau e pono ai o ka hale.

 

Kihi o Alanui Moiwahine me Papu.

3@6-q

 

JAMES M. MONSARRAT,

(MAUNAKEA.

 

Loio o he Kokua ma ke Kanawai

 

HE LUNA HOOIAIO PALAPALA.

 

            E hana ia no na Palapala kuai, Palapala Hoolimalima, a me na Palapala Pili Kanawai e ae ma ka olelo Hawaii. Dala no ka hoaie ma ka moraki ma na Waiwai paa.

 

            Keena Hana: Hale Pohaku hou ma ka aoao ma Waikiki o ka Halewai, alanui Kalepa. 2370

 

OLELO HOOLAHA.

 

            O na poe lawelawe hana ole a pau me ka Hui Hanai Hipa o Humuula. Ke papa loa ia aku nei akou aole e hele maluna o na alanui a ala liilii o na aina e noho mana ia nei e ua Hui la ke loa a ole ka ae ia mamua.

 

            O na ilio e loaa aku ana maluna o ka aina, e pepehiia no; aole loa e ae ia ka hoapua anama alanui.

 

            HUMUULA SHEEP STATION COMPANY, Kalaieha, Apr. 20 1895. 2544-1

 

GOO KIM

 

411 Alanui Nuuanu.

 

Mau Waiwai Hou!

 

Mau Waiwai Hou!

 

Ua loaa mai nei la`u mai Amerika ame Europa mai he mau Lako Waiwai Hou Loa, kupono no na La Kulaia. He mau waiwai i wae ia no ke Karikimaka. Mai hoohala i ka nana aua i ka`u mau waiwai mamua ae o ke kuai a@a aku ma kahi e.

2575

 

PAPA! Papa

AIA MA KAHI O

Lewers & Cooke

(LUI MA)

 

            Ma ke kahua hema o Alanui Papu me Moi.

 

E LOAA NO NA

 

PAPA NOUAIKI

 

O kela a me keia ano.

 

Na Pani Puka, na Puka Aniani,

na Olepelepe, na Pou, na O`a,

na Papa Hele, na Papu Ku,

me na Papa Moe he nui loa

 

NV PILI HALE O NA ANO A PAU

 

A me na

 

WAI HOOHINUHINU NANI

 

O na ano a pau loa

 

Na Balaki o na Ano he Nui Wa

 

            Ke hai ia aku nei oukou e ma makamaka a pau, ua makaukau keia mau makamaka o oukou e hoolawa aku ma na mea a pau e lii ana ma ka laua oihana no ka

 

Uku Haahaa Loa,

 

a like me ka mea @ holo ana mawa@

o Lana a me ka Mea Kuai.

 

Hele @aio Wao no Oukou iho.

2395-q

 

KA MOOLELO KAULANA

 

O KA NAITA

 

GODEFERE

 

O Buliona;

 

KE

 

Duke o Loreine.

 

Ke Ahi Kanana o ke Kaua Kerusade

mua Loa a na Karistiano no ka

hoopakele ana i ke Kulanakau

hale Hemole`e Ierusalema.

 

MOKUMA III.

 

KA HOOUKA KAUA MA KE KULA-

NAKAUHALE O NIKE-LILO

MA`U WALE IA KULANA-

KAUHALE I KA EME-

PERA ALEXIUS.

 

Me ka puuwai koa oiaio,

Alana ae la oia i kona ola;

Hookahi no mea nui,

O ka lanakila haahoo.

 

            O ko lakou alii i keia wa, oia no ke keiki a Solimana, ka mea nana na hooili kaua lanakila maluna o na Karistiano mamua aku, a no ia mea i loaa ai iaia (Solimana) ka inoa hoohanohano, Ka Pukaua Laahia o na Kukulu o ka Hikina.

 

            A o kana keiki oia no o Davida i kapaia ma ka olelo Tureke a Arabia hoi he Kilidge-Arslau, o kona ano, Ka Pahikaua a ka Liona Ahiu, a he kanaka opio keia i haaheo nui ia e kona lahui oiwi. He koa, he wiwo ole, a he kanaka ike kalaiaina. Ua lilo na kahua kaua lehulehu i mau kula hoonaauao nona, a no kekahi wa loihi ua paa pio oia a hoopaahaoia hoi maloko o ka pa-kaua o Korakana malalo o na kauoha a Malek Seha, aka, ua hookuu ia oia mai ka noho pio ana, a kau ae la ia ma ka nohoalii o kona makuakane. Ua paa hoi oia i keia kulana, mamuli o kona wiwo ole ame ka piha makaukau i ke kalaiaina. O kekahi inoa ona oia no o Solomona, ka inoa o kona makuakane.

 

            Ma ka wa i hookokoke aku ai na koa Kerusade no ke kulanakauhale ana e nohoalii ana, ua haawi ae la ia i na kauoha i kona poe makaainana ame na alii aimoku e ae o na okana aina o Asia Uuku a ma Peresia nohoi no ka hele ana mai e kokua iaia. A he mea oiaio, ua nui a ua lehulehu loa na poe koa o ia mau wahi i hele mai e haawi i ka lakou mau kokua ana ia Davida, ke alii o Nike.

 

            Haawi ae la nohoi oia i na kauoha awiwi i kona mau tausani poe paahana akamai e hoomakaukau i na pa-kaua a puni ke kulanakauhale ma ke kulaua paa a ikaika loa hoi, e loaa ai hoi he mau mea na lakou e akeakea aku ai i ka ikaika o na koa Kerusade, e nee aku ana me he kaikoo la.

 

            Aia ma ke alo ponoi aku o ke kulanakauhale e ku ana kekahi pae kuahiwi kiekie, a ma ka aoao hema a pela nohoi ka aoao komohana o ke kulanakauhale e haaieale ana ka lokowai o Asekaniusa, a na kona mau huna wai e kapipi ana paia hema o ua kulanakauhale la.

 

            E hoopuni ana hoi na auwaha wai eli a puni ka aoao hikina ame ka aoao akau o ua kulanakauhale la.  He ekolu haneri ame kanahiku na hale towera pohaku i hanaia me ka pea loa, e ku ana maluna o na pa pohaku o hoopuni ana i ke kuianakauhale, i like ko lakou akea me ko kekahi alanui e holo ai kekahi kaa kaua me ka maalahi loa.

 

            O na koa Tureke ahikanana i hiki aku ko lakou heluna i ka elua haneri tausani a oi aku, na hoonohonoho ia lakou kmaloko o na pa-kaua o ke kulanakauhale, a he nui nohoi na poe koa e ae i hoonohoia mawaho o na pa-kaua ma ke ano he poe ki hakahaka lakou i na papa koa Keusade e nee aku ana, me ka makau ole ame ka hopo ole hoi.

 

            Oiai hoi na koa Kerusade e nee aku ana no ke kulanakauhale o Nike, ua halawai aku la lakou ma ko lakou alahele me na koena kakaikahi o ka pualikaua Kerusade mua i alakai ia mai ai e Peteo ka Heremita.

 

            E waiho mokaki mai ana hoi na heana ame na iwi o na kanaka ame na  holoholona maluna o ka ili-honua, a na ia mau mea i hoowela loa ae i ka inaina iloko o na koa Kerusade hou e nee aku nei malalo o ke alakai ana a ka Naita Buliona. Nolaila, me keia manao e nopu ana iloko o lakou, hoomau aku la lakou ma ka nee ana imua.

 

            Ma keia wa a na koa Karisiano e nee aku nei, ua akoakoa ae la maloko o ke kulanakauhale o Nike he mau lahui like ole o ka hikina, no ke kaua ame ka paio ana mai i ka poe Karitiano, na kanaka hoi o ke komohana E alakai ia ana keia a me keia o lakou e ko lakou mau alihikaua ponoi iho. Ma ka aoao aku hoi o na Karistiano, he umikumamaiwa ka nui o na lahui like ole o ke komohana, malalo o ko lakou mau alii ponoi iho.

 

            E haaheo a e keha ana kela ame lahui no ka oi o ka wiwo ole ame ka makau ole ma ke kahua kaua. E hialaai ana hoi na alakai o kela ame keia pualii, no ka mea e lilo ai ka haaheo o ke komo ua ana iloko o ke kulanakauhale o Nike.

 

            E ka makamakaheluhelu, maanei e kapae ae ai kaua i ke kamailio ana no ke ano i hoea aku ai na koa Karistiano a hoomoana iho la ma kekahi kula papu e waiho pono ana mamua aku o ke kulanakauhale, a nana aku kaua no ko lakou kulana i keia wa, oiai lakou e hoomoana ana ma ke alo ponoi aku o Nike.

 

            Ua like loa keia poe ohana koa Kerusade, mai na aina like ole mai o Europa, me na kanaka o ka hale pakui o Babela, ma ka wa i hookahuliia ai ka lakou mau olelo. Ua hiki ole i na koa Farani ke launa kamailio me na koa o na wahi e ae, a pela hoi ko Geremania me ko Roma, a pela waie aku. No keia mea, ua ulu nui mai la na kuee mawaena o lakou; aka, ma ka mea nae e pili ana i ke kumuhana a lakou i molia ai i ko lakou mau ola makamae, ua moekahi like ko lakou mau manao.

 

            Aia hoi na moku lawe koa a lawe ai ke hoea mai la mai Helene ame Italia mai, a ke haawi mai la lakou i na kokua ana i na poe Karistiano e noho nei ma ke kula paa-la o Betunia.

 

            Ua hoaia ae la na Karistiano i ko lakou mau hale lole ma kahi a lakou i hoomoana ai, a ua malama ae la nohoi lakou me ka hanohano nui i na anaina hoomana, malalo o na lawelawe ana a na Epikopo Katolka. Aole no hoi i hoohaule hope ia na hana hoomaamaa paikau mawaena o lakou. E alakai ana na`lii i ko lakou mau kanaka iho no keia mau hana, i mea no hoi e hoohala ia ae ai kahi mau uluaoa pili lahui e ala mai ana mawaena o na kanaka.

 

            Oiai na koa Kerusade e hoomoana ne ma keia wahi, aia na koa Tureke ke lehau mai la maluna o na pa o ke kuianakauhale, e nana mai ana me na onohi piha inaina ame na houpo i lalapaia e ka puni koko maluna o na Kaistiano.

 

            Ike mai ia lakou me ka hoohewahewa ole ua hooahuia na barona ame na naita o ke komohana me na kapa-kila i hanaia mamuii o na kaulahao liilii i milo ia. Aia maluna o ko lakou mau palekaua e welo kapalili ana na kahakahana lipine o ka ulaula, omaomao a me ke keokeo.

 

            No keia ame keia alii, he papale kaua kila kona, me ka palulu a pale dala hoi o mua, he kila hoi ko na naita ame na kaukaualii, a he hao hoi ko na poe o ke kulana malalo iho he mau palekaua poepoe a huinaha ko lakou, a he mau palekaua loioa ko na koa haiewawae.

 

Aole i pau.

 

KA NANEA HOONI PUUWAI

 

NO KA

 

MEA HUNA POHIAIAI

O

HAMETONA KAKELA

 

Ka Ui BeTIRISIA, KA Oi o

ke Kupaa, ke Pookela

o ka Hoomanawanui

a o ka Hiwahiwa

a ke Aloha.

 

MOKUNA I.

 

KA LEDE BEATIRISIA.

 

            Aka, aole nae i pane iki mai ka Lede Beatirisia; a no kona pane koke ole aua mai, ua kamailio hou aku la kona makuakane iaia:

 

            “Ua hoike aku la au i ka pane o kau ninau no ka mea e pili ana i ko`u hoohuoi nou, a ke kali nei hoi au o kou pane mai no keia mau mea a`u i hoike aku nei ia oe, eia nae aole oupane iki mai.  Eia hou keia: Ua ike no au o ka hapanui o kou manawa e nalo wale nei mai ko kaua hale aku nei, me ko`u ike ole, aia no ia ma na wahi e ae; aole hoi ma na kauhale o ko kaua mau hoaloha ame na makamaka. A ke manao wale nei au me ka ehaeha nui o ko`u naau, aia kekahi hapa o keia mau Manawa ou i nalowale ano-e aku ai mai ko kaua nei hale aku, i ka hana a kekahi poe opio o loko nei o keia kulanakauhale e hana mau nei, oia hoi ke puhi opiuma, a i ole ia o ka ai ana paha ia mea. Nolaila, e Beatirisia, ke ninau aku nei au ia oe, heaha ke kumu o kou mumule ana a pane leo ole ana ana mai hoi?”

 

            I nei wa i huli mai ai na maka o ka Lede Beatirisia a nana pololei mai la maluna o kona makuakane.

 

            Aia ke aiai na-nanakea ma kona mau papalina, a wewelo ae la hoi ka ula ma kona mau onohi maka. Hoike mai la kona mau hiohiona holookoa i ke ano o kona noonoo, oia hoi, e hakoko ana kona uhane me na manao ooluku o ke kupilikii, a ua hoopiha ae la ka noonoo pioloke iloko o kona houpo.

 

            Me keia ano, pane mai la ua Lede Beatirisia nei:

 

            “Aole a`u mau olelo hoakaka ia oe no na mea au i olelo mai nei: aka, ina no oe e olelo mai ia`u i na olelo hoohuoi apau o kela ame keia ano, a kau mai hoi maluna o`u i na inoa lapuwale he nui, aole no a`u mea e pane aku ai ia oe. E hookomo oe, e kuu makuakane iloko ou i ka noonoo ana, he mea ai a puhi opiuma paha au, kau kaikamahine nei, a hookauhihi mai paha me ka menemene ole maluna o`u nei i kela ame keia mea au i manao ai he hana lapuwale ia, a mai poina oe i ka hoomanao ana, owau no o Beatirisia, kau kaikamahine. A ke hai aku nei hoi au ia oe, aia no iloko o`u nei na haawina apau e hiki ai ia`u ke haaheo ma ke ano he mamo au a he welo hoi no ka ohana alii o Hametona. He mea oiaio loa hoi, a o na Lanai ko`u hoike no ia mea, e aho no`u e iho e aku iloko o ka luakupapau a huna iho na lepo koou a puanuanu o ka honua maluna o`u, mamua o ko`u hookiheahea ana i ka inoa maemae o Hametona me na inoa e hoinoia ai ia. Ua lawa paha keia.”

 

            Mahope iho o keia mau olelo a ua Lede Beatirisia nei, i hoike mai ai imua o kona makuakane, ua ku iho la oia me ka hanohano nui, a nana aku ia kona luaui makuakane maluna ona, me na manao haaheo e punohu ana iloko o kona nmauma; aka wahi ua elemakule nei @ olelo wale iho @ iloko o kona houpo.

 

            “He oiaio ka ui ame ka nani e hohola nei maluna ou e kuu kaika mahine; aka he nani nae ia a he ui hoi i owiliia iloko o ka mea huna pohihihi.”

 

            Mahope iho o na olelo a ka Lede Beatirisia i pane mai ai,ua noho hamau iho ia laua no kekahi mau sekona, a ma ia wa i anehe ae ai ka Haku Hametona e kamailio hou aku imua o kana kaikamahine, a mamua o ka hiki ana i kona leo ke puai ae aia hoi, hemo mai la ka paku uhi o ka puka, a komo mai la ka Haku Oremona Adelo.

 

            He mau hiohiona ano-e ma kona mau maka, a o kona helehelena holookoa apau ma ka hoomaopopo aku, e hoike mai ana ia, ua loa i ka loheia e ia na olelo apau a ka makuakane ame ke kaikamahine i kamailio ai mamua iho.

 

            Eia nae, me ka mino aka ana ma ma kona mau papalina, ua nalo wale koke ae la ia hiohiona mai kona mau helehelena ae, aole hoi i ikeia aku e ka Haku Hametona ame ka Lede Beatirisia.

 

            E like nohoi me na mea i hoike mua ia ae nei no na Haku Adelo nei, ma na mea e pili ana i kana uhaiaholo ana ma na meheu o ka Ui nohenohea o Hametona Kakela, a pela nohoi me kana mau hoolaau hoohihihi ana i ka oiwi o ka mea huna pohihihi o ua Kakela`la, pela no e lupea nei na manao Kaiikoi iloko o kona puuwai o ka hiki @ o ka la e mare ai oia ia Beatirisia, ka hiwahiwa a ka nani a o ke Kilohana hoi a ka u`i.

 

            He elima makahiki o ua Haku Adelo nei, elike me ka mea i hoike mua ia aku ai oe, e ka makamaka heluhelu, i hoohala ai ma na kaiaulu o Inia, a iloko o keia mau la koliuliu wale, ke hui pu ia me na makahiki mamua aku o kona uhaiaholo ana i ka nani o ke Kakela o Hametona, he mea no ia nau e olelo iho ai, ua nui mo kona hoomanawanui i ke kali ana i ka la o ka laki e hiki mai ana, ka la hoi e hookoia ai na lia aua a kona inau noonoo.

 

            Ma keia wa a ua Haku Adelo nei i huli hoi mai ai i Enelani, e mare oia i ka Lede Beatirisia ka mea ana i hoomaopopo ai oia wale no ka puuhonua e loaa ai iaia ka maha, a pakele oia mai loko mai e kona mau aie koikoi.

 

            I ua Haku opio nei i ike mai ai i ka Lede Beatirisia e ku ana me ka hiehie ame ka hanohano, oia hoi ka nani kaomi puuwai e haiamu ana maluna o kona mau helehelena, ua punia koke ae la kona manao e ka hoohihi makemake, a hele koke aku la oia imua o ua lede la, me ka hohola ana o kona mau lima.

 

            O ka Haku Hametona hoi keia, me ka puiwa ame ka hikilele launa ole, ku ino ae la ia iluna a hele aku la e lulu lima pu me ua haku Adelo nei.

 

            Haawi mua ae la ua Haku opio nei i kona aloha ka Dede Beatirisia, oia hoi ua Ui nei o Hametona Kakela nei i ae mai ai me ka leo ole, e lalau aku ua Haku Adelo nei i kona Ilima puanuanu i hoohiwahiwaia iho me na momi kumukuai nui.

 

            Ma keia wa, aole ka Lede Beatirisia, i hoikemai i kona helehelena makona no ua haku opio nei, oiai ua ike no oia he hana ia i kue loa i a rula o ka hookipa ana mai i na malihini, a o kekahi hoi, he makamaka a he hoaloha nohoi o Adelo i kamaaina mau ma na wa mamua aku o kona hele ana aku i Inia.

 

            Nolaila, ma ka wa a ka Haku Adelo i aloha aku ai i ua lede ia, ua pane mai la nohoi oia iaia ma na huaolelo kupono no ia wa o ka i@o ana.

 

            No keia mau hiona oluolu a ano waipehe a ka Lede Beatirisia i hoike mai ai imua o ua Haku Adelo nei, na oni kapalili ae la ka hauoli iloko o ka houpo o ka Haku Hametona, a manao iho la ia iloko o kona noonoo iho, ua hoohuliis ka manao uahoa o kana kaikamahine ma na minute mamua iho a lilo i kulana manao no ka ae ana e mare oia i ka Haku Adelo, elike me kona makemake.

 

Aole i pau.

 

HE MOOLELO NO

 

EBINE LANOKA

 

KA NAITA O KE

 

Kakela Ulaula.

 

KA WELI O KE

 

KENETURIA UMIKUMAMALIMA.

 

Ka I-Ioola hoi o Farani, a

o ka Mea Nana i hooki

i ke Kaheawai ana o

ke Koko Maloko o

Parisa:

 

“Na ke aheahe makani i lawe mai,

Ka lono hauoli o ka maluhia,

Aole hoi me ka heleuluulu,

Aka, Iloko o ke aheahe malie.”

 

MOKUNA I.

 

            I ka la e hele iho ana a kokoke e inu iho i ka wai lana malie o ke kai Waenahonua ma ke kukulu komohana, aia hoi, ua hoea mai la he kanaka ma ka ipuka akau o ke kulanakauhale kahiko o Roma.

 

            I ka nana ana i kona kulana, he kanaka oia o ke kulana haahaa oiai he aahu kona o ke kanaka kuaaina, i aka ma ka nana aku no nae i kona mau helehelena, ua hoike mai he opio kanaka ui loa oia. He lauoho eleele apoiipii kona i hele a kuuwelu ma kona mau kipoohiwi. O kona mau maka uliuli poniponi hoi ka mea i oi loa ai o kona ui. E hoike ana, he kanaka manao luli ole oia a he kupaa hoi me ke kuemi hope ole ma kana mau mea e manao ai e hana. Mamuli hoi o na mino ma kona mau papalina i kona wa e akaaka mai ai, ua hoike mai la ia i na kahoaka o ka oluolu me ka waipahe.

 

            Ua hele pololei aku la ka malihini a hoea ma kekahi hale hookipa ma na poai o ke kulanakauhale i noho ia e ka poe haahaa. Ua komo aku la oia ma ke keena nui o ua hale la a malaila hoi kahi a ka ona hale e noho ana me kekahi poe i kuluma mau i ka pipili ilaila, oia hoi ka poe o ka poai piliwaiwai mawaena o ka poe haahaa.

 

            O na hana i malamaia maloko o ua hale la, oia no ke kuai waiona, piliwaiwai a me ka hookipa ana i na malihini ma ka po hookahi, a i ole ma ka hebedoma paha e like me ka makemake o ka mea e lawe ana i ka rumi.

 

            I ke komo ana aku o ka malihini, ua hookipa koke mai la ka ona hale me ke ohaoha, me ka ninau koke ana mai ina paha he malihini keia mai kahi mamo mai. Ua hai aku la ka malihini, he mamao loa kona wahi o ka hele ana mai, a he makemake oia e maopopo ina he mea hiki ke loa iaia ona rumi e moe ai no ia po, a heaha ka auhau? Ua hoike mai la ka on a hale, ua hiki loa iaia ke haawi aku i rumi moe no ka auhau haahaa loa e elima keneta.

 

            Ia wa, ua alakai loa aku la ka mea hale i ka malihini ma kahi o ka rumi i haawiia no ka malihini, aia hoi, ma ka papahele maluna ae, ma ka aoao e nana iho ai i ke alanui, oia hoi ke alo o ka hale. I ka ike ana o ka malihini, ua hooholo koke iho la oia e lawe i ka rumi no hookahi hebedoma, me kona uku koke ana i ka auhau piha no ka pule hookahi.

 

            “Ina he makemake ke deonimana malihini e paina ma keia hale, ua hiki l,oa ia`u ke hoolawa aku me na mea ai maikai l,oa, a me ona waina pu no kanakolu keneta o ka ia?” wahi a ka ona hale i ninau aku ai i ka malihini.

 

            “E kala mai ia`u, e ke keonimana maikai, no ko`u manao, aohe paha ou hoolako ia mau mea, nolaila, ua kakali au i ka ninau ana aku ia mea ia oe, aka, ua manao no nae au, aia a liuliu iho, alaila, hele hou aku au e ninau ia oe i kahi e loaa ai ia`u o ka hale hotele o ia ano.” Wahi a ka malihini. Ma ia wa, ua wehe hou ae ia ia i na apana dala mailoko ae o kanawahi eke dala, a uku hou aku la no ka auhau o ka paina ana ma ua hale hookipa la no hookahi hebedoma.

 

            Ia wa ua hai mai la ka ona hale, ua makaukau ka papaaina i na wa a pau o ka malihini e makemake ai e ai. Nolaila, ua olelo aku la ka malihini, aia a pau kona hoomaemae ana iaia iho, alaila, iho aku oia e paina.

 

            Ia wa, ua haalele mai la ka ona hale i ka malihinmi a nana no oia o hele aku i kona wa e makemake ai.

 

            I ka malihini e holoi ana iaia iho, ua haupu mai la oia i na olelo o kona luaui makuakane i kamailio ai iaia iloko o kona mau ia kamalii no na mea e pili ana no ka poe powa o ke kulanakauhale o Roma, a me ka lakou mau hana maalea. Nolaila, ua ulu mai la ka noonoo iloko o ua opio malihini la, e makaala loa oia no kela poe kanaka ana i ike a@ maloko o ke keena kuai walona, a pela pu no hoi me ka ona o ka hale hookipa, olai ua hoomaopopo oia i ka kananaina o ua kanaka la aohe na kahoaka o ka hoopono maluna o kona mau helehelena, no ka mea, ua kukunila ka hoailona o ka maalea ma kona mau maka liilii ooi ke nana mai me ka lele mau ana o kona mau onohi maka ma o maanei, me he la, e ake wale ana no oia i kana mea e ike aku ai.

 

            Mahope iho kona aahu ana i na aahu maemae ana i lawe pu mai ai maloko o kona wahi paiki lole ua ho-o iho la oia i kana wahi eke dala maloko o ka pakeke o kona lolewawae ana hoi e aahu ana, me ke kakua ana i kana pahikaua ma kona puhaka, ua ki mai la oia i ka puka o kona rumi a iho aku la no ke keena paina.

 

            I kona komo ana aku iloko o ke keena paina, ua hoohikileleia ka naau o na poe e noho ana malaila, oiai, akahi no lakou a hoomaopopo mai i ke kulana kilakila a ui palena ole o keia kanaka malihini, oiai i kona wa i komo mua mai ai me kona aahu i hele a uia i ka lepo me kona papale luheluhe, ua kuhi lakou he kanaka aoo ka mea i hele mai no ka imi ana i wahi e moe ai.

 

            Ua hoomaka iho la ka malihini e ai i na mea ai i laweia mai e ke kuene, aka iloko no nae o kona wa e noho ana me kona kulou ana i kona wa e ai ana, ua hoomaopopo no oia, aia na maka o kela poe kanaka maluna ona—iwaena hoi o ua poe ia na ike aku keia he hookahi kanaka kino loihi nona na maka i like loa me ko ka manu aeko ka ooi me ka uwila o na onohi ke nana mai, a me ka ihu lo`u loihi, e hoike ana he kanaka manao ino a menemene ole nolaila, ua koho koke no ka opio malihini aohe he manao maikai o kela kanaka, a he mea pono e hoomamao oia iaia i@o mai kela poe mai. Aole no kona makau o pilikia oia la lakou, aka, no kona makemake ole e komo oia iloko o n a hibia ma keia aina malihini. Ua maopopo no iaia, aohe ona mea e pio ai ma ia wahi ma ke ku ana he alo a he alo ma ka lawelawe ana ma na mea kaua, aka, e like no nae me ke ano o kona kulana aohe ona makemake e hookelakela wale ae iaia iho ma na hakaka o ke ano waiwai ole, oiai, o kona @a mau, no ke ku ana e paio no ka inoa a me ka hanohano o kona inoa a me ka hae o kona aina hanau.

 

            Maanei e ka makamaka heluhelu, he mea pono e wehewehe iki aku au ia kakou no na mea e pili ana no keia kanaka malihini:

 

            O ka inoa o keia malihini. Oia no o Ebine Lanoka, ka mea hoi nona keia moolelo hoohaili puuwai.

 

            Iloko o kona manawa kamalii lo@, iloko e eha a elima paha makahiki, ua hele pu oia me kona makuakane mai ko laua aina kulaiwi aku o Farani a noho ma ka aoao hema loa o Italia, ma na aekai o ka moana kai Waenahonua, kahi hoi i nohoia e ka poe lawaia a me ka poe kalepa ma na moku e holo ana ma kela a me keia wahi o na aokai o Aferika a me Asia Komohana. O ke kumu o ko laua haalele ana i ko lau@ on@ hanau, no ka makemake ole o kona makuakane i ka hana a na aliiaimoku o Farani, oia hoi ke oki wale ia o ke poo o na kanaka mamuli o na hewa liilii loa, a me ka puni wale hoi o ka Moi Lui XI. I na imihala a na poe manaoino.

 

Aole i pau.