Ka Nupepa Kuokoa, Volume XXXV, Number 6, 7 February 1896 — Unnumbered Page

Ka Nupepa Kuokoa

KE KILOHANA POOKELA NO KA LAHUI HAWAII.

 

KULA SABATI.

 

I. 7. Feb. 16. Ke kōkua nui. Luka 7:2-16.

A, HE mai no kekahi kauwā a ka lunahaneri, kokoke no ia e make, he punahele nana,

3 A lohe ae la ka lunahaneri ia Iesu, hoouna aku la oia i na lunakahiko o ka poe Iudaio i ona la, nonoi aku la iaia e hele mai e hoola I kana kauwā.

4 A hiki aku la lākou i o Iesu la, nonoi ikaika aku la lākou iaia, me ka olelo, ua pono kela; nona kēia mea e hana ai.

5 No ka mea, ua aloha mai oia i ko mākou lahuikanaka, a ua kūkulu no hoi oia i ko mākou hale hālāwai.

6 Alaila, hele pu mai la Iesu me lākou. A kokoke mai la ia i ka hale, hoouna aku la ka lunahaneri i na hoaloha i ona la, e olelo aku iaia, e ka Haku, mai ho ʻ oluhi oe ia oe iho; no ka mea, aole o’u pono e komo mai ai oe iloko o ko’u hale.

7 No ia hoi, aole au i manano e pono au ke hele aku i ou la, aka hoi e i mai oe i ka olelo a e hoolaia no kuu kauwā.

8 No ka mea, he kanaka no au i hoonohoia malalo iho o ke alii, he mau koa hoi ko’u malalo iho o’u, a i aku au i kekahi, e hele aku, a e hele aku no ia, a i kekahi, e hele mai, a hele mai no ia; a i kuu kauwā hoi, e hana oe i kēia, a hana no hoi ia.

9 A lohe ae la o Iesu ia mau mea, mahalo iho la iaia, a hāliu ae la ia, i mai la i ka anakanaka e hahai ana ahope ona, ke i aku nei au ia oukou, aole au i ike i ka paulele nui e like me neia iloko o ka Iseraela.

10 A hoi mai i ka hale ka poe i hoounaia aku, ike mai la lākou i ua kauwā la ua ola.

11 Eia hoi kekahi, ia ia ae, hele aku la ia i ke kūlanakauhale i kapa ia o Naina,; a he nui na haumana ana i hale pu me ia, a me na kanaka he nui loa.

12 A kokoke aku la ia i ka ipuka o ua kūlanakauhale la, aia hoi, ua haliia mai ia mawaho kekahi kanaka make, ke keiki kamakahi a kona makuahine, he wahine kanemake ia; a nui mai la ko ke kūlanakauhale me ua wahine la.

13 A ike ka Haku iaia, hu ae la kona aloha iaia, i mai la oia iaia, mai uwe oe.

14 Hele ae ia Iesu a hoopa ae la i ka mānele, ku mālie iho la ka poe e hali ana. I ae la, e ke kanaka hou, ke kauoha aku nei au ia oe, e ala ae.

15 Alaila, noho mai la iluna ua kanaka make la, a hoomaka mai la e olelo, a haawi ae la o Iesu iaia i kona mauahine.

16 A kau mai la ka weliweli maluna o lākou a pau, ho ʻ onani aku la lākou i ke Akua, i aku la, ua puka mai nei ke kaula nui mawaena o kākou, ua ike mai ke Akua i kona poe kanaka.

Pauku Gaula. Luka 7:6. Hoonani aku la lākou I ke Akua, i aku la, ua puka mai nei ke kaula nui mawaena o kākou.

Manao Nui. E pono I na kanaka a pau loa ke imi i ke ola hou mai a Iesu mai, oia no ke ano hou o na manao, na makemake, na koho.

Olelo Houkaka. Mahope o ka haiolelo ana ma ka Mauna, ua hiki mai o Iesu is Kaperenauma, Malaila, ua koikoi kekahi lunakoa Roma ia Iesu e hoola i kona kauwā i mahaloia, oiai, ua kokoke no ia e make. Ua nei aku ka lunakoa ia Iesu e kauoha wale no, a paulele loa oia i ka mana o ka Iesu kauoha wale no, me kona hiki ole ana i kona hale. Ua hoomaka o Iesu i ka lua o kana kaapuni ana i ka mokuaina o Gaiilaia. I kona wa i hiki mai ai i ke kauhale O Naina, ia wa hookahi, ua hālāwai oia me ka huakai hoolewa. Ua hooki oia i ka hoolewa ana, a hoala i ke keiki mai ka mānele mai, a hoi hou oia me ke kino e ola hou ana i kona makuahine ilihune.

2 Lunahaneri-ua like kona oihana me ko kāpena koa I kēia wa. He kanaka haipule maoli oia, oiai aole ia he kanaka Iudaio, Mat 8:10. Mai-nona ka mai iolo kokolo, a pilikia ka uamauma, a nolaila, nui na umii me ke kapailii ana o ka houpo. 8 Lohe-aole maanei wale oia, aka noe, ua paulele oia ia Iesu ke kumu mana loa, mamuli o na olele hoike moakaka. Lunakahiko-o ke aupuni aole o ka ekalesia. ano okoa na inoa o kēia mau oihana elua ma ka oleleo Helene. 4 Ikaika me ke kaohi ana, i kono nele e koi ana. 5 Aloha-no ke ano hemolele o ke Kauoha Kahiko a me ka ano eehia o na hana hoomana Iudaio, aole like pu me ua hana ho ʻ ohaumia a ku ole i ka noonoo pono. 6 Pono-oiai he kanaka haipule oia, aole @ona ke kuleana e kaohi mai i ka mea mana loa. 7 Olelo-oia no ka Iesu hooholo ana i kona mana ma kona oihana ponoi kiekie loa. 8 Hoonohoia-mamuli o ka mana aupuni o kona luna nui, ka pukana, a oia no hoi i hoonohoia e ke kiaaina, a ia no hoi i hoonohoia e ke Kuhina o ka na aina e. 9 Mahalo-kahana o Iesu no ka nui o kēia manaoio. Hookahi wa e ae i oleloia ko Iesu kahaha ana, oia nae no ke kumu okoa, oaia hoi ke oia o ka manaoio, Mareko 6:6.10. Ola-pau koke ka pilikia o ke kauwā mamuli o ko Iesu ho ʻ oponopono ana me ka makaikai ole ana i ka mea pilikia. 11 Naina-he mau mile he 25 mai Kaperenauma aku ma ka aoao komohana hema. 12 Haliia ma ka mahele, i uhiia wale no me ke kapa, aole I hookomoia i ka pahu kupa pau. 13 Aloha-oiai, aole I kāhea aku ka makuahine ia Iesu e hoopau koke aku i kona pilikia; oi aku ka nui o kona poino mamua o ke koi ana o kekahi olelo kaohi. 14 Hoopa-oiai ua kue I ke kānāwai o Mose e hana aku pela i ke kūpapau, he hoailona no hoi ia o kona mana oi aku i ko ke Kanawai, a oi aku no hoi i ko ka make. 15 Haawi-ma ke ano he haawina manawalea hiwa hiwa loa. 16 Weliweli-ka makau eehia, no kēia hana ano e, na ke Akua wale no e hoola mai i na kakupapau.

I. Ke kōkua i imiia, 23. Ihea ko Iesu hoi hou ana mahope o kona haiolelo ana ma ka mauna? Owai ka mea pilikia malaila? No ke aha la kona ano hiwahiwa i kona haku hana? No ke aha la i kokuaia ka lunakoa Roma e na lunakahiko Iudaio? Pehea i hoikeia ai ke aloha o ka lunahaneri? Pehea kona manaoio? Heaha kona olelo hoohaahaa imua o Iesu? Ua likelike ka pono, paukū 4, a me ka pono p. 7? Ua like a like anei ke ano o ka mana o ka lunahaneri ame ka nana o Iesu? No ke aha la kona noi ole ana aku ia Iesu ma ona iho, aka nae ma ka waha o na lunakahiko? Ua ike pono auei oia i ko Iesu ano Akua? Ua haawi aku anei ke Akua i kona mau haawina i na kanaka kūpono wale no, a i ole paha i na kanaka pono ole? Ua aloha anei oe i ka poe haipule maoli? Ua kokua anei oe ia lākou? Ua pono anei i na haku hana ke kōkua i ko lākou mau kauwā nāwaliwali? Ua pono anei i ka poe manaoio ke pule aku i ke Akua no ka pono o hai?

II. Ke kōkua i ae ia, 8, 10. Heaha ko Iesu olelo mahalo i ka nanaoio o ka lunahaneri? Ua maa mau anei i na kanaka ma na aina hikina e hoohaahaa ia lākou iho ma ke noi ana mai i wahi haawina manawalea? Ua kūpono anei i ka poe manaoio ke mahalo aku i na luna aupuni ina paha he mau mea malihini lākou? O ko kākou ano lāhui he kumu ia na ke Akua e haawi mai ai paha ia kākou, e hoole paha? Me wai mai ko ke Akua noho pu ana? He mea oluolu anei ko kākou manaoio ia Iesu? Ke manaoio nei anei oe e hiki ana ia Iesu ke kōkua ia oe mamuli o kona ano nele? Heaha ko Iesu pane i ke noi a ka lunahaneri? He mea kōkua anei kēia i kou manaoio? Pehea i pili ai ka haawina manawalea i ke noi? Mataio 7:7? E hoola ana anei o Iesu i ka poe mai a pau loa? Ina paha aole i hoopauia kou pilikia kino, e pono anei ia oe ke ohumu aku i ka Haku e ola ai? Ina paha ua imi oe i kekahi mea moremona e hoopau ai i kekahi wahi mea pilikia kino, e pono anei ia ke lilo oe i Moremohna?

III. Ke kōkua i haawi wale ia, 11-16. Ihea ko Iesu hele ana aku i ka wa mahope iho? Mahea o Naina? Owai ka poe o Iesu i hālāwai pu ai ma ka puka komo o ua kauhale la? Owai ka mea make? Heaha ke kumu no ke kaumaha oi aku o ka mea kaniuhu? Pehea i hālāwai pu ai o Iesu ia wa hookahi no me ka huakai hoolewa? Ua kauoha anei o Iesu i ka poe kanikau a pau loa, mai uwe oe? E pono anei ia Iesu ke hoaia i na kūpapau a pau loa aole paha? Ua noi aku anei kēia wahine kanemake ia Iesu e kōkua iaia ma kona wa popilikia? Pehea i maokaka ai kona ano kūpono no ko Iesu kōkua ana? Ua aloha ino anei o Iesu i ka poe polilikia a pau loa? E hoopau koke ana oia i na pilikia o kēia a me kēia ano? He mea hiki anei iaia ke hana pele, a i ole pela ua hiki mai anei a mau no hoi kekahi mau poino mamuli o kona mana a mamuli no hoi o kona manao paa? E hiki anei i ke noi ikaika ke hoololi i ko ke Akua manao paa? Pehea i hoikeia ai ko Iesu alona manawalea i ka mea pōpilikia? Ua loaa anei ma ka Baibala he mau moolelo ano like, 1Nalii 17:23; 2Nalii 4:36.37? Heaha ka Pauku Gula? Ua lana anei ka manao o na kanaka Iudaio e iho mai ana ke Akua a noho pu me kona lāhui ponoi, Hosea 13:14; Luka 1:68; Ioana 3:2? Heaha ka manao o ka poe a lākou i ikemaka ai i kēia hana mana? Heaha ka manao o ka poe manaolo ma ka owe ana no ka make o kekahi hoaloha, 2 Kor 4:17,18? Owai ka mea hiki ke hoona i ka poe kaumaha a pau loa, Heb. 4:15; Iakobo 1:27? Ua kūpono anei i na makamaka ke komo pu i na kaumaha o hai?

Manao Pili. 1He poe haipule anei na koa? 2 Pehea i pili ai ka manao hoohaahaa ika manaolo? 3 He uku kūpono anei no ka nanaoio? 4 He mea e hauoli ai anei ko Iesu aloha? 5 Pehea e lanakila ai oe maiuna o ka make, IKor. 15:54?

 

HE MOOLELO NO

 

EBINE LANOKA.

 

-KA NAITA O KE-

 

Kakela Ulaula.

 

-KA WELI O KE-

 

KENETURIA UMIKUMAMALIMA.

 

_

 

Ka I-Ioola hoi o Farani, a

o ka Mea Nana i hooki

i ke Kaheawai ana o

ke Koko Maloko o

Parisa.

 _

 

“Na ke aheahe makani i lawe mai

Ka lono hauoli o ka maluhia,

Aole hoi me ka heleuluulu,

Aka, iloko o ke aheahe mālie.”

 

_

 

MOKUNA II.

 

“E Kalo Giovane, ke ike io nei au ua inoino, a ua hopohopo kou manao no’u, nolaila, ke olelo aku nei aua ia oe, mai kānalua kou noonoo no’u, a mai hopohopo hoi, no ke mea, ua hoohiki paa au imua o kuu makuakāne i hala no kēia ao mau loa, a imua hoi o ke Akua Kiekie Loa, o kēia ka makamua o ka’u mau hana, a ina au e poino ana mamuli o ko’u hoao ana e kinai i kēia kumu ino, ka poe hoi nana e pākaha wale nei i ke ola a me ka pono o na kanaka, alaila, ua maikai no kēia, oiai, ua make au i ka hana a’u i hoohiki ai e hana. Nolaila, aole loa e ae iki ana ke Akua e lanakila kēia poe hewa maluna o’u, oiai Oia no ko’u palekaua, a mai Iaia mai ko’u palekana, a mai Iaia mai ko’u ikaika a me ko’u mākaukau. No ia mea, e ho ʻ omaopopo oe, he kanaka au i mōlia ia no kēla hana, aole hoi no kēia wa ae nei kēla manao i komo ai iloko o ko’u naau, aka, he hana kēla i palama mua loa ia maluna o ko’u hokua. Aole au no ka lealea a me ka hanohano o ko kēia ao, aka, he kanaka au no ka inea a me ka uahoa, a e komo ana iloko o na pilikia a me na poino. Ke hai aku nei au ia oe me ka oiaio loa, e hele an au, a e hoi hou mai ana no au me ka poina ole, a e pāpahi ana hoi au i ka lei o ka lanakila. He mea oiaio, aole loa e ike hou ia ana kēla hui pōwā a oukou maloko o Roma nei, mahope iho o ka oili hou ana mai a ka la ma ka hikina ma kakahiaka. Nolaila, e manao iho oe e kuu Kalo maikai, aole au mea e hopohopo ai no ko’u hoopoino ia mai e kēla hui mahope iho o ko’u haalele ana i kou hale nei i ka la apopo. E noho oe me ka mana ʻ olana maikai no’u,” wahi a Ebine Lenoka me ka minoaka ma kona mau papalina.

“Nani wale ina he mea hiki i ko’u noonoo ke manao io aku kau mea e kama ʻ ilio mai nei! He kānalua loa ko’u noonoo no kēla mea, no ka mea, ua ike maka au ia ka hoohoka ia ana o kekahi pualikoa nui he tausani a oi o ke aupuni o Italia nei e kēla poe. Nolaila, ina e hiki ole i na kanaka he tausani a oi ke lanakila, alaila, he oi loa ka hiki ole ke manao iho ke kanaka hookai, oiai he elua wale no ona mau lima,” wahi a halo me ka luliluli ana o kona poo.

“Eia wale no ka mea pono, e hookuu mai oe ia’u e hoi au e hooluolu, oiai ua ano māluhiluhi iki au no ka loa o ke alahele a’u i hele mai nei, a ke ano makehiamoe pu mai nei no hoi au,” wahi e Ebine me kona eu pu ana ae.

Ia wa, ua hoi aku la lāua no loko o ke keena kuai rama, a mahope iho o kona inu ana he kiaha waiū pumehana me na wahi kulu parani i hoomomonaia, ua haawi mai la oia i kona aloha hoomaikai ia Kalo, a hoi aku la oia no kona rumi moe.

Mahope iho o ko Ebine hoomamakaukau ana iaia iho no ka hoi ana e hiamoe maiuna o ka pēla, ua haawi mua ae ia oia i kana mau hoomaikai ana i ke Akua, a me kona puuwai i hoopihaia i ke aloha no kona luaui makua, ua hiolo iho la kona mau waimaka me ka makawalu.

Iloko no o kona uwe mālie ana, ua hāule iho la oia hiamoe, aka, aole nae e hiki iaia ke moe, no ka mea, ua hu mai ia kona aloha a nui no kona kokoolua o ka noho pu ana, o ka hele pu ana, oia hoi kona makuakāne aloha, ka makua hoi i oi aku ke aloha iaia mamua o kona minamina i na waiwai a me na hanohano a pau o ko kēla ao, oiai, oia no ke kumu i haalele ai o laua i ko lāua aina kulāiwi, no kona pono a me kona lilo ana aku i mea kiekie a hanohano i kona mau ia e kanaka makua ai, a eia hoi oia ke hele nei ma ke alahele e hooko ia ai ka mea a kona makuakāne i lia nui ai.

Iaia e noonoo ana no kēia mau mea ho ʻ omokumokuāhua naau, ua kāia ia aku ia oia iloko o ka hiamoe, a iaia i moe loa ai, ua hālāwai aku la kona uhane me ka uhane o kona makuakāne.

Ike aku la oia i kona luanui e hele mai ana ma kona wahi e noho ana, a me he la, e noho ana oia ma ke kumu o kekahi puu kiekie, a o na puu la, he oi aka kona kiekie, oiai, aole e hiki ke ike ia kona piko, no ka mea, ua komo loa aku ka wēlau o luna o ua puu la iloko o na ao uli o ka lani.

Ka mai ia kona makuakāne imua o kona alo, a ua hoaāhu ia oia mea ka aahu o ka oihana alihikaua kiekie loa; e hiolo ana hoi na hoailona gula maemae loa me kona umauma, me kekahi mau hōkū daimana e anapa ana ma ka aoao heme o kona umauma. He aahu aliikoa kona i oi loa aku o ka nani mamua o na aahu aliikoa a pau ana i ike ai ma kēia ao. @ Ku iho la ua makuakāne la imua o ko ia nei alo, a liuliu iki, au pane mai la oia:

“E kuu keiki, ka mea a ke Akua Kiekie lao i wae ai! Ke hai aku nei au ia oe, aia a hiki ia oe ke pii a hoea iluna o kēia puu e ku nei, me ka hoomaha ole, alaila, he mea oiaio, e lanakila aku ana oe maluna o kou poe enemi!”

Me ka pane leo hou ole mai, ua hoomaka aku la ka uhane o ua makuakāne la e pii, me ka nana hou ole mai i ko ia nei uhane, aka, o ka lima wale no kai peahi mai, me he la e kauoha mai ana iaia nei e uhai aku mahope ona.

Ia wa, ua hoomaka aku la ko ia nei uhane e hahai mahope o ka uhane o kona makuakāne. Hoomaopopo iho la kēia, he keu a kona mama a me ka naenae ole.

He wa pōkole loa, ua hoea aku la lāua ma ka piko o ua puu la, a i kona hoea ana aku a ku iho la ma ka aoao o ka uhane o kona makuakāne, he mea e ka mahalo o kona uhane i na nani he nui e waiho mai ana imua o kona alo.

Ike aku la oia me he la, aia lāua iluna o ka lani kahi i ku ai, a e lele ana ke ao kaalelewa ma o a maanei a lāua; aia hoi imua o ko lāua alo e waiho mai ana he aina uliuli nani lua ole, me na mea kanu nani o kela a me kēia ano, e moani mai ana hoi ke ala onaona o na pua.

Ma kekahi aoao mai hoi, he kūlanakauhale momi, i halii ia kona mau alanui me ke gula maemae loa, he nani hoi ana i ike ole ai mai kona hānau ia ana mai.

Aole I pau.

 

_

 

            NA HOALOHALOHA.

 

_

 

UA HALA KUU LILIA.

 

Ma ka hora 11:20 a.m. ponoi o ka la Sabati, Ianuari 26, ua kii mai la ka Haku i ka uhane o kuu Lilia, a kuikui pu aku lo no ka maha ma o, a waiho iho ia’u a me na lei a māua e paiauma aku ma kēia aoao o ka muliwai eleele o ka make, aloha wale.

Ua hanauia kuu Lilia ma Kealakomo, Puna, Hawaii, i ka la 2 o Ianuari, A.D. 1853, mai ka pūhaka mai o B. Palapala, a me Maria kana wahine, ua hoonaauaoia oia ma ke kula kaikamahine a Waiohinu, Kau, a mahope ioli ai i Waialua, i noho poo ia e Rev. O.H. Gulick e ola nei.

Ua puka mai ia mai ia kula mai me ka mahaloia, a me ka palapala hookuu maikai, mai kana kumu mai ma ka la 15 o Iune, 1869.

Ua mare ia oia me E.P. Hoaai, o Puueo, Hilo, maloko o ka luakini o Haili, e na makua Rev. T. Coan a me Rev. Brank Thompson, ma ka la 31 o Iulai, 1867. Ua hoohua mai lāua ehiku mau hua ōhāhā, eono e ola nei, hookahi i hala mua mao, elima iloko nei o ko māua poli, a hookahi aia I Kalawai, aloha wale i ka ike ole i ka mahuahine ho ʻ omanawanui.

Ua hala e o E. P. Hoaai ma o, i ka la 16 o Iune, A.D. 1884, a ua noho kokooloa oke iho oia e lei ho ʻ omanawanui i na keiki.

Ma ka la 2 o Iulai, 1888, ua hoohuiia maua ma ka berita a ka mare ma Puueo, Hilo, e Rev. J.S. Kalana, a ma ia malama no, ua haalele aku i na aekai o Kauakanilehua no ke kahua o ka hana me ke kīhāpai o Hauule I buila.

Ua hoomaka oia i ka hana ma ko māua kīhāpai iwaena o na wahine ma ka la 29 o Iune oia makahiki no; ua mau kona hana me lākou mai ia la mai a hiki i ko māua waiho ana ia kīhāpai no ka leo kāhea o Wailuku.

O! E na pali hauli o ke Koolau e, aloha, aloha wale; ua hala, ua nalo, ua haalele mai kuu Lilia ia’u me na lei a māua.

Ua komo māua ma ke kīhāpai o Wailuku, ma ka la 12 o Iulai, 1892; a ma ka la 20 o ia malama, i ka hana komo kauhale me na makua hine o kēia kīhāpai, ua hoomau oia ia hana a hiki i ka wa i ho ʻ omaha aku la i kona mau ehaeha.

Ua kohoia oia i kahu kula Sabati no Wailuku nei ma ka makahiki i hala, a pela no i kēia makahiki; a ma ka po o ka la 4 o Ianuari i hala iho la ua hoomaka mai kona eha ma ka opu, a me ia eha oia i emi mai ai, ua hoaoia na lapaau naauao ana, eia nae, ua oluolu loa no, me ia oluolu oia a hiki i ke kakahiaka Sabati i hoike mua ia ae nei, e ala ana iluna, holoi i knoa maka, na lima, kahi lauoho, me ko mākou manao, oia la ka pii loa ana mai o kona ola.

He mau minute mahope iho o kona paina kakahiaka, ua hoomaka hou mai ka eha o kona opu me ia ka pii māhuahua loa ana mai o ka eha, elike me ka nui o ka eha, pela kona hoomau ana i ka pule, a mamua o ka lele loa ana ae o ka hanu, ua puana mālie ae oia I kēia mau huaolelo hope loa.

“E ke Akua e, e oluolu oe e houhookipa aku i kuu uhane. Amene.” A pau ae la nape ana o kona umauma, a hookuu aku la i ka uhane e pii iluna i ke ao kuu home mau.

He malihini au ma kēia ao,

He waoakua nei he pilikia e,

Ka lani iluna, e kuu home mau

O kuu Lilia i hala, he makuahine oluolu, he aloha i ke kāne a me na keika a he paulele i ka Haku ame kana hana. He ho ʻ okipa a he manao nui i ko hai pono, he haahaa ma na ano a pau, he naauao oia ma na mea a pau, aohe ona enemi hookahi iloko o ke ao nei a hele aku la.

He koo nui oia ia’u ma ka oihana a māua i koho like ai, ua haaheo mau na kula Sabati o Hauula ma na hoike makahiki iloko o Iune ma Honolulu, i na makahiki a pau a māua i noho ai ma Haauula.

Pela no ke Kula Sabati o Wailuku nei, ma na hoike a pau o Mauiwaena nei, ua haaheo mau kēia kula Sapati oiai oia e noho alakai ana no kēia kula.

He kakaikahi loa na makuahine e like me ia ka lōkahi, ua ohohiaia oia e na papa like ole o ko māua kīhāpai nei, e laa na makuahine, makua kāne, na opio, pokii a me ka poe mawaho, aole he mau hipa no kēia kīhāpai. A ua hoikeia ia mea ma kona ia i hoolewaia ai, ua hele mai kela me kēia e komo pu iloko o kona huakai kūmākena a hiki i ka home lua kona wahi e moe la a hiki i ka wa e lohe hou ai oia ia ke mele ana i mele mau ai:

Oli e hauoli e

Ala hou ma Iesu,

Ike na mea āpau

Hoka ka lua e.

Imi ka make iaia

Ole e lanakila e

Pio ka po ole pane

Ala ke lii o na lii.

Chorus. Ala e o Iesu

Ala, ala

Ala e ka Moi nei.

 

Ala na ilina e, o na haipule nae

He aka wale no ia no na mea a pau

Aia hiki mai Iesu ia ma no ao o ka lani e

Puhi ka pu a Ziona, ala na mea a pau.

 

Ua moe oia me ka mana ʻ olana, “Pomaikai wale ka poe make ke make iloko o ka Haku ma kēia hope aku; he oiaia, wahi a ka uhane, i ho ʻ omaha lākou i ko lākou luhi, a ke hahai nei no hoi ka lākou hana me lākou. Hoik. 14:14.”

“Nana no i haawi mai, a nana no i lawe aku, e hoomaikaiia kona inoa.”

Owau iho no me ka luuluu,

S. Kapu,

Kaahumanu, Wailuku, Feberuari 1, 1896.

 

_

 

He mea pono i kēla ame kēia ohana ke loaa ona laau lapaau mama no na ma’i o ka op. I laau lapaau pubili ole no ka “Moku ino loa o lepo” (Diarhea) Nahu, Umii, Kolera ame na ma’i āpau o ka opu, aole he laau lapaau oi aka o ka maikai elike me ka PERRY DAVIS LAAU PENIKILA (Pain Killer). Ua lawe laweia kēia laau no na niakahiki he kanalima, a ke hana mau ia nei i kela ame kēia la, ma na aina āpau o ka honua nei.   O ka Hui Kuai Laau Lapaau o Holister, ka Agena.

 

Hoo’aha Kumau.

 

Aole loa e maikai a oluolu ke ola ana o kekahi mea kino uhane oia ina he aaiole kona akepaa a hiki ole ke lawelawe i kana mau hana me ka hololea. E hahai ana ka nalulu a me na nāwaliwali e ae ma ka moali o ke ake pōnalo. He mea oiaio kēia i hooiaio ia ma na wahio na poai oluolu akau iloko o ka hapahā keneturia, o na

 

HUALE A AYERS ,

 

oia wale no ka LAAU HOOLA AKE maikai loa i ikeia. E hoola ana i ka lepopa ʻ a, ka nalulu eha, na ma’i oloko o ka opu, a ma ke ano LAAU OHANA aohe ona lua’e like ai.

O ka Ayers Sasaparila, oia ka Laau Hoomaemae Koko kilakila, e haawi ai i ka ikaika a me ka ho ʻ oponopono ana ia loko o ke kino o ke o ka ili, e hoopau ana i na maluhilukanaka. E pepehi a niupa ana i na PUHA, e hoola ana i na pohāpohā hi o ke ola ana a e kipaku loa ai i na ano ma’i a pau. O ka poe ma’i no ka wali pono ole o ka ai, ka nāwaliwali mau a ano ma’i e ae i ulu ae mai ke koko ino mai, he mea pono e inu i ka laau

 

SASAPARILA A AYERS.

 

He laau e ho ʻ oikaika ai ia ka nawaiiwali, a e hoopuipui mai ai i ke kino. Ma ka inu ana i kēia laau, e hoonoono ia ai ka ai ana, oluolu ka moe ana a maikai ke oia ana.

O ka Ayers Cherry Pectoral laau, aohe lua ma ka hoola awiwi ana i na KUNU, ANU a me na PUU EHA. E hoola ia na KUNU KALEA a me na ma’i pili i ke ake me ka hikiwawe loa.

O na Huaale a Ayers, na Sasaparila a me ka Ayers Cherry Pectoral, aia kahi e loaa ai ma ka Halekuai o ka

 

Holister Drug Co. Lt.

Na Agena ma ka Paeaina Hawaii.

2514

KAKELA

ME

KUKE

Ka Halekuai Nui

-O NA –

WaiWai LIKE OLE

NA MEA

HANA KAMANA APAU

Na lako pili hao kūkulu hale,

Na kepa,

Na lei ilio,

Na kaulahao ilio.

Na Pahi,

Na Upa,

Na kope hala,

Na Palapala

PALAU LIO

Na mea mahiai,

Na au ho,

Na au koi,

Na koa hipi,

Na lei hipi,

Na kaulahao hipi.

Na uwea pa,

Nakaa palala,

Na me piula,

Na ipuhao.

Makau me Aho Lawaia

Na Iliwai

Na kaula,

Na hulu peua,

Na puiumi,

Na pena, me ka aila.

Na kopa,

Na aila mahu

Na pakeke

Na pakekek hao,

Na kapu hao,

Na panda,

Na kūkaepele,

Na uwiki, a me

Na ipukukui.

Mikini Humuhumu Kaulana

Wilcox, & Gibbs Hookahi Lopi

Ka Remington, elua Iopi.

A me na akaea he nui @ kela @

Me kala ano.

Kakela me Kuke

19@