Ka Nupepa Kuokoa, Volume XXXV, Number 13, 27 March 1896 — Make o W. J. Smith (Kamika). [ARTICLE+ILLUSTRATION]

Make o W. J. Smith (Kamika).

Ma ka hora 9 me 45 minute o ke kakahiaka Sabati nei i hookuu mai ai o William James Smith (Kamika) i keia ola ana, ma kona wahi noho ma ke Alanui Beritania, aoao makai, maWaikiki iho o ka luakini o Kaukeano hou. mahope iho o kona waiho ma'i ana no

Ua hanauia o Mr. Smith ma Papoia, Tahiti, Augute 24, 1839. I ka eono o kona mau makahiki, hoea mai oia 1 Hawaii nei me kona mau makua. Ua komo oia i ke kula o Kahehuna, a ua ikeia kona holomua ma ka imi naauao ana oiai kona mau la malaila. Mahope iho, ua kukulu halekuai oia nona iho, a o kahi i ku ai ltona haiekuai, ma kahi no ia e nohoia nei e Ah Lo (Alo) i keia wa, ma ke kihi o Alanui Kahunapule ame Nuuanu. He mau makahiki lehulehu kona lawelawe ana ia hana. Mahope mai, noho kakauolelo oia ma ka hui o Ake ma, a pela no ma ka hui o Grinbaum ma. Ma ka makahiki 1865, ua lawelawe oia i ka oihana kakauolelo malalo o ka Papa Hoonaauao, a ua noho oia ma ia oihana, me ka lawelawe makaukau ana, a hoea i ka makahiki 1894, ka wa ana i waiho aku ai i ka hana. Ua aneane kanakolu makahiki o kona noho ana ma ia hana. Oiai ke Aupuni "Alii" e ku ana, he hoa oia no ka Ahakukamalu, a ua hoohanohanoia oia e ka Moi Kalakaua me ke kea hoohanohano o Kalakaua, a e ka Emepera o lapana me ke kea hoohanohano o ka Waihona Waiwai Laahia. He kanaka malie keia o kona kulana, he maikai a he oluolu. He hoaloha oia no na kumukula Hawaii o ka mokupuni o Oahu nei. Ua haalele iho oia ma keia aoao o ke ola ana he ekolu mau kaikuahine, oia o Mrs. J. H. Turton o Kapalakiko, Mrs. J. A. Hassinger. ame Mrs. Geo. J. Ross o Honolulu. Ma ka hora 3 auwina la o ka Poakahi nei i hoolewaia mai ai kona "kinowailua" mai kona wahi noho mai a hoea i ka ilina ma Maemae. O na poe hapai pahu, oia o Keo Kaaka, W. D. Alekanedero, H. A. Wilimana, W. C. Sprouii, W. Aukina Waitina, (lunakanawai ekahi o ka Aha Kaapuni) G. E. Boardman. Kamuela Paka ame A. T. Atekinesona, kahukula nui i pau.

W. J. SMITH (KAMIKA).