Ka Nupepa Kuokoa, Volume XXXV, Number 16, 17 April 1896 — Ka Uwea Telegarapa. [ARTICLE]

Ka Uwea Telegarapa.

Wasinetona, Aperila 3.—Ua lilo hou ke kumuhana e pili ana 1 ka uwea telegarapa o ka moana Pakiplka i mea kamailio hou ia e ke Komite o ka Hale o na Makaainana i keia la. Ua waiho mai o Bennett o Nu loka he bila kanawai panai i hookomoia ai na hoololi lehulehu i hoakakaia e na hoa o ke Ko~ mite ma na halawai mua ana. O ka manao o ke Komite, ma kahi o ka haawi ana o ke Aupuni i uku hoomau o $160.000 e like me ke noi a ka Hui Telegarapa Pakipika o Nu loka. e haawi wale ana no ke Aupuni o Amerika i kokua i keia hana.ma ka huina dala o $100,000 uku hoomau no ka makahiki, a pau na makahiki he 20, ke hanaia nae he aelike, a aeia hoi na hoouna olelo ana a ke Aupuni e holo me ka uku ole ia ma na wa a pau. Maloko o keia bila, ua hoopaaia ka uku no na hoouna olelo pili oihana kuwaho a na poe mawaho aku o ke Aupuni he $1.25 no ka huaolelo hookahi. ke hoounaia i Kina ame lapana, a i na Pae Aina o Hawaii he 35 keneta no ka huaolelo hookahi, a no na oihana nupepa hoi o ka hapaha o keia mau uku. Ua hoopau ka hui i ka manao ana e hoao a loaa mal ka aeia ana e ku he wahi e hekau ai ka uwea ma na Mokupuni Makala. e paa nei malalo o ke Aupuni o Gcremania, a ua magao ka hui e hoihoi ae i na Pae Aina o Midway, malalo o ka mana o ke Aupuni o Amerika. Eia nae he Aupuni kanaka ole keia.