Ka Nupepa Kuokoa, Volume XXXV, Number 20, 15 May 1896 — Heaha la ka Oiaio. [ARTICLE]

Heaha la ka Oiaio.

I ka Lunahooponopono o ke "Kuokoa," Welina kaua:—E oluoluia e kou ahonui e hoike aku imua o ka lehulehu i ike mai lakou i ke au nui ame ke au iki, a oia iho keia: O ka oiaio oia ka'u i makemake ai e hoike aku elike me ka'u i ike ai, oia hoi ke kue mawaena o ke Kahu Ekalesia o Kalaupapa ame kekahi mau Luna Ekalesia, malalo hoi o kekahi kumu ano ole, a oia hoi keia: Ua makemake na lala a pau o ka Papa Naita o ka Aahu Ulaula e komo ko lakou halawai iloko o ka luakini, Kanaana Hou, aka, ua hoole ke kahu. Noi hou no keia Papa Naita imua o ke kahu no ka Hale Hui Opiopio, a. ua hoole hou no ke kahu, nolaila, ua waihoia imua o ka Aha Luna,

a ua hooholo kekahi mau luna, aole nae holopono loa. A no ia holopono ole imua o ka halawai a na luna ua waiho hou ia imua o ka Ekalesia, a ua-hahana ka paio ana mawaena o ke kahu ame kekahi mau luna. Ia wa i loheia aku ai ka paapaaina a nakolokolo a uwila ae la na aoao elua, a lohela aku he leo aheahe malie i pa'e mai mailoko mai o keia kupinai, "O ka inaina o ke kanaka aole ia i hana i ka pono o ke Mahopo o keia paio ikaika ana, ua hoopuka ia he olelo hooholo huikau. O keia Papa Naita, oia kekahi lala o ka Ekalesia ame ke Kula Sabati. O keia ae la na kumu i ulu mai ai na palapal hoopii e kipaku i ke kahu, a o kekahi mau luna ua kipaku ka Ekalesia a ua okiia mai ka Aha Lupa aku. A no'u iho, ua kakau au i ko'u inoa ika palapala e kaohi ana i ke kahu, oiai oia ke koho a ko'u lunaikehala he pono i ko'u manao, a no ka mea o ka olelo a ke Akua ke kanm alakai no na mea a pau ma ke ano Karistiano. Owau iho no, J. C. KIIWAIOLEHUA. Makanalua, Kalaupapa, Apr. 30,1896.