Ka Nupepa Kuokoa, Volume XXXV, Number 21, 22 May 1896 — KA AHAOLELO. Na Mea Ano Nui. [ARTICLE]

KA AHAOLELO.

Na Mea Ano Nui.

Ma ka Poakahi aku nei, Mei 11. aole he mau mea ano nui i hanaia maloko o ka Aha Senate. Pela no me ka Hale o na Makaainana. He mau olelo hooholo me na bila kanawai kai noonooia maloko o na Hale elua a pau wale no ia la hana. E ikeia ana nae na mea i hanaia ma keia ia, ma ka makou moolelo Ahaolelo mau. Ma ka Poalua, Mei 12, o ka manao kanawai mai ka Aha Kiekie mai no ka mea pili ana i ka Auhau maluna o na kula pili hoomana kekahi mea ano nui maloko oka Hale ona Senate. Oia ko ka Aha Kiekie hoike ana i kona manao maluna o ka Pauku 97 o ke Kumukanawai, ina paha he mana ko ka Ahaolelo e hokuu ai i ka auhau maluna o kekahi waiwai (aina) i kukulu ia ai kekahi halekula pili hoomana a kuokoa paha, ua hoike ka Aha he mana no ko ka Ahaolelo e hana pela, oiai, o ka mea ia pauku o ke Kumukanawai i papa ai. oia ko ke Aupuni haawi ana aku i ke kokua ma ke dala i ua mau kula la, aole o ka hookuu ana mai ka auhau aku; a nolaila o ke kanawai e hana ia ana, e kau ia ana a e hooholoia ana ma ia ano, aole ia i kue i ka Pauku 97 o ke Kumukanawai. O ka mea ano nui, oia ka Olelo Hooholo a Laimana i waiho mai ai no ke Kumuhana Hoohui Aina me Amerika Huiia. Oiai, ma ka wa i hala ae nei. o ke kuimihana maopopo loa ilioopukaia e

ke Aupuni Kuikawa ame ka Repubalika o Hawaii, oia ke kokua ana i ka hana hoohui aina ia Hawaii nei me Amerika Huiia. A oiai hoi, ke noho nei ke kau mau o ka Ahaolelo o ka Repubalika c Hawaii, aole hoi e liuliu a hoopanee aku no kekahi wa loihi. A oiai hoi, he mea kupono e hoike ae na Wahaolelo o ka lahui (people) ia lakou iho, ma ka moolelo o keia Hale, | no ka mea e pili ana i ka manao e ku nei i keia wa, mawaena o lakou iho ame na poe koho balota i kohoia ai lakou, no keia kumuhana. Hooholoia e ke Senate ame ka Hale 0 na Lunamakaainana, e hoomau aku ana no ka Ahaolelo o ka Repubalika o Hawaii, elike me ko ka wa i hala ae nei. e kupaa me ka naueue ole ma ka aoao kakoo i ka hoohui aina me Amerika Huiia, a ma ko lakou kakoo ana 1 keia kumuhana, aole lakou i hoike ae i ko lakou mau manao wale iho no, aka, i ka manao no ia o ka hapanui loa o na poe koho balota ku i ke kanawai o Hawaii nei. Ma ka Hale hoi o na Makaainana, ua noonooia he mau hoike komite. Aole no he mau mea ano nui loa i hanaia. Ma ka Poakolu, Mei 13, ua ikaika na Hale a i elua o ka Ahaolelo ma ka paahana ana ma kekahi mau bila kanawai lehulehu ame kekahi mau hoIke komite. Ma ka Poaha, Mel 14, ma ka Hale o na Senate, ua waiho mai o Kikila Baraunu f ka hoike a ke Komite Wae i haawiia ai ka noonoo ana i na bila kanawai aie dala, a e waihoia ma ka papa na Bila Kanawai Helu 20, 21 ame 36, & e hoohoioia hoi ka panai a ke komite I waiho mai ai. Oka bila ake komite i waiho mai ai, e ae ana e aie ia ka huina o 1752,600 ma ka 6 keneta a e hookaaia na bona i kela ame keia wa ma ka ana o 6 pa-keneta komi6i&a. Aponoia keia hoike. Hooholoia he Papa Ola hou. Aole mau mea ano nui ma ka Hale 0 na Makaainana, koe wale no ka haawi ia ana o ka Olelo Hooholo a Laimana e pili ana i ka hoohui aina me Ame~ rika i ke Komite Hoonaauao no ka hooponopono hou ana. Ma ka Po&lima aku nei. M«i 15. ua hooholo ka Aha Seante i ka Bila Kanawai e ae ana i ke Aupuni e Aie Dala 1 hiki ka huina i ka $sOO,OOO no na hana hou. O ka huina waiwai nae i ae ia he $776,600, a o ka huina o na lilo i ae ia ai ke Aupuni no ka hoohana ana aku i mea e loaa ai ia ale t he 123,400, ua llke ia me |SOO,OOO. Aole mau mea ano nui loa i hana ia e na Haie elua o ka Ahaolelo ma ka Po* aono. Me! IS, Aka, ma ka Hale nae o na Makaainana, ua waiho mai o Bona ame Winesetona o ke komile i haawi ia aku ai ka Olelo Hoohok) a ke Senate, no ko ka Ahaoielo hoike ana i ka manao kakoo i ke kumuhana hoohui Anpuni me Ameiika Hniiak Ua iike no ka manao nui me ko ka Olelo Hooholo o ka Aha Senate.