Ka Nupepa Kuokoa, Volume XXXV, Number 21, 22 May 1896 — Ke Kanawai Kakaninoa o na Kane Maloko o ka Repubalika o Hawaii. [ARTICLE]

Ke Kanawai Kakaninoa o na Kane Maloko o ka Repubalika o Hawaii.

Ma ko makou pepa o ka la 24 o Aperiia aku nei i hoolaha akea ia aku ai k< i Kanawai Helu 13. oia ho.i k*- "Kanawai e' hoomaopopo ai i ke kakauino;i ana i na kan<? e noho ana maioko o ka Rcpubaitka o Hawaii" hei. Ua pili keia kanawai maluna o na kane apau - noho ana maloko nei o ka Pae Aina o Hawaii. malalo o ke Aupuni Repuhalika o Hawaii. ina paha he kane oiwi ia no ka aina nei, a i ole ia. mai na aina e mai paha ia. e milo like ia ana no laua a paa malalo o keia Kanawai.

No ka pono ame ka pomaikai o na kanaka Hawaii i maopopo ole i na hana a keia Kanawai, he mea pono ia lakou ke hoomaopopo iho, aole keia he hoohiki no ka hoolilo ana ia oe i mea koho balota maloko o keia Aupuni, ina aole oe i lawe i ka hoohiki e loaa ai ia pomaikai ia oe. elike me ka mea i hoikeia ma ,ke Kumukanawai. He hoohiki okoa no ia mai keia ae. Aia a lawe ke kanaka i kela hoohiki i hoakakaia ma ke Kumukanawai, alaila, lilo oia i mea koho balota iloko o ka Repubalika o Hawaii a loaa kekahi mau pono e ae i hoakakaia ina ke Kumukanawai. Aka, ma ka hoohiki malalo o keia Kanawai kakauinoa, ina aole oe i lawe i ka hoohiki Kuinukanawai a makou i hoike mua ae la, alaila, o kou hooko ana i na mea i kauoha ia mai ia oe malalo o keia Kanawai, a lilo hoi oe i mea kue Kanawai ole, oia kou pomaikai, me kou hoike pololei ana i na mea apau e pili ana ia oe iho— elike me kou inoa, ka nui o kou mau makahiki, kou wahi noho, kou aina hanau—o Maui paha, o Hawaii paha, o Miihau paha, a pela aku—mare wahine anei oe, kau hana e loaa ai kou ola ana, ka inoa o kou haku hana, kahi noho o kou haku hana, a pela aku.

Ma ko makou hoomaopopo ana, he Kanawai keia e koiia ai kela ame keia kanaka nele hana i keia wa e hooikaika e loaa ona hana, a e hoomaopopo ai hoi i kona nohona makaainana ana no keia Aupuni. Aka, elike me na mea maa mau i ikeia no na hana ana a' na Kanawai ano hou loa maluna o ka aina, oiai na manao kulanaiana a kapekepeke e pahola ana mawaena o ka lahui Hawaii, elike me ko keia manawa e ikeia nei, oia hoi, ka eeke, ka hopohopo, ka maka'u ame ka hauli lele o lilo paha auanei ke kakauinoa ana i mea e hoopoinoia mai ai ia, aka, o ka niakou leo kahoahoa a paipai aku imua o na hoa lahui o ke one oiwi hookahi, e maiama i ke Kanawai o ka aina, a mai hooiohe i na leo alakai e ae e kue ana i ke kauoha Kanawai. E hoomaopopoia hoi, aole keia he kanawai hou loa, akahi no a miiimiliia e ua lima o ka poe kau kanawai iloko o Hawaii. E hoomanaoia. aia ma ke Kau Ahaolelo o ka makahiki IS9O, elike me ka hoike a kekahi hoa Ahaolelo ma ia kau imua o makou, ua laweia mai he kanawai i ano like loa me keia ke ano e ka Aoao Lahui. ma o Makuisa ia, ke ole makou e kuhihewa.