Ka Nupepa Kuokoa, Volume XXXV, Number 24, 12 June 1896 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

mana ke anehe aku la e lele maluna o Hararklione. O ka hoolewa o na kino make o na poe Karistiano i pepehiia ma Canea, ua malamaia malalo o ka malama ana a ka mokukaua Beritania Hood. O na ohana nae i ka poe make, hole lakou i ukali aku i na huakai hoo@@@a a hoea i na luakupapau. He ekolu @@@sani na koa Keretana i hoea mai hoko o ke kulanakauhale no ka malama ana i ka maluhia o na Karistiano.

 

NU HOU HAWAII

 

I keia Poaha ae, Iune 19, e hoomaha @ na kula o Punahou-- ke kulanui ame ke kula hoomakaukau.

 

Ua pau ae nei ka Hui Kuai Waiwai Paa o Bruce Waring ma, a ua kaa na @@welawe ana o ia hana ia Mr.Chas. S. Desky.

 

Ma ke ahiahi o ka Poakolu nei i hopu ia ai kekahi poe Hawaii-- ehiku kane me elua wahine --no ka lealea piliwaiwai ma ke Alanui Maunakea.

 

Mamuli o ka piha loa o ka makou pepa o keia la i ke Kanawai ame na olelo hoolaha, ua hoopanee hou ia kekahi mau manao waiwai nui a makou a keia pule ae.

 

Ma ka mokuahi Auseteralia e ku mai ana no Honolulu nei, mai Kapalakiko mai, e loaa hou mai ai ia makou he palapala mai ko makou mea kakau mai Kaleponi mai. A oia pomaikai no na poe wale no e heluhelu ana i ke Kilohana Pookela o ka Lahui Hawaii.

 

Ka laha 'la ma Kina i keia wa ka Ma'i Luku i kapaia ke "Ahulau Eleele." He kai hoee ana paha ke holoaia ae ana ma ka Hui Mahiko Reciprocity o Hana. Ua lono wale ia, ua hiki aku ka ikaika pili o ka kai i keia wa i ke $38,000 a oi.

 

Ma ka Poakolu nei i loaa ai ka hanohano ia Lunamakaainana S. K. Kaeo o ka Mokupuni o Kauai, ma ka lilo ana i maheleolelo imua o ka Aha Kaulike, ma ka hihia a Lokinehama Kahai ame kahi poe e ae kue ia Emalia Kuhia ame kahi poe e ae.

 

Ma ka auwina la Poaono aku nei, ua malama hou ia no, no ke kolu o ka manawa, ka hookuku kipu pololei mawaena o na "kaiko" ame na hoa o ka Puali G ma ke kahua kipu ma Iwilei ae nei, a ua lilo hou no ka eo i na "kaiko." O ka helu a ka aoao lanakila, he 388; o ka helu hoi a na koa, he 374.

 

Ua loheia aku ka leo hooho o kekahi poe kanaka Hawaii ma ka Poaha iho nei, Iune 11, "E hele ana makou i Kaimana Hili Pa." He wahi inoa hou keia no "Kapiolani Pa." Auhea la ka inoa maikai-- Diamond Head Park, a i ole, Kapiolani Park?

 

Ua loheia ae ka namunamu o kekahi mau keiki puhi ohe o ke Aupuni, a me he mea la o lakou aku ka no apau, no ko lakou kauohaia ana e puhi ma na la Sabati no kahi koalaala mua no, oiai hoi o ko bebedoma, a o ka nui o ka manawa a loaa ka la ohi o kahi ka-ki e noke mau wale ana no i ka ha'uha'u i na hokea kani.

 

Oiai kekahi kanaka holo lio e paukiki ae ana ma ke Alanui Puowaina, a iaia i hoea ae ai ma ke kihi o na Alanui Puowaina ame Ema. Ua kapoo pu ke kolo o ke kaa iloko o ka umauma o ka lio a ua kiolaia kela kanaka iluna o ka @@ihonua. Ua make loa ka lio, a ua maule ke kanaka poina no aneane ha@alua hora a pohala mai.

 

Ma ke ahiahi Poaono aku nei i loheia aku ai kekahi leo nakolokolo o ka pu panapana e hoonaue ana i ka moku kiapa J. B. Thomas, a no ia mea ua lele aku la no "ulalele" (maikai kau-lio) o ke Aupuni no ke kaikuono o Kou e nana ai i ke kupua nana i wawahi i ka maluhia o ke kai kapu o ka aina, aia hoi. ua loaa aku la he haole mahuku mai luna aku moku J. B. Thomas e pupue ana ma ka uwapo kaa-ahi, a ua hoea aku oia ilaila maluna aku o kekahi waapa holimalima o ka uwapo ae nei. Ua hopuia keia "kupua" a ua hoopaaia ma ka poli o Kalakaua Hale.

 

Make Emoole

 

Mr. Lunahooponopono:

            Aloha oe:-- Ma ka la 23 o Mei i hala, ma Honokohau, Maui, ua make emoole iho la o Mrs. Vitoria Kalai Kapaku mawaena o na hora 4 ame 5 o ka auina la Poaono. Me keia kahi moolelo walohia e pili ana i kona make ana: Ma ke ke kakahiaka nui o ka la i haiia ae la maluna, ua hoomakaukau ae la na kanaka o Honokohau e hoopuni i ka i'a he Akule; nolaila, i ka makaukau ana o na mea apau, ua ahai aku la no ke Akule i ka hohonu, nolaila, ua noho wale no na kanaka a hiki i na hora o ke awakea, nolaila, ua hoi aku la kela ame keia no ko lakou mau home ponoi iho me ka manao e hele e imi i na mea e pono ai no ka la Sabati ana e e. Nolaila, ua hoi aku la kana kane ma ka hale e painu no ka aina awakea. Mahope iho o kona manao ana, ua hoomakaukau koke iho la no oia no ka holo ana aku mamluna o kona wahi waa Hawaii no ka lawaia ana; nolaila, i ka makaukau ana, ua holo aku laua me kana keiki a mawaho aku o Kalaeulaula, ua lawaia laua malaila a hiki i na hora 2 ame 3 p.m. o ka auina la a ike mai la laua i ka hoopuniia ana, o ua i'a nei i haiia ae la maluna, nolaila, ua hoi mai la laua a hookahi ka lawaia pu ana me ia poe. No ke komo loa o ko laua wahi waa Hawaii, ua hoi mai la laua no uka nei o ka aina, Nolaila, ia laua i kokoke mai ai e hookomo i ke awa muliwai, ua ike mai la laua ia Mrs.V. K. Kapaku i ka au ana ae mai kekai aoao o ka muliwai a pae ma kekahi aoao; nolaila, ua hoe loa aku la no laua a pae iuka a hoolele aku la i na mea apau. Ia manawa laua i holo aku ai no kai, kahi a na kanaka e kanikani piha mai la no ka nui o na pihi e hei la ma kela ame keia upena. Aole no hoi laua i huli hou aku e nana iaia, oiai oia i nalowale aku ai mai ka ike ana a ko laua e holo hou i uka, oiai ua hemahema kekahi i na upena i ka pohaku ole. Nolaila, ia laua i makaukau ai no ka holo koke aku, oiai aohe wai i koe. He oluolu maikai kona ola kino ma ia kakahiaka nui i haiia ae la maluna, aka, i kela manawa on a i hoi mai ai mai ke kai mai a pae iuka, ua loaa iho la iaia kela poina i kela wa koke no. Aole he mau minute mahope iho o ia manawa, ua pau loa ae kona hanu me ka walohia nui.

           

He oluolu maikai oia i kona waa e ola ana me kana kane. He heahea, hookipa i na malihini apau e kipa mai ana ma ko laua home. He humuhumu kapa-apana ka hana oi pookela aku i kona wa e ola ana. He makaukau i ka hooponopono home ana, na pono o kana kane ame kana moopuna oiai oia e ola ana. Ua hanauia oia ma Waikapu, Maui, mailoko mai o ka puhaka Mrs.Muolo wahine ame Niheu kane. Ua noho mua mai oia ma Honokohau nei me Mr. D. Kahualoa a hiki  ka makahiki 1889, ua make aku la kana kane, nolaila, ua noho kane ole oia a hiki i ka malama o Aperila, 1892, ua hoohuiia iho la laua ma ka berita maemae o ka mare, Mrs. Vitoria Kalai me Mr.Jno Kapaku ma Pua Melia Home e ka Rev. Father Andrew o Lahaina. Nolaila, ua malama laua ia berita mare a hiki i ka haalele ana mai la o Mrs. V. Kalai i kana kane e u hookahi aku ma keia aoao o ka muliwai eleele o ka make. Nolaila, ua piha ia laua he 4 makahiki, 22 la ame 16 hora a oi o ka paa ana i ka berita maemae o ka mare. Nolaila, ke kalokalo ae nei au i na Mana Lani Kiekie Loa e hoomama mai i ka naau kaumaha o kana kane i hooneleia i ka wahine, kana moopuna, kana mau keiki ame ka ohana pu. Nolaila, me ka walohia nui au e waiho aku nei i keia wahi nuhou kaumaha imua o ka Lunahooponopono o ke "Kuokoa" ame kona mau keiki ulele hua metala ka welina hope a ko'u aloha.

Owau iho no me ka haahaa,

D.K. Leleianaha.

Honokohau, Iune 2, 1896.

 

Ma ka Poaha nei, Iune 11, i ho-a ia ai ka ihoiho kukui o ka halekuai o Nichol ma, ka mea i lilo i mea kohokoho ne kekahi poe no ka makana he piano. Ua a ua kukui la a pau iloko o 12 hora me 2 minuke o ka po Poaha nei, ua like ia me 16 hora ame 30 minute ka loihi o ka a ana. Ua lilo ka makana ia C.D. Chase, o kana koho he 16 hora ame 30 minute. O ka lua no o kana koho he 16 hora ame 45 minute. O ke koho i ukali aku i keia o ka S. Sweazy, he 16 hora me 16 2-3 minute.

 

Ka Makana Hiwahiwa a Luna Senate Balauwina i ka Malu Ulu o Lele.

 

E ike ana ko makou poe heluhelu ma ko makou "Pepa Panai" o keia la i ke kii o ka luakini hou o Lahaina, ka makana hiwahiwa a Luna Senate Balauwina i ka Malu-Ulu-o-Lele.

 

Aole paha i poina iki i na kamaaina o Lahaina, pela me na kamahele i hele aku ma na kaiaulu o Lahaina ka ike ana i ka halepule o wanee iloko o na makahiki i kaahope ae nei, ka luakini i ku ma ia wahi no ka hapalua keneturia ame 14 makahiki a keu, a ma kahi wa pokol hoi i kaahope ae nei ua lilo iho la ia i puu lehu i hea mai ai ka leo walohia o na haipule oiaio o ke Akua , e hoala hou ia on a halau hale laa no Iehove ke Akua Ihiihi. He oiaio, ua loheaia ua leo uwalo la, a e ku aku ana he luakini hou no Wainee. Eia iho ke kii:

O ka luakini mua o Wainee na Dr.Dwight Balauwina no ia i kukulu, ke ole makou e koho hewa, i ka makahiki 1830, a ma keia makahiki 1896 hoi , ke lawe nei kekahi o kana mau keiki puuwai hamama, a makee hoi i ka luakini a ka makua i kukulu ai a hoopau wale ia ai ka ulia poino, a kukulu hou i heiau laahia no ke Akua, me ka nana ole i ka nui o na lilo.

 

O na kamana na laua e paahana aku ana i keia hale nani hou, oia o Ripley ame Dickey. He hale pohaku no elike me ka mua E okoa ana nae ke kulana ame ka hiehie o keia "Betela" hou i ko ka mua, a e lilo ana keia i kia hoomanao na ko Lahaina poe oiwi.

 

Ke ole e hoopaukaia, alaila, e hoopanee ana ka Ahaolelo e noho nei i ka la 15 o keia mahina.

 

Haawina

 

Kula Sabati

 

II. 12. June 21. Ka Haku i ala hou ai, Luka 24: 36-53.

 

Aiko lakou kamailio ana ia mau mea, ku iho la Iesu iwaena konu o lakou, a olelo mai la oia ia lakou, a!oha oukou!

 

37 A makau iho la lakou me ka weliweli e manao ana he uhane ka mea a lakou i ike ai.

 

38 A olelo mai la oia lakou, No ke aha la oukou e makau ai? No ke aha la hoi e kupu ai ka haohao ana iloko o ko oukou mau naau?

 

39 E nana mai oukou i ko'u mau lima ame ko'u mau wawae, owau no keia, e lawelawe ia'u i maopopo ia oukou, no ka mea, aohe io ame na iwi ko ka uhane, e like me ko'u a oukou e ike nei.

 

40 A i kana olelo aua pela, hoike mai la oia ia lakou i kona mau lima ame kona mau wawae.

 

41 A i ko lakou manaoio ole ana no ka olioli, ame ka pihoihoi ana, ninau mai la oia ia lakou, he wahi ai anei ka oukou maanei?

 

42 Haawi akou la hoi lakou aia i kauwahi ia i koalaia, a i kauwahi waihona meli.

 

43 Lalau iho la oia ia, a ai iho la ma ko lakou alo.

 

44 Olelo mai la oia ia lakou, eia na olelo a'u i olelo aku ai ia oukou, i ko'u noho ana me oukou, e pono e hookoia na mea a pau  i kakauia ma ke kanawai o Mose, a ma na kaula, a ma na halelu no'u.

 

45 Alaila wehewehe iho la oia i ko lakou manao i hoomaopopo lakou i na palapala hemolele.

 

46 A olelo mai la oia ia lakou, pela i palapalai ai, a pela hoi e pono ai ka Mesia ke make, a e ala hou mai i ke kolu o ka la mai waena mai o ka poe make.

 

47 A e haiia aku hoi ka mihi a me ke kala ana i ka hala ma kona inoa mawaena o na lahuikanaka apau, e hoomaka ana ma Ierusalem.

 

48 O oukou hei na mea e hoike i keia mau mea.

 

49 Eia hoi, e hooili ana au maluna o i ka mea a ko'u makua i olelo hoopomaikai iho ai; aka, e noho oukou ma Ierusalema, a hoolakoia mai oukou me ka mana no luna mai.

 

50 Alaila alakai oia ia lakou iwaho a hiki i Betania, hapai ae la i kona mau lima a hoomaikai mai la ia lakou.

 

51 Eia hoi kekahi, i kona hoomaikai ana ia lakou, ua hoowaleia ae la ia mai lakou ae, a lawe ia aku la iluna i ka lani.

 

52 Hoomana aku l lakou iaia, a hoi mai la i Ierusalema me ka olioli nui.

 

53 A maloko o ka luakini lakou i kela la a i keia la, e hoolea ana a e hoomaikai ana i ke Akua. Amene.

 

Pauka Gula. Luka 24:34. Ua ala hou ka Haku.

 

Manai Nui. E pono ke hauoli mau no ko kakou Haku e ola ai.

 

Olelo Hoakaka. Ua ala hou o Iesu mai ka make mai, Aperila 9, M. H. 30, a pii iluna i ka lani, Mei 18. Ua manao ka poe Parisaio ua paa o Iesu ma ka hale kupapau. Ua paa ka manao o kona poe haumana ua make loa ia. No na la ekolu ua paa ia ma ka hale kupapau . Aka hoi ma ke kakahiakanui mahope o ke Sabatu Iudaio, ua hoomakaukau na wahine e wahi iaia me na mea ala e ialoa ai. Ua ike mua o Marie Magedalena iaia, a mahope na wahine e ae, Ia kakahiaka no ua ikemaka o Petero iaia, a ma ka auina la na na haumana elua  holoholo ana i Emanse. O ka lima o kona ike ia ana, oia ma ke keena maluna ma Ierusalema, kahi i akoakoa ai ka poe aposetole, koe nae o Toma.

 

36 Kamailio-- e pili ana i keia mau mea kupaianaha. Ku--oiai ua paa na puka komo i na makai Iusaio, Ioane 20:19. Aloha --Salaamalaikum, maluhia ia oukou, oia ka olelo hoaloha maa mau o ka poe Iudaio. 37 Uhane--, he Iapu paha. he kino wailua paha: 38 Haohao, kuihe, kanalua. 39 awelawe, a maopopo ka mea kino. 40 Lima i hou ia e na kui. 41 Ai, a hiki ole ia lakou ke kanalua e pili ana i kona ola hou ana. 42 Koalaia, oiai he poe lawaia ka hapanui o lakou. Meli, aole loaa, ke kopaa i na kanaka lehulehu a hiki i keia keneturia. 43 Lalau, mamuli o ke ano maa mau mamua o ka hana ana aku i na oo dala ame na pahi o keia mau la. 44 Olelo, ma keia mau pauku ka huina pau o ko Iesu mau kamailio me lakou. Kakauia, ma na mahele ekolu o na Palapala Hemolele Hebera, ko Mose, na Kaula, Na Halelu. 45 Wehewehe i na buke ame ka noonoo, Ioane 20:22. 46 Moke,oia no ka mea ano nui no ka poe hewa, oiai kona ala ana oia no ka mea ano nui i ka poe i huikalaia. 47 Inoa, no Iesu wale no keia mana e ola ai. Lahuikanaka, no lakou apau loa keia pomaikai aole no ka poe kakaikahi. O ka mea kokoke oia no ka mea mua e hai euanelio ai; o ka mea mamao loa aku oia no ka palena e emi mau ai. 48 Hoike, oia ka mana o ka mana o ka mea haieuanelio. 49 Mea, oia no ka Uhane Hemolele, Isaia 44:3, Ezek. 36:27, Ioela 2:28-32, Mat. 3:11, Oih. 2:17. 50 Alakai mamuli o ka olelo hoike, Mareko 16:19, Oih. 1:9-11. 51 Hoomaikai, a loaa i ka poe manaoio a pau loa kona mau pomaikai lehulehu. 52 Hoomana, ma ke ano ko lakou Akua Hooko. 53 Hoomaikai, a loaa i na lehulehu keia dono kamahao e pili ana i ko Iesu ala hou ana.

 

I. Ka hooiaio ana i ke ola hou ana, 36 43. Mahea ka poe umikumamalua ia wa? Heaha ko lakou makau? Owai ka mea ku hikilele mawaena o lakou? Pehea i komo ai o Iesu? Heaha kona olelo hooikaika? Heaha ko lakou manao? Heaha ko Iesu ninau? Ua kamailio mau anei o Iesu e pili ana i kona ala hou ana, Mat. 20:17-19? No ke aha la i kanalua ai ka poe haumana? Heaha na mea a Iesu i hoike mai ai? Heaha ke kumu no ko lakou manaoio ole ana? Heaha na kumu no ka manaoio ole o na kanaka i keia mau la? Heaha na mea e hooiaio ai i ko Iesu ala hou ana, aole hiki i na kanaka ke hoole pono ai? Ua kue anei ka olelo Ioane 20:20 i ka olelo Luka 24:37? Heaha ka olelo hoike o na haumana, Oih. 10:41? Heaha ka hoike o ke Sabatu Karistiano?

 

II. Ka wehewehe ana i na Palapala Hemolele, 44-49. Heaha ko Iesu mau olelo ao i ka wa mamua, Luka 18:33, Mareko 10:33? Heaha kekahi mau wanana ma ko Mose mau buke, Kin. 3:14, Kin. 18:15, Nalehu 21:9, Kan. 18:15, Nalehu 24:17? Heaha kekahi mau wanana e pili ana ia Iesu ma na buke o na kaula, Isaia 7:17, Zek. 12:10, Ezek. 34:23, Ier. 23:5? Heaha kekahi mau Halelu wanana, 2, 22, 72? Heaha ke kumu no ka paakiki o na manao ana i wehe ai o Iesu? Heaha na olelo hoike o ka pono Karistiano? He hewa anei i kekahi ke hoole i keia mau olelo hoike? Heaha ka hana e pono ai ke hooholo koke? Ua kupono anei ka oihana misionari i ko na aina e? Heaha na kumu no ka hooholo ana i keia oihana? Heahea ka pomaikai a ka makua ma ka lani i olelo mua ai no ka poe manaoio? Heaha  ka hana kupono o kela a me keia mea manaoio? Heaha ka mana i loaa ai i loaa ai i manaoio, Ioane 20:22? Ua makaukau anei na haumana e haalele ia Ierusalema a hele aku i ko na aina e, Oihana 11:19?

 

III. Ka pii ana aku i ka pomaikai lani, 50-53? Ehia mau la mahope o kona ala hou ana ua kamailio o Iesu me kona mau haumana? Heaha ka mahina a me ka la o kona pii ana aku i ka pomaikai lani? Pehea i pii ai oia, Oih. 1:9-11? Heaha ke ano o kona kino lani Mat. 12:2, Hoikeana 1:12-16? Ua hoomaopopo anei ka poe haumana i ko Iesu ano akua? E pono anei ia kakou ke manaoio aku ia Iesu ko kakou akua hoola, a hoomana aku pela? Mahea ko Iesu pii ana? A pau ae la ihea ka hoi hou ana mai o ka poe haumana? Heaha ko lakou mau hana ma ka luakini? Heaha ka olelo hoopomaikai e hoohau ai ia lakou, Oih. 1:11? Heaha ko kakou mea e iini mau ai, Hoik. 22:20? Heaha na hana kupono no na kanaka apau loa i ko Iesu euanelio? Ina paha aole mihi kekahi a manaoioaku ia Iesu, heaha ka hua kupono no keia mihi ole ana, manaoio ole i ko ke Akua olelo lokomaikai? E loaa hou ana anei ia lakou he wa no ka imi ana i ke kalahala?

 

Manao Pili. 1 Pehea, e hiki anei ia oe ke launa pu me Iesu, Mat. 18:20, Mareko 16:20? 2 Ua loaa anei ia oe ka mana a ka Uhane Hemolele e hoolaa ai ia oe no kou oihana haipule? 3 Ua hauoli  anei oe no kou paulele ana aku ia Iesu? 4 Ua lana anei kou manao e ala hou mai waena mai o ka poe make a pii aku i ka pomaikai lani? 5 Ua liuliu anei oe no ka pomaikai lani?

 

Hoolaha Hoopau Hui.

 

Ke hoolahaia aku nei ma keia, mamuli o ka aelike pu ana, ua hoopauia ka Hui mawaena o Bruce Waring ame Chas. S. Desky, malalo o ka inoa hui Bruce Waring & Co., a ua lawe ae o Chas. S. Desky i na koikoi apau o ua hui la a nana no e ohi i na aie apau e ku nei i keia wa, aole i hookaaia mai, i ua Hui la.

 

Hanaia i keia la 10 o Iune, 1896.

Bruce Waring & Co.

Bruce Waring,

Chas. S. Desky.

2602-3t

 

PAPA! PAPA

 

AIA MA KAHI O

 

Lewers & Cooke

 

(Lui Ma)

 

Ma ke kahua hema o Alanui Pap me Moi

 

E LOAA NO NO

 

PAPA NOUAIR@

 

O kel a me keia ano

 

Na Pani Puka, na Puka Aniani, na Olepelepe, na Pou, na O'a, na Papa Hele, na Papu Ku, me na Papa Moe he nui @o

 

@ PILI HALE O NA ANO A PA

 

A me na

 

WAI HOOHINUHINU NANI

 

o ua ano a pau loa.

 

Na Balaki o na Ano he Nui Wale

 

Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau ili ana ma ka laua oihana no ka

 

Uku Haahaa Loa,

 

E like me ka mea e holo ana mawaena o Laua a me Mea Kuai.

 

Hele Mai e Wae no Oukou iho

2396-q

 

Hoo'aha Kumau.

 

Aole loa e maikai a oluolu ke ola ana o kekahi mea kino uhane ola in a he aaiole kona akepaa a hiki ole ke lawelawe i kana mau hana me ka hololea. E hahai ana ka nalulu a me na nawaliwali e ae ma ka moali o ka ake ponalo. He mea oiaio keia i hooiaio ia ma na wahi o na poai oluolu akau iloko o ka hapaha keneturia, o na

 

Huale A Ayers,

oia wale no ka LAAU HOOLA AKE maikai loa i ikeia. E hoola ana i ka lepopaa, ka nalulu eha, na ma'i oloko o ka opu, a ma ke ano LAAU OHANA aohe on a lua e like ai.

 

O ka Ayers Sasaparila, oia

ka Laau Hoomaemae Koko kilakila , e haawi ai i ka ikaika a me ka hooponopono ana ia loko o ke kino o ke o ka ili, e hoopau i na maluhia kanaka. E pepehi a ulupa ana i na PUHA, e hoola ana i na pohapoha hi o ke ola ana a e kipaka loa ai i na ano ma'i pau. O ka poe ma'i no ka wali pono ole o ka ai, ka nawaliwali mau a ano ma'i e ae i ulu ae mai ke koko ino mai, he mea pono e inu i ka lauu

 

Sasaparila A Ayers,

He laau e hooikaika ai i ka nawalilwali, a e hoopuipui mai ai i ke kino. Ma ka inu ana i keia laau, e hoonoono ia ai ka ai ana, oluolu ka moe ana a maikai ke ola ana.

 

O ka Ayers Cherry Pectoral

laau, aohe lua ma ka hoola awiwi ana i na KUNU, ANU a me na PUUEHA. E hoola ia no KUNU KALEA a me na ma'i pili i ke ake me ka hikiwawe loa.

 

O na Huaale a Ayers, Na Sasaparila a me ka Ayers Cherry Pectoral, aia kahi e loaa ai ma ka Hale kuai o ka

 

Hollister Drug Co. Lt. 

Na Agena ma ka Paeaina Hawaii.

2514

 

KAKELE ME KUKE

 

Ka hale kuai Nui

o na

 

WAIWAI LIKE OLE

 

NA MEA

 

HANA KAMANA A PA@

 

Na liko pili hao kukuluhale,

Na kepa,

Na lei ilio,

Na kaulahao ilio,

Na Pahi,

Na Upa,

Na kope huin,

Na palapala.

 

PALAU LIO

 

Na mea mahiai,

Na au i

Na ai koi

Na kua bipi,

Na lei bipi,

Na kaulahao bipi,

Na uwea pa,

Na kaa palala,

Na mea pinla,

Na ipuhao.

 

Makau me Aho Lawaia

 

Na Iliwai

Na kaula,

Na @@in pena,

Na pulumi,

Na pena, me ka aila.

Na kopa,

Na aila mahu

Na pakeke

Na pekeke hao,

Na kapu hao,

Na pauda,

Na kukaupele,

Na uwiki, a me

Na ipukukui.

 

Mikini Humuhumu aulana

 

Wilcox, & Gibbs Hookahi Lopi

 

ka Remington, Elua Lopi.

 

A me na ukana he nui lei lele ai o me keia ano.

 

Kekela me Kuke

 

8926 o