Ka Nupepa Kuokoa, Volume XXXV, Number 25, 19 June 1896 — Page 4
| This text was transcribed by: | Kalika Yamada |
| This work is dedicated to: | Kahili Koae |
Ka Nupepa Kuokoa
KE KILOHANA POOKELA NO KA LAHUI HAWAII.
Mai ka Aoao Ekahi Mai.
Na Poino Alanui.
Na Poino Alanui no na Mokunui āpau $20,000 00 Uku ana i na O lelo Hooholo no ka pono o Mrs. V. Ward 10,605 00
Buro Oihana Wai.
Na lilo mau 7,500 00 Na hoomaemae ana i na lua hookio wai 5,000 00 Na hana hoomaemae lauhala o na ano apau 12,000 00 Na lilo hoohana kahua pauma wai 16,000 00 Oihana Wai o Laupahoehoe 300 00 Oihana Wai o Koloa 2,200 00 Oihana Wai o Hilo 500 00
$ 43,500 00
Papa Ola. Na lilo laulaha $6,000 00 Kokua me ka Malama ana i na Halema’i 11,000 00 Na Laau Lapaau 9,000 00
Hookaawale ana i ka Opala a me ka lepo o na lualiilii me ka uku ole 10,000 00
Malama ana i na keiki mai ole a na Mai Lepera 6,000 00
Na lilo malalo o ke Kanawai Hookamakama 1,000 00
Hookaawale, malama a lawelawe lapaau ana i na Mai Lepera 174,000 00 Na lilo malalo o ke Kanawai Opiuma 5,000 00
Halema’i Pupule 29,000 00
Kokua i ka Home Makuahine Kapiolani 4,000 00 (mamuli nae ia o ka hoike mau ia I ka Papa Ola i kela a me kēia mahina i ka nui o na poe i malamaia me ka nui o na lilo.) Kukulu ana I hale e lawelaweia i Home no na keikikane ma’I ole o na makua mai 5,000 00 Hale auau wai laau ma Kalaupapa 1,500 00
Hale ino kope me mea ai ma Kalawao 1,000 00 Lanai malumalu no na Ma’i Lepera ma Kalaupapa 500 00 Na lilo o ke Komisina Alahao Uwila 405 50 $ 273,450 50
Kela Me Keia.
Ohana Kina@ Ahi, Honolulu $ 14,600 00
Kukui Uwila 13,000 00
Mikini Uwili hou, kukui na pou me na uwea 12,500 00
Kukui Uwila Alanui o Hilo 2,000 00
Na Kahua o ka lehulehu 2,500 00
Hoomalamalama ana i na Alanui mawaho ae o Honolulu 500 00
Pai ana a me ka hoolaha ana 8,500 00
Lilo Koho Balota 15,000 00
Na lilo Kanawai Kakauinoa 8,775 00 Na ululaau a me na Wahi Hooulu Laau 12,347 00
Kokua i ka Halemai Moiwahine 20,000 00
(Ua haawiia kēia mamuli o ka aeia ana e lapaauia na Ma’ i o ke Aupuni me ka uku ole.)
Na lilo no ka hoopaa ana i na Palapala Hooia no na Palena Aina 100 00
Ahahui Kapiolani Paka 5,000 00
Hoomalu ana i na Holoholona Ma’i 850 00
Na lilo Hale Holoi 3,300 00
Uku Hoolimalima Pa Hale Dute, Kahului 600 00
Na lilo o kela a me keia ano no na Keena 3,000 00
No na Buke o na Sila Nui 2,000 00
Paepae a hoopiha ana i na aoao alanui o ke Aupuni 6,000 00
Na lilo Hale Makeke Kuai Ia 1,000 00
Houluulu a me ke Pai ana i ke Kanawai Karaima me Kivila 8,000 00
Kokua Paradiso o ka Pakipika 2,200 00
(malalo o ka apono ana o ka Aha Hooko.) Oihana Kinai Ahí o Hilo 3,450 00
Kokua Mokuahi mawaena holo mawaena o Hilo me Pohoiki Hookahi holo ana i ka malama 1,200 00
Uku kokua i ka Hui Alahao a Aina o Oahu 11,000 00
Telefona mawaena o ka Hale Hookolokolo o Pohoiki Puna a me Hilo, malalo nae o keia kumu, e hoolilo na poe e noho ana mai ia Apana i kekahi huina e like me kela 1,200 00
Telefona mawaena o Hana a me Makawao, Maui malalo nae o keia kumu, e hoolilo na poe e noho ana ma Maui, a i ole, o kekahi Hui Telefona o Maui, i kekahi huina e like me keia 2,500 00
Uku o C.T. Rodgers no ka hana Kakauolelo no ke Komisina Hana Lima no na mahina o Sepatemaba a me Okatoba 1895 280 00
Uku ana la A. Kretly, Parisa 1,438 00
$ 169,540 38
$ 829,963 78
Helu Hou Ana Ma Na Poo
Oihana Hookolokolo $ 32,925 00
Oihana o ko na Aina E 97,600 00
Oihana Waiwai 61,459 13
Oihana Loio Kuhina 145,032 00
Buro A’o Palapala (Papa Hoonaauao) 44,200 00 Komisina o na Aina o ka Lehulehu 37,600 00
Oihana Kalaiaina 829,963 78
$ 1,804,839 91
Pauku 2. Ua ku no i ke Kanawai i ke Kuhina Waiwai ke hoomau aku i ka uku ana e like me na haawina i aeia ma keia Kanawai a hiki i ka la 31 o Maraki, M.H. 1898, a ma ia hope aku ma ia ano no a hiki i ka holoholoia ana i haawina hou.
Pauku 3. Aole e uku ke Kuihina Waiwai , a i ole ia, ae paha e uku mai ka Waihona, i kekahi dale no na hana i oleloia ma kēia Kanawai, koe wale no ma ke ano i hoakakaia maloko nei, a o ka hoolilo ana me ka ae ole ia o kekahi dala mai ka Waihona ae me ka manao e hoike aku no ia mea imua o ka Aha olelo ma ka Bila Kanawai Huikala, ma keia ua papa loa ia.
Pauka 4. E haawi wale ia no na aelike apau no ke kūkulu a hana hou ana i na hana Aupuni, i hiki aku i ka huina o elima haneri dala ($500.00) a no ho ʻ olako ana aku i na mea hana, mea ai a mau mea e ae paha, ma ka hoolaha akea ana no na kohokoho, a aole hana Aupuni, lako mea hana a mau pono ai paha e maheleheleia, a i olelo o keia Pauku. Pauku 5. E mana keia Kanawai a e lilo i Kanawai mai kona la e hoolahaia ai.
Aonia i keia la 8 o Iune M.H. 1896 Sanford B. Dole
Peresidena o ka Repubalika o Hawaii
HAAWINA KULA SABATI
II 13. June 28. Hoike Hapaha.
Pauku Gula. Luka 24:47. E hai ia aku hoi ka mihi ana a me ke kala ana o ka bala ma kona inoa mawaena o na lahuikanaka a pau.
Heaha ke kumuhana o ka haawi na mua, elua, a pela aku? Heaha ka pauku gula? Heaha ka oleloao o na haawina a pau loa o ke a hapahā? (Ua hiki mai o Iesu e hoopau i ke ano hewa o ko keia ao.)
E pono ke ninau e pili ana i kela a me keia haawina. Mahea? Ināhea? Owai? Heaha? I aha? I. I ka la hea ua ua ala how o Iesu? Owai ka mua nana i lohe i ka lono? Owai ka haumana I holo aku ai i ka hale kūpapau, a hāmama ka puka? II. He aha ka aha ana I ho ʻ ohālike ai ke aupuni o ka Haku? Owai ka poe i kono mua ia? A hoole lākou, pehea i hoopihaia ai ka hale? Owai ka poe i konoia ia Iesu i kēia wa? III. Owai ka mea i auwana ai? Haha kona mau pilikia? Heaha kona manao i kona wa i mihi ai? Heaha ka pomaikai hou i loaa ai iaia? Heaha ke kumu no ka hoihoi ana? IV. Pehea i noho ai kekahi mea waiwai? Pehea o L ozaro? Heaha ke ano noho o lāua mahope o ka make ana? Heaha ke noi a ka mea waiwai? Heaha ke kumu no ka hoole ana iaia? V. Heaha ka pule o na mea pilikia kino he umi? Heaha ka Iesu olelo pane? Ehia ka nui o na mea u huli ai me ke aloha hoomanao mahalo? Pehea i pili ai ke ola hou i ka manaoio? VI. Owai na mea elua e pule ana ma ka luakini? Heaha ka pule paoa? Heaha ka pule paleopua? He aha na kumu no ka hoka ana o ka mea mua? Heaha ke kumu no ko ka lua hoaponoia ana? VII. Heaha na waiwai a ka alii i waiho ai ma na lima o kana mau kauwa? Heaha na hoopukapuka i loaa ai? Heaha ko lakou uku hana? Heaha ka olelo akiaki a ke kauwa niania? Heaha kona uku kupono? VIII. Heaha ka Iesu oleloao e pili ana i wahi malawaina? Heaha ka malawaina i manaoia? Owai ka poe kauwa kaulei ka manano? Heaha ka lakou hana i hana aku ai i ko ka Haku mau elele? Heaha ka lakou hana i ke keiki hiwahiwa? Heaha ka pauku Baibala i kuhikuhi ia no na kahuna Iudaio? IX. Heaha ka piono e hiki mai ana i ko Ierusalma? Heaha ka hoailona? Pehea i ko ai keia olelo wanana? X. Heaha ke kumu no ke paonion ana mawaena o ko Iesu mau hoahānau? Owai ke eo? Heaha ka Iesu oleloao ia Simona Petero? Heaha ke Petero pomaikai? XI. Mahea i kulia ai o Iesu ma ka laau kea? Owai na mea elua i kaulia pu ia me Iesu? Heah a ka laua mau ano hana okoa? XII. Ia wai i hoike ai o Iesu iaia iho i kona la i ala hou ai? Heaha kana olelo mua? Heaha kana kauoha hope loa? Heaha kana olelo hoopomaikai i na mea hai euanelio? Ia wai e ae keia pomaikai?
Maloko o ka nūpepa P. C. Advertise r o ka la 13 aku nei, i ike iho ai makou i ka hoolahaia ana ae o ka haiolelo a Dr. A. B. Lyons i haiolelo aku ai iuma o ka Ahahui Noeau o Berkley, Nov. 8, 1895, maluna o ke kumuhana, “Kekahi mau hoihoina kumuhonua o na Pae Aina Hawaii.” Ua hoakakaia kekahi mau mea e pili ana i na lua-pele ma Hawaii nei ame ke kumu o ka puhalu ana o kekahi mau wahi ma keia mau mokupuni.
MEA HUNA POHIHIHI
Mokuna IV.
“Makemake au e hili aku oe i kahi ana e hele ai ma kona wa e haalele aku ai ia Hametona Kakela, pela pu hoy me ka mea ana e hui aku ai, ame kana hana. E noii aku oe a hoea i ka papakū o keia mea huna holookoa, a ke loaa ka hoy ia oe, alaila, na’u no auanei e uku aku ia oe i kekahi uku maikai loa. Aka, eia mai nae kou uku hoopaa no kou hana ana’ku i ka’u hana.”
I kela wa i haawi aku ai ua Adelo nei i kekahi bila dala banako i ka makaikiu. Lalau mai la hoi ka makai-kiu i ua bila dala la a ho-o iho la iloko o kana wahi buke pakeke me ka nana ole ana iho i ka nui o na dala maloko o ua bila la.
Alaila, olelo hou aku la o Adelo iaia:
“I ka la apopo e hele aku ana au i Tereveliana Pa e ike ai i kuu makuakāne, aka, aole au i liuliu loa malaila a huli hoy mai no au no Ladana nei, elu paha o’u ia e noho ai malaila a hoy mai au. Ma keia hotele no nae au e loaa ma ai ia o e i na wa apau ma keia hope aku a hiki i ko’u hoike ana’ku ia no ko’u wahi e nee aku ai. Oiai, o ko’u manao i kei awa, e noho no au ma keia mau i umi i kei awa a mai keia wahi aku hoy e hele aku ai au i Terevelina Pa, a pela e hoohaliaia ai ko’u manawa oiai au e noho ana maanei.”
“Alaila, e honua mai ana au ia oe i ka’u hike i kela ame keia ;a,” wahi a ka makai-kiu i pane mai ai ia Adelo. “Ina nae he mea ano nui loa kekahi e loaa ana ia’u, alaila, na’u ponoi no ia e lawe mai ima ou. Aole anei he mea a ae kekahi au i makemake ai?”
“Aole paha. Na ke au o ka manawa ma kēia mau aku, mamuli o na mea e loaa mai ana mai a o mai, e hoala mai I na kumuhana hou a’u i make ai, aka, no keia wa la-aole.”
Alaila, me ma helehelena hauoli e mohala ana maluna o ua makai-kiu la, pane mai la oia imua o Adelo:
“E homaka koke no au i ka’u hana i kei awa,” wahi a ka makai-kiu. :laki loa nae, aohe a, u hana i keia wa. Nolaila, e haawi ana au I kou ikaika apau ma keia hana, a e ike mau ana nohoi oe i ka’u mau hoike i kela ame keia manawa.”
Ia wa I kia e ai ua makai-kiu la iluna, kūnou mai la imua o Adelo a puka aku la oia mai ke keena aku. Aole hoy i liuliu mahope iho o ka hala ana’ku o ka makai-kiu, kiikeke ana kekahi mea ma ka pua, a mamua o ka hiki ana ia Adelo ke kahea aku e komo mai, ua hemo mai la no ke pani puka, a komo ana he wahi kanaka pahahaa kino puipui a ikaika hoy. He wahi aahu kuakea kona e komo ana, a o kona ano apau ia wa, ma ka nana ana’ku i kona mau helehelena, e hoike ai ana i ka huhu ame ka na-na.
O keia wahi kan aka, oia no o Negewina ka mea nana ka palapla au e ka makamaka heluhelu i ike ai ma kela helu aku nei. He umi-kumamawalu makahiki i noho kauwā lawelawe ai keia wahi Negewina na Adelo, ua haalele iho la oia ia Ladana a ua holo aku no Austeralia, a malaila o ia i noho ai a hiki i kona hoy hou ana mai i Ladana, elik me ka hoike a kana palapala.
I kek komo ana mai o ua wahi kanaka nei maluna o ka noho, a i ka pau ana, o ka Adelo kamailio ana, ia wa i pane mai ai oia:
“E kuu haku, aole e hiki ia’u ke pale ae i ko’u hoea hou ana i Ladana nei. Aole paha au e pono e make ma’uwale i nei mea he pololi, oiai nae aia iloko o ko’u umauma nei kekahi mea huna pohihihi, ka mea a’u i manao ai e ae ana no kekahi poe e ae e haawi mai ia’u i puu dala nui i mea no lakou e ike ai ia mea huna pohihihi. Eia ka’u olelo ia oe, e kuu haku, ina aole ou makemake e hana aelike hou me a’u, e hai mai oe ia mea ia’u, a o ko’u sekona keia e maauwa aku ai i keia mea huna i ka poe a’u ike ai he pomaikai pa miliona ko lakou ma kekia mea, e like ka Lede Beatirisa ame ka Haku Tereveliana nohoi.”
I kela wa i eu ae ai ua wahi kanaka nei e ku iluna, aka, pane aku ia o Adelo: “Alia hoi paha oe e pupuahulu loa. Pehea ia, ina paha au e hole aku ana ia oe, aole au e hana I kahi aelike me oe, alaila, heaha kau e hana ai?”
“Aole kau he ninau pohihihi, oiai, ua hai mua aku nei no au ia oe i ka haina o kau mea i ninau nai nei. Ea, aohe o’u makemake i ka hoopau manawa wale. E hai aku au ia oe, ilohe pono oe. Ina aole oe e ae e lilo au i hoaloha nou elike me na la mamua, a lia, o ko’u hele pololei no ia mai keia wahi aku a hoea i Pereveliana Pa, a i ole ia, e hele mua au i kahi o ka Lede Beatrisia, a imua ona au e hoike aku ai I ka mea huna pohihihi a ua lede nei e huli nei e huli nei I keai wa, oiai hoi, ua ike no ae, e haawi ana ua oia he puu dala nui no ka loaa ana kahi mea nana e hoomaemae ae I ka inoa o ke kananka ana I aloha loa ai, oia hoi o Geofere Perveliana. A ina hoi, aole oia ke haawi mai ia’u I dala e waiwai ai au a noho au me ka hanohano, alaila, ua maopopo loa ia’u o ka Haku Pereveliana ponoi no ke haawi mai ana ia’u I dala no ka loaa ana ku o ka mea oiaio maoli o kela wahi hana elele au ame a’u I ike pono ai ma ka wa he umi-kumamawalu makahiki I kaa hope ae nei. Lohe aku ia oe?”
“Alaila; heaha kou makemake I keia wa, e Negewina?” I ninau aku ai o Adelo me ka helehelna kunahihi.
“Makemake hoi paha au I home no’u-I dala-a I lole no’u1” ihooho ae ai ua wahi Negewina nei me ka eu hou ana ae iluna mai kona noho ae
Aka, pane hou aku la o Adelo iaia e noho malie oia, a e kali hoi apau pono ka laua kamailio ana.
“E Negewina,” wahi a Adelo, “no ka mea e pili ana I ke dala, e hai aku au ia oe I ka mea oiaio I keia wa, aohe a’u dala. O kuu wahi apana aina uuku ma ko’u inoa ponoi, ua komohia oia iloko o na aie koikoi a’u I hana ai. O ko’u wahi manaolana wale no e hekau aku nei kou kanaaho ana, oia ka make ana o ka Haku Pereveliana! Aka, eia ka’u mea e hana aku ai nou e Negewina.”
“Heaha ia?” I ninau aku ai ua wahi kanaka nei me ka leo ano oluolu iki.
“Elawe hou au ia oe i kauka lawelawe oe no’u elike me ka wa mamua, oiai i keia wa, aohe a’u kauwa lawelawe. E loaa ia oe ka uku no kela ame keia makahiki i 100 paona (aneane 500 dala) no ka makahiki, a ma ka wa e make ai ka Haku Pereveliana, alaila, e haawi makana aku no au ia oe i 1,000 paona, a e loaa ia oe i 200 paona kou uku no ka makahiki. Pehea kou manao no keia?”
Me ka hoihoi pane mai la ua wahi Negewina nei:
“Ua ae aku la au i kena. Ahea au i hoomaka i ka’u hana?”
“I keia wa no,” I pane aku ai o Adelo me ka haawi ana ku iaia i bila dala o 20 paona. “E Negewina, me keia dala e hele aku oe a e kuai mau paa lole hou nou. Apopo hele aku au e ike i kuu makuakane ma Pereveliana Pa. O oe kahi e hele pu me a’u. Maopopo a’u aole mea hookah malaila e hoomaopopo mai ana ia oe, oiai ua loli loa kou ano i keia wa. Aka, manano nae au he mea maikai loa nou ke lawe i iona hou i keia wa. Aka, manao nae au he mea maikai loa nou ke lawe i inoa hou i keia wa. Aole o’u makemake e ulaaia mai ka’u mau hana o na wa i hala ke ikeia, ua hoi hou mai oe me a’u i keia wa. O kekahi nohoi, ua noke ka Lede Baeatrisia I ka hoolaha maloko o na nupepa no kou wahi e loaa ai: aole o’u makemake e ike oia eia no o eke oia nei i keia wa.”
“Ina pela, e kuu haku, e kahea mai oe ia’u o Hekini. O ko’u inoa kamaaina loa ia i ka poe o Kikane. Aole no o’u makemake e ike au i ka Lede Beatrisia, oiai, aole like o kana mea e uku mai ai ia’u elike me kau, e kuu haku.”
“He oiaio no ia au i olelo mai la e Negewina. Eia ka’u olelo ia oe, e kupaa oe mahope o’u, me kou hoike ole ana i ka mea huna pohihihi au ame a’u I ike pu ai, aole auanei oe e nele ana i ka pomaikai e hauoli ai oe ma ke koena aku o kou mau la.”
I kela wa lalau iho la ua wahi Negewina nei I ka bila dala a ho-o iho la iloko o kona pakeke, a i kela wa i hoike mai ai kona helehelena i ka olu waipahe. Ku ae ia ia iluna me ka olelo ana mai:
“E hele au kuai lolo hou no’u. Hookahi paha hora a’u e hele ai a hoi mai au. E ike auanei oe, e kuu haku, aole loa oe e lohe ana i kekahi leo kaniuhu mai a’u aku ma keia hope aku-aole. A ina no e hoi hou mai o Geafere Pereveliana a ku hou imua o keia ao nei aole no au e haalele ia oe. Ua lilo au kauwa kuapaa nau.”
I keia wa i haalele iho ai ua wahi kanaka nei i ka rumi o Adelo, mahope iho o kona haawi ana mai i na kulou haahaa piha hoihoi. I ka hala ana ku o Negewina, ua noho iho la o ADelo me ka noonoo ana.
“He oiaio,” wahi ana I noonoo wale iho ai iloko ona. “Ua lilo keia wahi Negewina i kauwa kuapaa na’u. A ina e hoi hou mai ana o Negewina- aka, he noonoo hupo wale no paha keia o’u. He mea makehewa no’u ka hoopau Manawa wale ana ma na noonoo ana no ke kanaka i popopo kona mau iwi iloko o ka lepo. O ka’u mea wale no e haawi i kau mau noonoo ana amen a lia ana, oia no ka ui hiwahiwa a’u e maer aku ai iloko o keia mau la pokole iho. Ha-ha-kokoke lo aka hora e hoomaka ai ke kaula e hoopuni i kona a-i. E Beatrisia, ua hiki paha ia o eke manano, he manu nunu ahiu oe e hei ole ai i ka’u kipuka, aka, ua loaa nae kekahi kanaka e hiki ole ai i ka nui o kou maalea ke pakele aku. He mea oiaio loa, aole e liuliu ka Manawa, a ikeaia no kau mea huna pohihihi e Beatrisia imua o na noli nowelo ana a kela makai-kiu lua ole o ke Akamai ma Ladana nei apau.”
(Aole i pau.)
Hooaha Kumau.
Aole loa e maikai a oluolu ke ola ana o kekahi me kino uhane ola ina he aaole kona akepaa a hiki ole ke lawelawe i kana mau hana me ka hololea. E haihai ana ka nalulu a me na nāwaliwali e ae ma ka moali o ke ake ponolo. He aiea oiaio keia i hoo lalo ia ma na wahi o na puai oluolu akau @ o ka h@ ha kenetu@, o na.
Huale A Ayers ola wale no ka Laau Hoola Ake maikai loa i @keia. E hoola ana i ka lepopa ʻ a, ka ualulu eha, na ma’i oloko o ka opu, a ma ke ano Laau Ohana nohe one lua e like ai.
O ka Ayers Sasparila, oia ka Laau Hoomaemae Koko k@a@ e haawi ai i ka ikaika a me ka hooponopono ana ia loko o ke kino o ke o ka ili, e hoopau aha i na maluhilu kanaka. E pepehi a ulupa an i na Puha, e hoola ana i na pohopoho hi o ke ola ana a e kipaku loa ai i na ano ma’i a pau. O ka poe ma no ka wali pono ole o ka ai, ka uawaliwali mau a ano ma’i e ae i ulu ae mai ke koko ino mai, he mae pono e inu i ka laau.
Sasaparila A Ayers
He laau e hooikaika ai i ka nawalowali, a e hoopuipui mai ai i ke kino. Ma ka inu ana i keia laau, e hoonoono ia ai ka ai ana, oluolu ka moe ana a maikai ke ola ana.
O ka Ayers Cherry Pectoral laau, aohe lua ma ka hooia awiwi aha i na Kunu, Anu a me na Puu Eha. E hoola ia na Kunu Kalea a me na ma’i pili i ke ake me ka hikiwawe loa. O na Huaale a Ayers, na Sasparila a me ka Ayers Cherry Pectoral, aia kahi e loaa ai ma ka Hule kuai o ka.
Hollister Drug Co. Lt.
@ Agen@ @@@ Hawaii 2514
Kakela Me Kuke
Ka Halekuai Nui o na Waiwai Like Ole
Na Mea Hana Kamana A Pau
Na iako pilinhao kakala hale,
Na kepa
Na lei ilio
Na kaolahao @
Na Pahi
Na Upa
Na kope hala
Na Pakapaia
Palau Lio
Na mea mahiai
Na au i
Na au ko
Na koa @
Na lei @
Na kaulahao @
Na owea pa
Na kaa painia
Na mea pia@
Na @
Makau me Ano Lawaia
Na iliwai
Na kauia
Na @ peba
Na puiumi
Na pe@ me ka aila
Na kopa
Na wila maha
Na uhane
Na pakeke hao
Na kape hao
Na panda
Na kukaepele
Na awiki a me
Na ipukakou
Mikini Humuhumu aulana
Wilcox, & Gibbs Hookahi Lopi
ka Remington Elua Lopi
A me na @ me keia ano.
Kakela me Kuke