Ka Nupepa Kuokoa, Volume XXXV, Number 26, 26 June 1896 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

6          NUPEPA KUOKOA, IUNE 26, 1896

 

NANAIA ANA O KA HELU ANA E KA LEHULEHU. 

 

Pauku 71.

He hana na kela a me keia luna helu a i ole ia kona hope paha ka noho ana ma na la apau, koe na la sabati, mawaena o ka la ekahi o Iulai a me ka la umikumamalima o Iuali, o kela a me keia makahiki, ma kekahi wahi a mau wahi kupono paha iloko o kona mahele a apana paha, mawaena o ka hora eiwa o ke. kakahiaka a me ka hora eha o ka auina la me kona papa hoike helu a auhau paha, a e hamama hoi ia papa hoike helu a auhau paha, oiai ia mau manawa no ka nanaia ana e na poe apau i ku i ka·auhauia maloko oia apana me ka uku a makana ole paha. 

 

E haawiia he hoolaha aua i kakauia a i paiia paha no ia mau wahi ma ka hoolaha ana maloko o kekahi nupepa puka pule, a me ke kapili ana i kekahi hoolaha ma na wahi akea aole e emi iho malalo o ewalu ma kela a me keia apana, e hoike ana i ka manawa a me na wahi e hamama ai ua mau papa auhau la no ka nanaia ana. 

 

 

HOOLAHA HOOHALAHALA. 

 

Pauku 72.  

O kela a me keia mea i ikeia kona inoa ma na mau papa hoike auhau la, a ua hana aku hoi oia i kana hoike helu waiwai i ka luna helu e like me ia i hoakakaia mamua ae nei, a ina na kuleana oia e hookuuia, ua koi aku no na hookuu ana la, a ina ua manao oia ua hoopilikiaia oia mamuli o kekahi hoololi ana ae i hanaia e ka luna helu, ma ka mea pili i ka waiwai io o ka waiwai e like me ka mea i hoikeia aku ai, a i ole ia, i ka huina a me ke ano o ia waiwai, a i ole ia, mamuli paha oia i hoopiiia ae ai ka huina a ua mea la e uku ai, a ua oi aku mamua ae o ka huina ana e uku ai e like me ua hoike la, a i ole ia, aole i aeia kana koi no ka hookuu ana, ua hiki no e hoohalahala oia mai ia heluia ana ma ka waiho ana aku me ka luna helu a hope luna helu paha, ma ka la iwakalua o Iulai a mamua iho paha, i kekahi hoolaha no ia mea i kakauia, e hoakaka ana i na kumu o kona kue·ana i ka helu ana a i kekahi hapa paha o ia helu ana, a me ka waiho pu aku i na koina no na hoohalahala ana. 

 

NA KOINA.

 

Pauku 73.  

Ina o ka hookuu ana a hoemi ana paha i koiia mai ka papa hoike auhau aku ua like me ka huina o elua dala a malalo iho, he iwakalua-kumamalimu keneta ke koina e waihoia aku ai; maluna o elua dala a hiki i ka elima dala, he kanalima keneta ke koina; a he kanalima keneta no kela a me keia elima dala hou iho a hapa paha o na hookuu aua a hoemi ana paha i koiia. 

 

PALAPALA HOIKE O KA HOOHALAHALA. 

 

Pauku 74. 

Ma ka loaa ana mai o ka huina o na koina a me ka palapala hoakaka o ka hoohalahala, e haawi aku ka luna i helu i ka mea e hoohalahala ana i kekahi palapala hoike i like ma ke ano me keia mahope iho nei. 

 

Mahele Auhau .......................... Apana o ..............

Ke hoike aku nei keia ua heluia o ................ o keia apana no ka makahiki 18. . . :, e like me keia mahope iho nei.

Waiwai io o ka Waiwai Paa ....................... $ ........

Waiwai io o ka Waiwai Lewa  ......................  ........

Auhau Ilio .. ................................................... ........

Auhau Kaa, Kaa Kikane a me Kaa Lealea ..... ........

Auhau Kino, Kula me Alanui ......................... ........

Huina                                                              $ …....

 

A ua hoopaa oia i kela mau mea maloko oia helu ana, oia hoi:

Waiwai Paa .. .................................. ............  $  ........

Waiwai Lewa . . ...........................................     .........

Auhau Ilio .. ...................................................... ........

Auhau Kaa, Kaa Kikane a me Kaa Lealea ….... ........

Auhau Kino, Kula me Alanui …....................... ........

Huina i hoopaapaaia                                       $ …....

 

Au ua hoohalahala oia mai ia helu ana ae.     

A ua loaa ia’u ma ke ano hoahu na dala he …............

no na koina o keia hoohalahala ana.

Hanaia ................................ 18 .......

 

                                                …...............................................................

                                                Luna Helu (a i ole Hope Luna Helu).

 

 AHA HOOPII AUHAU.   

 

Pauku 75. 

Ekolu mau kanaka kupono i hookohuia e ke Kuhina Waiwai no kela a me keia mahele auhau e noho ma ka oihana no hookahi makahiki, a e lilo lakou i mau Aha Hoopii Auhau e hoolohe ai a e hooholo i na hoopii a me ua hoohalahala apau i lawe kupono ia malalo o keia Kanawai, maloko o ko lakou mau apana kaapuni pakahi a ma ka Mokupuni o Oahu paha. Eia nae, aole e hoonohoia kekahi luna helu a o kona hope paha e noho a e lawelawe paha ma ke ano he hoa no ia Aha Hoopii Auhau.  

 

Pauku 76. 

I mea e lawa oi ka hana, e kupono aia a noho ka Peresidena a me hookahi lala e ae.   O ka olelo hooholo o ka Aha, a i ole ia, o ka hapanui o kona mau lala, ua paa no ia a ua hiki ole ke hooleia, koe ma ke ano i hoakakaia mahope iho nei, a e haawiia he kope o ia olelo hooholo i ka luna helu, a pela no hoi i ka mea hoohalahala.

Pauku 77. 

Ka ka luna helu e hoololi a e  hooponopono i ka papa hoike auhau, a e kakau kope hoi a kulike me ka olelo hooholo ia ka Aha.

 

MANA O NA PAPA HOOPII AUHAU.

 

Pauku 78. 

E loaa no i na Aha apau o ia ano ka mana e kauoha aku a e ninaninau hou i na hoike, a me ka lawe ana mai i na pepa a me na palapala, a me ka hoopai ana no na hana hoowahawaha a me ka lawelawe ana i na hana o ka Aha, e like la me ka mana o kekahi Lunakanawai Kaapuni ma ke Keena. 

 

Pauku 79. 

E malama no na Aha i oleloia i na noho ana iloko o kela a me keia mahele auhau, mawaena o ka la ekahi o Augate a me ka la iwakalua o Augate o kela a me keia makahiki, ma na manawa a me na wahi a na luna hoomalu o ua mau Aha la e koho ai, a e hiki no e hoopanee mai kekahi manawa a hiki i kekahi manawa, e like me ka mea e manaoia ana he pono. 

 

UKU O NA AHA.

 

Pauku 80.

E loaa no a e akuia hoi na lala o na Aha i oleloia, mailoko ae o ka Waihona Dala o ke Aupuni, i uku no ka lakou mau lawelawe hana ana aole e oi aku i na dala elima no kela a me keia la i hana maoli ia, a me ko lakou mau lilo kaahele maoli. 

 

AUHAU ANA I NA KOINA.

 

Pauku 81.

Ina ua kakoo holookoa ia kekahi hoopii a hoohalahala paha, alaila, e hoihoiia aku no i ka mea hoohalahala na koina i waihoia ai; aka, ina e kakooia ka hoopii a hoohalahala paha ma ke ano hapa wale no, alaila, he mahele wale no o na koina i ukuia, ma ke ano hoi e kulike ai me ka huina o ka olelo hooholo i loaa ai i ka mea hoohalahala, ke hoihoiia aku iaia. 

 

HOOHALAHALA IMUA O KA AHA HOOKOLOKOLO KIEKIE.  

 

Pauku 82.

Ina ua hoemi kekahi Aha Hoopii Auhau i ka heluia ana o ka waiwai io o kekahi waiwai malalo iho o ka mea i heluia e ka Luna Helu;

 

A i ole ia, e helu i ka waiwai io o ka waiwai a oi maluna ae o ka heluia ana o ia waiwai i kauia maloko o kona hoike no na auhau e ka mea nana i hana ia hoike;

 

Ua hiki i ka Luna Helu Auhau a i ole ia ka mea hookaa auhau, e hoopii hoohalahala aku i kela a me keia manawa maloko o iwakalua la imua o ka Aha Hookolokolo Kiekie mai ia hooholo ana o ia Aha Hoopii Auhau, ma ka waiho ana aku i ka hoolaha no ka hoopii hou ana, a ina ka mea hoopii hou ae ka mea hookaa auhau, e waiho aku me ka lunahoomalu o ia Aha i na dala he hookahi haneri, a i ole ia e waiho aku ma kahi o ke dala i kekahi bona me ka hope i lawa kupono i ke Kakauolelo o ka Aha Hookolokolo Kiekie, no ka huina o Hookahi Haneri Dala, no ka hookaa ana i na koina apau ina aole e ko la hoopii hou ana.

 

PALAPALA HOIKE NO KA HOOPII HOU ANA IMUA O A KA AHA KIEKIE.

 

Pauku 82.

Ma ka hookoia ana o kekahi hoopii hoohalahala e like me ia i olelo mua ia ae nei, na ka Lunahoomalu o ka Aha Hoopii Auhau i hoopii hoohalahalaia ai e hooili koke aku i ka Aha Hookolokolo Kiekie i ka moolelo o na hana apau i hanaia imua o ia Aha Hoopii Auhau e pili aua ia ua hihia la, a maloko oia palapala hoike e hoakakaia.

 

1. Ka huina waiwai io i koiia e ka Luna Helu.

2. Ka huina waiwai io i koiia e ka mea hookaa auhau.

3. Ka huina waiwai io i hooholoia e ka Aha Hoopii Auhau.

 

E huiia me ia palapala hoike ke kope o na olelo ike i laweia imua o ia Aha Hoopii Auhau a me ka olelo hooholo o ia Aha ma ia hihia.

 

NA OLELO HOIKE MA KA HOOPII IMUA O KA AHA KIEKIE. 

 

Pauku 84.

Ma kekahi hoopii hou ana imua o ka Aha Hookolokolo Kiekie malalo o na olelo o keia Kanawai, e nanaia no na olelo ike i laweia imua o ka Aha Hoopii Auhau e ka Aha Hookolokolo Kiekie, a ua hiki no hoi i ua Aha la e like me kona manao he pono, e ae aku e lawe hou ia mai na mea hoike e na aoao a elua. 

 

NA KOINA MA NA HOOPII HOU lMUA O KA AHA HOO KOLOKOLO KIEKIE.

 

Pauku 85.

O na koina o kekahi hoopii hou ana o ia ano i ka Aha Hookolokolo Kiekie, e ukuia e ka mea hookaa auhau ina ua kue ka olelo hooholo o ia Aha iaia, e like no ia me na koina ma na hoopii hoohalahala e ae i ka Aha Hookolokolo Kiekie.

Aole no e heluia a ukuia paha kekahi mau koina e ka luna helu.

 

Ina o ka olelo hooholo o ia Aha ma ka aoao o ka mea hookaa auhau, aole oia e uku i kekahi o na koina o ia hoopii hoohalahala ana.   

 

HE HAU HOIKE KUMU NA PA PA HELU AUHAU.

 

Pauku 86. 

O na papa helu auhau, na buke auhau a me na kope o ia mau buke, a me na papa inoa o na auhau i hookaa  ole ia, e hoike ana i na auhau i hookaa ole ia i heluia i kekahi mea a waiwai paha, e lilo no ia i mau hoike kumu o ka heluia ana o ka waiwai a me ka mea i heluia, ka nui o na auhau i aieia a i hookaa ole ia a me ka hookaa ole ia ana, a ua hookoia na mea apau ma ke kanawai e pili ana i ka heluia ana a me ke kauia ana o ia mau auhau. 

 

AOLE LILO KEKAHI HELU ANA I MEA OLE MAMULI O KEKAHI HEMAHEMA.

 

Pauku 87.

Aole e lilo kekahi helu ana a hana paha e pili ana i ka helu ana a ohi ana paha i na auhau, i mea ku ole i ke kanawai a hoolilo paha i mea ole i kekahi helu ana a ohi ana paha mamuli o kekahi hemahema, aole no hoi no ka pau ole ana o ia mau mea i ka hanaia maloko o ka manawa i kauohaia ma ke kanawai. 

 

HOAKAKA ANA I NA HEWA KUE I KEIA KANAWAI.

 

Pauku 88.

O kekahi mea i hana maoli me ka manao kolohe, a haawi aku i ka hoike oiaio ole a papa hoike oiaio ole paha o ka waiwai, a i ole ia, pane oiaio ole, e pili ana i kona waiwai a i ka waiwai paha ma kona malama ana a ma@a paha i mea e pakele ai ka heluia ana o ia waiwai, a i ole ia, a mamuli o ke kahi hana hoopunipui, olelo epa a hana kolohe e ae paha i hoaoia a pakele a hoao paha e pakele kona waiwai mai ka heluia ana, a i ole ia, ka waiwai i kauohaia ma ke kanawai, na ia mea e hana i hoike a papa hoike paha no ka helu ana, ua manaoia ua pili iaia ka hewa mikamina. 

 

Pauku 89.

O na mea apau i hana ma ka manao maoli e hana pela ma ke kokua ana, paipai ana, a kokua ana aku ma kekahi ano i kekahi mea e hana i kekahi o na mikamina i hoakaka mua ia ae nei, e manaoia no ua pili iaia ka hewa mikamina. 

 

Pauku 90. 

O na luna helu apau a ma na hope luna helu, a me na luna makai a me na makai apau i haawiia na lakou e hana i kekahi mau hana malalo o keia Kanawai, nana i hooko a ole me ka manao maoli no e hooko ole, a hoole, hana ole paha i kekahi hana a mau hana paha i kauohaia iaia mamuli o na hoakaka ana o keia Kanawai, e manaoia @a pili iaia ka hewa mikamina.

 

HOOPAI.

 

Pauku 91.

O kekahi mea i hoahewaia no kekahi mikamina malalo o na hoakaka ana o keia Kanawai, e hoopaiia oia e uku i kekahi hoopai aole i oi ae mamua o Elima Haneri Dala.

 

MANA HOOKOLOKOLO O NA LUNAKANAWAl APANA.

 

Pauku 92.

E loaa i na Lunakanawai Apana maloko o ka Repubalika ka mana e hookolokolo a hooholo no na mikamina e ulu ae ana malalo o keia Kanawai, a me na hoopii apau no ka uhaiia ana o kekahi o na hoakaka ana o keia Kanawai, e e kau aku i kekahi o na hoopai i hoakakaia maloko nei, a e loaa no hoi ia lakou ka mana e hoolohe a hooholo i na hihia kivila a me na hoopii a koi ana apau no ka ohi ana a hookaa ana i ka ohi ana a hookaa ana i na auhau maloko nei, me ka nana ole i ka nui o ka huina i koiia. 

 

NA KANAWAI I HOOPAUIA

 

Pauku 93.  

Ma Ma keia ua hoopauia ka Pauku 26 o ka Mokuna 61 o na Kanawai o 1892, e mana ia hoopau ana ma ka la e hoolahaia ai o keia. Kanawai. O na pauku e ae e koe ana o ka Mokuna 61 o na Kanawai o 1892, ma keia ko hoopauia nei, e mana ia hoopau ana ma kai la 31 o Dekemaba, 1896. 

 

AOLE E PILI KA HOOPAUIA ANA I NA MEA I HANAIA.

 

Pauku 94.

Aole e lilo ia hoopauia ana i mea e hoanoe la ai a pili paha i kekahi hana a mea paha i hanaia, a i kekahi kuleana paha e loaa ana, i loaa a i piha paha, na hoopii i hoomakaia, na hoopai a me na hoopaa ana i loaa, na auhau i heluia a i hookaa ole ia, na hookohu ana, na kauoha, na hoike a me na rula i hanaia, na palapala hoike i haawiia a me na Aha i hoonohoia malalo o na kanawai i oleloia i hoopauia a o kekahi paha o lakou; a me na hana apau, ma ke ano kivila a karaima paha, i hoomakaia mamuli o na kanawai i hoopauia pela a o kekahi paha o lakou, a e waiho ana me ka hana ole ia i ka manawa e mana ai keia Kanawai, ua hiki no e hoopiiia a paleia a hiki i ka hoopau loa ia ana, e like no me ke anu i hiki ke hanaia malalo o na Kanawai e paa ana mamua aku o ia manawa. 

 

Pauku 95.

O na auhau apau i heluia i keia manawa a i hookaa ole ia, ua ku no i ka hookaaia a ua hiki no e hoopiiia no ka ohi ana mai ma keia hope aku, hoomaluia, hookoia a ohiia me ka nana ole ia o ka hoopauia ana o na kanawai i haiia maluna me he mea la e mau ana no ka mana o ia mau kanawai i hoopauia.

 

Pauku 96.

O kekahi mea, i ka manawa e lilo ai keia Kanawai i mea mana e paa ana i kekahi oihana malalo o kekahi kanawai i hoopauia ma keia, e mau no kona paa ana i na oihana la e like me kona ano mau, a e haawiia iaia na mana ma keia a hiki i ka manawa e kohoia ai kona hope ma ia hana a makaukau oia.  

 

Pauku 97.

E lilo keia Kanawai i mea mana, a e hookoia mai a mahope aku o ka la 31 o Dekemaba, 1896, koe nae na Pauku 17, 68, 82, 83, 84 a me 85, a me na wahi o ka Pauku 93 e hoopau ana i ka Pauku 26 o ka Mokuna 61 o na Kanawai o 1892, a oia mau Pauku me ka hapa o ka Pauku e mana no mai a mahope aku oka la e hoolahaia.

 

Aponoia i keia la 3 o Iune, M. H. 1896.

SANFORD B. DOLE.

Peresidena o ka Repubalika o Hawaii.