Ka Nupepa Kuokoa, Volume XXXV, Number 28, 10 July 1896 — Ka Holomua o ka Hoohuihui Houluulu Dala ana. [ARTICLE]

Ka Holomua o ka Hoohuihui Houluulu Dala ana.

l<a ikeia ka holomua kamahao o na ahahui hoiliili dala ma Enelani, ma ka wa i malamaia mai ka Ahaolelo Nui Helu Iwakalua-kumamawalu o ia mau ahahui ma Woolwieh. Ma ka haiolelo ana a ka Erela o Winchilsea, ua hoike ia ae, ma ka makahiki 1565, aia he 850 poe ahahui, me na lala he 150.000, a o ko lakou kumuwaiwai he £1,000,000, ua like ia me $5.000,000; aka. ma ka makahiki 1895. ua pii mahuahua ae ka nui o na ahahul i ka 1.750, me na lala o 1,000.000, a o ko lakou kumuwaiwai he £16,000,000. oia hoi, he $80,000,000. Ua like me $80 a ka mea hookahi o keia poe he 1,000,000 lloko o na dala he 80,000,000. Ina he 20,000 kanaka Hawaii e haawi ana i $1 a ka mea hookahi i ka malama hookahi iloko o kekahi waihona houluulu kupono, ua maopopo e loaa ana ia lakou he $20,000 i ka mahina hookahi; i ka pihiana 6 ka makahiki hpokahi o ka nee haule ole ana ma ia ano. ua loaa ia lakou he $340,000; a iloko o 5 makahiki. e loaa ana ia lakou he $1.200,000. Aole anei keia he kumuhana waiwai nui i kupono ke noonooia e na Hawaii ake hooholomua ia Hawail iho?