Ka Nupepa Kuokoa, Volume XXXV, Number 28, 10 July 1896 — Mokukaua Aukekulia "Saida." [ARTICLE]

Mokukaua Aukekulia "Saida."

Ma ke kakahiaka o ka Poaha o kela pule aku nei, i ku mai ai no ke awa o Kou nei, ka jnokukaua Auseturia "Saida" mai ka Paemoku Makala mai, He 23 la ana i holo ai mai laila mai a ku iho la ia nei. Ke hele nei nohoi keia moku ma ka. huakai kaahele honua. Ua haalele aku oia ia Auseturia, a nee ae la ma ke K&iwaehahonua a hoea i ke kowa kaulana o Gibaraleta, a holo pololei mai la no Amerika Hema, a mai laila mai oia a hoea i na Pae Aina o Makala, a hoea ioa mai ia nei. A pau kona hookaulua ana ia nei, alaila, huli hoi loa aku oia no ka home, ma ke alawai eli aku o Sue®a. I kona ku ana mai, ua haawi mal no oia i na kipu aloha ana i ka Hae o ka Hepuhalika o Hawaii; a ua kipu aku no hoi ko uka nei mau pu ma Kakaako. Ma ke awakea ana ae, ua hiu ae la ia i ke kipu aloha i ka Adimarala Mekiko. He 330 ka nui o kona mau kanaka. He 1,700 ka nui o kona tona. He hana puhi ohe kekahi ona.