Ka Nupepa Kuokoa, Volume XXXV, Number 28, 10 July 1896 — He Hana i Mahalo nui ia. [ARTICLE]

He Hana i Mahalo nui ia.

Mamuli o ka waiho ana aku o ka Repubalika Hawaii, ma o kekahi poe elele la i waeia, he olelo hooholo e hoike ana i ka mahalo, Jte ohohia ame ka hauoli no ko lakou ike ana i ka holomua launa ole o na alakaiia ana o ka waa Aupuni o Hawaii, iloko o na niakahiki elua i kaahope ae nei, malalo o na hooponopono noeau ana a ka Peresidena ame na lima kokua o ke Aupuni, he hana ia i ku i ka mahalo ia. Ke hoike mai nei keia Ahahui Repuhalika'Hawaii i ka makaala, ame ka lawe ana i na keehina hookaulana kilakila ma ka aoao o na kanaka Hawaii kuokoa a noho lanakila, ma ka hoike maoli ana ae i ka puana oiaio o ke kulana Aupuni eku nei i .keia la. Ke koi nei ka lakou olelo hooholo, e hiki mai ka la e awaiaulu like ia ai ka manao lokahi o ka lahui Hawaii holookoa, e paa i ke apo waikahi o ka nohona like iloko o ka malumalu hale o ke Aupuni Repubalika o Hawaii.

Ke lana nei ko makou manao, e hoomau aku ana ka Ahahui Repubalika Hawaii i ka hana ana i na hana hookaulana elike me keia ke ano. He mea pono i keia Ahahui me kona mau lala lehulehu ke lilo i alakai no na Ahahui Repubalika e ae a puni ka Pae Aina.