Ka Nupepa Kuokoa, Volume XXXV, Number 29, 17 July 1896 — NU HOU HAWAII [ARTICLE]

NU HOU HAWAII

He 12 aoao o ke Kuokoa e puka aku nei i keia*pule imua o kona poe heluhelu. Ua hoopaneeia ka moolelo o ka Mea Huna Pohihihi o Hametona a keia pule ae. Ma na lono i loaa mai nei mai Hawaii mai, ua ikeia ka a hou ana o ke ahi a ka wahine. Ua wawaia ae ua lilo aku la ka hana ia ana o ka halepaahao o Hilo i John Cook. O kana koho he $2425. Ma ka la Sabati nei i haalele mai ai ka mokukaua Mekiko "Zaragoza" i ke awa nei o Kou a hala aku la no lokohama. He nui maoli ke ohohia ia o na kii pena a kela haole pena kii noua ka inoa 1 o Hugo Fisher e hoikeikeia nei ma ka hale Pacific Hardware. Ua oleloia o ka loa o ka lua o Kilauea e hoomaka hou nei ka Pele © a me ka ikaika he 150 kapuai ka laula he 50, a o ka hohonu he 600. Ma ka Poakahi nei i hoopaeia aku ai no ke kahua hoomalu paahana, ma Kahakaaulana, mai luna aku o ka mokuahi Kina. He 233 Pake ahe 79 lapana. i A hoea aku ikalall ae nei o Sepetemaba, e piha ai ka hapaha keneturia o na makahiki o ka noho kumu poo ana o Rev. A. Makintosh no ke kula o Kahehuna. Ma ka la 9 iho nei o keia mahina i hanau ai maloko o ka Home Kapiolani 0 Mrs. Ane Kunukau he kaikamahine maikai "a maemae i ke kai ka pua o ka hala." Ua hookohuia o W. F. Wilson i mea ohi waiwai no ka manawa, no ka waiwai o C. Akana o Kailua, Hawaii, i make. hoopaaia ola malalo o ka bona o $5000. Ma ke kakahiaka nui nei o ka Poakahi, i ku mai ai ka mokuahi Kina mai lokohama mai, iloko o na la holo 9 me 12 hora. Ama ka hora 6o ke ahiahi hiu aku la no Kapalakiko. Ma ka po Poalima, a i ole ia, ma ka wanaao paha o ka Poaono i aihue ia aku ai mai loko aku o ka Hotele Hawaii he huina dala i hiki aku ike 70. Aole 1 ikeia ka mea nana i hana i keia hana. Ma kekahi palapala a Kuhina Kamika mai nei ia L. A. Kakina, ua hoike mai oia, ua hookipa maikai loa ia oia ame Kauka Wood e C. Afona ame kana keiki ma ko laua home nani ma Kina. Ke malama nei kekahi poe wahine Hawaii mikiala hana he hui humuhumu kapa lau ame na hana maiau e ae, maloko o ka Ariona Hale i keia mau la e nee nei. He hana maikai keia. Hoomauia. He noiau maoli ka hanaia ana o ke Alanui Nuuanu e lohia mai nei e ko makou hoaloha maikaiMr. Lahilahi. Ina nohoi pela e hanaia aku ai ke Alanui Kuakini; aole i kana mai ua mea maikai a kakou. Manao makou he mea maikai loa ke pai buke maoli ia kela kumumanao a Mr. J. K. Kaulia, e pili ana no ka Oihana Kahuna Hawaii. O kahi koe aku ia makou o ua kumumanao la, he wahi waiwai loa ia. Ua loaa wahi pahu pea mai o Mr.Kanakanui mai Kohala mai, ma keia Kinau mai nei, a ua ola no ka poe i hoea aku ma ka wa e kai puu ia ana ka .waiwai a ua kanaka la ma ka Poakolu nei. Get some more Sam. 0 ka Poalua nei, he la nui ia no ka lahui Farani. Oia ka 107 o na la hoomanao a ia lahui no ka haule pio ana o kekahi halepaahao kaulana loa o ke Aupuni Alii o Farani i ka wa kahiko. He wahi keia e hoopaa ia ai na poe pio kalaiaina. Ua hoea aku ka Bana Hawaii ma kahi o ke Komiaina Farani. Ua welo na hae o na hale oihana Aupuni Kuwaho ame ko ka mokukaua Adams ame ko ka Repubalika nei nohoi.

Ua hala aku no na Aina e, maluna aku o ka mokuahi Kina o ka Poakahi nei. ka Luna Dute Nui, Mr. J. B. Kakela. E pau okoa ana paha iaia he ekolu malama ma keia huakai i na kaiaulu mamao. Aia ko 'makou mea kakau mai na aina e mai, oia o Cecilia K. Poepoe ma 3anta Cruz, a me he mea la e loaa wahi mea hou mai ana no paha makou ma ke ku ana mai o ka mokuahi Auseteralia i keia la mai Kapalakiko mai. Ua hana kuikahi ae nei o lapana me Berazila, no ,ka oihana hoopaelimahana. Ma ka wa e makaukau pono ai keia kuikahi, e hoouna aku no o lapana i 10,000 poe lapana no ia mau kaiaulu. E like ana o Berazila me Hawaii nei. Mamuli o ka poino o na kanaka o lapana i na hana weliweli lua ole a ke kai hoee, ua haawi ae ko Hawaii nei ooe lapana he mau lulu dala ana, no ke kokua ana i keia poe pilikia. Ua oleloia he 30,000 ka nui o na poe i poino i ke kai hoee. Ma ka lono hope loa i loaa mai nei no ka Loio Kuhina ame kona kokoolua, oia o Kauka Wood, e huli hoi mai ana laua no ka Paredaiso o ka Pakipika nei maluna o ka mokuahi Belgic, e upuia aku nei e ku mai ana ma ka la LS ae nei o Auguate. Ke paapaahanaia mai nei ma ke Alanui Kuakini ma ka aoao mauka o ke Alanui, mav/aena hoi o ke kahawai Nuuanu ame kahi kahawai o Waolani, he kahua kinipopo na kekahi poe ui hookelakela o na kalana aina ma ia oawa nani o Honolulu nei. O ka paani kinipopo i uleleia mawaena o ka Hui Hoku ame ka Hui Honolulu, ma kela Poaono aku nei, ua lilo ka lanaleila ia Hoku. He 12 puni a ka mua ia 3 puni wale no a ka muli. He 3 hoi hua nene a ka mua ia 7 hua oia aDO hookahi a ka lua. Aole he ma'i puupuuliilii maoli, oia hoi, he Small-pox, na ma'i ekolu i puka ai mawaena o na limahana Asia e hoomaluia mai la ma Kahakaaulana, elike me na wawa olelo e nu hele nei i keia mau la; aka, he ma'i ulalii paha, i kapaia e na kauka, hevarioloid. Ma ka la Poaono aku nei i malama ae ai na wahine kau lei i ko lakou la hoomanao mau o kela ame keia makahiki,, mamuli hoi o ko lakou holo ana i ke kaha o "Kalehuawehe," ma Waikiki, maluna o elua kaa i hooweniwehiia me na hae ame na lipo no hoi o ka uka. Ke manao nei na poo Aupuni o ka Oihana Koa e hanaia ona waapa no ka oihana koa, i loaa ai he waapa kupono no na luna oia oihana ma ka holo ana no na moku-kaua o ko na aina e, oiai | lakou e ku ana ma ke awa ae nei o Kou. Ua manaoia o ka lilo apau no ia hana ua hiki i ka $400. Malalo o na kauoha koa a Konela | MeLean o ka Pualikoa kumau, ua hopuia o Kapena Good o ia puali, ma ka Poakahi nei, a e hookolokoloia aku ana ia imua o ka Aha Hookolokolo Koa. Haunaele paha auanei Ev/a i ka Moae. Heaha la nei ma'i meeau e .hoomaneoneo mai nei i na koa o kakou? Manuunuu ua kauoha nupepa Kuokoa e hoea mai nei i ko makou nei keena, no keia hapa hope e pau ana i Dekemaha ae nei. He olelo ino ka ka poe kahiko, aole nae hewa ke pa-ki ae i keia wa, oia hoi, "Hele ka wai, hele ka a-la," a ma ka olelo maikai o nei wa, hele mai no ke kauoha nupepa, hel? pu mai ke dala. Hewa anei ia? Ua oleloia ma ka wa e huli hoi aku ai ke Keikialii Oscar Pomare o Bolabola (Tahiti) 'i kona aina hanau, mahope ilio o kona hoonaauaoia ana ma Europa, e lawe pu aku ana oia me ia ilaila i 12 kaa hehihehi wawae. Aole emo a laulaha loa ka holo kaa o keia ano ma Tahiti elike nohoi me Honolulu nei i keia wa. I ka wa i holo aku nei kekahi poe kumu o na Kula Kamehameha i Kauai, ua pae lakou ma Hanalei,. a nee koke lakou iloko o na uluwehi o ia mau oawa; a mai laila mai, hele wawae lakou no Lihue nei a hoea loa i Koloa a Hanapepe. Ua nui na kanaka Hawaii i hele ae ma ke alanui e nana ai i keia poe kamahele. Manao kekahi poe kanaka, he poe keia no loko o ka Puali Hoola. Ma ke ahiahi Poakahi nei i hopuia ai kekahi haole, nona ka inoa o Rupert, no ka hoopuka ana i kekahi bila dala o ke Aupuni o na mokuaina hema o Amerika Huiia i ka wa i pio ole ai ia mau mokuaina Akau, ua hookuuia ma ke kakahiaka Poalua nei imua o ka Aha Apana o Honolulu nei, oiai he hila dala io no ia; aole hoi ia he hila dala i imi epa ia, nolaila, aole hiki oia ke hoopii ia no ia hewa ma na Aha Hawaii nel. E ike ana na makuahine, he laau waiwai nui ka KAMALENA LAAU KUNU no ke kunu "ho" ame ke kunu kalea. E loaa koke ana ka olūolu, a he palekana ame ka maikai ka inu ana. Ua lehulehu loa na makahiki a makou i kuai aku ai i keia laau, a aole loa i ikeia kona hoopahuaia ana, ma ka hiki ole ana iaia ke haawi aku i ka liopena hololea maikai. G. W. Richards, DuQaesne, Pa. E kuai ia ana e na kuai laau lapaau apau, oia o BENSON, SMITH & CO., na Agena no ko Hawaii Pae Aina. *