Ka Nupepa Kuokoa, Volume XXXV, Number 29, 17 July 1896 — Na Home Hookuonoono. [ARTICLE]

Na Home Hookuonoono.

Aole paha he wa e ae, ma ka moolelo o ko Hawaii nei noho ana, ma lea' mea hoi e pili ana i ka nui ame ka lehulehu o na Apana aina liilii i haawiia ma ke kuai makepono loa, elike me ko keia wa e nee nei. Ua ike aua hoomaopopo makou, eia na haole mai na aina e mai ke kuai nui mai nei i na aina nunui mawaho aku nei o ke kulanakauhale, a mahelehele ae la ma na apana aina liilii a kuai hou aku la, ma na kumukuai maleepono i ka poe makemake aina. Mawaena o keia poe, he opio Hawaii makaukau loa kekahi ma ia hana. A ke hana nei oia ia hana, me ka holopono. Oiai nae, e mahuahua ana na waiwai kalepa o keia ano mawaena o kakou nei, he mea pono loa i na kanaka Hawaii he mau wahi loaa uuku ka lakou, a i nele maoli hoi i na apana aina ponoi no lakou ilio, ke hooikaika nui e kuai i keia mau apana aina i loaa. ai na home noho. 0 na, malihini ia e hapuku mai nei i na aina o keia ano; a no keaha hoi na oiwi ponoi o ka aina, oia hoi na poe nele aina, e hahai ole aku ai ma na meheu o keia poe malihini makaala?

Nolalla, ke paipai nui nei makou i ko makou poe hoa o ke one oiwi, e haawi i na hoikaika ana e loaa ona home no ka oiwi iho. Ae—i halau hale pa ole ia e ka leo o ka mea waiwai. I pupu weuweu e auamo ole ana i na haawe o ka nohona kuapapanui a nei mea he hoolimalima. Aka, i home ponoi no ka oiwi e noho ai me ka oluolu ame ka maikai.

Aole nae keia i pili i na Hawaii e noho ana ma na wahi a ka lakou mau loaa mahuahua i kakoo ai ia lakou rfe ka maikai, oiai, o ka lakou mau ioaa mahuahua, he home no ia no lakou. No ka poe uuku o kahi loaa, oia ka maJtou e kauleo nei, e hea aku nei a e poloai aku nei.