Ka Nupepa Kuokoa, Volume XXXV, Number 32, 7 August 1896 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Hoolaha Mana Hooko

 

            I keia la, ua hookohuia o P. McLane i Lunahoomalu no ka Papa Alanui o ka Apana Ohi Auhau o Hana Mokupuni o Maui ma kahi o W. von Gravemeyer i waiho mai.

J. A. KING

Kuhina Kalaiaina

Keena Kalaiana, Iulai 23, 1896.

2608-3t

 

NA KOHO I SILAIA.

 

            E lawe ia mai no ia ma ke Keena-o ke Kuhina Kalaiaina, a hoea i ka hora 12 o ke awakea POAONO, Augate 15, 1896, no ke kukulu ana i hale-kula o ekolu rumi, kii Helu 2, ma Papaikou, Hilo, Hawaii.

            E ikeia no na Kii ame na Hoakaka ma ke Keena o Ripley & Dickey, mau mea kukulu hale, Honolulu, a ma ke Keena nohoi o Mr. L. Severance, Luna Kula o Hilo.

            Aole i hoopaa ke Kuhina iaia iho no ka lawe ana mai i ke koho haahaa loa a i kekahi koho e ae paha.

J. A. KING

Kuhina Kalaiaina

Keena Kalaiana, Augate 4, 1896.

2610-1t

 

HOOLAHA HELU KANAKA

 

            I kuilike ai me ka makemake o ke Kanawai e malamaia ana ka helu kanaka lahui o ko Hawaii Pae Aina malalo o ka hooponopono ana a ka Papa Hoonaauao ma ka po o ka la 27 Sepatemaba, 1896.

            Ke konoia aku nei na mea a pau e nana i keia pauku o ke Kanawai: “E hai pono ae na kanaka a pau i na mea a na Luna Helu o ka Papa Hoonaauao e ninau ai i  mea e pololei a e pono ai ka helu ana i na kanaka; o ka mea e hoole ana aole e pane pololei i na ninau a na Luna a ninau ai e hoopai ia ola ma ka hooukula ana i na dala aole e oi aku mamua o ke Kanalima Dala ke ku ka hewa iaia ma ka hookolokolo ana imua o kekahi Lunakanawai Hoomalu a Apana paha.”

            Penei na Luna Nui o na Apana a pau i hookohuia no ka helu kanaka:

HAWAII.

Hilo ...........................................H.C. Austin

Hamakua ..............................Chas. Williams

Kohala Akau .......................W.P. McDougal

Kohala Hema ...................Miss E. W. Lyons

Kau ...........................................C. Meinecke

Puna ........................................Harry Rycroft

MAUI, LANAI A ME MOLOKAI.

Lahaina a me Lanai............Henry Dickenson

Wailuku ................................John A. Moore

Makawao ..................................C.H. Dickey

Hana ............................................R. Stranch

Molokai .................................Geo. Trumble

OAHU.

Ewa & Waianae ......................C.C. Dement

Waialua ..........................................Ed Hore

Koolauloa a me Koolaupoko ..................

................................................Wiliam Henry

KAUAI A ME NIIHAU

Waimea a me Niihau ................,E. Omstead

Koloa .....................................Edward Stretz

Lihue ...........................................W.I. Wells

Kawaihau ..................................H.Z. Austin

Hanalei ...............................W.E.H. Deverill

 

A LATAU T. ATKINSON,

Luna Hooponopono Nui.

 

NA KOHO I SILAIA.

 

            E laweia no ma ke Keena o ke Kuhina Kalaiaina a hoea i ka Poaha, Augate 13, 1896, ma ka hora 12 awakea no ka hana ana i ke alanui ma kahakai o Kailua, Kona Akau, Hawaii.

            E ikeia no na Hoakaka ma ke Keena o ka Luna Nui o na Hana Hou, a make Keena nohoi o Wm. G. Wait, Lunahoomalu o ka Papa Alanui o Kona Akau.

            Aole i hoopaa ke Kuhina iaia iho, e lawe i ke koho haahaa loa a koho a ae paha.

 

J.A.KING.

Kuhina Kalaiaina.

Keena Kalaiaina, Iulai 23, 1896

2608-3t

 

AHA HOOKOLOKOLO KAAPUNI

Apana Eha o ko Hawaii Pae Aina. Maka hana o ka waiwai o OHUMUKINI (k), o Kahua, Hilo, Hawaii, i make kauoha ole. Kauoha no ka hoolaha ana i ke Noi Hooponopono Waiwai. Ma ka heluhelu ana ame ka waihoia ana mai o ke noi a Mrs. Nualolo, ka wahine kanemake a Ohumukini o Kahua, Hilo, Hwaii, ma Sepetemaba, A.D. 1892. me ka ia 9 o Sepetemaba, A.D. 1892. me ka waiho ana he waiwai ma ko Hawaii Pae Aina nei, i kupono ke hooponopono kanawi ia; a e nonoi ana e hooponopono Waiwai ia Mrs. Nualolo.

            Ua kauohaia o ka Poalua, la 15 o Sepetemaba, ma ka hora 10 A.M., oia ka wa no ka hoolohe ana i ua noi la ma ke Keena Hookolokolo o keia Aha ma Hilo, Hawaii, a ma ia manawa a ma ia wahi e hele mai ai na poe apau i kuleana ma ia hana, a e hoike mai i kumu, ina he kumu ka lakou, no ke aha la e ae ole ia ai ke noi.

            Hanaia Hilo, Hawaii, H.I. Iulai 31, 1896.

Ma ke kauoha a ka Aha,

 

DANIEL PORTER.

2610-3w           Kakauolelo.

KA

Nupepa Kuokoa

 

No ka Makahiki - - - $2.00

No Eono Mahina - - - 1.00

Kuike ka Rula.

 

HOOPUKAIA @ K@

 

HAWAIIAN GAZETTE Co

 

C.G. BALLENTYNE, Luna Nui.

JOSEPH M. POEIOE, Lunahooponopono.

            Honolulu, Oahu.

 

POALIMA, - - - Augate 7, 1896.

 

KA NANE HUNA NO HAWAII

 

            Ke Loaa ole ka Hoohui Aina me Amerika, alaila e hoi hou aua ke Aupuni i Aupuni Alii, o Kaiulani ka Moi oia ka nana aku. J.B. Kakela ma Kapalakiko.

 

Heaba ka Puana a ka Moe.

 

            Ia makou i hapai mau ai i na manao hoakaka no ka mea e pili ana i ko kakou kulana Aupuni e ku nei i keia wa, no na manawa he nui i hala ae nei, i keia la a ma keia hope aku nohoi, aole no ko makao makmake e hoino wale aku i ke kanaka Hawaii i kulike ole kona manao kalai Aupuni me ko mahao; aka, no ko makou makemake ana e hoopau maoli ia ae na manao kuhihewa iloko o kekahi poe Hawaii e noho mai nei, no ka lilo ana o ke Aupuni e ku nei i Aupuni mau loa ole aku mamuli o ka hoihoi hou ia ana mai o ke Aupuni Kahiko, elike me na moeuhane papaualelo e hoopihapiha wale ia aku neiia lakou iho i mau alakai no ka poai “Roialiti,” aole loa Amerika e hoihoi hou mai ana i ke Aupuni “Roialiti,” eia no nae lakou ke hoomau nei i ke alakai ana i kahi hapa o ka lahui ma ia ano.  Ina paha, e oleloia me ka maopopo e ua poe ia, aole kakou e haawi i na kakoo ana i ke Aupuni e ku nei, no ko kakou makemake ole maoli no ia Aupuni, aole hoi no na manao ana e hoihoi hou ia mai ana ke Aupuni “Roialiti,” ina paha e aho ia. Aka, o hoopaakiki ana, na Amerika a na Pelekane paha e hoihoi mai ana, ua Aupuni Roialiti la, oia ka makou i kue aku ai. Aole no ke ake hoino i ke kanaka Hawaii – aole.

 

Dala Gula vs. Dala Keokeo

 

            O ka paio hahana i ulu i keia wa mawaena o na aoao kalai Aupuni o Amerika i keia wa, oia no ke Dala Gula ame ke Dala Keokeo.  O ka poe waiwai apau i noho iloko o keia ame keia poai kalai Aupuni o Amerika, me he mea la o lakou apau, aia ma ka aoao e kakoo ana i ke Dala Gula; a o ka poe paahana, ame ka poe uuku o na wahi loaa o lakou ka poe e kakoo ana i ke Dala Keokeo. Ma kekahi olelo ana, he kaua keia mawaena o ka poe waiwai ame ka poe ilihune, ma ke kahua o ke koho balota. Ke imi nei ka poe ilihune o Amerika lanakila ka Moi Dala Keokeo maluna o ka aina, oiai hoi, eia ka nohoalii ia ana e ke Dala Gula.

            Aia nohoi iloko o keia ame keia poai kalai Aupuni – Repubalika, Demokarata, Populiki, a ano e ae paha – he poe ilihune a he poe waiwai, a no ia mea, mamuli auanei o ka ulu ana o keia ninau Dala, ua aneane nana ole ia ka aoao kalaiaina a ke kanaka i ku ai, aka, e lele ana kela ame keia kanaka- waiwai a ilihune – a ku ma kabi i ku ai ke dala a kona naau i makemake loa ai e kakoo.

            Mamuli o ka lanakila ana o ka aoao Dala Keokeo, he mea ia e poino ai ka Aoao Dala Gula; a mamuli hoi o ka lanikila ana o ka poe kakoo Dala Gula, aole ia he mea e hoopoinoia ai ka poe kakoo Dala Keoleo, oiai, e mau ana no na rula alakai dala ana a ia mau daia, elike no me ko keia wa e nee nei. Nolaila, o ka poino ma ka aoao Dala Keokeo, he paio lahilahi loa ia o kona palapu ke loaa ole laia ka lanakila; aka, aia ma ka aoao o ke Dala Gula ka ikaika launa ole o na palapu ke lankila ole lakou. O kekahi manao nui o keia paio ana, oia ka paio a ka paahana i kona haku hana: a pela hoi ka haku i ke kauwa. ke olelo nei ke kauwa hana, mamuli o ka lilo ana o ke Dala Gula i ana no ke Dala hoohana iloko o ka aina, ua lilo mau wale kekahi mau la hana o’u i  ukuia ai ma ke dala keokeo iloko o ke dala gula. O kuu haku hana kai hoopomaikai ia, a owau kai hoopohoia; oiai nae, ina i like ka waiwai io o ke dala keokeo me ko ke dala gula, aole e loaa keia pilikia. Penei: --Ina e loaa ana i ke kanaka he hookahi dala, no kona uku hana, i ka la hookahi, alaila, iloko o umi la hana, e loaa ana iaia he umi dala keokeo. Hoko hoi a hookahi hapalua kini, he umi dala keokeo; aka, ina e makemake ana ke kanaka iaia na dala keokeo he umi i dala gula, aole loaa iaia ia mea ke ole oia e uku i pakeneta keu mawaho ae o ua mau dala keokeo           la. O ka rula maa mau keia o ka wawahi dala keokeo ana ma ke dala gula. Me he mea la, e uku aku ana paha oia he 50 keneta mawaho ae o na dala keokeo he umi, alaila, loaa mai iaia he hapalua kini hookahi. Nolaila, ua like ia me ka lilo ana o 10 la hana okoa o ke kanaka paahana, ame ka hapalua hou aku o kahi la hana hou aku. No keia mea i koiia ai na poe kakoo Dala Keokeo e paio maluna o keia ninau.

            Nolaila, he kau koho balota Peresidena ano nui ae keia e hoea mai ana ma Amerika.

 

Ka Bismaka Kak@@hoa no Enelani

 

            Ladana, Iulai 21 – He lono kai loaa mai, mai Hamburg mai, a i ke Keena o ka nupepa Sun o Ladana nei, e hoike ana, o ka manao mahope ae nei, oia ka manao a ke Keikialii Bismaka i hoopuka ai, a i apono ai no ka mea e pili ana i ko Europa kulana kupilikii:

            “Ke rula ia nei ka Enelani Kulana Kalai Aupuni, e kona pihoihoi, no ka hakoko a Enelani e kolia ai e paio aku me Rusia ame Farani. Ke hooikaika nei o Farani no ke Soudana: o Rusia hoi no Inia, a oiai, o Enelani ko laua hoa paio like: nolaila, ua lilo laua i mau koolua pili like i kahi ame kahi, me ka hana ole ia ana o kekahi kuikahi. O Aigupita, he kahua pookela loa ia no ko Enelani kulana, ma ka mea e pili ana ia Soudana ame Inia, a nolaila, oia ke kikowaena o na kalai Aupuni ana a Enelani: aole nohoi i hoemila iho keia kulana pihoihoi o Enelani, mamuli o ko Rusia kulana hope loa iho nei ma ka ninau o Aigupita. Aole o Enelani e haalele wale aku ana ia Aigupita, aka, aole nae i loaa iaia ka manaoio maoli ua lawa ia i hoa paio hakaka maoli no Rusia ame Farani, a nolaila, eia oia ke kaa-pa nei ma o a maanei, e loaa ona hoa nana oia e kokua. mamua aku nei no – a e manaolana nohoi kakou, ma keia hope aku – aole no e loaa ana, ma o Geremania la, ame Auseturia ame Hunegaria nohoi.

            “Aka, ke hoehaeha hou ia nei no ka poe Pelekane e kekahi manao hoopihoihoi hou. Aole lakou ke ku nei ma ka manao ana, aohe e hiki i ko lakou mokupuni poo Aupuni, ke hoomahinu ia e ko waho aku nei ikaika, olai, iloko o na makahiki i kaa hope ae nei, he nui na hana hou i loli ae, aka, o ke kulana palekaua o Enelani, ua mau no ia elike me ka wa mai o Welinetona. *  *  * Ua oi aku paha kona mau moku ma na kapakahakai o ko na Aina e, mamua o ko Rusia ame Farani, aka o ka mana a mau mana Aupuni nae nona na moku e oi aku ana, ma kahi e ikea ai ka lanikiia o ke kaua- oia hoi ke kowa kai Beritania ame ke kai Akau–oia auanei ke lanakila ana.

            “O ke aumokukaua wale no o Farani i keia wa ma ke kowa kai o Beritania, he hoa puikaika no ia no Enelani, a o ka hui ana o keia aumoku kaua me na aumoku kaua o Rusia ma ke kai Baletika, oia ka mea nana e haawi aku i ka hanu hope loa i ko Enelani noho mana hou ana aku maluna o na kai, e hooukaia ai keia hakoko ana.  Mawaho ae o keia oia kona kulana mokupuni, a he kumu hoopoinoia ia Enelani, mamuli o ke paniku ia ana o na lako ai e komo aku ana ilaila e kona enemi, nolaila, e konoia ana oia e haawi pio, ina e hiki ana i kekahi aumoku kaua lanakila ke paniku i ke komo ana aku o ka ai iloko ona.  Aole i nele ko Enelani ike ana i keia poino a popilikia hoi, a no ia kumu oia e hooikaika nei i ka hana ana a nui hewahewa kona mau aumoku kaua.  A ina e mau kona noho mana ana ma ke kai, alaila, o ka enemi e paio ana me ia, he mea pono iaia ke hookahuli koke i ke kaua moana ana e hoonee ana a i ke kaua aina, a e imi koke i ka olelo hooholo no ia ninau ma kahi i hoakoakoaia ai ka ikaika o na aa lolo hoohana oia Aupuni, oia hoi, o Ladana.”

 

KE KUMU E HOOHUI AUPUNI AI O HAWAII ME AMERIKA, A I OLE IA, ME ENELANI.

 

            Amsterdam, N. Y., Iulai 13.––Iloko nei o ke kulanakauhale o John W. Mason, kekahi mahiko ona miliona o Hawaii, ma keia la.  Ma kona wa i launa kamailioia aku ai no ka mea e pili an@i ka hoohui aina ame ka uwea telegarapa me Hawaii, ua olelo mai la oia: 

            “Ua manaoio loa makou, e holo ana la ka bila kanawai e ae ana i ka uku hoohoihoi ame ka pono kukulu uwea moana i keia kau Ahaolelo aku nei, a e lilo ana ia ia Mr. Spalding, ka mea i loaa iaia keia pono ame ka uku homau o $40,000 no ka makahiki mai ka Ahaolelo Hawaii mai; aka, ua nui ko makou hookunanaia, mamuli o ke komo ana mai o kekahi hui hou ma ia kahua hookahi, a nui ae la ka hihia, oiai e paio like ana keia mau hui a i elua no ia mau pomaikai hookahi no, a ua nele like nohoi laua.  Aka, ke manolana nei nae makou, e noonooia ana e keia kau Ahaolelo Nui ae (Congress) na noi a keia mau hui, ma ke ano hoohuiia laua i hookahi, a e loaa ana hoi ka pono hoomoe uwea, i hoomaka koke ia ai ka hoomoia ana oia uwea olelo.

            “Aole loa i hookuu iki na hoaloha o ka hoohui aina ma Hawaii no ia ninau.  Ua olelo mai o E. G. Hikikoki, ka Makai Nui o Hawaii i keia wa, a Ilamuku mua hoi o ka Repubalika o Hawaii, ma ke kakahiaka o ka la a’u i haalele aku ai (ia Hawaii) he manaolana loa kona e lanakila ana ka aoao Repubalika, a ma ia wa i manao ai ia e hooko hololeaia ana ke keehina hana i kukuluia e Peresidena Harisona a lilo no ko makou aina i hapa no Amerika Huipuia.  Ua hoike mai nohoi oia, ua oi aku kona makemake, oiai hoi he Amerika oia, e hoohui ia o Hawaii me Amerika, mamua o kona hoohuiia ana aku me kahi aina e ae:  aka nae, ina e hoole ana na Poo Aupuni hou ma ke kokua ana mai ia makou a hoomau no i ke keehina hana a ka ilio hanai ai ia, alaila, e lilo ana makou i poe kanaka Pelekane.

            “He uuku loa ko makou aina, no ka hiki ana e ku mau aku i Aupuni Repubalika kuokoa, oiai he nui maoli na lilo o ke kokua ana i kekahi pualikoa kumau, oiai nae, he mahele hana waiwai kaua kuwaho a kekahi poe; aka, he nui ia no ke ku ana, no na hana okomo nui maoli no nae ka lilo o keia.  E lilo auanei keia mau hoolilo dala ana a makou i mea ole, ma ko makou wa e hoohuiia ai me Amerika Huiia, a i ole ia, me kekahi mana Aupuni nui e ae paha.  Ma ke kau Ahaolelo o makou i pau aku nei, ua hooholo lokahi ia ka olelo hooholo e kakoo ana i ka hoohui aina, a o na kanaka ma na mokupuni (Hawaii) i loaa na pono koho balota, ua aneane lakou e lokahi ilke ma keia manao.”

 

UA UALA O REV. E BONA.

 

Ua Hoomaha aku la i ka Lahi ma kela ao.

            Aole o kakou kauhale e mau ana maanei, ke pa-e mau mai nei kela olelo i pa-e pinepine mai ia kakou, “O ka hana i loaa i kou lima e hana, e hana koke oe.”

            Ma ka po o ka Poaha la 23 o Iulai, 1896, ua oluolu i ka Mea Mana Loa ke kii ana mai i ka hanu oia o ka Makua Rev. Elias Bona, a hoomaha aku la iaia ma na keena nani a ko kakou Haku aloha i hoomakaukau ai no kakou.

            O kakou ea na mea i koe, e kaei i ka puhaka, e hooikaika, oiai ka la, no ka mea, he pokole ka manawa.

            Pomaikai ka poe, make, ke make iloko o ka Haku, he oiaio wahi a ka Uhane, e hoomaha lakou i ko lakou luhi, a  o ka lakou mau hana e hahai mahope o lakou.

            Ua hanauia o Rev. Elias Bond ma Maine, Mokuaina o Amerika Huipuia i ka la 19 o Augate, A. D. 1813, mai na puhaka mai o Elias Bono ame Rebeka Davis.  Ua hoonaauao ia oia ma na kula, a ua puka mai ke@ @a nui mai o Bowdoin College, A. D. 1837, a ua komo i ke kula kahunapule, Bangor Theological Seminary, a puka i ka A. D. 1840.

            Ma ka la 29 o Sept., A. D. 1840, ua mare oia ia Miss Ellen Howell, a na laua mai na keiki e ola nei ehiku, ame na moopuna he nui.  Mamuli o ko ke Akua leo kahea iaia no kana hana iwaena o keia lahui kanaka, no ka lawe ana mai i ka lamaku o ke ola, nolaila, ma ia mau la no, ua haalele ku oia i ka aina, na makua, a me na kini a pau, a au mai la i ke kai loa, a me ka ino o Lae Hao, a ma ka la 21 o Mei, pai mai ia i Honolulu.

            O kona hoa hele ma keia huakai, oia no na makua Rev. D. Dole, ka makua o ka Peresidena o ka Repubalika o Hawaii i keia wa ka makua Rev. J. D. Paris a me Wm. W. Rice, he kumukula, a me na wahine a lakou.  O ka makuahine Mrs. M. Rice wale no e ole nei o keia huakai i koe.

            O keia ka helu eiwa o na huakai a na makua misionari i hiki mai i Hawaii nei.

            Ia lakou i pae mai ai ma Honolulu o ka wa no ia a na makua misionari mua e halawai ana no ka Ahahui o ka Pae Aina, oiai aia iloko o Mei ka Ahahui ia wa.  Ua hooholo koke ka Aha e noho o E. Bond ma ka Ekalesia o Kohala Akau, Hawaii, kahi ana i noho hoomanawanui ai, e mahi ma ko ka Haku pa waina, no na makahiki loihi he 56 a oi, a hoomaha aku la.

            Ma ke kakahiaka Poaono, ua hoolele ke kapena iaia ma Paoo, he wahi kokoke ekolu mile mai Mahukona aku.  No ka nui o ka makani, aole i ku ka moku ma Mahukona kahi ku mau o na moku.  Ua pii wawae mai ka makua E. Bond a kahi i loaa aku ai i ka lio, no ka mea, elua wale no lio o Kohala nei ia wa.  Hookahi no na misionari, a hookahi no ke alii Naihe, a o Bond wahine hoi, ua lawe ia mai e na kanaka ma ka manele.

            Ma ka Poakahi ae, ua komo koke no oia i ka hana, ma ka hui pu ana me na kanaka.  A hala na pule elua, ua kukulu oia he kula ao kumu, o keia kula, he kula ao aku a ao mai, oia hoi, ua ao aku o Bond i na kumu a ua ao mai na kumu ia Bond ma ka olelo Hawaii.  Oiai o ka nui o na kula mai Awini a hiki aku i Waika, he 32, a pela no ka nui o na kumu ma kela kula kumu.

            Ma ka la 14 o Sept., 1841, ua kukulu oia i ke kula wae, kahi i hoonaauao ia ai na keiki he nui o Kohala nei.

            Ua lilo kekahi poe o lakou i mau koo no na hana o ke Aupuni o keia ao, a o kekahi poe hoi, ua lilo he mau alihikaua no na hana o ko Iesu Aupuni, a o kekahi poe hoi, aia ma na hana like ole.  Ua hoopau ia nae ke kula ma ka A. D. 1877, oiai i hoala ia ke kula olelo haole, ma Kohala nei ia wa.  O kana hana nui iloko o keia mau la mua, oia kona ao ana i ka olelo, a me ka haku ana i ka haiolelo ma ka olelo Hawaii.  Ua lilo ka makua L. Laiana i mea kokua nui iaia ma na hana o ka Ekalesia.  Aole emo a lilo o E. Bond ke kakaolelo akamai loa ma ka olelo Hawaii.

            Ekolu ana mau luakini i kukulu ai, elua he mau luakini Hawaii, i uhiia me ke pili la-i i hana noeau ia.  O ka lua nae o keia mau hale, ua hoohina ia e ka makani Kona mamua o kona paa ana.

            O ke kolu, oia ka luakini e ku nei i keia wa, he pohaku i uhiia me ke pili laau.  Ua paa keia hale i ka makahiki 1858, nona hoi na makahiki he 43 i keia wa.  Ua kukulu pu ia no hoi he mau hale halawai ma na apana.

            Ua hookomo ia iloko i ka Ekalesia na hoohanau he @@4@, a ua bapetizo@a @, na mea a pau i lilo no Iesu @.

            He nui kana mau hana kokua no ka pono me ka holomua o ko Iesu Aupuni iwaena o na lahui like ole, a o ka oi loa aku i keia lahui Hawaii.

            I ka piha ana o na makahiki o kona ola ana ma keia ao, i ke kanahiku, ua waiho aku oia i ka noho kahu ana no ka ekalesia ana i aloha nui ai, a ua kahea ia nu mea ekolu i kahu, a hookahi o lakou i ae aku, oia ke kahu e noho nei i keia wa, e pani i kona hakahaka.  Ua noho pu ke kahu hou me ka makua, no na makahiki he umikumamakahi, me eono malama a me iwakalua-kumamakolu la.

            Ua piha keia mau makahiki he umi a oia iaia, me ka ma’i kunu ikaika loa, i ka po a me ke ao, a me ia ano no a hala wale aku ia.

            Iloko o na makahiki elima i hala aku nei, ua moe mau oia ma kahi moe me na ehaeha he nui, e hoomanawanui ana i na pilikia, eia nae, aole i lohe ia kona leo ohumu a hoino aku i ke Akua.  O ka mea i hoea mai kona waha mai, oia kona hoomaikai aku i ke Akua, me ka ia ana.  “O ko ka Haku makemake ke hooko ia e pono ai, he nui ko’u makemake e hoi aku me ka Makua.”  Ma keia wa pilikia, aole oia i hoonele i na kokua no na hana o ko Iesu Aupuni, ua oia mau kona hoomahala ana i kona lima lokomaikai no ka hana a kona Haku.

            O kekahi mea i ikeia no Bond, aole oia he kanaka hoikeike iaia iho no kona mau kokua.  I ka wa i komo ai ke Kula Hanai o Hilo i ka pilikia, a nui ka pilikia o na kahu, me ka imi ana i kahi e pau ai kela pilikia.  Ua hoouna aku o E. Bond i ke dala e hoopau ia ai kela pilikia me ka papa pu aku, aole e hai aku nana ke dala.  Ua puiwa ka papa kahu, a ninau i ka mea nana ke dala i pau ai kela pilikia o ke kula, eia ka Lyman, “Na kekahi makamaka.”

            Ma ka hoike makahiki a ka puuku o ka Papa Hawaii imua o ka halawai o ka Aha Pae Aina, i kela ame keia makahiki, ua hai mai oia, “Na kekahi makamaka a mea dala,” me kona i mai na ka makua Bona keia mau dala, “aohe makemake o Bona e hai ia kona inoa.”

            Ku mau oia ma keia Ekalesia, he koa wiwo ole, e paio ana i ka paio maikai, a e alakai ana i kanaka iloko o ka hale lana o ke ola.  Aole no na hana wale no o ko Iesu Ekalesia ma Kohala Akau nei, aka, no na hana o ke Aupuni i ka wa o na Moi i hala e aku.  Ua kau maluna o kona poohiwi na hana o ka oihana hoonaauao ma Kohala nei, a ua ike ia ka holomua o na kula i kona manawa.

            Ua unuhi oia i kekahi buke no na kula, oia ka buke “He ninau no ka Palapala Honua Poepoe,” i lilo hoi i mea ao nui ia iloko o na kula Hawaii o keia Pae Aina.  Ma ka hooholo ia ana, e kuai ia na aina Aupuni i na kanaka, ua lilo o Bond i mea kokua nui i ke Aupuni, ma ke ana ana i na aina mai Awini a Waika, a no ka pomaikai hoi o ka Kohala nei poe, a no ka pono o ke Aupuni.

            I ka wa o Mr. Wm. Lee ka Lunakanawai Kiekie o ke Aupuni Hawaii, o ka makua Bond kekahi e kokua iaia ma ka hana ana i ke Kanawai Kivila, a ma ka hale o ka makua Bond laua i hana ai ia mea.  He makua o Bond i piha me na manao aloha no keia lahui a no ka hana aka Haku aloha.  O kana olelo hoolana “Mai paupauhao i ka hana, e noho m eka hoomanawananui, a na ka Haku o kokua mai.”  Ua hala o Bond, aka, o kana mau hana, ke ku nei he kia hoomanao e poina ole ai.  O ka nui o kona mau la o keia oia ana, he kanawalu-kumamawalu me umi-kumamakahi malama me eha la.  Ma ka luakini na hana hope loa no kona huakai, a hoi aku i kahi mau.  “O ka poe nui a me ka poe uuku ala no malaila.”  Owau ke hele aku ana i ona la, aole oia e hoi hou mai ana la’u nei.  Nana no i haawi mai a nana no i lawe aku.  E hoomaikai ia Kona inoa.”

Me ke walohia

S. W. KEKUEWA.

 

            Ma ka auina la Poaono aku nei, oiai ka mokupea Klikitat i haalele iho ai o ka awa nei o Kou no ka holo ana aku no Port Townsend, ua haawi hoailona hae aku ia ka mokukaua Amerika “Adams” e ku nei ma ke awa e hookaulua iho ua moku la @Klikitat@ i kaholo ana; aka, aole nae i mailuia mai ke telepone hae a ka manawa.  No keia hoolohe ole o ua moku ia, ua uhalia aku la oia e ka waapa mokuahi o ka manawa a loaa aku la @aho o ke kai holuohiu o Mamala.  O ke kumu o keia, ua manaoia ua mahuka aku kekahi mau luina o ka mokukaua maluna ona, ela nae i ka imiia ana aku nae o luna o ka moku, aohe loaa.  Ua hoi @ele mai la ka waapa mokuahi o ka manawa.

 

@Mai ka Aoao Ekah@

K@ PERESIDENA @ RAN@

            Parisa Iulai 14 – Ua @ Peresidena Faure i Champ@ ka paikau ana i na p@a@koa @ a komo aku ma ke ka@na pa@ wa no ia i oi@ mai ai kekahi k@ mai loko mai o ka puulu kanaka @ mai ia iaia i ka pu.  Aole nae @ Peresidena, a ua paa hoi i ka @ ka lima koko.  Ua olelo @ lima koko la, ua k@ aku oia i ka aohe poka o loko.  Ma ka wa i @ maopopoia ae ai o ka lehulehu @ ku ka Peresidena i ka poka, ua hae @ koke ia ae la na leo huro o ka @ hauoli o na kanaka.  Ma keia wa i @ puia ai ua Peresidena la, o noho @ oia maluna o kekahi kaa hama@ ukaii@a e M. Meliae, ke Kuhina @ ame Bois@efe ame Tourney.  He @ naka i aahuia me kekahi @ mai ka mea naha i kipu, he kanaka @ ia o 40 makahiki.  He elua manao @ kani ai kana pu panapana, mai @ kaulona ana imua ponoi o ka Peresidena.  O kona inoa o Fran@ hoao oia no ke kolu o ka manawa @ hou i ka Peresidena, oia @ na @ oia i ke @opuia.  Ua olelo ae ma @ oaa makemake e hoopoinoia ke @ ka Peresidena, aka, na makemake @ no @ e loaa ka hoolohe ia @ kana @oi, a ka Peresidena.

HE LEO KAHOAHOA MA@ KUHINA AMERIKA M@

            Wasinetona, Iulai @ ka @ a ka Hoku Ahiahi o keia @ kaka pokole ae o Kokua Kuhina @ wai Hamlin a i keia @ina la, no @ e pili ana i ke kahua a@aka!  A @ ke aoao Demokarata i hoohoio pela na moho i waeia.  A @ he @ o Hamlin no ka poe kakou Aha @ ma Kikako, nolaila, ua mana@ hoike pili Aupuni @ma ke ano @ wale no nae@ i hoike ae ai a @.

            “Aole e komo ana ma keia kau @ balota ae ka ninau pili kalai Au@ maoli.  Aka, o ka ninau e p@ ikea kona hopena, he ninau @ ia o ke koikoi ame ke ano @ ka hoomauia ana aku o ia oihan@ kulana Repubalika maoli, ua @ nui ia i keia wa.  He mea po@ ame keia makaainana kupaa oia@ hope o ka Repubalika e kue aku @ poe i alapohoia e ka Aha @ Moho Peresidena o Kikako, @ ka puulu kanaka kanawai @ oia @ kue loa ia i ke kulana o ka Repubalika @.  Nolaila, mai keia wa, aole pono ke @ loia, he Repubalika kekahi, a @e Demokarata kekahi, aka, e hui like na @ apau a kue i keia poe makemake @ haunaele.  Ma ka wa e kinai loa @ keia poe a make ma ka paha @ ka lahui piha inaina, oia ko kakou @ e hookaawale hou ai, a kamailio ka@ Aupuni hou kakou maluna o na @ i ku ai na aoao elua, iloko o na @kahiki lehulehu i hala ae nei.

 

MAKE KEKAHI ALAKAI KAULANA @ O NA KIPI O CUBA.

            Havana, Iulai 16.  Ua loaa mai a @ hoike mai Santigo de Cuba mai e @ oiaio ana i ka make ana o Jose Ma@.  Ua hooleia ka oiaio o ka oleloia ana @ make oia ma ke kahua kana, aka, @ hookolokoloia oia imua o ka Aha @ hookolokolo koa a kipuia, no ke kue @ i na kauoha a Calixto Garcia, ame @ apono pu ana a Maximo Gomez @ hooiaioia keia lono, ma ke @ e na leta i hoea mai Santiago @

 

KA BUKE K@GELA O NA ME @

Na Ouli Kupaiahaha o Ke Kanaka.

            Ke panee aku nei makou, ma keia wahi o ka makou p@ i kekahi mahele ano nei loa a makou @ loaa ana ka hauoli @a e ko makou p@ heluhelu.  Ua like no keia m@ na moolelo kaao e puka nei ma na nupepa i kela ame keia wa.  Aka, ma ka m@ naoio ana nae o ka poe kahiko loa @ Aigupita, Roma, Kaladea, H@ pela aku, he mau papa konana k@ hoike ana i na ouli hanau o ke kana@ i hanauia i keia ao.  Na keia am@ keia mea e wae nona iho, e malama @ e kiola aku elike me kona makemake.

 

NA POE I HANAUIA MAWAENA @ IANUARI 20 A FEBERUARI 18

            O na poe i hanau ia ma keia manawa @ ako loa lakou ma na hana kalepa @.  Oi loa ko lakou makemake a noho @ loko o ke kulanakauhale mamua @ wahi e ae kahi hoi e hiki ai @ lakou @ ke noho a paahana mawaena @ lehulehu, a me ia poe n e ho@ ai ka lakou hana.  He poe @ kalaiaina lakou mai ke hana@ mai, a iloko o na la o ko lakou oia @ kekahi mau manawa kuikawa.  @ mau kulana ano nui ma ka @ kulai Aupuni.  He poe kanaka @ loa lakou ma ka hoopukapuka @  He poe makemake loa nae lakou @ hoohiehie ana a he mea keia no @ e ohohia ia ai e ka @ lawelawe i na hana mekanika @ ke kamana, ka amara, ame @ ano like.  O ka hana kupono @ lakou oia ka oihana kalepa @ lolo.  He poe maikai keia o na @ ana no ke ano o na kanaka @ o ko lakou ike ana i na @ ia mau mea auanei e rula @ mau kulana ha@ ia @ kanaka a wahine oluolu, @ wahine manao paulele i ko @ hoa i berita ia ai ma ka @.

            O na ma i mau e @ ana @ ka rumatika, ka paha ame @ lele @ kekahi wa e @ ma’i, mamuli o ka nawaliwali @ ame o ke koko.

            He mea maikai no lakou ka @ poe i @ mai ka la @ Dekemaba a ka @ 2@ o Okatoba @ mai ka la 2@ o Mei a ka la @ o @.

            O ko lakou mea manawa @ hana, k@ lawelawe i ke@a @ kahiki, mai ka la 21 o Mareki @ 21 o Aperila, mai Novemaba @ Dekemaba 21, mai @ a @ mai Sepetemaba @ a @ Okatoba @ na wa hope nae elua, i hoikeia @ na wa maikai loa o @ maka ana @ hana i kekahi @ nui, e ina ka @ ana, ko kuai @

             aina, a pela aku.  @ loa aku @ ana he poe hele puia @.

            O na la paka@ki a poino @ poe ana ia mai Iulai @ a @ @ Oka@oba 23 a i Novemaba 2@.  A@ a i Mei @. E makaa@a loa @ no na ma@ o ka puuwai i keia mau @awa i hoikeia a@ la.