Ka Nupepa Kuokoa, Volume XXXV, Number 32, 7 August 1896 — HE KANAKA AAHU ELEELE Ka Hookalakupua Hou Loa i keia mau la. [ARTICLE]

HE KANAKA AAHU ELEELE

Ka Hookalakupua Hou Loa i keia mau la.

No kekahi manawa lehulehu wale i kaa hope ae nei i ke ao ame ka po i ike ia ai kekahi wahine aahu eleele e maa - lo ana ma na alanui o loko nei o ke kulanakauhale, ma na wahi kokoke i na pa ilina kupapau ame kekahi mau wahi e ae. Ua nui ka poe i ike i keia wahine a i leamailio pu me ia. Ma lee kakahiaka Poalima aku nei, ua ike kekahi kalaiwa (driver) kaa i ua wahine la e pii awiwi ana ma ke alanui Nuuanu. Ua alualu oia iaia, eia nae ua palamimo iho la ua wahine la ma ke alanui Kahunapule, a i ko ia nei hahai ana aku hoi mahope pono akū o ua wahine la, ua komo aku la oia ma kahi alanui ololi o Frank Damon, a no ia mea ua holo loa mai la ke kalawaia kaa. Ma ke kakahiaka Sabati nei hoi, hora 4 paha ia, uā. ike aku la kekahi mau kanaka opio elua maluna'o kekahi kaa bage i keleahi kanaka i aahuia me ka aahu eleele, ma ke alanui kau aoao e hana hou ia nei ma ka aoao mauka o ke alanui Moi, e maalo ae ana ia ma ke kua aku o na puu one i hoopuupuuia malaila. I ka ike ana o ua kanaka aahu eleele nei e nana pono ia mai ana ia e na kanaka elua o ke kaa bage, ua hoala ae la ia i ka a-i o kona kuka a ku pololei iluna. Holo aku la keia mau kanaka maluna o ko laua kaa a ma ke alo mai o kahi a ua kanka la e.ku ana, lele iho la kekahi o laua ilalo niai luna iho o ke kaa, a hele aku la e nana pono i ua kanaka aahu eleele nei, eia nae ua holokiki aku la ua kanaka nei a hoea i ke kihi o ke alanui a holo aku la i uka o ke alanui Alakea, oiai hoi ke kanaka mai luna aku o ke kaa e alualu paukiki ana iaia. Ua nalowale ua kanaka la. Ma keia alualu ia ana o ua kanaka la, o ka paele nou popo kekahi, nona ka inoa o Wood, a o Willie Sumner kekahi; aka, he keu keia o ke kanaka aahu eleele mama nui wale. Ua oleloia, he wahi kanaka kino pahaahaa wale no keia, he pilalahi nae kahi kino, aohe umiumi o ka auwae. He kuka kanahai pihi palua kona, a he eleele holookoa kona mau lole apau.

Mamuli o keia mau hookaulana pahaohao e laha mai nei mawaena o kakou, ua hoomanao ae la makou i ka wahine aahn keokeo i ikeia ai ma Kau i kahi wa 1 hala lilo aktt nei. Ua alualu ia nohoi ia wahine e na,paniolo hoohei pipi o ia mau kaiaulu aohe no he loaa, a oia ka wahine nana ka olelo wanana kaulana i hoike aku ai imua 0 kekahi poe ma Kau ma ia wa, me ka i ana: "E! Aohe o kakou aina. Ua lilo ka aina o kakou i ka haole." A eia hoi i Honolulu nei keia mau kupueu e hoomaikeike mai nei. Ina o ka hoolilo ana'ku ia $100 i mea e hoopaaia ai ke ola o kekahi ohana mai na umii ana mai a na ma'i o ka opu iloko o ka makahiki, alaila, e lehulehu auanei ka poe e manao ana he hana ia 1 kau iho maUina o lakou, e uku aku lakou ia huina dala; oiai, aole hiki ia lakou ke hoomaunauna wale aku i ko lakou mau ola, a pela hoi me na ola o ko lakou mau ohana no ia huina dala. E loaa ana i kela ame keia mea hoopaa ola no 25 keneta, oia ke kumukuai no ka omole hookahi o ka LAAU HOOLA KORELA A KAMALENA. Aneane ma na wahi apau, ua make kekahi mea mamuli o ka loohia ana i kekahi ma'i o ka opu mamua o ka loaa ana o kekahi laau, a o kekahi kauka paha. E hiki ana anei ia oe ke hoomaunauna wale i kou ola mamuli o kou ole ana e haawi i keia wahi huina dala uuku loa? E kuaiia ana e na mea kuai laau lapaau i o na ano apau, oia o BENSON, SMITH ! & CO., na Agena ma ko Hawaii Pae Aina. *