Ka Nupepa Kuokoa, Volume XXXV, Number 33, 14 August 1896 — HE MOOLELO NANI NO LUBIANA KASIMILA, KA NAITA O KA LIONA GULA O BOHEMIA. A I OLE Ka Hui Naita Eleele o ka Lima Ulaula. [ARTICLE]

HE MOOLELO NANI NO LUBIANA KASIMILA, KA NAITA O KA LIONA GULA O BOHEMIA. A I OLE Ka Hui Naita Eleele o ka Lima Ulaula.

MOKUNA I. Kahi Pupupu-hale ma ka Mauna— Ka oiwi nona ka nanea—Ka £saita Eleele—Ka hooliuliu hakaka. Aia hoi, ua lele iho la ua Naita Eleele nei ilalo mai luna iho o kona lio; a hele mai la oia no ka halawai ana me Manafereda ma. Ia wa i wehe ae ai oia i kona papale kila mai kona poo ae, a waiho molaelae mai la kona helehelena ui, a nanaina kuoo hoi. He lauoho uliuli kona, e momoe mimilo ana maluna iho o kona poo, i hanaia hoi me ka maiau loa. Aole i hoea aleu kona mau makahiki i keia wa i ke kanaha. I kela wa i ku ai o Manafereda iluna me ka hikiwawe loa, a hooho ae la me ka hoihoi nui: "O oe ka ia, e kuu Mamiona! Mai— aloha oe. 0 keia kanaka opio oia no o Luhiana Kasimira, kuu hoa pili o keia nohona maka-nahelehele; a nona hoi au e nonoi aku nei ia oe, e lilo olua i mau hoahanau i kahi ame kahi." Oiai hoi ua hemo ae la na mileinilima kila mai na lima ae o ka Naita Eleele, a kaua hoi, e kuu makamaka, e hoōmaopopo nei, a e ike nei, o Mamiona kona inoa, ua haawi ma! la oia i kona lima akau o ke aloha ia Luhiona Kasimira, ka oiwi nona keia moolelo. Ua halawai ae la na lima o ua mau kanaka nei, a ua nana aku la hoi kahi i kekahi. 0 Mamiona nae.. ua haawi ! mai la kona mau kiionohi i na noii kuhohonu ana maluna o Luhiana Kasimira me he mea la e huli pono ana ia i na aoao apau o kekahi nanehai malihini i halawai aku me ia. 0 Mamiona nohoi kekahi, ua nana aku la oia i ke kanaka o ka aahu kila eleele e ku mai ana imua ona, a kupu koke ae la ka makemake iloko ona no ua Niiita Eleele nei, oiai ua ike aku la oia ma kona mau helehelena, he kanaka ia i hoopihaia me ka hoopono ame ka oiaio, he puuwai kona i lupeaia me na haawina o ka waipahe. Oiai no ua Naita Eleele nei e paa ana i ka lima o Luhiana, ninau mai la ia: "E Luhiana Kasimira, heaha kou manao no ko'u helehelena?' I kela wa i pane aku ai ke kanaka opio, me ka umamalu ole ana iho o na haawina ohilahila maluna ona: "Ke manao nei au, he helehelena ka'u e ike nei no kekahi kanaka puuwai hoopono. A o ke kanaka nona keia mau helehelena a'u e ike nei, he kanaka ia i hiki ia'u ke pauleleia ma na ano apau a hoea i ka luakupapau." "E lawe aku oe i kuu mahalo ana. Aole au i haawi aku ia oe i keia mahalo ana, no ka noeau o kau mau huaolelo i haawi mai nei imua' o'u, aka, no ka hoike ana mai o kou lunamanao i ka mea oiaio maoli mai kou puuwai mai." Alaila, hoomau hou mai la oia i ke kamailio ana imua o Luhiana: "Ke haawi aku nei nohoi au i ka paulele ana maluna ou. Aka, ke hoike aku nei au ia oe, nou ponoi ka'u huakai o ka hiki ana mai la i keia wahi. I kii mai Ia au ia oe e lawe ia oe mai keia wahi aku; aka, mamua nae o ko'u pahola ana aku ia haawina imua ou. ua makemake au e hoao i kou ike ame kou makaukau ma ka oniu ana i na mea kaua. Nolaila, e hele oe e hoomakaukau ia oe iho. 0 ka kaua paio mua loa e paio ai, oia ka maka ihe ame ka palekaua; a e aahu oe i kou aahu kila mai luna a lalo. Oiai hoi oe, e hoomakaukau ana ia oe iho, e noho au maanei me Manafereda a hiki i kou huli hoi ana mai. I ka wa a ua Naita Eleele nei i kamailio mai ai i keia mau huaolelo, ua nana mai Ia oia me na maka o ke kenaka koa e ku ana ma ke kahua mokomoko; a me he mea la i hana mai oia i keia hana, i mea e maopopo ai iaia, aia paha iloko o Luhiana Kasimira ka houpo o ka wiwo ame ka hohe wale. Aka, heaha la nae kana mea o ka ike ana mai maluna o ka oiwi ame ka helehelena o ka haumana a Manaferela? Ike mai la ia i ka uila ana ae o ka hoihoi ma na onohi maka o Luhiana, a ua haawi pono ae la hoi oia i ka hoomalo pono ana i kona kino; a he mea oiaio, he kulana kilakila kona me I ka hanohaweo. A ia wa oia i pane aku ' ai imua o Mamiona: "E Mamiona, kuu hoaloha maikai, ke ae nei au i kau noi, aole mamuli o ko'u lilo ana he haumana a he keiki na !

kuu Manafereda maikai nei, aka, no ko'u ike ana, he hiki ia'u ke paulele maluna ou, nolaila, e hele io ae au e hoomakaukau ia'u iho, no ke ana laau ihe ana me oe." la manawa i huli ae ai ua kanaka opio la, a hoi aku la no kahi pupupu hale. laia i hala aku ai, kamailio mai la o Mamiona ia Manafereda:' 'Ma o Mikaele hemolele la! Ke alii anela pomaikai!! Ina o ka hopena o ka maua hakoko ana, e hoea aku ana ia i ka pahu hopu o ka'u mea e ike nei ma ria maka o kela kanaka opio, alaila, ua loaa iaia he ola e hiki ai ia'u ke komo aku ma ka hana a'u i hoohiki ai me ka hoihoi nui, me ka manaolana ikaika. He oiaio, i keia hora i loaa ai ia'u he puuwai hou a he ikaika hou." "E kuu hoahanau o ke apo aloha hookahi, e kali oe a hoea i ka wa e napoo ai ka la i nei ahiahi, o kou wa ia e hai mai ai i kou manao ia'u no Luhiana," wahi a Manafereda i pane aku ai ia Mamiona. Oiai hoi e kamoe pololei ana ko Ruhiana mau kapuai ma ke alahele e hoea aku ai no ko laua wahi pupupu hale, a i kona hiki ana mawaho pono iho. ua huli akau ae la ia a hele. aku la no ke kumu o ka mauna e ku ana ma ke kua aku o ka hale. Hele aku la ia a hoea aku la ma ka waha p kekahi ana nui. He hale lio keia i hoea aku ai oia. Kahea aku la hoi oia: "E Babolo!" Lohe ia aku la ka uhuhu ana mai o kekahi lio iloko lilo loa aku o ua ana la, a lohe pu ia aku la hoi ke pohapoha ana mai ame ka halulu o na keehina ana ona wawae oua lio la. Ua kii aku la hoi o Luhiana i ua lio la a lawe mai la iwaho. He lio hulu lokia keia, a he maikai hoi kona kino. E like me na hiona eleu. wiwo ole a kulana hiehie e kau ana maluna o kona kahu, nela no kona ano apau ke ike aku. 1 kela wa hoi kamailio aku la ia: "E Babolo, ka mea a'u i haaheo ai ma ke ano, o oe ka makani puahiohio o na ululaau o Bohemia nei, he hana ka kaua e hana aku ai i keia wa. O ka Naita Mamiona ko kaua hoa paio i keia !a, aole hoi o Manafereda. He laau ihe hou, halawai aku ai, nolaila, e paa oe a paa i kou kulana, ma kou oni ana. ma kou lele ana, holo ana a ku ana hoi, mai ae ilii oe e kapeke kou mau kapuai. Ke hana oe pela. alaila. owau ka hoi ka mea aloha; aole loa ana au e kupono ke. lilo i Naita no Bohemia nei. Ke paa kou kulana, e kuu hoapili, kuu hoaloha hoi, aole loa auanei e hoopahua ia na pahuna ihe a kou haku." 0 keia na olelo kanaenae a ka kaua hiwahiwa i lu aku ai maluna o kona lio, ka mea nona ka inoa a kaua i ike ae nei o Babolo. Nolaila, hoomaemae iho la oia i ua lio la ona, halaki ae la i koha hulu, nana iho la i kona mau kapuai hao, na maka ame ke kino holookoa no o ua lio 3a. Alaila, hauhoa na pono kaua maluna o ua lio la, a i ka paa ana o na mea apau, aole wahi hemahema i koe, ia wa i alakai mai ai oia i via lio la a kukvilv\ iho la mawaho o kahi pupupu hale, oiai hoi oia i komo aku ai iloko no ka aahu ana i kona mau pono kaua. Maanei e kuu makamaka heluhelu, e hookuu ai kaua i ke kamailio ana no Luhiana, a e huli-ae kaua a nana ia Manafereda ma ame ka Naita Eleele, oiai laua e noho ana maluna o ka pohaku. Ua ninau aku la o Manafereda ia Mamiona: "A eia no na 'lii Sakona ke nohoalii mai nei no i keia wa?" "Ae," i pane mai ai o Mamiona, me ka hoomau ana mai i ka olelo, "aka nae, aole paha e loihi loa ko lakou lanakila ana ma keia hope aku. Ua paa ka manao o ka Emepera i keia wa e lele kaua aku maluna o lakou, a ma ia hoouka kaua ana e ikeia ai ko lakou lanakila, a o ko lakou pio ana paha; nolaila, eia oia ke houluulu. nui nei i kona poe koa a akoakoa i kahi hookahi. 0 ke kumu nui o kona ka'ulua ana mamua aku nei, oia ke kulana paonioni mawaena ona ame, Hildehrand; aka, i keia wa nae, ua pau kona nana ana aku ia pilikia, a ua makaukau oia i keia wa e hoopio i keia poe alii Sakona haakei. A e hai aku hoi au ia oe, e kuu makua maikai, i ka wa e lokahi like ai o Geremania mahope o Heneri, ka Emepera, e ike auanei kaua i ka la e hoohaahaaia ai keia poe ilio meeau, a oia ko lakou manawa e hoopepe ai a e noho malie ai hoi. He haaheo loa nei poe alii, no ko lakou kulana alii, a ma ko lakou wa e lokahi like ai a kuee ole lakou i kahi ame kahi, e mau ana no ka mana iloko o ko lakou lima, aka, ma ka wa e momoku ia ai a kaawale ke kaulahao e hoopaa ana i ko lakou noho lokahi ana, oia ka wa a Heneri e hoonaauao aku ai ia lakou, oia no ko lakou haku. Ma ka wa. hoi e ike ai lakou ua hoauhee liilii ia ko lakou mau pualikaua, alaila, hookahi wale no a lakou mea e hana ai. oia ko lakou kiai makaala ana i ko lakou mau hale kakela ame ko lakou mau kulana alii; a no keia mau pomaikai auanei o lakou e konoia ai lakou e hoohiki malalo o ka Emepera o Geremania." Pane aku Ja hoi o Manafereda: — "Aole no he maopopo iki ia'u o na mea e hanaia mai nei mawaho aku o keia mau ululaau. He nui nae ko'u hilinai Ika Emepera Heneri. Ke noi mau nei au i ke Akua, e lanakila oia maluna o kona mau enemi." 1 kela wa hoi i huli ae ai o Mamiona a nana aku la i kahi pupnpu hale a oia kona manawa i hooho ae ai:

"E! E nana aku oe i kela hiohiona nani e nee mai la mai kahi hale mai o olua. 0 Luhiana anei kela?" "Ae; oia no ia," wahi a Manafereda i pane mai ai. He oiaio, ua makaukau ka kaua koa opio, e kuu makamaka heluhelu, i keia "wa, a oia no keia hololio kilakila e nee mai nei, me ka hiehie nui. O ko Luhiana aahu kila i komo mai ai i keia wa, ua hanaia ia e kekahi kanaka kui-ho ua hanaia ia e kekahi kanaka kui-hao akamai loa mai Dameseko mai; a he kaikahi loa na Naita maloko o Bohemia a ma Geremania nohoi apau i loaa keia ano kapa kila. Ia Mamiona i ike aku p.i i ke kulana hiehie o ke koa opio, ua komohia koikoi iho la ka mahalo iloko ona, a hoomaopopo pu iho la hoi! oia, e loaa ana iaia, he paio hahana - ana, me ke koa opio o na lae laau o j Eohemia. j (Aole i pau). j