Ka Nupepa Kuokoa, Volume XXXV, Number 33, 14 August 1896 — He Mare Wainohia. [ARTICLE]

He Mare Wainohia.

Ma ke ahiahi Poaono aku nei i malama ia ai he anaina mare wainohia maioko o ka luakini o Kawaiahao, mawaena o Miss Esther Holo Kamana, kekahi o na haumana o ke kula kaikamahine o ke kula o Kamehameha, ame John J. Wahinemaikai. Na Rev. H. H. Paleka i iawelawe i na hana o ka berita ana me ka maikai. Mahope iho 0 ka mare ana, ua hoi aku na mea mare a ma ka home noho o na makua o ka wahine ma Alanui Pai Palapala. Malaiia i hohola ia mai ai he papa ahaaina Hawaii imua o na hoaloha he 300 a oi 1 akoakoa aku. Na haumana o na Kuia Kamehameha ame na kumu kekahi i hoea aku ilaila. He nui na makana i loaa aku i na paa mare. E na opio! E malama i ka pono ame ka maemae, a e pomaikai auanei, me ka oluolu, na la o ko olua noho ana. E aloha i na wahi hulu makua o ke kino.